البراكة كيفاه أثرت فيكم ؟؟

[السلطانة]

السلام عليكم ورحمة الله وبركاته
في يوم من الأيام استيقظت @لؤلؤة قسنطينة قسنطينة باكرا ..كان الجو ممطرا
والسماء ملبدة بالغيوم...ايا stop stop
لاتكونو صدقتو بلي راني نكتب في تعبير كتابي

اي ميس يو منتدى واش راك تهدر
اي ميس شعب اللمة
اي ميس اول اول
خاطيني لونجلي

هلكت لغة الناس صوري صوري اينجليش

لاعلينا نرجعو للموضوع

جيت نهدر على وحد البراكة مازالت عندنا
لي هي النسا لكبارات وعجايز زمان
لي مازالو محافظات على التقاليد لي ترباو عليها
كيما جداتنا
وعجوزتي

تنوض تصلي الفجر وتطيب ديك القهوة من يديها وتوجد السنيوة كيما كانت زمان على ديدانها
وكي قرب رمضان الفرحة شفتها في عينيها
شرات التوابل وحضرتهم بنفسها في الدار ورحاتهم
نقات الفريك وخباتو
كل يوم تدعي بالخير وتقولنا ربي يلحقنا للشهر الفضيل
روماركيت بلي الكبار هاذو يفرحو بالمناسبات الدينية اكثر من هاذ الجيل
هاذو هوما البراكة تاع الصح
تدخل تلقاها متبسمة في وجهك
رابطة راسها بمحرمة ولابسة قندورة كمامها طوال الحشمة والحيا

وكي تخرج تدير العجار واللحفاية
وكي تفوت على جماعة رجال تهبط راسها وتحشم
بالرغم من انو راجلها توفى من بكري الا انها مازالت صايناتو
كيفاه يادرى هاذي
جابت 10 ولاد ورباتهم في ديك الظروف
وخرجو نسا ورجال

حنا نتعلمو من حكمتهم
من هدرتهم
من معاملتهم بالنسبة لينا راهم مدرسة كبيرة للحياة

لي عندو براكة كيما هاذي في حياتو
يحترمها ويحطها فوق راسو
لأنو هاذ الناس تقريبا ينقرضوا

احكولنا على جدودكم وعلى ناس كبار تعرفوهم عندهم تأثير ايجابي في حياتكم ؟؟

تقبلوا تحياتي





​

 

[صانعة الإبتسامة]

صباح الخير
بوركتي عجبني بزااف الموضوع
فكرني في جدتي الله يرحمها كانت لها تحضيرات سيبسيال رمضان كل شيء تخدمو بيدها من طحن توابل وحتي طحن الفريك بسكو كانت عندها هاذ الآله نتاع بكري لقيتها عند عمي غوغل ربي يحفظو هههه

كنت نقعد بحذاها ونعاونها مسكينة مين ماتت راح كل شيء معاها وراحت البراكة كما قلتي مين داك ماما تخدم بيها وانا نقلها بسكو حابه نحافظ على واش كانت تدير جدتي ربي يرحمها

تسلمي على الموضوع المميز تحياتي القلبية لك

 

[السلطانة]

صباح الخير
بوركتي عجبني بزااف الموضوع
فكرني في جدتي الله يرحمها كانت لها تحضيرات سيبسيال رمضان كل شيء تخدمو بيدها من طحن توابل وحتي طحن الفريك بسكو كانت عندها هاذ الآله نتاع بكري لقيتها عند عمي غوغل ربي يحفظو هههه مشاهدة المرفق 83853
كنت نقعد بحذاها ونعاونها مسكينة مين ماتت راح كل شيء معاها وراحت البراكة كما قلتي مين داك ماما تخدم بيها وانا نقلها بسكو حابه نحافظ على واش كانت تدير جدتي ربي يرحمها

تسلمي على الموضوع المميز تحياتي القلبية لك

الله يرحم جداتك ويوسع عليها صح يخليو من وراهم حكم كبيرة
العبد يتوحشهم
هاذ الرحاية كيما لي عند عجوزتي ههه
مرة قتلها هاتي نجرب نرحي بيها
جربت يدي قريب طارت هههه
يعطيك الصحة اختي على المشاركة

 

[ام عبد الرحيم]

اييييييييه فكرتيني في جدتي
اكثر حاجة تتميز بها هي وصفاتها العلاجية بكري ماتخليناش كامل نروحو للطبيب تداوينا وحدها و لعشية نوضو نجروا كاننا ما مرضناش ربي يجازيها علينا خير الجزاء و يحفظها درك راهي كبيرة مسكينة ما ولاتش تقدر كيما بكري ما ننساش كرمها لو كان حبة تمر تقسمها معانا

 

[لؤلؤة قسنطينة]

السلام عليكم
ههههه ضحكتيني والله
عجبتني المقدمة كي عدت فيها
موضوع جميل جدا وفيه ريحة زمان
يلزملو ميكرو باه ندير رد طويل ههه
الهاتف مايكفيش ومايبردش القلب ههه
لي عودة ان شاء الله للرد كما يجب​

 

[HAMZA USMA]

كلامك صحيح هوما البركة
منيش عايش معاهم
​

 

[classic girl]

السلام عليكم ورحمة الله تعالى و بركاته
أولا نشكرك على الموضوع والفكرة
بارك الله فيك
اما بالنسبة للباركة تاع الناس الكبار هاديك عندها ذوق آخر
للاسف منقدرش نغوص في ردود >> ونثرثر كيما مالفة
باسكو ماعنديش لا جد و لا جدة Gـا ع ماتو ربي يرحمهم ويدخلهم فسيح جنان
يعني حرمت من حنانهم ملي كنت صغيرة
الموهم ربي يحفظ ناس زمان ناس القدر ويارب نكون كيفهم ولو بالنية تاعهم
بوركت ​

 

[السلطانة]

اييييييييه فكرتيني في جدتي
اكثر حاجة تتميز بها هي وصفاتها العلاجية بكري ماتخليناش كامل نروحو للطبيب تداوينا وحدها و لعشية نوضو نجروا كاننا ما مرضناش ربي يجازيها علينا خير الجزاء و يحفظها درك راهي كبيرة مسكينة ما ولاتش تقدر كيما بكري ما ننساش كرمها لو كان حبة تمر تقسمها معانا

جداتك كانت حكيمة منطقتها كيما يقولو
شحال يعجبوني هاذ العجايز لي يداوو بالاعشاب
ربي يحفظها ويكتبلها كل ماداوات بيه في ميزان حسناتها

 

[السلطانة]

السلام عليكم
ههههه ضحكتيني والله
عجبتني المقدمة كي عدت فيها
موضوع جميل جدا وفيه ريحة زمان
يلزملو ميكرو باه ندير رد طويل ههه
الهاتف مايكفيش ومايبردش القلب ههه
لي عودة ان شاء الله للرد كما يجب​

اهلا وسهلا بيك اختي منورة
في انتظار ردك الذي يشبه السيل الجارف وي البورتابل والو ميبردش القلب

 

[السلطانة]

كلامك صحيح هوما البركة
منيش عايش معاهم
​

نعم هوما بركة كبيرة
نورت اخي

 

[السلطانة]

السلام عليكم ورحمة الله تعالى و بركاته
أولا نشكرك على الموضوع والفكرة
بارك الله فيك
اما بالنسبة للباركة تاع الناس الكبار هاديك عندها ذوق آخر
للاسف منقدرش نغوص في ردود >> ونثرثر كيما مالفة
باسكو ماعنديش لا جد و لا جدة Gـا ع ماتو ربي يرحمهم ويدخلهم فسيح جنان
يعني حرمت من حنانهم ملي كنت صغيرة
الموهم ربي يحفظ ناس زمان ناس القدر ويارب نكون كيفهم ولو بالنية تاعهم
بوركت ​

اهلا وسهلا بيك اختي
ياكلاسيك غوورل
راني شايفتك في كاش زنقة ومنعرف ههه
الله يرحم جدك وجداتك ويسكنهم فسيح جناته
راكي قلتي كلمة عجبتني ناس القدر والنية
النية تاعهم وحدها ماعادتش في ناس هاذ الزمان
نورتي اختي الزينة
ربي يبلغنا رمضان ان شاء الله