اتهموني بالنفاق

همس الوُرود

:: عضو بارز ::
أحباب اللمة
إنضم
29 ماي 2011
المشاركات
15,523
نقاط التفاعل
35,851
النقاط
1,081
محل الإقامة
جزر القمر
الجنس
أنثى
السلام عليكم ورحمة الله وبركاته
وشراكم اهل واش راك تهدر ماعليكمش؟!
إن شاء الله تكونو بخير وعافية ^^
موضوعي اليوم يحكي على فئة من الناس هاد العباد الي لسانهم مش ليهم ويحكو قبل مايفكرو فكبر كلامهم ومدى سوء ألفاظهم وياما أكثرهم فالحياة سواء الواقعية أو الإفتراضية
ونحكي كمثال على شخص لما نذكرو مهنتو من المفروض كل واحد تجي فبالو كلمة احترام ..ولي هو الاستاذ ..باش تكون استاذ مش معنتها تعرف مادة معينة او عارف لاسبيسياليتي تاعك مليح باش تكون استاذ لازم انت بحد ذاتك تكون متربي متخلق ومحترم
اليوم وانا قاعدة نقراو في حصة عادي وصاحبتي كانت حاطة بورطابلها يتشارجا جهتي فجأة أذن بورطابلها وبما انو كان قريب ليا انا رحت حبستو فبلاصتها بنية انو قدامي وبورطابلي كان مخبي فالصاك عادي ..إذ بالاستاذ يحكي كلام يمعني عليا قال يظهرون الإيمان في اللباس و البورطابل يأذن بصح الواقع حاجة وحدوخرا يعرف انو اتهمني بالنفاق؟! وهو مايعرفنيش اصلا ؟! يعني بمجرد متجلببة وكي اذن هاتف صاحبتي رحت حبستو وليت نبين الإيمان والواقع أمور أخرى؟!! انتقوا كلامكم يعني والله كارثة
والي الاستاذ نورمالمو يكون قدوة لتلاميذو بحسن الفاظو وحسن تعاملو
واخر فالحصة يعيط ويقول بلعو؟! اسكو كلمة بلع كلمة محترمة؟!
والله كوارث انتقو كلماتكم يا سادة


فما بالك نمشي فالشارع مع صحاباتي حتى نلقى السيد يقول مدينة صح ولا تلعبي فيها ؟!
يعني تقدر تهتم بنفسك احسن؟! أنا سترت نفسي حاجة بيني بين ربي انت وش دخلك اذا نلعب فيها او صح؟!


إن بعض الظن إثم

الكلام يقولوه انا والله ماندير على كلامهم مي يغيضوني لأنو ميعرفوش عواقب الكلام عليهم اصلا كيفاش رايحة ترجع يعني تتهمني بالنفاق في بالك ساهلة؟!!
وبلا الالفاظ تع الشارع الي يقولوها البنات بالذات يعني طفلة تلقايها تحكي كيف الراجل وتخلط
والله يعني يبلوكي راسي يا اختي كوني انثى شوي اعرفي تهدري والله الالفاظ المحترمة تخلي الناس تحترمك بصح علاش
الكلام البذييء ارتقوو شوي
والأمثلة كثيرة كثيييرة لا تعد ولا تحصى
صراحة من المفروض ناس كيما هادو يرجعو يقراو فالإبتدائي بلاك يتعلمو شوي معنى التربية والاحترام



وكنت حابة نكمل نعبر بصح باتري فابل تع بورطابلي
مابقالي غير نقوللكم شكرا على حسن القراءة والمتابعة ^^


إلى ملتقى في موضوع آخر إن شاء الله ..^^


 
السلام عليكم
والله يا عبورة حبيبتي حنا عندنا إله يحاسبنا على أفعالنا وفقط، نقطة إلى السطر
ماتسمعي لا بفلان ولا بفلانة، إذا كان ربي سبحانه وتعالى لي خلقنا وسخرلنا النعم
هادي العديدة ويعني لي من المفروض هو لي يعاقبنا على أبسط ذنب نديروه ولكن ويغفر
لدرجة إمرأة ترتكب الفاحشة بمجرد ما سقات كلب ربي غفرلها ذنبها، وحنا حاجة في قلبك
يعاتبوك عليها، يعني الانسان ماكفاوهش ذنوبو يزيد يلم ذنبو الناس ويتهمهم بالنفاق
ربي يهدي ما خلق، أما فيما يخص الاساتذة هادو تاع الجامعات مازلتي ماشفتي والو
حبيبتي عبير لازم تكوني بملابس فاضحة حاشا السامعين باه تلاقي الاستحسان ويعاملك
الاستاذ مليح وإلا تتلقاي طريقة سيئة في المعاملة أكيد ماش كامل الاساتذة مازالو كاينين
أساتذة والله يحتارمك ويحشم حتى يشوف معاك فمابالك يقولك كلام ماش مليح
على هادي حبيبتي طيشي عليك يخي الحصة خلصت وخرجتي من القسم وشكون لي روح بذنوب
على ظهرو؟ خممي فيها مليح تلقاي روحك تنحاولك ذنوب من ظهرك مالا كتر خير الاستاذ هههه
اما الناس لي تقولك برا راكي ملتزمة ولا تلعبي فيها ماترديش عليهم، لأنو حتى ولو كنت لابسة
من برا لباسا لتقوى وداخلي منافقة ربي هو لي يحاسبني وربي هو لي قادر كذلك يغفرلي مالا
واحد مايدخل معاك في قبرك ولا واحد ماندخل معاه في قبرو مالا خليونا كل واحد يشوف لنفسو
على هادي بقينا اللخرين خاطر بدل ما نشوفو لنفسنا ونغيرو نفسنا دايما أصابعنا متجهة للغير
نهار نوجهوها لينا ونحاربو أخطاءنا وعيوبنا تما نرتقيو، مالا ماديريش في بالك عبورة، فإرضاء الناس
غاية لا تدرك، ارضي ربي وارضي والديك أما الباقي ما يدخلكش للجنة
ربي يوفقك حبيبتي وربي يثبتك على الطريق الصحيح ^^

تحياتي
 
السلام عليكم
والله يا عبورة حبيبتي حنا عندنا إله يحاسبنا على أفعالنا وفقط، نقطة إلى السطر
ماتسمعي لا بفلان ولا بفلانة، إذا كان ربي سبحانه وتعالى لي خلقنا وسخرلنا النعم
هادي العديدة ويعني لي من المفروض هو لي يعاقبنا على أبسط ذنب نديروه ولكن ويغفر
لدرجة إمرأة ترتكب الفاحشة بمجرد ما سقات كلب ربي غفرلها ذنبها، وحنا حاجة في قلبك
يعاتبوك عليها، يعني الانسان ماكفاوهش ذنوبو يزيد يلم ذنبو الناس ويتهمهم بالنفاق
ربي يهدي ما خلق، أما فيما يخص الاساتذة هادو تاع الجامعات مازلتي ماشفتي والو
حبيبتي عبير لازم تكوني بملابس فاضحة حاشا السامعين باه تلاقي الاستحسان ويعاملك
الاستاذ مليح وإلا تتلقاي طريقة سيئة في المعاملة أكيد ماش كامل الاساتذة مازالو كاينين
أساتذة والله يحتارمك ويحشم حتى يشوف معاك فمابالك يقولك كلام ماش مليح
على هادي حبيبتي طيشي عليك يخي الحصة خلصت وخرجتي من القسم وشكون لي روح بذنوب
على ظهرو؟ خممي فيها مليح تلقاي روحك تنحاولك ذنوب من ظهرك مالا كتر خير الاستاذ هههه
اما الناس لي تقولك برا راكي ملتزمة ولا تلعبي فيها ماترديش عليهم، لأنو حتى ولو كنت لابسة
من برا لباسا لتقوى وداخلي منافقة ربي هو لي يحاسبني وربي هو لي قادر كذلك يغفرلي مالا
واحد مايدخل معاك في قبرك ولا واحد ماندخل معاه في قبرو مالا خليونا كل واحد يشوف لنفسو
على هادي بقينا اللخرين خاطر بدل ما نشوفو لنفسنا ونغيرو نفسنا دايما أصابعنا متجهة للغير
نهار نوجهوها لينا ونحاربو أخطاءنا وعيوبنا تما نرتقيو، مالا ماديريش في بالك عبورة، فإرضاء الناس
غاية لا تدرك، ارضي ربي وارضي والديك أما الباقي ما يدخلكش للجنة
ربي يوفقك حبيبتي وربي يثبتك على الطريق الصحيح ^^

تحياتي
وعليكم السلام حبيبتي مريم
اهلا اختي
والله يا حبيبتي مادرت فبالي كلامو او مش رايحة ندير فبالي ولا كلام لاني الحمد لله نعرف روحي
بصح يغيضوني فدرجة تفكيرهم والله يعني مش تع استاذ التفكير تاعو صراحة
الله يعافينا
وبالنسبة لتع الشارع انا منردش حبيبتي الحمد لله يا اختي وشكون ترد الكلام اصلا هههه بصح والله ربي يهديهم
لهادي الدرجة عقولهم فارغة بش يفكرو فغيرهم ويلا سترو روحهم صح عن نية طيبة ولا ههه
الله المستعان عافانا الله ,,
آمين يا رب حبيبتي ربي يهنيك مريومتي
منورة الموضوع حبيبتي​
 
سلامووووو اختي
دايمن نحب نحكي في هذا قسم نحبو بزااااف خاطرش نقلى حوايج تافه يدروها هذا مجتمع نحب نريبوندي عليهم بميساج صغير
بدون منثقل نرجع للموضوع
يقولك مثل "لاتحكم علي شخص قبل ان تعرفه "
يعني هادو عباد لسانهم مش ليهم وشيخ تاعك هذا زعما استاذ ويقولك "كادا استاذ ان يكون رسولا"
اين قدوتك ايها استاذ اين احترامك لتلميذ نورمالمو تنصح تلميذ ماشي بلأفاظ سيئة وقبيحة تشوه بيها سمعتك
في اخير باين شكون خاسر انت
وكثرة عدنا عادات سيئة عند شباب تحرش بهم في شوارع تجي فايت وحدة تعجبو يبدا يمدح فيها ولي يشوفها متحجبة وشادة طريق ربي يبدا يسب ويقول عليها منافقة ويقول لاباسة حاجب وهي شخص اخر
ربي يهدي ماخلق من هادو عباد لي تفكيرهم سيئ
هذه كلاماتي لناس تافهة معندهاش قيمة في حياتهم

مرس على موضوع كان كملتي اختي فموضوع ونكملو معاك
 
سلامووووو اختي
دايمن نحب نحكي في هذا قسم نحبو بزااااف خاطرش نقلى حوايج تافه يدروها هذا مجتمع نحب نريبوندي عليهم بميساج صغير
بدون منثقل نرجع للموضوع
يقولك مثل "لاتحكم علي شخص قبل ان تعرفه "
يعني هادو عباد لسانهم مش ليهم وشيخ تاعك هذا زعما استاذ ويقولك "كادا استاذ ان يكون رسولا"
اين قدوتك ايها استاذ اين احترامك لتلميذ نورمالمو تنصح تلميذ ماشي بلأفاظ سيئة وقبيحة تشوه بيها سمعتك
في اخير باين شكون خاسر انت
وكثرة عدنا عادات سيئة عند شباب تحرش بهم في شوارع تجي فايت وحدة تعجبو يبدا يمدح فيها ولي يشوفها متحجبة وشادة طريق ربي يبدا يسب ويقول عليها منافقة ويقول لاباسة حاجب وهي شخص اخر
ربي يهدي ماخلق من هادو عباد لي تفكيرهم سيئ
هذه كلاماتي لناس تافهة معندهاش قيمة في حياتهم

مرس على موضوع كان كملتي اختي فموضوع ونكملو معاك
وعليكم السلام ورحمة الله وبركاته
مرحبا بيك وبمواضيعك فالقسم وهدا هو القسم الي يخلينا نمدو آرائنا و نوصلو رسائل لفئات معينة من الناس
ايه وي هادي هي كاين بعض الأساتذة ميستاهلوش هذا اللقب صراحة لأنهم ميعرفوش معناه الحقيقي
و منغلطوش أكيد كاين أساتذة ملاح ومحترمين ويكونو قدوة حقيقية للتلاميذ خاصة فالأخلاق والتعامل الجيد
لكن ديما كاين فئة تفسد على فئة أخرى
والفئة من الناس الي تحكي وتخلط برك كاين منها بزاف فمجتمعنا للأسف
والله يهديهم يا رب
بارك الله فيك على مشاركتك ^^​
 
السلام عليكم ورحمة الله وبركاته

كنت نفكر في بزاف أمور وأنا نقرا في موضوعك حبيت نحطهم في ردي بصح وقت وصلت منين قلتي يغيضوني خلص بطلت نكتب أي شي على خاطر راكي في الاتجاه الصح لأنو الناس هذو ما لازم يقلقوك ما لازم تغيضك منهم لازم برك يغيضوك والشعور الصحيح راه جاك مالا مش رح نقلق عليك ?

بالتوفيق حبيبتي ?
 
السلام عليكم
اول حاحة رح نقولهالك اختي وتقدري تتفكريها كل ما يحدث لك موقف هكا رح تخليك تترتاحي روى مسلم في صحيحه أن النبي ـ صلى الله عليه وسلم ـ قال: “بدأ الإسلام غَريبًا وسيعود غريبًا كما بدأ، فطُوبى للغرباء”

ثاني حاجة ماشي غير انت لي راكي تمري بنفس الموقف تصوري ان يكون عندك صحابات وتكوني دايرتهم كي خواتاتك مي في الاخير تكتاشفي انك كنت مجرد دخيلة غير مرغوب فيها علاه باسكو انت معقدة
ايه معقدة بالنسبة ليهم باسكو كي يبغو يديرو حاجة تنصحيهم بالنسبة ليهم راكي تعقدي فيهم
كي تقولي قدرت ناثر في زوج منهم ولبسو الحجاب وممبعد ولاو يقروا القران في المسجد تجي الثالثة تقولهم خلاص رجعتكم كيفها وليتو تهدرو كيفها
وليتو معقدين كيفها .
تحاول تشوه نظرة الناس ليك باي طريقة ..
صحبتك ولات عدوتك باسكو انت قدرتي تفرضي روحك على الناس المحيطين بيها وهي فقدت السيطرة
قدرت تنشري فلسفة التعقيد كما يسمونها وهي مقدرتش تبقى تتفرج فيك ومستقبل الانفتاح والازدهار الخلقي يتحطم امام اعينها
مقدرتش تشوفكم تطفو التيليفون كي تشعل هي الغنا وتقولولها منسمعوش مقدرتش تشوفكم تتجاهلوها وهي تضحك على الناس وهوما بلاك احسن منها.
مقدرتش تشوف الاحترام الشباب ليك هي يسبو قدامها وانت كي شفوه يقيسو الدخان
مقدرتش وشنت ضدك حرب باردة تكويك بهدرتها كل يوم وانت تضحكي وتقولي خليني نكبر قلبي
بصح مع كل هدا تبقى اعز الاصدقاء وانا لي رح نربح الحرب
نشكرك بزاف حنونة موضوعك خلاني نفرغ قلبي
ربي يوفقك ويقدرك وتهتميش بالناس
علبالي بلي تغيضك واي واحد في بلاصتك تغيضه
مي ملازمش يغضبوك ولا يقلقوك هكا يكنوا ربحوك ولازمش تخليهم يربحوك ..
بارك الله فيك


تحية تليق.
 
السلام عليكم
فليرض الناس أو يسخطو
ميهمكش هاد كلام فارغ
المهم ثقتك بنفسك وعلاقتك بالله سبحانه
 
ربي يثبتك اختي و ما تسمعي حتى لواحد دع الكلاب تنبح و القافلة تسير و صحيح كاين هاذ الناس في مجتمعنا لانوا فاقد الشيء لا يعطيه كيما قدروش يطبقوا شرع الله يولوا يحاولوا يتهموا من هو على حق ربي يهدينا
 
السلام عليكم حبيبتي السلسبيلة
اختي الغالية كلامك واقع معاش فعلا الناس كانت ومازالت ورح تبقى تمشي بمنطق الناس مظاهر والمظاهر خداعة
لاشتا الايمان يقطر منك يتهموك بالنفاق وفي سرهم يقولو ياما تحت السواهي دواهي
احنا كامل تعرضنا لمواقف مشابهة ... مي ما تسمعي بحتى واحد مادام قلبك صافي وافي
وامشي بالمثل القائل "
القافلة تسير والكلاب تنبح"
متزيديش تتوقفي عند مواقف كيما هادي ما تستاهلش ... نتي عيشي حياتك كيما راكي تشوفيها صح

وهوما يخبطو ريسانهم فالحيوط وما أكثرها في الجزائر لأانو باختصار " إرضاء الناس غاية لا تدرك"
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top