أعوان الحماية المدنية سلسلة / ناس ملاح City /

[Salah eddin]

السلام عليكم و رحمة الله و بركاته
ناس اللمة ان شاء الله احوالكم بخير و عافية
الحمد لله اسي ... اااتل قولو الحمد لله ...
...
كي العادة ... أهلا و سهلا و مرحبا بكم في عدد جديد من سلسلة

السلسلة هذي الي نسلطو فيها الضو على الأمور الايجابية ... و نقدمو فيها الاحترام و التقدير للي يستاهلوه
فمن لا يشكر الناس ... لا يشكر الله
و موضوع هذا العدد ان شاء الله هو :
--------
أعوان الحماية المدنية
--------

بسم الله ... كيما راكم عارفين يا جماعة الخير ... أننا مين ذاك نسمعو بحادث مرور الله يبعد على كل مومن

و نسمعو بالاصابات و الحوادث العرضية و حوادث العمل و غيرها من الأخطار الي قد تصيب الناس و السكان

و هذي الحالات ... اكيد راح يتدخلو فيها دائما اعوان الحماية المدنية الي يكونو باستمار على اهبة الاستعداد

لتلبية نداء الواجب ... و الي هو خدمة الوطن و المواطنين ...

و كي نجو نشوفو ... ظروف عمل عمال الحماية المدنية ... نتلقاوهم يشوفو و يلاقو ظروف صعيبة في عملهم

أولها ان التكوين الي يتكونو عليه .. هو تكوين شبه عسكري ... بالصرامة و الاضباط و النظام ...

من جيهة أخرى ... نشوفو هذوك الاعوان الي يخدمو في الليل ... و يباتو ساهرين يحرسو كاشما لا قدر الله يوقع حادث

ولا توقع كاش كارثة او ما شابه ذلك

و كي نشوفو جيهة اخرى ... نلقا و الخطر الي يتعرضو ليه ... عند قيامهم بواجبهم ...

يعني راها مش ساهل باه الواحد يقتحم مكان حادث ... يعني اذا كان حادث حريق او انهيار او زلزال او اي حادث

الامر صعيب و يتطلب شجاعة كبيرة و يتطلب روح تضحية من اجل ذاك الشي

لذلك ... نشوف انو من اللازم اننا نصفنو اعوان الحماية المدنية ضم فئة الناس الملاح

و نعطولهم حقهم من التقدير و الاحترام لانهم حقيقةً يستاهلوه

و السلام عليكم و رحمة الله

​

 

[Salah eddin]

@حروف تائهة​

@acher.dz
@dahman kz
@فيتامين سي
@حمزةusma
@عمر عبد السلام
@ربي اغفرلي
@{هِشام}
@scorpion16
@باتنية و نص
@الحلم الوردي
@إنسانة ما
@زهور الشوق
@Skor m@k
@sقطر الندىs
@يونس قاسم
@صدام بكل فخر
@madridista
@chirine zina
@بنت سطيف
@ميلينا
@بشرى ملاك
@aYyÖub aDaM
@جيهان جوجو
@لؤلؤة قسنطينة
@امين احمد
@جلال عبدالمنعم
@صمت المشاعر
@theking
@saddek06000
@Ma$Ter
@bassem1618
@BTCMADANI
@hakim story
@Hossam 01
@sanaya
@ليليا مرام
@ماجدة لربها ساجدة
@Soumia hadj mohammed
@Asseli Queen
@نعمات
@أم ياسمينdz
@عآشقة الجنـة
@omaridj27
@NOOR EL Huda
@مكان وزمان
@طموحة
@رضا الرحمان غايتي
@الصراحة راحة
@محمد التبسي
@الامين محمد
@حلم كبير
@الصحافية الساخرة
@Twinkle Stars
@طيب الكلام
@فتحي عاشق الجنه
@عاشقة الإحسان
@صفاءdz
@أم منيــــــر
@Princesse Diyor
@Princess nour
@Queen Fati
@♥نجلاء♥​

@yaso ياسمين​

@الورد الأحمر
@جميلة أنا ​

 

[Skor m@k]

السلام عليكم
أهلا خويا الصالح
أعوان الحماية المدنية تقريبا الناس كامل يحبوهم ويحترموهم أكثر من الشرطة والدرك
خاطرش تلقاهم يساعدو ويساندو ويعاونو كل واحد
عجوزة فالطريق ماتقدرش تمشي يجوز يرفدها
والله بارك الله فيهم على كل واش راهم يقدمو
ويعجبوني تانيت تلقاهم ديما يديرو حملات توعوية
يزورو المدارس والكشافات ويعلموهم السلامة والأمن
بغض النظر على واش راهم يلكو الناس فالصيف وفالشتاء
كلمة حق فيهم تعيطلهم تلقاهم ويجو حتى لباب الدار
ويوقفو معاك فالمستشفى حتى يقدمولك الاسعافات الطبية
ان شاء الله ربي يحميهم من كل خطر
شكرا خويا على هذي الالتفاتة يستهلوها​

 

[حروف تائهة]

السلام عليكم و الحمد لله اسي ههه
يعطيك الصحة خويا لكبير كالعادة موضوع مميز و ناس ملاح
اعوان الحماية المدنية يتعرضو لخطر كبير في العمل تاعهم
و في وقت الشدة نلقاهم صح يخدمو من قلبهم
و يستاهلو التحية و التقدير على شجاعتهم
ربي يبارك فيهم و يحفظهم

 

[dahman kz]

بكل تاكيد راهم من الناس لملاح وللي ينكر الشي هذا نكار خير .. ناس يخدمو فينا وساهرين على جالنا مساكن ويغامرو بحياتهم وعايلاتهم على جالنا وعلى جال باش ينقذونا و يساعدونا ويوفرولنا المساعدة وانا واحد من الناس لو لاجهودهم احتمال راني في عداد الاموات
ورجال الحماية دورهم كبير في المجتمع
ورجال الحمايه من الناس للي قال فيهم رسولنا محمد صلى الله عليه وسلم حديث :<< عينانِ لا تمَسٌّهٌما النَّارُ عينًا بكٓت مِن خِشيةِ الله وعينٌ باتٓت تٓحرُسُ في سَبيلِ الله >> والحديث رواه الترمذي وصححه الألباني
.

 

[زهور الأمل]

ربي يقويهم ويكتر من امثالهم
راهم كاسبين رضى الله ورضى الناس
بالاضافة للاجر العظيم والثواب الكريم
وكما جاء فى حديث لست استذكره
المهم مادامهم في عون العباد مادام ربي معاونهم​

 

[صانعة الإبتسامة]

ياااتل رنا قلنا الحمد لله آسي هههه
موضوع مميز صلاح يعطيك الصحة والله أعوان الحماية المدنية يستحقو نهدرو عليهم بالخير ونحترموهم بسكو يتعبو بزاف وديما حاضرين للطوارئ ربي كون بعونهم ويجازيهم خير الجزاء
مرسي صلاح ع الموضوع

 

[بشرى ملاك]

الحقيقة يشفوني مساكن على واش يشوفو الاسبوع لي فات شعلت نار في لوطو منا حدانا وبقينا كامل لاسيتي نتفرجو والله غير مولاها وناس واحدخرين جبدو وبقاو يتفرجو ونار تاكل فيها ووحدهم رجال الحماية المدنية مدابزين من النار حتى طفاوها كامل بقيت نتفرج ما خممتش على لوطو كيما خفت عليهم كانت مثل قنبلة موقوتة وهوما ماخافو ما والو بالعكس زادو بعدو الناس عليها وتحملو المسؤولية وحدهم..
يعطيهم الصحة ويحفظهم مساكن خدمتهم خطر في خطر ويا سعدهم مع ربي سلكو شحال من روح من الموت المحقق..
الله يكون في عونهم على واش يشوفو خاصة في حوادث المرور...
تحية مني ليهم كبيرة

 

[آمِيْرَتُه]

السلام عليك
يعطيهم الصحة وربي يحميهم و يوفقهم

 

[زاد الرحيل]

صحيح يستحقه كل الاحترام و التقدير بصح فسدوها بحاجة و هي لازمك معرفة كبيرة باش تدخل للحماية هذي
يعني كفاش نحترم واحد عفس على الزوالي و نحى اللقمة من فمه بكتافه العريضة
لازم يا الوالي انتاعنا تتطرق لسلسلة المعرفة و راهي خدمت لي عليها نعاند عليك و انديرها

 

[Salah eddin]

صحيح يستحقه كل الاحترام و التقدير بصح فسدوها بحاجة و هي لازمك معرفة كبيرة باش تدخل للحماية هذي
يعني كفاش نحترم واحد عفس على الزوالي و نحى اللقمة من فمه بكتافه العريضة
لازم يا الوالي انتاعنا تتطرق لسلسلة المعرفة و راهي خدمت لي عليها نعاند عليك و انديرها

اهلا و سهلا بالسيدة ميلينا
كي العادة ههه السيدة ميلينا تخالف التوقعات
اكيد كاين سلبيات كيما المعريفة و الرشوة و ما الى ذلك
و حنا هنا مش نهدرو على الي يحكمو الرشوة و يوظفو اعوان الحماية المدنية
نهدرو على هذاك الي يقتحم مكان الحدث باه يسلك الناس
و عدم تحدثنا عن السلبيات لا يعني عدم ادراكنا لوجودها
​

 

[Salah eddin]

الشكر موصول لكل الاعضاء الي شاركونا هنا
و المعذرة على الرد المتأخر
شكرا جزيلا لكم

@Skor m@k
@حروف تائهة
@بشرى ملاك
@ميلينا
@آمِيْرَتُه
@صفاءdz
@Queen Fati
@dahman kz
​

 

[حروف تائهة]

الشكر موصول لكل الاعضاء الي شاركونا هنا
و المعذرة على الرد المتأخر
شكرا جزيلا لكم

@Skor m@k
@حروف تائهة
@بشرى ملاك
@ميلينا
@آمِيْرَتُه
@صفاءdz
@Queen Fati
@dahman kz
​

العفو العفو ههه
هاني عذرتك هذي المرة و ماتزيدش تعاودها هههه

 

[Salah eddin]

العفو العفو ههه
هاني عذرتك هذي المرة و ماتزيدش تعاودها هههه

حاضر حاضر هههه

​