جميلة أنا
:: عضو مُشارك ::
مساء الخير على الجميع 
هذه اول مشاركة لي بقسم الطبخ. ..مش معنتها منعرفش نطبخ مي اكوا تعرفوا مكنش cuisinière هنا في اللمة على بيها منجيش للكوزينة تعكم
ايا الليلة درت عشاء سلق قلت نحطلكم الوصفة خاصة بعد مالحسوا دار شيخي كامل الصحون و حتى المقلة و بكل تواضع راني نهدر
بدون اطالة هاي ليكم وصفة سريعة و بنينة
مكونات:
ربطة سلق
اربع حبات طماطم( كل ماكان سلق بزاف كثري طماطم على قد ما تقدري) هي سر البنة للسلق
راس ثوم مسكرفجة
نصف صدر دجاج
فرماج (الي عندك)
اربع عظام
طريقة تحضير
قطعي سلق و اغسليه مليح بالماء و قطريه
حطي شوي زيت في مقلة كي تسخن حطي السلق و خليه يذبال على نار هادية كي يذبال حطي عليه طماطم رابي و ثوم و مغرف كبيرة هريسة و شوي برك ملح و فلفل اسود و فلفل عكري و زيدي في نار بلا ماتخطي عليه( باه طماطم تنشف)
في جهة اخرى حطي صدر تع دجاج مع شوي زيت او زبدة( انا نفضل زبدة تبنن الدجاج افضل)و تبليه ثوم ملح و فلفل اسود و كركم و مغرف صغيرة موطارد(انا نستعملها في اي صوص بيضاء دير بنة هايلة) و قلي كلشي مليح حتى يبياض اللحم و مرقي غير شوي برك ماء.
كي يوجد السلق و الدجاج ديريهم طبقات و بيناتهم الفرماج و حطي عليهم عظام.اذا تخبي في الفور او في مقلة برك.حطي في الصحن و حطي صوص الي بقاتلك من اللحم تجي ثقيلة و بنينة.و شهية طيبة
نتمنى تكونوا فهمتوا عليا سمحوني مصورتش باذن الله المرات القادمة راح نسحركم هههههه
هذه اول مشاركة لي بقسم الطبخ. ..مش معنتها منعرفش نطبخ
مي اكوا تعرفوا مكنش cuisinière هنا في اللمة على بيها منجيش للكوزينة تعكم ايا الليلة درت عشاء سلق قلت نحطلكم الوصفة خاصة بعد مالحسوا دار شيخي كامل الصحون و حتى المقلة
و بكل تواضع راني نهدربدون اطالة هاي ليكم وصفة سريعة و بنينة
مكونات:
ربطة سلق
اربع حبات طماطم( كل ماكان سلق بزاف كثري طماطم على قد ما تقدري) هي سر البنة للسلق
راس ثوم مسكرفجة
نصف صدر دجاج
فرماج (الي عندك)
اربع عظام
طريقة تحضير
قطعي سلق و اغسليه مليح بالماء و قطريه
حطي شوي زيت في مقلة كي تسخن حطي السلق و خليه يذبال على نار هادية كي يذبال حطي عليه طماطم رابي و ثوم و مغرف كبيرة هريسة و شوي برك ملح و فلفل اسود و فلفل عكري و زيدي في نار بلا ماتخطي عليه( باه طماطم تنشف)
في جهة اخرى حطي صدر تع دجاج مع شوي زيت او زبدة( انا نفضل زبدة تبنن الدجاج افضل)و تبليه ثوم ملح و فلفل اسود و كركم و مغرف صغيرة موطارد(انا نستعملها في اي صوص بيضاء دير بنة هايلة) و قلي كلشي مليح حتى يبياض اللحم و مرقي غير شوي برك ماء.
كي يوجد السلق و الدجاج ديريهم طبقات و بيناتهم الفرماج و حطي عليهم عظام.اذا تخبي في الفور او في مقلة برك.حطي في الصحن و حطي صوص الي بقاتلك من اللحم تجي ثقيلة و بنينة.و شهية طيبة
نتمنى تكونوا فهمتوا عليا سمحوني مصورتش باذن الله المرات القادمة راح نسحركم هههههه
