ارواحوا تضحكوا علينا

جميلة أنا

:: عضو مُشارك ::
إنضم
1 جانفي 2018
المشاركات
441
النقاط
41
محل الإقامة
باتنة
الجنس
أنثى
بعد التحية و السلام على جميع اهلنا الأعزاء

اليوم جيناكم باه تضحكوا علينا:ROFLMAO: ههههه نقصد معانا :sneaky:هههه
اليوم ندائي في الموضوع هذا لجميع المتزوجات هنا في المنتدى:p:p الي نعرفهم اني نعيطلهم و الي منعرفهمش نعتذر منهم و نطلب منكم يا القافزات :sneaky: تعنا تستدعيوهم باه تحلى القعدة ;)

موضوعي لليوم هو الاحداث المضحكة و المخجلة الي صراتلك مع اهل زوجك و زوجك :oops::sneaky::ROFLMAO: خلينا نضحكوا شوي بعضانا بشرط غير تخرجوا من موضوع انساونا هههه:X3::X3::X3:
نتمنى تكونوا فهمتوا الموضوع :sneaky: ....
و باه نخدموا شوي القافزات تع المنتدى باه متقوليناش اني عازبة جيت نطل برك:cautious::cautious: لازم عليك تحكيلنا اي حكاية بلاك صرات مع اختك مع صحبتك مع امك :ROFLMAO::ROFLMAO::LOL: المهم ضحكينا كيما ضحكناك :p:p:p
فهمتي يا شطورة :cool:
راه نبدا انا راس المشاكل:eek: و المحاين:cautious: هههه
ايا فات عليا عام و حكايات اكثر من عام هههه:ROFLMAO::ROFLMAO::ROFLMAO: كل مرو نتفكر اني نحطلكم حكاية :unsure:
راح نحكيلكم اليوم زوج حكايات الاولى مع زوجي و لخرى مع خال زوجي :ROFLMAO::ROFLMAO::ROFLMAO:
اولا :X3::X3: :oops: حشمت تضحكوا عليا هههههه
في الاشهر الاولى تع زواجي ايا جات ليلة عيد ميلاد زوجي درتلوا حفلة مع عايلتوا تعشينا و سهرنا كامل و طلعنا لدارنا الفوق ايا وصلنا هو ظهرلوا نلعبوا لعبة:oops: ايا لعبنا action et vérité سؤال و جواب و الي مجوبش يدير action زهري طاحتلي action قالي البسي واحد سندالة تعي عالية بزاااف و احبطي بيها للكوزينة تع دارهم نجيبلوا الماء:eek::eek:( رغم انوا عندنا كوزينتنا على اساس حنا ساكنين فوق دارهم) و انا للأسف منعرفش نلبس العالي:sick:
لبستها و بديت نمشي موصلتش للباب تع hole و نجيب فيها وحد الغبطة تع.... و هو :ROFLMAO::ROFLMAO::ROFLMAO::ROFLMAO: مسكتش و انا:mad::mad: ايا من هذيك االيلة وانا نهرب كي يقولي نلعبوا ههههايا نجيو للسكاتش الثاني ،ولا نسميه البخصة :ROFLMAO::ROFLMAO::ROFLMAO: كنت على الصباح نخدم في الميناج تع الدار و انا نشتي نتمهبل في داري كنت لابسة وحدة البياجة تع الارنب و مدايرة القطاتش:geek: و مدايرة موسيقا زومبا ندير في sport مع الفروطوارo_Oo_O اكو متخيلين الفروطوار يلعب في الهواء و انا نتلاوح :ROFLMAO: ايا هكاك في هذيك الحالة ظهرلوا راجلي يطلع عندي خالوا الكبير جاء ضيف و جامي شفتوا و بدون مايقولي :( دخل هو و اياه و انا مسمعتش الباب اصلا ...:X3::X3: و يدخلوا عليا هكاك بعد :sick::sick: ملقيت منقول و راجلي وجهوا ولا :mad::mad: و خالوا حسبني بنت سلفتي :oops: جريت طفيت تلفون نطق خالو قالي وش مماك ....(سلفتي) اي هنا قوليلها او جا خالوا....:cry: انا ملقيت منقول :rolleyes: نطق راجلي قالوا اها خالي اي المراة:eek: من دهشة نحيت القطاتش :devilish: و قدمت عندو سلمت عليه كي فاق مات بالضحك قالي هذي انتي ههههههه

هذو جزئين لليوم الباقي يأتيكم الأيام القادمة هههه الآن دوركم شطورات ههههه
نتمنى تشاركونا :giggle::giggle:
 
آخر تعديل بواسطة المشرف:

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
46,143
النقاط
821
محل الإقامة
الشرق-الوسط
الجنس
أنثى
وعليكم السلام ورحمة الله وبركاته
اهلا وسهلا بيك اختي مادام الموضوع خاص بالنساء والبنات نقلتو لمنتدى عالم المرأة خير يبقى مستور هههه
اواه انتي عندك مغامرات كبيرة ههههه ضحكتيني ربي يسترك
تاع الصوندالة وتاع بيجاما الارنب لي قاتلهم اسكتو خخخ
شوكيتي خال راجلك يحسبك بنت سلفتك
في دار شيخي صراولي بزاف مواقف يضحكو
بحكم عاداتي وعاداتهم ماش كيف كيف فيصراو اختلافات في الاكل في امور بزاف
تفكرت مرة مرت سلفي
كي جيت لدارنا جبت معايا القرنون
وفي دار شيخي عمرهم كلاوه
مالا طيبتو سلاطة مرت سلفي بدات تاكل وتحشي في فمها بالريشة:ROFLMAO::ROFLMAO::ROFLMAO::ROFLMAO::ROFLMAO:
كلاتو هاكاك بالريش كامل
حتان نلقاو فيها جايفة وتقول الما الما
مقدرتش نحكم روحي من الضحك قاتلي قريب متت بسبتك
قتلها وعلاه القرنون يتكل كامل هك خخخخخخخخخخ :ROFLMAO::ROFLMAO::ROFLMAO::ROFLMAO: من وقتها نشوفو القرنون نجبدو الحكاية

مرة كنت عروسة وفي عادة اهل راجلي
لعروس كي تدخل لدار اول مرة يجيبولها كاس ما وسكرية فيها السكر
مالا رحنا عند خالتهم بقيت نخزر مفهمتش قالولي اشربي :unsure:
مالا رحت سكرت الكاس تاع الما كامل وماجيت نشربو لابسيف o_Oo_Oo_O
مباعد باه فهمت بلي نلوح مغرف سكر برك في فمي ونشربها بالما
:ROFLMAO::ROFLMAO::ROFLMAO::ROFLMAO:
كي نزيد نتفكر نولي
@لؤلؤة قسنطينة
@فيتامين سي
@Twinkle Stars
@fadwa maria
@دعاء الجنات
@عاشقة الإحسان
@زهرة البليدة
@آمِيْرَتُه

@yaso ياسمين
@Malika Tlm
@أم منيــــــر
@كارلا
@قمر الوادي
@بشرى ملاك
@ميلينا
@لاريمان
@الورد الأحمر
@missing heart
@بثيــــنة 19
@أشــواق 19
@ضيوف وسـنغادر
@البدر المشرق
@"viola"
@zohor kfz
@فيتامين سي
@زهرة البليدة
@الصحافية الساخرة
@لؤلؤة قسنطينة
@زهور الشوق
@طيب الكلام
@Soumia hadj mohammed
@دعاء الجنات
@chirine zina
@بنقابي افتخر
@Lovely ღ smile
 
آخر تعديل:

جميلة أنا

:: عضو مُشارك ::
إنضم
1 جانفي 2018
المشاركات
441
النقاط
41
محل الإقامة
باتنة
الجنس
أنثى
هههههههههههه وحدك وحدك اختي @أم ياسمينdz درتي شاربات باردة و شربتيهاهه:ROFLMAO::ROFLMAO::ROFLMAO::ROFLMAO::ROFLMAO:
و هذيك القرنون بالريش :ROFLMAO::ROFLMAO::ROFLMAO:
والله لا غير ضحكتيني ربي يخليك :giggle:
و متشكرة على نقل الموضوع (y)
انا على الماكلة في شهري الاول دخلت لكوزينة عجوزتي و راجلي كان خدام اول مرة نطبخلهم :sneaky: اكي تعرفي الخوف و الارتباك و زهري خرجت عجوزتي من مطبخ خلاتني وحدي :sneaky: بديت يالا و نويت نديرلهم كسكسي بديت نصبت اللحم و ربطت الكوكوت و حطيتو يطيب و خرجت من كوزينة فرحانة:LOL: ايا ساعة رجعت لقيت المرقة وجدت فرحت لقيتها بنينة :D طفيت ضوء و خرجت.ايا أذن المغرب دخل سلفي حب يتعشى قلت نحطلوا انا رحت للكوزينة و نتفكر بلي كسكسي مدرتوش خلاص :sick::sick::sick::sick: مفورتوا موجتوا نسيتوا خلاص:X3: اااااااااo_Oo_Oo_O حكتني الدوخة و الدمعة:cry: دخلت عجوزتي عندي بديت نبكي :cry::cry: قاتلي وش بيك قتلها ولات تضحك :LOL::sneaky: قاتلي عادي او مزال الحال درك نفوروا و سكتتني:oops: و ضحك عليا حتى سلفي من هذاك النهار وين ندير كسكسي يجلي عليها:LOL:
 

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
46,143
النقاط
821
محل الإقامة
الشرق-الوسط
الجنس
أنثى
هههههههههههه وحدك وحدك اختي @أم ياسمينdz درتي شاربات باردة و شربتيهاهه:ROFLMAO::ROFLMAO::ROFLMAO::ROFLMAO::ROFLMAO:
و هذيك القرنون بالريش :ROFLMAO::ROFLMAO::ROFLMAO:
والله لا غير ضحكتيني ربي يخليك :giggle:
و متشكرة على نقل الموضوع (y)
انا على الماكلة في شهري الاول دخلت لكوزينة عجوزتي و راجلي كان خدام اول مرة نطبخلهم :sneaky: اكي تعرفي الخوف و الارتباك و زهري خرجت عجوزتي من مطبخ خلاتني وحدي :sneaky: بديت يالا و نويت نديرلهم كسكسي بديت نصبت اللحم و ربطت الكوكوت و حطيتو يطيب و خرجت من كوزينة فرحانة:LOL: ايا ساعة رجعت لقيت المرقة وجدت فرحت لقيتها بنينة :D طفيت ضوء و خرجت.ايا أذن المغرب دخل سلفي حب يتعشى قلت نحطلوا انا رحت للكوزينة و نتفكر بلي كسكسي مدرتوش خلاص :sick::sick::sick::sick: مفورتوا موجتوا نسيتوا خلاص:X3: اااااااااo_Oo_Oo_O حكتني الدوخة و الدمعة:cry: دخلت عجوزتي عندي بديت نبكي :cry::cry: قاتلي وش بيك قتلها ولات تضحك :LOL::sneaky: قاتلي عادي او مزال الحال درك نفوروا و سكتتني:oops: و ضحك عليا حتى سلفي من هذاك النهار وين ندير كسكسي يجلي عليها:LOL:

هههههه هاذي تاع نسيتي الكسكسي وحدها :ROFLMAO::ROFLMAO::ROFLMAO::ROFLMAO::ROFLMAO::ROFLMAO:
وانا اول مرة كليت الطعام تاعهم قريب تغاشيت لقيتو حلو طعام النوايل ومادخلتش راسي كسكس بمرقة حلوة
ونهار كليت اول مرة الزفيطي جفت حااااااااااار هاتولي الماo_Oo_Oo_Oo_O حريقة
بصح درك والفت :geek::geek::geek:
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,607
النقاط
2,251
العمر
26
محل الإقامة
قسنطينة
الجنس
أنثى
السلام عليكم
هههههه والله قتلتوني ضحك هههههه
يا سورتو تاع البيجامة تاع الارنب والقطاطش ههههه وتاع القرنون تاني قتلتني ههههه
والله وحدكم، انا متأكدة ألف بالمائة نهار نتزوج أول طبخة نديرها علابالي نهردها
وندير السكر في بلاصة الملح لا مادرتش لومو في بلاصة الملح ورهجتهم ههههه
يقتلني الارتباك، المهم مازال ماتزوجناش ماعندي حكاية على نفسي
وكاشما نتفكر حكاية حكاوهالي تضحك راني نجي نحكيها هنا لي عودة ان شاء الله
ويعطيك الصحة على الموضوع

 

جميلة أنا

:: عضو مُشارك ::
إنضم
1 جانفي 2018
المشاركات
441
النقاط
41
محل الإقامة
باتنة
الجنس
أنثى
هههههه هاذي تاع نسيتي الكسكسي وحدها :ROFLMAO::ROFLMAO::ROFLMAO::ROFLMAO::ROFLMAO::ROFLMAO:
وانا اول مرة كليت الطعام تاعهم قريب تغاشيت لقيتو حلو طعام النوايل ومادخلتش راسي كسكس بمرقة حلوة
ونهار كليت اول مرة الزفيطي جفت حااااااااااار هاتولي الماo_Oo_Oo_Oo_O حريقة
بصح درك والفت :geek::geek::geek:
ههههههه شفتي والله حتى بكيت ملقيتش كيفاه نعبر على احراجي غير بالدموع ههههههه
هههههه شفتي والله صعيبة مع الاول التأقلم و من بعد بالشوي و نوليو كيفهم.
 

جميلة أنا

:: عضو مُشارك ::
إنضم
1 جانفي 2018
المشاركات
441
النقاط
41
محل الإقامة
باتنة
الجنس
أنثى
السلام عليكم
هههههه والله قتلتوني ضحك هههههه
يا سورتو تاع البيجامة تاع الارنب والقطاطش ههههه وتاع القرنون تاني قتلتني ههههه
والله وحدكم، انا متأكدة ألف بالمائة نهار نتزوج أول طبخة نديرها علابالي نهردها
وندير السكر في بلاصة الملح لا مادرتش لومو في بلاصة الملح ورهجتهم ههههه
يقتلني الارتباك، المهم مازال ماتزوجناش ماعندي حكاية على نفسي
وكاشما نتفكر حكاية حكاوهالي تضحك راني نجي نحكيها هنا لي عودة ان شاء الله
ويعطيك الصحة على الموضوع

شكرااااا حبيبة على مرورك اضربي ديما طلة تضحكي شوي هههه
كي اليوم ان شاء الله و تدخلي لدارك و تموتي على روحك ثاني بالضحك ههههه او تخافي ديري ك القط مش غير الارنب هههه او التمهبيل يحلى غير ك تكوني وحدك هههه
 

Princess nour

:: عضو مُشارك ::
إنضم
3 ماي 2017
المشاركات
203
النقاط
41
العمر
23
محل الإقامة
Algeria
الجنس
أنثى
انا على الماكلة في شهري الاول دخلت لكوزينة عجوزتي و راجلي كان خدام اول مرة نطبخلهم :sneaky: اكي تعرفي الخوف و الارتباك و زهري خرجت عجوزتي من مطبخ خلاتني وحدي :sneaky: بديت يالا و نويت نديرلهم كسكسي بديت نصبت اللحم و ربطت الكوكوت و حطيتو يطيب و خرجت من كوزينة فرحانة:LOL: ايا ساعة رجعت لقيت المرقة وجدت فرحت لقيتها بنينة :D طفيت ضوء و خرجت.ايا أذن المغرب دخل سلفي حب يتعشى قلت نحطلوا انا رحت للكوزينة و نتفكر بلي كسكسي مدرتوش خلاص :sick::sick::sick::sick: مفورتوا موجتوا نسيتوا خلاص:X3: اااااااااo_Oo_Oo_O حكتني الدوخة و الدمعة:cry: دخلت عجوزتي عندي بديت نبكي :cry::cry: قاتلي وش بيك قتلها ولات تضحك :LOL::sneaky: قاتلي عادي او مزال الحال درك نفوروا و سكتتني:oops: و ضحك عليا حتى سلفي من هذاك النهار وين ندير كسكسي يجلي عليها:LOL:
والله غير قتلتيني بالضحك ههههه شابة تاع وجدتي و نسيت تفوري الطعام ههههه والله هبال
 

همس الوُرود

:: مشرفة ::
منتدى واش راك تهدر
منتدى هذه مشكلتي
طاقم المشرفات
إنضم
29 ماي 2011
المشاركات
15,234
النقاط
1,576
محل الإقامة
جزر القمر
الجنس
أنثى
السلام عليكم ورحمة الله وبركاته
ههههههه المواضيع هادي شحال تعجبنيييي
الحكايات الي ضحكتني اكتر تع خال راجلك هههه و القرنون تع شوشو ههههه
و مريم قتلتني كي قالتخايفة تحط لومو في بلاصة الملح ههههههه

أنا منعرفش حكايات يضحكو كيما هكا. نهار نتزوج نجي نحكيلكم خخخ
اللهم ارزقني بزوج صالح احممم ههههه
 

جميلة أنا

:: عضو مُشارك ::
إنضم
1 جانفي 2018
المشاركات
441
النقاط
41
محل الإقامة
باتنة
الجنس
أنثى
:ROFLMAO:
السلام عليكم ورحمة الله وبركاته
ههههههه المواضيع هادي شحال تعجبنيييي
الحكايات الي ضحكتني اكتر تع خال راجلك هههه و القرنون تع شوشو ههههه
و مريم قتلتني كي قالتخايفة تحط لومو في بلاصة الملح ههههههه

أنا منعرفش حكايات يضحكو كيما هكا. نهار نتزوج نجي نحكيلكم خخخ
اللهم ارزقني بزوج صالح احممم ههههه
اللهم آمين كي اليوم تتزوجي و تجي هنا نضحكوا عليك ههههه
متشكرة على مرورك العطر
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
أيوووووووووووووه
لمهبولات قالبينها ضحك ووحدة ماتتفكرني :cry::cry::cry:مشكورة ام ياسمين الله يسعدك أزوينة;).
والله يزهيكم ديما ويزين خدودكم بالضحكة الدايمة يارب..
انتي وحدك يا الشريرة @جميلة أنا ههههههه عجبتني حكاياتك
بصح خسارة ماعشتش مع دار شيخي باه نتفكر مواقف كيما هاك
غير حوايج خفاف...نهار جيتهم عروسة عندي شيخي بصير( مايشوفش) قاللهم قولولي زوينة ولا لا ( هذي فوتتها عادي) وقولولي سمينة ولا كي المسمار خخخ( قالوهالي قلتلهم هاتو يدو يشوف اذا سمينة اذبحوني للعيد واذا لا نقعد وناكل حتان العيد الجاي )..
أيا وهذا سلفي زعمة كبير وعاقل ...في اسبوع عرسي قال لراجلي ياااو مرتك شابة ماعلاباليش؟؟ وزعمة راني جارتو( قلتلو الله يعطيكم لعمى لبنات كي الدود حذا عينيكم ويبانو غير كي يتزوجو؟؟؟)
ومانحكيلكش على الحرب الاهلية نتاع الفحلة نتاعو ( واش خزرك؟؟ احكم عويناتك خخخخخ)
واللي تسكتهم كامل راجلي يقلي ديما واش تعرفي انتي ..لالا هذيك لحكاية صرات وانتي مازلتي مازدتيش اصلا( وهو فايتني بسبع سنين يحسبني بيبي ) والله تحكمني عرقة ماروكو :ROFLMAO:ايا نقول لمزية الراجل عندو زهايمر في السن على الاقل نبقى صغيرة ههه
واش تحكو على بيت الشيخ؟؟
انا نهار ثلاثة ايام عرضت سلفي والقبيلة نتاعو وبلا حشمة جاو وقالولي ياااو واشي هذا ماكلة سمانة في نهار وقتاش طيبتيها؟؟؟
(طيبتها والحنة في يديا كولو برك :sneaky:)..
ايا ماعرفتهم يضحكو ولا يبكو خخخ بصح نتفكرها نضحك
كي نتفكر كاش حاجة نجيبهالكم للعبرة خخخخ
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
السلام عليكم ورحمة الله وبركاته
ههههههه المواضيع هادي شحال تعجبنيييي
الحكايات الي ضحكتني اكتر تع خال راجلك هههه و القرنون تع شوشو ههههه
و مريم قتلتني كي قالتخايفة تحط لومو في بلاصة الملح ههههههه

أنا منعرفش حكايات يضحكو كيما هكا. نهار نتزوج نجي نحكيلكم خخخ
اللهم ارزقني بزوج صالح احممم ههههه
آمين آمين..
يااااوووو خلي الناس تشكرك وتدعيلك عبورة هههه
اللهم ارزقها بزوج صالح وابن صالح واصلحها واصلحهم و( حتى اذا اسمو صالح ماعليهش قاباينو المهم نتفكو منها هههع)
 

همس الوُرود

:: مشرفة ::
منتدى واش راك تهدر
منتدى هذه مشكلتي
طاقم المشرفات
إنضم
29 ماي 2011
المشاركات
15,234
النقاط
1,576
محل الإقامة
جزر القمر
الجنس
أنثى
آمين آمين..
يااااوووو خلي الناس تشكرك وتدعيلك عبورة هههه
اللهم ارزقها بزوج صالح وابن صالح واصلحها واصلحهم و( حتى اذا اسمو صالح ماعليهش قاباينو المهم نتفكو منها هههع)
هههههههههه آمين يا رب يرزقني بزوج سلفي صالح مستقيم ذو لحية. خخخخ
وش تحبي نزيد ولا نحبس هنا هههههه
 

جميلة أنا

:: عضو مُشارك ::
إنضم
1 جانفي 2018
المشاركات
441
النقاط
41
محل الإقامة
باتنة
الجنس
أنثى
أيوووووووووووووه
لمهبولات قالبينها ضحك ووحدة ماتتفكرني :cry::cry::cry:مشكورة ام ياسمين الله يسعدك أزوينة;).
والله يزهيكم ديما ويزين خدودكم بالضحكة الدايمة يارب..
انتي وحدك يا الشريرة @جميلة أنا ههههههه عجبتني حكاياتك
بصح خسارة ماعشتش مع دار شيخي باه نتفكر مواقف كيما هاك
غير حوايج خفاف...نهار جيتهم عروسة عندي شيخي بصير( مايشوفش) قاللهم قولولي زوينة ولا لا ( هذي فوتتها عادي) وقولولي سمينة ولا كي المسمار خخخ( قالوهالي قلتلهم هاتو يدو يشوف اذا سمينة اذبحوني للعيد واذا لا نقعد وناكل حتان العيد الجاي )..
أيا وهذا سلفي زعمة كبير وعاقل ...في اسبوع عرسي قال لراجلي ياااو مرتك شابة ماعلاباليش؟؟ وزعمة راني جارتو( قلتلو الله يعطيكم لعمى لبنات كي الدود حذا عينيكم ويبانو غير كي يتزوجو؟؟؟)
ومانحكيلكش على الحرب الاهلية نتاع الفحلة نتاعو ( واش خزرك؟؟ احكم عويناتك خخخخخ)
واللي تسكتهم كامل راجلي يقلي ديما واش تعرفي انتي ..لالا هذيك لحكاية صرات وانتي مازلتي مازدتيش اصلا( وهو فايتني بسبع سنين يحسبني بيبي ) والله تحكمني عرقة ماروكو :ROFLMAO:ايا نقول لمزية الراجل عندو زهايمر في السن على الاقل نبقى صغيرة ههه
واش تحكو على بيت الشيخ؟؟
انا نهار ثلاثة ايام عرضت سلفي والقبيلة نتاعو وبلا حشمة جاو وقالولي ياااو واشي هذا ماكلة سمانة في نهار وقتاش طيبتيها؟؟؟
(طيبتها والحنة في يديا كولو برك :sneaky:)..
ايا ماعرفتهم يضحكو ولا يبكو خخخ بصح نتفكرها نضحك
كي نتفكر كاش حاجة نجيبهالكم للعبرة خخخخ
ههنهههههههههه الله يفرحك اختي قمر اني قتلهم عيطولهم و الاخت ام ياسمين هي الي استدعاتكم الله يخليها .
هههههههه ضحكني شيخك يا ختي ماينة يسقسي سمينة ولا لا انتي كبش العيد هههههه
والله حكايات وحدهم مع دار شيخي انا وحدة الليلة كنت مدايرة سهرة لراجلي هو برا انا وجدت عشاء باهي و اصدرت كي الفحلة ههههه و قعدت نستنى تحت ضوء الشموع ...انا هكاك و يطبطب الباب و انا على اساس فوق دار شيخي مي عندي زوج ابواب واحد تابع لدار شيخي و لاخر وحدي..ايا طبطب تع برا و كانت العشرة تع الليل انا قلت راجلي نسى المفتاح وليت لبست robe d chambreقصيرو رحت قلت شكون رد قالي حلي....يا اختي الصوت صوت راجلي انا فتحت و وقفت وراء الباب قلت نخلعوا ايا دخل و نهجم عليه بعيطة باهية و يدور سلفي....اأاااااااااا و نولي حبة طماطم وليت نقولوا اك لباس هههههه ضحك و حشم طبس راسو وقالي او قالك رمزي( راجلي) كشما كاين حاجة خفيفة او ساهر مع ولاد عمي تحت.... او انا وليت نحمد في ربي و نعاود اني لبست robe d chambre ياو طاحت عليا السماء....ولا هو خرج و انت رحت لميت هذيك سهرة هكذاك بعد و لميت روحي و عطيتها لسلفي سهرو بيها و رحت نتفرج على زهري هههههه
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
هههههههههه آمين يا رب يرزقني بزوج سلفي صالح مستقيم ذو لحية. خخخخ
وش تحبي نزيد ولا نحبس هنا هههههه
هههههه لالا احكمي لا فيتاس ياسر عليك
سلفي يكفي ويوفي الباقي كامل يلحق
اللهم آمين ( ونقولهالك ماتديهش سلفي غير تفكريها ههه)
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
ههنهههههههههه الله يفرحك اختي قمر اني قتلهم عيطولهم و الاخت ام ياسمين هي الي استدعاتكم الله يخليها .
هههههههه ضحكني شيخك يا ختي ماينة يسقسي سمينة ولا لا انتي كبش العيد هههههه
والله حكايات وحدهم مع دار شيخي انا وحدة الليلة كنت مدايرة سهرة لراجلي هو برا انا وجدت عشاء باهي و اصدرت كي الفحلة ههههه و قعدت نستنى تحت ضوء الشموع ...انا هكاك و يطبطب الباب و انا على اساس فوق دار شيخي مي عندي زوج ابواب واحد تابع لدار شيخي و لاخر وحدي..ايا طبطب تع برا و كانت العشرة تع الليل انا قلت راجلي نسى المفتاح وليت لبست robe d chambreقصيرو رحت قلت شكون رد قالي حلي....يا اختي الصوت صوت راجلي انا فتحت و وقفت وراء الباب قلت نخلعوا ايا دخل و نهجم عليه بعيطة باهية و يدور سلفي....اأاااااااااا و نولي حبة طماطم وليت نقولوا اك لباس هههههه ضحك و حشم طبس راسو وقالي او قالك رمزي( راجلي) كشما كاين حاجة خفيفة او ساهر مع ولاد عمي تحت.... او انا وليت نحمد في ربي و نعاود اني لبست robe d chambre ياو طاحت عليا السماء....ولا هو خرج و انت رحت لميت هذيك سهرة هكذاك بعد و لميت روحي و عطيتها لسلفي سهرو بيها و رحت نتفرج على زهري هههههه
هههههههه الله يعطيك رحمة كون انا كون ماتو يديا وطحت قدام الباب يرفدوني جثة هامدة خخخخخخخخ
ايا بصحتك السهرة تعيشي وتاكلي غيرها
كون جيت منك نقلو قول لاصحابك يخلفولي البارتي نتاعي ولا يشوفو الويل انت وهوما
ليتلكم فاتت رجعولي ليلتي هههه
درتي كيفي خطرة جانا سلفي وكنت لابسة بيستي وجيب ميني ومخلطتها بكانش لون ههه وسي الفاهم فتح الباب ودخل معاه وانا سمعت الصوت تسمرت في الكوزينة وعيطلو بالخف قالي واش بيك اطلي من الباب؟؟؟ قتلو شوف انت؟؟؟ وطلقها بضحكة قالي والله نخليه يجي يشوف باه اديري حسابك مرة اخرى ههه وخلاني محبوسة ثم باسكو نفوت يقابلني ديراكت وانا نتوسل طير لهيه شوي هههه أيا قالو أيا نتوضاو ونخرجو للجامع راه وقت الصلاة قريب..
وهو دخل للدوش فتت كي البرق وهو يقلي احكم احكم خخخخ
وزاد عاودهالي مع ولد سلفي وانا بالبيجامة ومنها نايفتو أيامات تعلم يفتح ويقلهم تسناو نخلي طريق ( ولى سوري ههههه)
 

صمت المشاعر

:: عضو متألق ::
إنضم
17 أوت 2016
المشاركات
4,489
النقاط
741
محل الإقامة
كوكب زمردة
الجنس
أنثى
السلام عليكم
يعطيكم الصحة قتلتوني بالضحك هههههههههه
عجبوني حكايتكم وتبهدايل لي صراولكم هههههه
كملو كملو راني نسمع ونتعلم ههههههههه
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
علاش حبيبتي علاش منديهش سلفي؟!
@قمر الوادي
باسكو قلتها قبلك وماصدقتش ههه
من مبدأ اذا ألححت على امر انقلب الى غيره
وان شاء الله ربي ينويلك اللي في بالك
آسفة ان فهمتني خطأ
 
Top