حكاية : المسعود في الجامع

Salah eddin

:: عضو بارز ::
أحباب اللمة
إنضم
27 جانفي 2016
المشاركات
10,188
نقاط التفاعل
27,515
النقاط
1,886
محل الإقامة
الجلفة
الجنس
ذكر
السلام عليكم و رحمة الله تعالى و بركاته
كي العادة... ندير المقدمة الشهيرة تاعي:cool: ههه
ناس اللمة صحيتو
رواد ركن النكت و الطرائف و محبي الزهو و الضحك مرحبا بيكم :)
نشالله راكم بخير ... قولو الحمد لله ... اااتل قولو الحمد لله شني ذي الحية ههه
المهم .. كي العادة ... حكاية خفيفة ظريفة نلطفو بيها الجو شوية هذا مكا ههه


و علابالي بلي صافي مدة ما جبتلكمش حكاية ولا جاست تاع ضحك و تسلية ... اي قضتوني قلت و الله قلا جبتلكم حكاية هذي المرة

ق وشني ... دعاوي الخير ما تنساوهمش الرحمة على والديكم ههه ...ايا بسم الله ...

قالك اسيدي هذا واحد المخلوق يسموه المسعود ... المسعود تاع القفلة الحمرا ههه ... الي حرق الوزين ذاك العام ههه

المهم ياك تعرفو المسعود ق شوية شوية ... انسان المخلوق الله قالب عليها ما قراش ... هو مش عيب كي ما قراش و مش نضحكو على لي ما قراوش

الله قاالب الظروف ما طاوعاتوش باه يكمل قرايتو ... ..المهم ..القضية و ما فيها المسعود هذا نهارها كان في الجامع ... و داخل للجامع ق هاك محسوبش ...
ما يرعف لا صلاة ... لا ظهر ... لا عصر ... داخل ق هاك ... شاف الناس داخلين خارجين قالك و الله قلا دخلت معاهم هههه


المهم دخل ... و يشو في الجماعة الي يصلي يصلي ... و الي يقرا يقرا ... و الي دايرين حلقة يذكرو دايرين ... شافهم تبريزا ..هههه

المهم ... شاف واحد قابض ركنة و يصلي ... قالك و الله قلا درت كيما هو ... راح المسعود حكم عرصة ... و بدا الله اكبر و بدا يصلي طالع هابط ...

ق يخلط ما هو فارز فيها والو ....هههه

المهم من الزهر ... نهارها جاو جماعة من مالي ق كي دخلو للاسلام ... جاو للجامع باه يتعلمو زعما الدين و الصلاة ههه

و هوما يعرفو شوية يهدرو العربية .... ايا شافو المسعود يصلي ... بداو يشوفو فيه ويقولو : " ما شاء الله ... تبارك الله .. الله يبارك "

المسعود سمعهم يقولو عليه ذاك الكلام ... اايا داها في روحو هههه

و بدا يزيدلها و يخشع ... وق يحش ... الحمد لله يجيب بيها 4 ركعات وحدها رايح هههه

المهم هوما جماعة مالي هذو ... ما سكتوش كملو يقولو ما شاء الله تبارك الله ههه

و المسعود خلاص .. يحسب روحو بلحق ... داها في روحو ق شوية و يروح يبدا يأذن هههه

المهم ... كي ما طاقش خلاص ... من قوة المديح هذاك ... المسعود و هو راكع ... تلفت ليهم :ROFLMAO:هههه

وش قاللهم ؟

ههه

قاللهم : " هذا الشي و راني بلا وضوء ... كن جيت متوضي راه ماهوش هذا الضرب "
:ROFLMAO::ROFLMAO::ROFLMAO:





-------------------------------

هذي هي حكاية المسعود نشالله تعجبكم
ايا بالعافية جماعة



 
آخر تعديل:
هههه يعطيك الصحة خويا . رائعة كالعادة
ربي ينجحك و يفرحك ان شاء الله
شكرا اختي مروة
بارك الله فيك و الله يجازيك بالمثل نشالله

 
السلام عليكم
الحمد لله اسي بخير و عافية
ههههه توحشنا حكاياتك خويا لكبير
المسعود هذا كل مرة بجاست هههههههه
هههه جماعة مالي باينين عندهم زهر يكسر لحجر ههههه من الغاشي لي في الجامع كامل ماطاحو ق بالمسعود هههههه
يعطيك الصحة فيل..... ? ههه
 
الحكاية في خاطر خونا لمين رانا زعفناه شوية @الامين محمد
:ROFLMAO:
ههههههههههههه الله يهديك يا مسعووووووووووووود
الله يهديك يا صلاح مسكين علاه فضحته كان قريب يجيب لينا
طريقة جديدة كيما الكركرية هههههههههههههههههههه نسموها المسعودية ههههههههههههه
 
السلام عليكم
الحمد لله اسي بخير و عافية
ههههه توحشنا حكاياتك خويا لكبير
المسعود هذا كل مرة بجاست هههههههه
هههه جماعة مالي باينين عندهم زهر يكسر لحجر ههههه من الغاشي لي في الجامع كامل ماطاحو ق بالمسعود هههههه
يعطيك الصحة فيل..... ? ههه
اهلا اختي الصغيرة و عليكم السلام
يتوحشك الخير نشالله
ها والله ههه المسعود المخلوق وين يروح يهردها
و جماعة مالي زهرهم ق في المسعود ههه
شكرا اختي و بارك الله فيك

 
ههههههههههههه الله يهديك يا مسعووووووووووووود
الله يهديك يا صلاح مسكين علاه فضحته كان قريب يجيب لينا
طريقة جديدة كيما الكركرية هههههههههههههههههههه نسموها المسعودية ههههههههههههه
مرحبا خويا لمين
هههه
راك تشوف هههه المسعوديية يا جدك هههه
السيد ق يحش و يحسب روحو بلحق ههه
امثالو ياسر ق اضرب النح ههه





 
هذا كل وماهوش متوضي هههه والله هايلة هاذي ?
وديما تفاجي علينايعطيك الصحة
اهلا بيك خويا دحمان ههه
شكرا شرفتنا بمرورك

 
هههههههههههههههههههههههههههههههههههههههههههههههههههههههههههههههههههه يعطيك الربح خويا صلاح والله لضحكني المسعود هاذا
ياخي بهلول ياخي
يعطيك الصحة كالعادة مميز..
 
هههههههههههههههههههههههههههههههههههههههههههههههههههههههههههههههههههه يعطيك الربح خويا صلاح والله لضحكني المسعود هاذا
ياخي بهلول ياخي
يعطيك الصحة كالعادة مميز..
اهلا اختي اشواق هههه
ياسي الحمد لله كي عبحاتك ههه
و الله ق قضتوني هذا شحال ما حكيتلكمش حكاية
هههه
قلت نزهيكم شوية هذي المرة
ههه
بارك الله فيك

 
اهلا اختي اشواق هههه
ياسي الحمد لله كي عبحاتك ههه
و الله ق قضتوني هذا شحال ما حكيتلكمش حكاية
هههه
قلت نزهيكم شوية هذي المرة
ههه
بارك الله فيك

علبالي بيك الجد الحنون لازم تحكي لأحفادك ??? هههههه
وفيك بركة اخي
 
السلام عليكم ورحمه الله وبركاته
بارك الله فيك خويا صلاح خممت فيا يعطيك الصحة وربي يبارك فيك

يعني هذا المسعود كارثة هههه ، الله قالب مسكين ههه كون زادوه شويه ماعرف واش يدير ههههه وواش يزيد يخرج ...
بارك الله فيك على المجهود

احترامي وتقديري
 
السلام عليكم ورحمه الله وبركاته
بارك الله فيك خويا صلاح خممت فيا يعطيك الصحة وربي يبارك فيك

يعني هذا المسعود كارثة هههه ، الله قالب مسكين ههه كون زادوه شويه ماعرف واش يدير ههههه وواش يزيد يخرج ...
بارك الله فيك على المجهود

احترامي وتقديري
السلام عليكم ورحمه الله وبركاته
بارك الله فيك خويا صلاح خممت فيا يعطيك الصحة وربي يبارك فيك

يعني هذا المسعود كارثة هههه ، الله قالب مسكين ههه كون زادوه شويه ماعرف واش يدير ههههه وواش يزيد يخرج ...
بارك الله فيك على المجهود

احترامي وتقديري
و عليكم السلام و رحمة الله و براكته
بارك الله فيك خويا حليم
و لازم نديرولك اشارة ههه راكم من المشجعين المخضرمين هنا
ههه
بارك الله فيك خويا شكرا



 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top