استشرتكم كأخت فأعينوني

[sanaya]

سلام عليكم لحباب
سلام عليكم خوتاتي وخاوتي
الحاجة اللولى سمحولي بزاف كدخلت بعضوية سانايا مصح الله غالب منيش قادرة نكتب من حسابي الحقيقي باسكو هاذو أمور شخصية و كاين ناس فالمنتدى يعرفوني فالواقع وتعرفو الحياة الشخصية مش لازم تكون سيرة في كل لسان
المهم حابة نشاوركم وتمدولي رايكم وكل واحد و كفاه يشوف ونشوف أنا واش ندير
ياخي الرسول صلى الله عليه و سلم كان يشاور صحابو فكيف بنا نحن
كما تعرفو أنا حبست قرايتي عندي برك شهادة تعليم متوسط
العام اللي فات كنت نقرا لغات
و العام هذايا نحب ثاني نزيد فالانجليزية والفرنسية
مصح المشكل فاللغات لازم شحال نستنى باش تكون عندي شهادة رسمية و نخدم بيها
علما أنو راجلي ميقبلش بالخدمة خلاص مي عندي مساحة في داري وين نقدر ندير دروس خصوصية كنشد الشهادة بيانسير و في نفس الوقت نحب نخدم نشد شويا دراهم علما أنو ظروفي المادية مليحة ولله الحمد مي توجور نطمح نخدم ندير حاجة لروحي
و كولى راجلي يخدم برا يعني خارج الوطن لقيت عندي وقت فراغ كبير حابة نستغلو
وهنا حصلتلي و محتاجة رايكم الصريح
أسكو نكمل مع اللغات خير ولا ندير تكوين فالحلاقة و نحل صالون ولا ندير تكوين فالاعلام الالي ولا نحل حضانة عندي فالدار ولا مدولي كاش مجال و كاش دومان شباب و نهار نهز الشهادة نقدر نخدمو مام في داري
وشكرا لكم جميعا

 

[لؤلؤة قسنطينة]

السلام عليكم ورحمة الله وبركاته
أهلا بيك حبيبتي سنايا وإن شاء الله أحوالك بخير، وحفاظا على سرية أمرك كن شاركتي في قسم مشكلتي
هكا تكوني مرتاحة وتتكلمي براحتك، لكن معليش حبيبتي المهم شاركتينا المشكلة لي مقلقتك
المهم أختي نتي مشكلتك وقت الفراغ ماش الدراهم يعني وضعيتك مليحة والحمد لله إذن علاه تجيبي وجع الراس لنفسك؟
حابة تتعلمي لغات؟ هيه روحي اتعلمي مليحة بزاف لنفسك ماش للناس يعني اكسبيها لروحك، حابة تتعلمي خياطة او حلاقة
كذلك خليها لنفسك اتعلميها حرفة لروحك في حالة ما إذا احتجتيها يوما ما، وكذلك عندك هواية كامل عارفينها واش هي
اشغلي نفسك بيها، ادخلي دروس حفظ القرآن كاين بزاف أمور تشغلك وقتك لكي ضد أنك تستغلي وقتك في العمل
خاصة أنو زوجك يخدم بعيد ماتدخليش الناس لدارك هادي تاع دروس خصوصية وتاع صالون حلاقة تولي تكسبي منو ذنوب برك
هادي وصل شعر وهادي نمص، بالاك اذا جاتك في طفل واحد تاع انسانة تعرفيها وحبيتي تديريلو دروس وتجيبي منو مصروف
معليش، بصح تاع تجيبي بزاف أولاد فأنا هادي ضدها، عندك دارك ووليداتك ومستواك المعيشي مليح والحمد لله اذن
بعدي على الشقاء يكفيك تربية أطفالك ومتابعتهم سواء في تربيتهم أو دراستهم، اما اذا حبيبتي تتعلمي كاش حاجة
فديريها لنفسك احكمي شهادة اللغات ولا تاع الاعلام الآلي لنفسك وللزمان يمكن تحتاجيهم يوما ما، ولكن بما أنك حابة صح تخدمي
يمكن تدخلي في مدارس تعليم الحلويات وتخدمي بشوي للناس منها تربحي حرفة وتشغلي وقتك وتدخلي مصروف
غير هاد الشي أنا بصراحة ضد، وضد أنك تفتحي دارك للناس يعني انك تتعلمي لنفسك معليش، وهذا رأي شخصي فقط
زيدي شوفي مع بقية الأعضاء وربي يوفقك ان شاء الله
تحياتي​

 

[Toutaacher]

وعليكم السلام ورحمة الله تعالى وبركاته ومغفرته
اسمحيلي حنونتي على التدخل مي انا نشوف انو زوجك هو لي لازم تاخذي برأيه ولو حتى محبش وتقدري تقنعيه باسلوبك ومن غير مشاكل لا قدر الله وواضح انك طموحة ماشاء الله عليك
وبالنسبة ليا كرأي خاص نشوف تكملي اللغات خير لنفسك ولاولادك من غير عمل بما انه ظروفك مليحة والحمد لله وانا نحبذ واسمحيلي على التدخل في شؤونك الخاصة تبعدي على التعب والمشقة وخاصة اذا كان عندك اولاد هذه وحدها مسؤولية على عاتقك وبما انه زوجك غير موافق على خروجك للعمل نشوف انه عنده الحق مادام قادر على شقاه والحمد لله و ترضي زوجك لانه رضا الزوج من رضا الرب والله المستعان وربي يوفقك لما فيه خير وصلاح وان شاء الله مانكونش قلقتك بكلامي لانه في النهاية مجرد رأي لاغير ورأيك هو راح تاخذي بيه وربي يفرج عليك ????

 

[Hakan]

السلام عليكم
اذا حابة تخدمي شيء واذا حابة تتعلمي شيء
صحا نبداو اذا حابة تتعلمي ابتعدي تماما عن المدارس الخااصة وحدك تقدري تتعلمي اللغات فقط لازم عزيمة وتنظيم وقت ومنهجية كاين اخوة ها مدرسين للغة الانجليزية والفرنسية يقدرو يعاونوك في البرنامج
اما اذا حابة تخدمي فصراحة اخطيك لانو صعبة شوي وكما ذكرتي المدارس يربوط بالعام باش يعطولك ديبلوم
اما برأي الشخصي تتعلمي حرفة نسائية احسن حلويات ولا خياطة ولا حلاقة تجيبي بيها مصروف مليح والله اعلم ربي يوفقك ختي ..​

 

["viola"]

و عليكم السلام
اختي مفهمتكش في قضية اللغات يعني اذا راكي حابة تقرّيها دروس خصوصية لازملك شهادة
يعني معرفتش اذا راكي تقراي فيها وحدك و لا تقراي فيها في ايكول ولا
مهم بالنسبة للخدمة فهمتك باللي هو طموح و حاجة ديريها ليك نتي يعني مش علاجال المال و لا يعني منوافقش الاعضاء لي لفوق و قالولك مدامك لباس بيك علاه الخدمة يعني اسفة بصح هي تحوس حاجة لذاتها هي حابة تخدم تقرّي دروس خاصة او دير صالون ليها هي يعني مش مشكل دراهم و زيد في دارها مش راحا تخرج قع
رأيي هاكا نشوفها انا يعني راني معاك بصح كيما قاتلك الاخت لفوق رأي الزوج تاعك هو الصح اذا وافقلك اظن انو روضة صغيييرة يعني متفوتش 10 اطفال عالاكثر و تقريهم احدى اللغات مع قرآن و صوالح هاك تاع قيم يعني روضة اكي عارفة ..
يعني تكوّني ذراري صغار فالانجليزية و الله نشوفها مشروع مليح لازملك تطلعي على 2 صوالح اللغة الانجليزية اكيد + علم نفس الطفل
الحلاقة صح ادخل دراهم و مليحة مي انا شخصيا نشوف الروضة مليحة برك ديريلها وقت و متشديهمش نهار كامل اربطيها بالتعليم قال نقري الاطفال فرنسية و لا انجليزية وشوفي اذا تقدريلها ديري حساب لكلش
ربي يوفقك ^^
​

 

[Hakan]

و عليكم السلام
اختي مفهمتكش في قضية اللغات يعني اذا راكي حابة تقرّيها دروس خصوصية لازملك شهادة
يعني معرفتش اذا راكي تقراي فيها وحدك و لا تقراي فيها في ايكول ولا
مهم بالنسبة للخدمة فهمتك باللي هو طموح و حاجة ديريها ليك نتي يعني مش علاجال المال و لا يعني منوافقش الاعضاء لي لفوق و قالولك مدامك لباس بيك علاه الخدمة يعني اسفة بصح هي تحوس حاجة لذاتها هي حابة تخدم تقرّي دروس خاصة او دير صالون ليها هي يعني مش مشكل دراهم و زيد في دارها مش راحا تخرج قع
رأيي هاكا نشوفها انا يعني راني معاك بصح كيما قاتلك الاخت لفوق رأي الزوج تاعك هو الصح اذا وافقلك اظن انو روضة صغيييرة يعني متفوتش 10 اطفال عالاكثر و تقريهم احدى اللغات مع قرآن و صوالح هاك تاع قيم يعني روضة اكي عارفة ..
يعني تكوّني ذراري صغار فالانجليزية و الله نشوفها مشروع مليح لازملك تطلعي على 2 صوالح اللغة الانجليزية اكيد + علم نفس الطفل
الحلاقة صح ادخل دراهم و مليحة مي انا شخصيا نشوف الروضة مليحة برك ديريلها وقت و متشديهمش نهار كامل اربطيها بالتعليم قال نقري الاطفال فرنسية و لا انجليزية وشوفي اذا تقدريلها ديري حساب لكلش
ربي يوفقك ^^
​

روضة لازملها شروط نضن الاخت شويا بعيدة عليهم نضرا للمستوى الدراسي تاعها:
عملية منح اعتماد الحضانات أصبحت للعلم تخضع لشروط جديدة تضمنها القانون الجديد رقم 287 المؤرخ في 17 سبتمبر 2008 اذ يتطلب لمنح الاعتماد وفقا لهذا القانون توافر مجموعة من الشروط التي لم تكن مطلوبة سابقا تتمثل أهمها في بلوغ صاحب الاعتماد سن 25 سنة وحصوله على شهادة في إحدى التخصصات التي تسمح له بفتح حضانة كالطب النفسي، مستشار تربوي أستاذ أو معلم وغيرها اضافة الى خبرة لا تقل عن 5 سنوات زيادة على شروط أخرى تتعلق بظروف ومواصفات المبنى الذي سيخصص لفتح الحضانة.

 

["viola"]

روضة لازملها شروط نضن الاخت شويا بعيدة عليهم نضرا للمستوى الدراسي تاعها:
عملية منح اعتماد الحضانات أصبحت للعلم تخضع لشروط جديدة تضمنها القانون الجديد رقم 287 المؤرخ في 17 سبتمبر 2008 اذ يتطلب لمنح الاعتماد وفقا لهذا القانون توافر مجموعة من الشروط التي لم تكن مطلوبة سابقا تتمثل أهمها في بلوغ صاحب الاعتماد سن 25 سنة وحصوله على شهادة في إحدى التخصصات التي تسمح له بفتح حضانة كالطب النفسي، مستشار تربوي أستاذ أو معلم وغيرها اضافة الى خبرة لا تقل عن 5 سنوات زيادة على شروط أخرى تتعلق بظروف ومواصفات المبنى الذي سيخصص لفتح الحضانة.

ياه ! صعيبة -_-
انا قصدت تشدهم على اساس تقريهم لغة اجنبية اذا عندها الشهادة فهمتني
تقريها للذراري صغار و تتحكم تقريهم صوالح وحدخرين كيما القرآن و هاك
و متشدهمش يوم كامل سوايع تاع دراسة برك
منعرف لبلاد هاذي :/
ربي يسهل نشالله ​

 

["viola"]

و عليكم السلام
اختي مفهمتكش في قضية اللغات يعني اذا راكي حابة تقرّيها دروس خصوصية لازملك شهادة
يعني معرفتش اذا راكي تقراي فيها وحدك و لا تقراي فيها في ايكول ولا
مهم بالنسبة للخدمة فهمتك باللي هو طموح و حاجة ديريها ليك نتي يعني مش علاجال المال و لا يعني منوافقش الاعضاء لي لفوق و قالولك مدامك لباس بيك علاه الخدمة يعني اسفة بصح هي تحوس حاجة لذاتها هي حابة تخدم تقرّي دروس خاصة او دير صالون ليها هي يعني مش مشكل دراهم و زيد في دارها مش راحا تخرج قع
رأيي هاكا نشوفها انا يعني راني معاك بصح كيما قاتلك الاخت لفوق رأي الزوج تاعك هو الصح اذا وافقلك اظن انو روضة صغيييرة يعني متفوتش 10 اطفال عالاكثر و تقريهم احدى اللغات مع قرآن و صوالح هاك تاع قيم يعني روضة اكي عارفة ..
يعني تكوّني ذراري صغار فالانجليزية و الله نشوفها مشروع مليح لازملك تطلعي على 2 صوالح اللغة الانجليزية اكيد + علم نفس الطفل
الحلاقة صح ادخل دراهم و مليحة مي انا شخصيا نشوف الروضة مليحة برك ديريلها وقت و متشديهمش نهار كامل اربطيها بالتعليم قال نقري الاطفال فرنسية و لا انجليزية وشوفي اذا تقدريلها ديري حساب لكلش
ربي يوفقك ^^
​

10 يعني -__- داهال ​

 

[السلطانة]

وعليكم السلام ورحمة الله وبركاته كون.تقراي خياطة ولاحفافة تحطي ديبلوماتهم لهيه وتكملي مع تاع اللغات ولو انو في وقتنا الحرف الخاصة اسهل من تخدمي عند اادولة خاصة لخيااطة تقدري تخدمي في داارك ومباعد تفتحي والحفافة كيف كيف ربي يسهلك ان شاء الله

 

[sanaya]

السلام عليكم ورحمة الله وبركاته
أهلا بيك حبيبتي سنايا وإن شاء الله أحوالك بخير، وحفاظا على سرية أمرك كن شاركتي في قسم مشكلتي
اهلا حبيبتي والله راحتلي هههههه الخترة الجاية مصح نورمال المهم مننشرش من اسمي الحقيقي برك
هكا تكوني مرتاحة وتتكلمي براحتك، لكن معليش حبيبتي المهم شاركتينا المشكلة لي مقلقتك
المهم أختي نتي مشكلتك وقت الفراغ
مش وقت الفراغ بحد ذاتو لأنو توجور مشغولة مام ككان راجلي يخدم فلبلاد كنت أوكيبي مي دوكا ولى عندي وقت أكثر حابة نستغلو
ماش الدراهم يعني وضعيتك مليحة والحمد لله إذن علاه تجيبي وجع الراس لنفسك؟
حابة تتعلمي لغات؟ هيه روحي اتعلمي مليحة بزاف لنفسك ماش للناس يعني اكسبيها لروحك،
اللغات نحبهم بزاف لروحي مصح توجور مدابيا شهادة رسمية نهزها والشهادة لازم تستناي ثلاث ولا أربع سنوات باش تهزيها?
حابة تتعلمي خياطة او حلاقة
كذلك خليها لنفسك اتعلميها حرفة لروحك في حالة ما إذا احتجتيها يوما ما،
هههههههههه مام يما قالت نفس الشيء
وكذلك عندك هواية كامل عارفينها واش هي
اشغلي نفسك بيها،
هاذي راني معاها محبستهاش أكيد
ادخلي دروس حفظ القرآن
نو القران ختمتو بالقواعد و عندي شهادة الختم
كاين بزاف أمور تشغلك وقتك لكي ضد أنك تستغلي وقتك في العمل
خاصة أنو زوجك يخدم بعيد ماتدخليش الناس لدارك هادي تاع دروس خصوصية وتاع صالون حلاقة تولي تكسبي منو ذنوب برك
الناس ميدخلوش لداري عندي مساحة فالدار مصح عندها باب من برا
هادي وصل شعر وهادي نمص، بالاك اذا جاتك في طفل واحد تاع انسانة تعرفيها وحبيتي تديريلو دروس وتجيبي منو مصروف
معليش، بصح تاع تجيبي بزاف أولاد فأنا هادي ضدها، عندك دارك ووليداتك ومستواك المعيشي مليح والحمد لله اذن
بعدي على الشقاء يكفيك تربية أطفالك ومتابعتهم سواء في تربيتهم أو دراستهم، اما اذا حبيبتي تتعلمي كاش حاجة
فديريها لنفسك احكمي شهادة اللغات ولا تاع الاعلام الآلي لنفسك وللزمان يمكن تحتاجيهم يوما ما، ولكن بما أنك حابة صح تخدمي
يمكن تدخلي في مدارس تعليم الحلويات وتخدمي بشوي للناس منها تربحي حرفة وتشغلي وقتك وتدخلي مصروف
غير هاد الشي أنا بصراحة ضد، وضد أنك تفتحي دارك للناس يعني انك تتعلمي لنفسك معليش، وهذا رأي شخصي فقط
راني معاك في قضية تدخلي الناس لدارك باسكو يجيك المليح ولقبيح و لازم تكوني خشينة شويا سينو متقدريش مام اختي قالت كتفتحي صالون ديري فبالك أي واحد يجيك ومتقدريش ترفضي بالنسبة للدراهم مام ككونو الأحوال المادية ملاح مليحة الوحدة تخدم مش ضيع دارها وولادها أكيد بناتي في زوج يقراو و نا العام اللي فات ككنت نقرا نخرج بعدهم نولي قبلهم و3 خترات فالسمانة مش كل يوم
و أي حاجة تعلمتها أكيد أكيد لروحي مصح حتى الدراهم معندك متقولي فيهم ككون عندك الوقت و الطاقة و الجهد وعلاش لا ديري حاجة لروحك وتعاوني حتى شويا من الناس المحتاجين
ربي يحفظك بزززززاااااااااااااااااف على رااااايك شكرا حبيبتي مريومة و ربي يوفقك نتي ثاني في حياتك
زيدي شوفي مع بقية الأعضاء وربي يوفقك ان شاء الله
تحياتي​

 

[sanaya]

وعليكم السلام ورحمة الله تعالى وبركاته ومغفرته
وعليكم السلام ورحمة الله تعالى وبركاته
اسمحيلي حنونتي على التدخل مي انا نشوف انو زوجك هو لي لازم تاخذي برأيه
أكيد حبيبتي هاذي باينة هو الشرط تاعو مكاش خدمة برا الا في حالة كانت في مؤسسة مش مختلطة و ماشي كل يوم لقراية نورمال شرط عدم الاختلاط ولقيت بريفي مش مختلط
و بالنسبة لخدمة الدار نخير واش حبيت أنا وهو شجعني أكثر لصالون الحلاقة
ولو حتى محبش وتقدري تقنعيه باسلوبك ومن غير مشاكل لا قدر الله
ياودي كاين صوالح ميقنعش بيهم و مستحيل أبسطها نكمل قرايتي و كما تعرفي كل المراكز مختلطة وهو ميحبش الاختلاط مصح الحمد لله كعطالي الحرية للخدمة فالدار و لا لقراية مليح
وواضح انك طموحة ماشاء الله عليك
وبالنسبة ليا كرأي خاص نشوف تكملي اللغات خير لنفسك ولاولادك من غير عمل بما انه ظروفك مليحة والحمد لله
نعم واللغات حاجة نحبها
وانا نحبذ واسمحيلي على التدخل في شؤونك الخاصة تبعدي على التعب والمشقة وخاصة اذا كان عندك اولاد هذه وحدها مسؤولية على عاتقك
والله مفيهاش تعب بالعكس يصرا التعب كتكوني مشارجية بزاف مي كتكوني تخدمي بلعقل و متشارجيش نورمال والخدمة و القراية ككونو يقراو بناتي مصح فالصيف نمدلهم وقتي
وبما انه زوجك غير موافق على خروجك للعمل نشوف انه عنده الحق مادام قادر على شقاه والحمد لله
لا هو ميحبش الخدمة برا مي فالدار نورمال
و ترضي زوجك لانه رضا الزوج من رضا الرب والله المستعان وربي يوفقك لما فيه خير وصلاح وان شاء الله مانكونش قلقتك بكلامي
لا أبدا بالعكس يسعدني سماع الرأي الصريح حبيبتي و شكرا بزااااااااااااااف للإجابة و ربي يوفقك ثاني
لانه في النهاية مجرد رأي لاغير ورأيك هو راح تاخذي بيه وربي يفرج عليك ????

 

[sanaya]

السلام عليكم
اذا حابة تخدمي شيء واذا حابة تتعلمي شيء
ياودي هاذي المشكلة حصلت أسكو نكون روحي و لا نجيب دراهم
صحا نبداو اذا حابة تتعلمي ابتعدي تماما عن المدارس الخااصة وحدك تقدري تتعلمي اللغات فقط لازم عزيمة وتنظيم وقت ومنهجية كاين اخوة ها مدرسين للغة الانجليزية والفرنسية يقدرو يعاونوك في البرنامج
نعم وكاين مواقع نقدر نقرا فيهم علما أنو دوكا راني تطورت بزاف فالانجليزية من خلال استعمالها فمواقع التواصل ولكن المدارس الخاصة يمدولك شهادة تنفعك وقت تحتاجها
اما اذا حابة تخدمي فصراحة اخطيك لانو صعبة شوي
صراحة حسب علمي الخدمة برا واعرة قد مايكون فيها دراهم مصح تاع الدار لا باسكو الوحدة تكون هي حاكمة فروحها
وكما ذكرتي المدارس يربوط بالعام باش يعطولك ديبلوم
اما برأي الشخصي تتعلمي حرفة نسائية احسن حلويات ولا خياطة ولا حلاقة تجيبي بيها مصروف مليح
نعم و هاذو في 6 شهور نهز دبلوم نورمال ولا 8 شهور و قادرة ندير بيهم مشروع وحدي والدراهم فيهم ملاح
و شكرا جزيلاااااااااااااااا لحضورك و رأيك خويا حكيم وربي يوفقك ثاني
والله اعلم ربي يوفقك ختي ..​

 

[Toutaacher]

ربي يوفقك نتي ثاني حبيبتي وربي يسهل في الخير ولي فيها الخير ربي يقدمها وبالتوفيق مالا حبيبتي شوفي دومان تاع حفافة ولا خياطة والله المستعان

 

[sanaya]

و عليكم السلام
أهلا ختيتو
اختي مفهمتكش في قضية اللغات يعني اذا راكي حابة تقرّيها دروس خصوصية لازملك شهادة
يعني معرفتش اذا راكي تقراي فيها وحدك و لا تقراي فيها في ايكول ولا
اللغات بديتهم العام اللي فات و منعرفش أسكو نكمل حتى تكون عندي شهادة ولا ندورها خدمة و خلاص
مهم بالنسبة للخدمة فهمتك باللي هو طموح و حاجة ديريها ليك نتي يعني مش علاجال المال و لا يعني منوافقش الاعضاء لي لفوق و قالولك مدامك لباس بيك علاه الخدمة يعني اسفة بصح هي تحوس حاجة لذاتها هي حابة تخدم تقرّي دروس خاصة او دير صالون ليها هي يعني مش مشكل دراهم و زيد في دارها مش راحا تخرج قع
ااااه وي ركزيلي على حاجة ديريها ليك نتي يعني لروحي أنا بعيدا على الدراهم بعيدا عن وقت الفراغ حاجة لروحي أنا
رأيي هاكا نشوفها انا يعني راني معاك بصح كيما قاتلك الاخت لفوق رأي الزوج تاعك هو الصح اذا وافقلك اظن انو روضة صغيييرة يعني متفوتش 10 اطفال عالاكثر و تقريهم احدى اللغات مع قرآن و صوالح هاك تاع قيم يعني روضة اكي عارفة ..
يعني تكوّني ذراري صغار فالانجليزية و الله نشوفها مشروع مليح لازملك تطلعي على 2 صوالح اللغة الانجليزية اكيد + علم نفس الطفل
اتسما لازم شهادة
الحلاقة صح ادخل دراهم و مليحة مي انا شخصيا نشوف الروضة مليحة برك ديريلها وقت و متشديهمش نهار كامل اربطيها بالتعليم قال نقري الاطفال فرنسية و لا انجليزية وشوفي اذا تقدريلها ديري حساب لكلش
جربت فيما قبل تدريس الأطفال في جمعية مش تدريس مي هي أنشطة صبت روحي بيان و الروضة خدمة شاااابة بالنسبة للشهادة معنديش لازم نكمل نقرا باش نهزها
ومرسي حبيبتي بزااااااف على رايك وربي يوفقك نتي ثاني
ربي يوفقك ^^
​

 

[sanaya]

روضة لازملها شروط نضن الاخت شويا بعيدة عليهم نضرا للمستوى الدراسي تاعها:
عملية منح اعتماد الحضانات أصبحت للعلم تخضع لشروط جديدة تضمنها القانون الجديد رقم 287 المؤرخ في 17 سبتمبر 2008 اذ يتطلب لمنح الاعتماد وفقا لهذا القانون توافر مجموعة من الشروط التي لم تكن مطلوبة سابقا تتمثل أهمها في بلوغ صاحب الاعتماد سن 25 سنة وحصوله على شهادة في إحدى التخصصات التي تسمح له بفتح حضانة كالطب النفسي، مستشار تربوي أستاذ أو معلم وغيرها اضافة الى خبرة لا تقل عن 5 سنوات زيادة على شروط أخرى تتعلق بظروف ومواصفات المبنى الذي سيخصص لفتح الحضانة.

يا خويا عندنا الاف دور حضانة مش رسمية مصح ملاح والناس يقصدوهم و مافيهاش هاذ الشروط متنساش المدينة صغيرة و الناس تقريبا كامل يعرفو بعضاهم و غير يعرفو وحدة لاباس بيها يقصدوها باسكو معندناش دور حضانة رسمية لحد الآن
للتوضيح فقط و الخدمة ثاني فيها مليحة مصح مسؤولية كبيرة شويا

 

[sanaya]

وعليكم السلام ورحمة الله وبركاته كون.تقراي خياطة ولاحفافة تحطي ديبلوماتهم لهيه وتكملي مع تاع اللغات ولو انو في وقتنا الحرف الخاصة اسهل من تخدمي عند اادولة خاصة لخيااطة تقدري تخدمي في داارك ومباعد تفتحي والحفافة كيف كيف ربي يسهلك ان شاء الله

وي حبيبتي بين الحلاقة و اللغات حااااااصلة مصح راني ديت بزاف آراء و راح نقرر واش ندير بالضبط و مرسي ليكم بزاااااف