هههههه والله ذكرتوني بشغب و افعال الشريرة تعي ههههه
شكرا اولا اخي على موضوع رح نحكيلكم زوج حكايات تع شغب تعي في مرحلة متوسطة
اولى مع استاذة تعي تع رياضيات انا و صديقتي كنا من اوائل و زوج صديقاتنا هوما الاواخر هههه كنا شلة تع اربع بنات نتعاون على الشر و الشر ههههه و استاذة هذي كان حلمها تفرقنا على بعضانا على اساس كنا نشيطوها ف قسم..و هذي استاذة زوجها ثاني استاذ فيزياء مي مكنش يقري فينا..وحدة النهار استدعات والد تعي و قاتلوا بلي انا مشاغبة و نتبع بنات شريرات هههه بابا شدني و كليت طريحة غاضتني منها وليت رحت عند زوجها و قتلوا احنا قسم كامل رح نشكيو من زوجة تعك للمدير لانها تسب بألفاظ غير لائقة في القسم ....ك سمعني تشوكا و غدوة من ذاك جاتني و قاتلي قتلها كما تدين تدان انتي افترتي عليا عند بابا و انا سلكتها هههههه ربي يسامحني فرات و علبالك عاداتني استاذتي حتى ديت bem و جبت 20 في رياضيات و هي الي كرمتني و استسمحت منها و الحمدلله سمحتلي ههه
اما حكاية ثانية مع خويا كان اصغر و ضربوا استاذ بركل قدام صحابوا و انا شفتوا و غاضني خويا كان عاقل و صغير سكت و مشا ....مي انا لا لعشية مع تحية العلم قدمت نهبط العلم غير على جال استاذ هذاك هو الي كان واقف الثم تقدمت انا و طفلة و استاذ تقدم باه يفك حبل تع علم و نقدم رجلي و يتكل قدام سارية قريب طاحوا سنيه و هبط العلم هبطة وحدة و ناظوا مدرسة كامل يضحكوا انا شفت خويا يضحك عجبني الحال هههههه و ناض الشيخ و شاف فيا غزرة دوبل و من هذاك النهار انا منحبوا لا هو ثاني و كبرنا و فاتت الايام و ربي يغفر و يسامح هههههه
هذي بعض من شغب تعي تفضلوا تضحكوا هههه
