روتيني

sanaya

:: عضو بارز ::
أحباب اللمة
إنضم
8 ديسمبر 2016
المشاركات
3,495
نقاط التفاعل
38
النقاط
157
الجنس
أنثى
السلام عليكم لبنات??
نشالله راكم غاية??❤
جابلي ربي أول مرة نكتب هنا ??
اليوم حبيت نشارككم روتيني اليومي و الأسبوعي للعناية بالبشرة و الشعر و اللياقة البدنية
❤أول حاجة نديرها صباح هي غسل الأسنان
معجوني المفضل هو سامسوداين و مؤخرا سمعت الأطباء ينصحوا بهذا مصنع و منتوج جزائري و بديت نجربوا ليامات هذوما و عجبني بزاف
20180919_140738.jpg
ومع غسل الأسنان مباشرة نستعمل السواك (عود الأراك) و نفرش بيه اسناني و عندي مدة طويلة و نا نستعملو و لله الحمد حتى الآن لا أعاني بأي مشكل على الأسنان
السواك نحطي في علبة ماسكرا دائما باش يكون شكلو شباب???
20180919_140837.jpg
و ريثما نوجد الفطور نشرب خمسة أكواب من الماء ولكن مش خترة وحدة مليحة بزاف للصحة
❤و على العاشرة صباحا عندي وقت الرياضة
20180919_141441.jpg
و بما أنو عندي فقر دم في الوقت الحالى راني ندير فوتينق برك مدة نصف ساعة أما في الحالة العادية فمدة الرياضة هي ساعة نصف ساعة جري و النصف الآخر تمارين رياضية تعمل على كل عضلات الجسم أخذتها من عند مختصة بالتأهيل الحركي
و يوم بيوم مش كل يوم و ساعات راني نراتي منديرش سبور خلاص?
كنكمل الرياضة ندير قناع على وجهي طبيعي نكون وجدتو قبل مدة عشرين دقيقة و بعدها نروح للدوش
و كنكمل ندي قطعة ثلج من ماء الورد نمررها على البشرة بحيث الثلج و ماء الورد مفيد جدااااااا للبشرة
بالنسبة للأقنعة كل شهرين نخير قناع طبيعي نديرو
و كاين أقنعة يتباعو مصح نخير اللي نديرهم وحدي باسكو نتاع الحانوت أكيد فيهم مواد كيمائية
❤الليل قبل النوم ندير مساج للرقبة و الوجه (شوفي طريقة المساج باليوتيوب)
و أفضل الزيوت اللي عجبوني زيت اللوز المر زيت الأركان زيت الزيتون
فوائد المساج ينشط الدورة الدموية ينحي لحبوب نهائيا و ينظف البشرة تنظيفا عميقا و هاذ المساج هو البديل الطبيعي لكريم الليل لأنو صراحة بور موا كريم الصباح و الليل غير خرطي باسكو سير فيهم مواد كيمائية
و ندهن يديا و رجليا بالفازلين و النتيجة روعة بحيث تتخلصين نهائيا من تشققات القدم و تقصف الأظافر
و أروع تسريحة للنوم هي هاذي?
images (1).jpeg
بالنسبة للشعر عندي كل سمانة قبل الدوش ماسك طبيعي للشعر مدة ست ساعات
و المقشر الطبيعي عبارة عن ملح البحر + قهوة + خل التفاح و هاذ المقشر رووووووعة والله ولا معندكش ملح بحر ديري ملح عادي و كذلك بضع قطرات ليمون و قطرة من زيتك المفضل
و بالنسبة لتقشير الوجه قبل الحمام ندير ماسك الطين الأخضر حتى يجف
و بالنسبة للشعر باش متعييش شعرك بالسيشوار كل خترة تعلمي ديري لرولي
images (2).jpeg
ولا لفة التوربيون
13_Kwi94DdI.jpg
و طريقة المشط هاذي عندها فوائد كثيرة للشعر و تقدري تديريها كل يوم
و الشعر متمشطيهوش حتى يكون قريب باش ينشف سنو راح تدخل ليه الرطوبة و يولي ???....
❤بالنسبة لمزيلات العرق جامي نستعملهم عندهم أضرار كبيرة و تسبب حساسية و اسوداد لأنها تحبس العرق و المشكل كيتعرق الشخص بعد وضع مزيل العرق الريحة تاعو تكون ???
و البديل الطبيعي الرااااائع هو حجر الكريستال
20180919_141557.jpg
و أخيرا سير راح تقولو وشبيها هاذي تستعمل غير الأقنعة والمواد الطبيعية
الحقيقة حسب تجربتي أفضل بكثير للبشرة من المصنعة....
و تمنحك إشراقة و نضارة أكثر.....
و الحاجة الوحيدة اللي نستعملها مش طبيعية هي مستحضراتي للتبرج ....
20180919_144659.jpg
أكثر حاجة نحبها فهاذ المجموعة الروجلاف و الآيشادو
20180919_144445.jpg
هاذ العلبة وصيتها زعما من خارج الوطن ولكن للأسف ألوانها باهتين خصوصا ظلال العيون تجي فاااتحة و أكثر شيء نحبو فيها هو أحمر الشفاه
و للأمانة منماكييش كل يوم باسكو البشرة راح تتضرر✋✋
المهم بالنسبة للماكياج إلا عندك دراهم شري لوريجين خير للبشرة تاعك مصح لوريجين غالي و بزاف
كتجي تنحي الماكياج نحيه بماء الورد أفضل
هذا هو روتيني سهل و بسيط و نموت عليه ❤❤ نتمنى كل واحدة تشاركنا بالروتين تاعها باش نستفادو كامل
سلام???????
 
ما شاء الله عليكِ روتين مميز ورائع
جزاكِ الله خيراً على مشاركتنا روتينك اليومي

 
وعليكم السلام ورحمة الله وبركاته الله يبارك ماشاءالله روتينك روووعة خاصة انك تمارسي رياضة وتهمي ببشرتك وشعرك بمواد طبيعية
مشكورة حبيبتي راكي فدتيني بزاف وفكرتيني في لي غولو :-p منلي ديتهم لجهازي بقاو مخبيين راح نجبدهم ونستعملهم هاذ الاسبوع باذن الله راح نطبق وصفات الاخت سكون ونطبق من روتينك

موضوعك مميز يوضع في فهرس التميز لما بين يتم تصميم ختم تميز لان القديم راحلنا

تحياتي
 
وعليكم السلام ورحمة الله وبركاته الله يبارك ماشاءالله روتينك روووعة خاصة انك تمارسي رياضة وتهمي ببشرتك وشعرك بمواد طبيعية
مشكورة حبيبتي راكي فدتيني بزاف وفكرتيني في لي غولو :-p منلي ديتهم لجهازي بقاو مخبيين راح نجبدهم ونستعملهم هاذ الاسبوع باذن الله راح نطبق وصفات الاخت سكون ونطبق من روتينك

موضوعك مميز يوضع في فهرس التميز لما بين يتم تصميم ختم تميز لان القديم راحلنا

تحياتي
وي أنا عندي وحمة على المستحضرات الطبيعية باستثناء المايكاب
الرياضة ??ادمان ياجدك و المليح فيها أنو تفيد جسمك و قلبك و بشرتك و شعرك و تحسن المزاج كثيرااااااااا
تسلمي لمرورك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top