سلسلة / فقر مونطال / " العدد 6 "

[Salah eddin]

السلام عليكم و رحمة الله تعالى و بركاته
ناس اللمة نشالله راكم بخير و عافية ... الحمد لله ... و مرحبا بيكم
في عدد جديد من السلسلة الي نشالله تكونو والفتوها خلاص

و عذرا على انقطاع السلسلة نظرا لظروف خارجة عن نطاقنا

المهم أهلا و سهلا و مرحبا بكم في سلسلة :

و موضوع هذا العدد ... هو :
" حرية اللباس ... و تيزي فو "

بون ... جماعة الخير ... الظواهر المدرحة تفرض روحها على الساحة .... و الله يبعد علينا و عليكم البلا و المصايب نشالله ... و يهدينا الصراط المستقيم و يبثتنا عليه نشالله

في قضية اللبسة الي راها دايرة التير و الي الكثير يلاحظها بصح ما يلقيش لها بال ... يعني و الله العظيم ق تقعد توحد في مولاك و كي تقعد تخمم فيها وحدك تمرض تاع الصح ههه

و ابداوها من الفوق للتحت ...

نبداو بمجموعة القبعات و الكاسكيطات ... يا دين الله ... مش راح نهدر عليها ياسر هذي لاني ما لقيتش وش نقول عليها صراحةً

اشكال و زخارف غريبة الشكل و التشكيل ... و يلبسها صاحبنا و تلقاه يدور عادي بكل روح رياضية

خلونا من القبعات لاني مش ملاحظها ياسر صراحة ...

نجو للأقمصة و التريكوات ... يا عجابة الله ... واحد لابس تريكو مزركش بكل الالوان الزاهية و الربيعية في عز الشتا ... الاخر لابس تريكو مزخرف فيه كلمات

مش عارف بأي لغة وقيلا بلغة بابل و كلمات لا أراكم الله ... يعطيك يلبس و خلاص و يعطيك يجيب حاجة بيزار يبريزي بيها القاشي

نزيدو نروحو لصنف السروايل يا عجابة الله ... و السراويل هي لي دات الصدارة في موسوعة الغرائب و العجائب العالمية

ما نهدروش على التقطاع تاع السراويل ... و ما نهدروش على السروال الطايح ... و ما نهدورش على و على

يا ناس ... راني دخت انا خلاص ههه ... نهدر على السراويل الملونة بالالوان الزاهية ههه

يا عجابة الله ... تراس في عمرو مش عارف قداه ... لابس سروال أحمر !!! و الاخر لابس سروال أصفر ... والثاني سروال مش عارف وش لونو

و يعجبك السروال مطلس من كل جيه ... و الله ق شبع الواحد من المكر المبين هذا ههه

يان اتقوا مولاكم و الله هههه هذا الشي عيب ...

بلا ما نهدرو ع الملابس النسائية و الكشف الكبير لي راه صاري تحت ...

و الشي الي خلى الامور هذي تولي ع العلن هو الكذبة المعروفة بحرية الملبس ...

ناس اللمة و رواد واش راك تهدر و كل الطاقم اللماوي ... ماكمش تشوفو ... انو واجب علينا نصنفو هذي الفئة من الناس لي عندهم فقر مونطال !!

بلى و الله .

















​

 

[Salah eddin]

@حروف تائهة
@acher.dz
@dahman kz
@فيتامين سي
@حمزةusma
@عمر عبد السلام
@ربي اغفرلي
@{هِشام}
@scorpion16
@باتنية و نص
@الحلم الوردي
@إنسانة ما
@زهور الشوق
@Skor m@k
@زهرة اللمة
@يونس قاسم
@صدام بكل فخر
@madridista
@chirine zina
@بنت سطيف
@ميلينا
@بشرى ملاك
@aYyÖub aDaM
@جيهان جوجو
@لؤلؤة قسنطينة
@امين احمد
@جلال عبدالمنعم
@صمت المشاعر
@theking
@saddek06000
@Ma$Ter
@bassem1618
@BTCMADANI
@hakim story
@Hossam 01
@sanaya
@ليليا مرام
@ماجدة لربها ساجدة
@Soumia hadj mohammed
@Asseli Queen
@نعمات
@أم ياسمينdz
@عآشقة الجنـة
@omaridj27
@NOOR EL Huda
@مكان وزمان
@طموحة
@رضا الرحمان غايتي
@الصراحة راحة
@محمد التبسي
@الامين محمد
@حلم كبير
@الصحافية الساخرة
@Twinkle Stars
@طيب الكلام
@فتحي عاشق الجنه
@عاشقة الإحسان
@صفاءdz
@أم منيــــــر
@Princesse Diyor
@Princess nour
@Queen Fati
@نجلاء
@yaso ياسمين
@الورد الأحمر
@جميلة أنا ​

 

[الامين محمد]

أهلا حبيبي صلاح
شتقنا لها السلسلة الرائعة
فعلا أخي صلاح اللبسة نتاع شبابنا أصبحت عجيبة غريبة
راجل تلقاه مرجع روحه شامبانزي و قمط روحه بلبسة تحشم تلبسها و انت وحدك فما بالك قدام الناس و الأهل
بلا ما تنسى خويا صلاح هاذوك الصحفيين اللي زعما راهم نخبة شفت لبستهم كيف
خارجة على العرف و المعقول
يعني حاب نفهم هذا ذوق زعما أم مودا أم واش هذا فعلا
رايح ندخلوا في جحر الضب بالتقليد الأعمى

شكرا حبيبي صلاح بارك الله فيك

 

[Salah eddin]

أهلا حبيبي صلاح
شتقنا لها السلسلة الرائعة
فعلا أخي صلاح اللبسة نتاع شبابنا أصبحت عجيبة غريبة
راجل تلقاه مرجع روحه شامبانزي و قمط روحه بلبسة تحشم تلبسها و انت وحدك فما بالك قدام الناس و الأهل
بلا ما تنسى خويا صلاح هاذوك الصحفيين اللي زعما راهم نخبة شفت لبستهم كيف
خارجة على العرف و المعقول
يعني حاب نفهم هذا ذوق زعما أم مودا أم واش هذا فعلا
رايح ندخلوا في جحر الضب بالتقليد الأعمى

شكرا حبيبي صلاح بارك الله فيك

خويا لمين شكرا
بصح فقط ديري تعدي لعنوان الموضوع
راني قلطت فيه .. احذف كلمة " تتابع الموضوع "​

 

[Soumia hadj mohammed]

salam salah ki rak

 

[Salah eddin]

salam salah ki rak

الحمد لله بخير ههه
كن تعطينا رايك في الموضوع مش خير ههه


​

 

[HAMZA USMA]

شعب معاق

 

[Salah eddin]

@الامين محمد أرجو تعديل العنوان لانو وقع فيه خطأ
و ذلك بحذف هذا الجزء " تتابع الموضوع "​

 

[Soumia hadj mohammed]

الحمد لله بخير ههه
كن تعطينا رايك في الموضوع مش خير ههه


​

rani m3a memoir apres la soutenance in chaa allah nmdlk rayyi​

 

[Salah eddin]

rani m3a memoir apres la soutenance in chaa allah nmdlk rayyi​

ههه عذر غريب نوعا ما ههه
المهم ربي يعاونك نشالله
و بالتوفيق ​

 

[أشــواق 19]

هذا الموضوع بذات يعصبني بسكو راني وليت نشوووف واحد الاشكال يا لطيف..
يعطيك الصحة صلاح وراني دك نرجع نمد رايي..

 

[وحيدة كالقمر]

و الشيء لي معصبني كثر ه. التحفيفة تاع الاولاد و السروال مزير
خلاص تروح الرجولة تاع هاذ الشخص
و بنسبة للبنات لي يلبسو اللبس المكشوف والكاسيات العاريات راها علامات الساعة و الشيء الذي زاد الطين بلة هو ذلك الخمار الملفوف على رؤوسهن
ما موقعه من الاعراب هههههه

 

[Soumia hadj mohammed]

3lah ghrib
dok nwarilk zenba3 wi nytba3

 

[Salah eddin]

3lah ghrib
dok nwarilk zenba3 wi nytba3

هههه وين يتباع صح ؟ ههههه​

 

[لؤلؤة قسنطينة]

السلام عليكم
أهلا خويا صلاح ومرحبا بيك ومرحبا بسلسلة فقر مونطال من جديد
توحشنا التمنشير والتقطاع هههه
اللباس هو أكثر الأمور لي تقدر تنمشر فيها وضميرك مرتاح هههه خاطر شي ينطق ولو ما ينطقش لسانك
ينطقو عينيك وينطق قلبك، خاطر راهو منكر صاري، والمشكلة ماش غير في لباس عاري ولا مقطع وغير مستور يعني ربي لي يعاقب
المشكلة هاد الناس لي تلبس هكا ماتحسش روحها بدون قيمة؟ ماتحسش بقيمتها طايحة قدام الناس؟
يعني هل تمشي الموضة على حساب قيمتك وهيأتك؟ ناس تحير والله، وفكرتني بالقبعات الله يفكرك بالشهادة
واحد لابسلي برا قبعة تاع مايكل جاكسون ومهبطها على وجهو عينيه مام با يبانو وواحد القبعات هكا تاني يلبسوهم تاع الشتاء
ويجيو هابطين من الخلف تقول خيمار وخلي وخلي، أما الالوان كيما قلت تلقاه راجل بشلاغمو لابس سروال غوز بون بون
ومن فوق شوميزيي آفلوغ هههه زعما تناسق ويكملها بتسريحة كوب كاري يدي فيها الريح ههههه
أما البنات هادوك ربي يغفرلي برك بصح والله قلبي ياكلني إذا ماش لباس عاري تلقاها محجبة ومخلطة حجابها
وحدة رابطة الخيمار على راسها تقول فوطة تاع حمام ولخرا حاكمة الخيمار جهة ودنيها برك ورقبتها ماش مغطية تقول عمامة
وتزيد تلبسلك سنسلة وتبينها، يعني واحد الكاليتي ربي يعافينا برك وربي يثبتنا على الطريق الصحيح
خاطر من رايي لباس الإنسان يقدر يعبر عن قيمتو بغض النظر عن الفقر والغنى لكن طريقة اللبس تبين شكون نتا
شكرا خويا صلاح على الموضوع
تحياتي​

 

[صانعة الإبتسامة]

سلااااام
ياحصراه لبسة راها تبدلت ولي تحيرني شباب يلبسو ألوان نتاع نساء؟؟ولينا منفرقوش بين لمرا وراجل والله كانت الألوان حكرا على نسا برك درك لالا جماعة راها تتفنن ...وسراويل لمقطعة وطايحة كما قلت ..ولبنات ثاني نستغرب طفلة لابسة سروال مقطع!!!والله ولي تحير زعما دايرة خمار!!!والله حشمونا آوووو ياك رانا مسلمين وعلاش هكا والله دوخونا الله لا تربحهم يقلدو في الغرب ها قلدوهم في الاخترعات والاكتشافات؟؟؟علاش غير في لبسة
والله تحير
يعطيك الصحة خويا صلاح

 

[Oussama.GF]

سلام عليكم اخي
لي عودة عن قريب
تقربني في هدا عدد بقوة

 

[السلطانة]

وعليكم السلام ورحمة الله وبركاته
راك قستها في الصواب
اللبسة عادت بزاف وتخلطت الحالة
كل واحد واش يلبس
واحد مصيف في الشتا وواحد مشتي في الصيف
هذا كامل ميضرش قدام لي يلبس لبسة ماعلابالوش واش مكتوب فيها ولا لماه ترمز
ولا لي تلبس لبسة ماش مستورة ومتحشمش بيها
نلبس لبسة بسيطة ومحترمة خير من نلبس لبسة غالية ومجغبلة بارك الله فيك على المتابعة في السلسلة المفيدة

 

[حلم كبير]

السلام عليكم ورحمة الله تعالى وبركاته
موضوع حساس خويا صلاح بارك الله فيك على طرحه
إيه هاذي ظاهرة نشوفو فيها زايدة تتأزم ويجي نهار يتعراو ويمشيو ويقولك عادي
هاذي هي قمة الوقاحة اللي ممكن يوصل ليها هاذ الناس اللي عندهم فقر فكري مدقع
للاسف ضعف الشخصية اللي يخلي الشاب يقلد وخلاص بغض النظر مرتاح في لبستو ولا لالا
يعني تحسب هاذو راهم مرتاحين ،نأكدلك ما عدا يتظاهر ڤدام الناس وهو راه كون صاب يروح ويبدل
الله يهدي عبادو برك ،ويحفظ البقية المتبقية من أصحاب العقول الراجحة
بارك الله فيك على الموضوع
احترامي وتقديري ​