راني خايفة

[ACHWAK2002]

مشكلتي بسيطة لكني حابة نتكلم باش نرتاح
مشكلتي مع والديا والميكرو و نتائج الامتحانات
قالولي قبل الامتحانات ماتقيسيش الميكرو حتى اتكملي الامتحانات
كي كملت قالولي اذا ما جبتيش المعدل انبيعو الميكرو
كون ايبيعوه علابالي كاش ما يصرالي;(

 

[حنين الروح+]

رد: راني خايفة

اي تستاهلي كيفاش الميكرو خير من القراية
انجحي وبعد الميكرو مايطيرش
راهم خايفين على مستقبلك
وربي ينجحك ويخليلك الميكرو

 

[fidou]

رد: راني خايفة

راهم يخوفو فيك برك ... ما يبيعوه ما والو ...

 

[TEGER]

رد: راني خايفة

شنو الميكرو

 

[السعادة]

رد: راني خايفة

انجحي او من بعد خممي على الميكرو
ان شاءا لله تنجحي او ما يبيعوش الميكرو

 

[zagane]

رد: راني خايفة

السلام عليكم

ادا قستي الميكرو ممكن ترجعيه بعد التخرج والعمل بفظل الدراسة

ادا هملتي الدراسة الميكرو ما يرجعش الدراسة حيث لا يفيد الندم

 

[Mr.Tahar]

رد: راني خايفة

كيما قال فيدو راهم ايخوفو فيك برك ... انجحي ودرك ايزودويشرولك ميكرو تاني​

 

[ACHWAK2002]

رد: راني خايفة

راهم يخوفو فيك برك ... ما يبيعوه ما والو ...

شكرا أختي ريحتيني

 

[ZIZO/SAHARA]

رد: راني خايفة

ما تخافيش راهم غير يغلعو فيك بصح اولا وقبل كل شيئ خمي في دراستك اولا والميكرو ساهل ان شاء الله الميكرو هوسبب في اخفاقك والى شفتي بلي هو السبب خلي عليه انجحي وبعدين يعاودو يشرولك واحد الله يوفق
​

 

[Sami Captive]

رد: راني خايفة

تستاهلي زيرري روحك ومن بعد الميكرو

 

[M3TaZ eLLMa]

رد: راني خايفة


بانسبة لكلام ولديك نعم أخت لهم الحق في قول مثل هذا الكلام

فهم يردون مصلحتك ولا تزعلي من هذا فاولدين احسا بيك يعني قالو بأن الكومبيوتر سيأخذ عقلك عن الامتحانات وانا هنا اخالفهم الرأي يعني لو جاءا هذا الكلام قبل ما تدخلين الامتحانات لكان أحسن لك
كي تثابري وتدرسي جيدا من أجل مصلحتك الاولى والثانية من اجل الكومبيوتر لكن كان كلامهم بعد الامتحانات يعني شيء عادي أخت الاب هنا يريد تخوفيك كما ذكر الزملاء قبلي لا غير فهو لا يستطيع حرمان بنته من أبسط شيء ولا تخافي انا واثق من نجاحك واثق من الان الكومبيورت سيظل معاك

وتمنياتي لك بالنجاح ولا تخافي فا أسرة اللمة كلها معك أخت

يعطيك العافية

وتقبلي شكري وتقديري