المال ... زينة / وسخ ... الدنيا

[Salah eddin]

-
ههههه
نتا نسيت أنو باع الكاتكات بـ 360 مليون و باع الأرض بـ 300 مليون ؟
المهم .. بين الشرا و البيع و التفرزيع و شوية من هنا و شوية من لهيه .. و كمية يتكرّم بيها و أخرى يبرّح بيها .. و هكذا و هكذا حتى وين خلّص على كل دورو و رجع آزيرو ..
يا خويا هذا عجيب .. ما تهنّاش حتى هلكهم على آخر سنتيم !! .. واقيلا هذا لمدعوي من جماعة هاذي المقولة : (الدراهم وسخ الدنيا) .. و هكذا كيما قلت ما تهنّاش حتى قضى على لوسخ .. ( هههه ) ​

على حساب صاحبنا المدعوي ... الدراهم مش وسخ الدنيا ههه
الدراهم قوفريط الدنيا
ههه​

 

[خووخه]

وعليكم السلام ورحمة الله وبركاته
أخي الكريم @Salah eddin
لا شكّ أن المال مِلكٌ جميل
ومن منّا قد يكره الحياة الدنيا وزينتها والله تعالى يقول:
(المال والبنون زينة الحياة الدنيا)
نعم المال نعمة ووسيلة للحياة المُريحة ومتطلباتها والعيش الهانىء
ولكن حينما تحيد هاتان النعمتان عن الطريق المستقيم تُصبحا وبالا على صاحبها
وفي القرآن كثير من القصص التي أشارت إلى ذلك
....
كثيرا ما نُردد عبارة وسخ دنيا حينما نجد المال قد فرّق بين الأهل والأقارب
أو حينما نجد أحدهم قتل آخر بسبب المال
أو حينما يحتقرنا أحدهم لأننا لا نملك المال
أو.....
أو.....
إذن هي نظرة خاصة بسبب المواقف التي تتغيّر فيها النفوس بسبب المال
....
تقديري وامتناني


​

 

[عبدالرؤوف]

وعليكم السلام ورحمة الله وبركاته حياكم الله جميعا.
هو وسخ لمن لم يجعل صفاء وينجبه من صفاء ويصرفه في صفاء
اما من انجب ماله من كده وعرق جبينه
وهو انبل عرق وصرفهم في الخير على من يعول وعلى كل من استطاع ان يمنحه
وانبل المال ما كان يوصل للجنة اما ان كان فيه ما فيه من ربا او مال حرام فهو نجاسة .

 

[عبدالرؤوف]

السلام عليكم
يا صلاح خدمتهالك اسيدي قول ليليا اعطاتني الإلهام نكتب الفكرة كي عايرتني بودراهم اضافة لونساوي

نجو للصح الدراهم هوما كل شي وشفتها من روحي المرض لازملو دراهم .....يجيك ضيف تروح ضيف لازم دراهم ....مناسبة فرح او قرح أو دير واجب لازم دراهم ماكانش حاجة باطل وخلي قيمتك بين الناس شوف حتى الجنازات المرفه الطريق تنقطع عليه والزوالي ربعة رافدين النعش يا حسراه الفرق يا صلاح
راني في شهر نروح ونولي للسبيطار باه ندير عملية رجلي راح تتكسر قالك ماكانش فرامل ما عندنا ما نديرولكم كي درتلهم شقلالة قالي روحي ديريها فالبريفي كي خفت تتكسر رجلك هذي من التالي رفدت روحي زدت يومين خدمتلي قلت نروح نسقسي برك ياااا صلاح مسمار 12 مليون وخلي نبات ليلة وحدة بعد العملية ونخرج مش هذي االلي همتني نمشي ونهدر وحدي قلت يااااا صح لو دراهم كاينة لو درت عمليتي نخلص ندخل ديركت نديرها ونتهنى السبيطار نتاع باطل ماكانش فرامل وغلقو السيرفيس وزاد الإضراب هنا نقول الدراهم زينة الحياة لأنو دراهم خلاوني هاما الشفا من ربي بصح تسعى لو درت عمليتي مش راني كل مرة نتكسر
والحمد لله
الله يرزقنا ويرزقكم ويمدنا ربي باه نصدقو منهم ونكفو انفسنا ماشي نجهلو بيهم خاطر دراهم بزاف وواحد فاسد يولي جاهل
شكرا ومن بعد ابعثلي سيلفي مع 200 ههههه

نسال الله ان يشفيك وان يغنيك من فضله انه جواد كريم