هاتف الجزائري خط __ احمر ×

[ضآحكة مستبشرة]

السلام عليكم و رحمة الله تعالى و بركاته

كيف حال الجميع
اييييييه يا حسراه شحال عندي مضربتش دورة هنا و اليوم جا في بالي موضوع

اليوم كنت نشوف في اليوتيوب فيديو على الراجل الجزائري و الهاتف ديالو
هل يسمح لمرتو تمسوا ولا لالا اغلب الرجال ولا كلهم قالوا لالا و مستحيل و على ردة الفعل ديالهم
لما سقساتهم الصحفية لوكان تجي على غفلة و تصيب هاتفك عند زوجتك واش تدير واحد قال نضربها و واحد نطلقها و غيرها من الاراء
يعني توصل بيهم للطلاق على جال الهاتف و السبب هو انو باين بلي راهم خاربينها لوكان مراهم دايرين والو لوكان تجيهم نورمال
و من بين لي سألتهم كانوا بزاف شباب يعني و الشباب في هذا الوقت الا من رحم ربي غير لي عندو ثلاثة و ربعة خلاف المئات من الصديقات لي يتواصل معاهم
و مختلف الامور الاخرى لي يشوفوها لوكان تعرف الزوجة خرايبو رح تديرلوا حالة
كاين شخص من بين لي سقساتهم قاللها ولادي و ممنوع عليهم هنا قلت هاذي الهدرة كامل متبشرش بالخير و باين سبب الرفض من ورائو ان
و شفت بلي لوكان الزوج يحط هاتف تاعو و يخلي زوجتو تخلط فيه كيما تحب افضل لانو رح تكبر الثقة بيناتهم
حاليا انا مانيش متزوجة لكن شفت ابي فاتح فيسبوك تاعو في كل مكان هاتف و ميكرو لي جا يدخل فيه كيما يحب و هاتف تاعو دايمن عندنا مكان حتى مشكل
رح تقولو لانو كبير و ميدير والو بصح لي راهم فوق 40 هوما لي راهم كالبين مراهقة تاع صغر حبو يرجعوها في كبرهم حاشا لي معدنهم طيب يعني راني نخصص كلامي على نوع لي يمنع عائلتو من ولادو لزوجتو أنهم يبعدوا على تيليفونو

او سؤالي موجه ليكم اعضاء اللمة :

انت كزوج حاليا ولا مستقبلا لوكان تلقى هاتف تاعك في يد زوجتك واش تكون ردة فعلك ؟
و هل تقدر تمدهولها بدون خوف ؟

و أنت اختي اللماوية كزوجة حاليا ولا مستقبلا تقدري تدناي لهاتف زوجك ولا تفضلي تتجنبي هذا الشيء تجنبا للمشاكل ؟
و هل رح تكون عندك ثقة في زوجك اذا منع عليك انك تلمسي هاتف ديالو ؟

نتمنى انو يعجبكم موضوعي بعد غياب

في امان الله وحفظه ورعايته
السلام عليكم

​

 

[آمِيْرَتُه]

السلام عليك
آهلا حبيبتي راني جيت ترحبي بيا ولا نرجع هههه
تفرجت عليها هي الفقرة و كنت مع سي المسيو هههه خلعني لقالها نضربها نطلقها سينيما
أنا تبان ليا لعنده حاجة في تلفونه يخبيه على زوجة تاعه وراح نجوبك على سؤالك

و أنت اختي اللماوية كزوجة حاليا ولا مستقبلا تقدري تدناي لهاتف زوجك ولا تفضلي تتجنبي هذا الشيء تجنبا للمشاكل ؟
ديما كي يحط تلفونه نرفده ساعات نكوناكتي بيه ساعات نعيط لدارنا ساعات نلعب بصح جامي قالي حطي و لا شراكي ديري نورمال و حتى هو موالف يدي بورطابلي معاه لبرا كي يكون تاعه فاسد وجامي تحسست منه
و هل رح تكون عندك ثقة في زوجك اذا منع عليك انك تلمسي هاتف ديالو ؟
بصراحة لا كون ميخلينيش و يمنع عليا راح نبقا نشك فيه و حتى أن نعرف يبغيني بصح يبقا داك السؤال في راسي علاه مخلانيش نرفد تلفونه قادر هي العفسة دير مشاكل بيني وبيني فغير يخليني نرفده مع أن منحوسش شافيه و الا غادي تنوض حرب كبيرة خخخخ

مشكورة على الموضوع

 

[لؤلؤة قسنطينة]

السلام عليكم ورحمة الله وبركاته
أهلا أهلا بالسماسم نورتينا في واش راك تهدرو توحشنا مواضيعك القيمة والجميلة
وموضوعك هاد المرة حساس خاصة لما يخص الحياة الزوجية، صراحة ومن رأيي الشخصي نشوف في الموضوع من منظور آخر
وقادر رأيي يتحمل الخطأ أو الصواب، يعني الرأي هذا يمثلني وحدي وفقط، أولا أنا مع الرجل لي كي يشوف زوجتو هزت الهاتف تاعو
بدون إذنو ويزعف، صح ماش لدرجة الطلاق لأنو الطلاق أمر كبير وفيه خراب للعائلة، ولكن هاد الفعل ليس جيد وأنا ضدو ألف بالمائة
حبت الزوجة تهز هاتف زوجها تستناه يكون موجود وتقولو اعطيني هاتفك نحتاجو تكونيكتي بيه ولا تعيط بيه ولا حتى تفتش فيه
المهم برضايتو، وكذلك هاتفي محتاجو قولي راني رايح نهز هاتفك نقولك هزو راهو ليك، لما تجي لحظة مزروبة مثلا احتجت لهاتف
زوجي ولا هو احتاجو معليش مافيها والو، حاجتي هي حاجتو وحاجتو هي حاجتي، بصح باه ندخل ونلقى راجلي يفلي في الهاتف بالتخبية
ولا راجلي يدخل ويلقاني نفلي في الهاتف هادي طبيعة ماش مليحة، خاطر الثقة هي أهم وأعظم حاجة بين الزوجين إذا راحت راح كلشي
ندخل نلقى زوجي هاز الهاتف تاعي يلعب بيه لعبة نورمال بصح نلقاه يفلي فيه تغيضني عمري ويطيح من عيني، خاطر مادامك تحوس على
ذنب تحكمني بيه علاه عايش معايا؟ وكذلك الرجل هو يعمل المستحيل باه يوفر لقمة حلال لمرتو ويعزها وكلشي ويلقاها تحوس على سبب
معين للخيانة تغيضو عمرو، نهدر طبعا على لي ما مداير والو وحتى ولو مداير بينو وبين مولاه، مهما يخبي يجي نهار ويكشفو ربي وكذلك
المرأة حتى ولو تخبي حاجة يجي نهار ويكشفها ربي، الله سبحانه وتعالى مايحبش الخدع ولي بنيتو ربي يسلكو من المشاكل، مالا علاه نشري الوسواس لعمري
هل تزوجت بالرجل هذا باه نشك فيه؟ ولا هو تزوج بيا باه يشك فيا؟ الثقة في الطرف الآخر هي لي تعزّز العلاقة الزوجية خاطر هادي لي راهي
معاك مرتك أم أبنائك ومدرسة ليهم وكذلك هو اب ابنائي وقدوتهم، أنا والدي الهاتف تاعو مطايش قدامنا كامل وكذلك هاتف ماما وكذلك هاتفي
وهاتف ختي، ولا واحد فينا يتجرأ يحط يدو في هافت الآخر، لما ماما تحتاج هاتف بابا تقولو محتاجتو يقولها هاو ليك وكي يعيطولو ماتتدخلش
في االتصالات، في الحياة الزوجية لازم كل شخص يعرف قدرو، مانبقاوش نعسو في بعضانا كأننا في روضة أطفال، صح الخيانة راهي تشكل حاليا
بالاك 90 بالمائة من المجتمع فسدت الحالة بزاااااف، بصح ربي كاين هو يرزق مول النية على حساب نيتو
شكرا اسومتي على الموضوع الجميل ربي يوفقك غاليتي لكل ما تريدينه
تحياتي
​

 

[أم أُنٌَيسة]

السلام عليكم ورحمة الله وبركاته
اهلا اهلا بيك اسومة وش راكي ان شاء الله بالف خير يارب
بارك الله فيك وجزاك كل خير للموضوع الجميل وجعله في ميزان حسناتك
من الاخير منقيسلوش تيليفونو لانه ميهمنيش ادا يدير فكاش حاجة فبينو وبين ضميرو وبين ربي سبحانه
هو اللي رح يتحرق فجهنم موش انا
ومستحيل نامن في راجل مهما كان ويكون من لخخر طووووووول
هذا اذا خممت نتزوج اصلا، استناي يهديني ربي ونخمم في الزواج وساهل الحال
هههههههههههه
ارجو تقبل مروري غاليتي
تحياتي احترامي وتقديري لشخصكم الكريم الطيب
في امان الله وحفظه​

 

[السلطانة]

وعليكم السلام ورحمة الله وبركاته اهلا وسهلا نورتي شحال عندك على واش راك تهدر ?
بروبلام تاع ثقة
_اكيد ندنى للهاتف بكل ثقة ???في وقت كيما هاذا غير لبهلولة لي متحاولش تحافظ على زوجها رانا في وقت وين سمعنا عجب العجاب في الخيانة الزوجية بالهاتف فايس بووك او غيرو
-كيما نطيش هاتفي قدامو ومنخافش كيما من حقي نخدم بهاتفو ونشوف مع من يتواصل كيما قلت رانا في وقت لمرا غافلة في دارها حتى تلقى راجلها طارتلها بيه القافزة عن بعد
الثقة مليحة لكن الحيطة مليحة كثر منها ??صحيتي

 

[أم أُنٌَيسة]

وعليكم السلام ورحمة الله وبركاته اهلا وسهلا نورتي شحال عندك على واش راك تهدر ?
بروبلام تاع ثقة
_اكيد ندنى للهاتف بكل ثقة ???في وقت كيما هاذا غير لبهلولة لي متحاولش تحافظ على زوجها رانا في وقت وين سمعنا عجب العجاب في الخيانة الزوجية بالهاتف فايس بووك او غيرو
-كيما نطيش هاتفي قدامو ومنخافش كيما من حقي نخدم بهاتفو ونشوف مع من يتواصل كيما قلت رانا في وقت لمرا غافلة في دارها حتى تلقى راجلها طارتلها بيه القافزة عن بعد
الثقة مليحة لكن الحيطة مليحة كثر منها ??صحيتي

ايواه زدتي اكدتيلي اني بهلولة ههههههه
اللي يخاف ربي يخاف بلا هذي
ومستحيل اثق في غجل

 

[وۣۗهۣۗہۣۗم]

السلام عليكم....
ختيتوو انا نعرف حاجة إللى تدير كونفيوشس في رجل كى إللى عمرا الماء السيار وقاتلو متسيلش تنظم أنها مسألة ثقة يعنى هو ميفهمهاش إللى رآها تعس فيه وهى مترفدوش من مور ظهرو هذا مكان

 

[ليليا مرام]

السلام عليكم أختي
ايه تفرجتها هذيك وشعال قلقوني عقلية الرجل الجزائري ما يتسقموش لوماراهش خاربها عادي كي تشوفو مرتو ما فيها والو جابلي ربي
مي اللي دايرها يخاف المرا نقولها اللي ما يخليكش راجلك تشدي تلفونو أعرفي دايرها ايا خلي نحرشكم شوي قلقتوني بزاف عاقلات
وهوما يلعبوها هذوك كامل اللي كاتنو ينفخو قدام الكاميرا يدخلو قدام نساهم تلفونت سيلونسيو وإلا يقولها خدمة وإلا يصوني ويخرج موراه ديركا أأأأأأأأأأ هنا سيدتي أعرفي هنا راه خادعك
انا لو ليا لازم نعرف تلفونو واش فيه لو يصوني فالدار عادي ويرد ويحطو نورمال هنا نعرف ما عندو والو أما يدير الأمور اللي قلتهم فعلي وعلى أعدائي يا نقولو نقعدو بلا تلفون كي أنا كي انت واشبيهم مالينا كانو بلا تلفونات عاشين نورمال
اما نتاع انا مرتو وما نعرفش تلفون راجلي واش فيها جامي هذي والله تصرا حرب عالمية ال 8 نفوت ليها ديركت
يقولو اللي مافي كرشو التين ما يخاف من النار
شكرا على الموضوع الجميل

 

[أبو إبراهيم .]

الجواب على سؤالك ، إذا لقيت الهاتف في يد زوجتي فهذا أمر عادي ولا يحتاج إلى نقاش أصلا

أما ردة الفعل ، فلا يوجد أي ردة فعل

أما هل نقدر نمدهلها بدون خوف ؛ ههههه هههههه هههههههه هههههههه ، سؤال عجيب

ما دخل الخوف هنا وما محله من الإعراب !!!

و هناك ملاحظة : أيضا الزوجة لا ينبغي لها أن تخرب في الهاتف تاع زوجها ، فهذا الفعل غير صائب وخاصة إن كان من باب الشك فهنا ستكون المشكلة كبيرة

 

[ليليا مرام]

الجواب على سؤالك ، إذا لقيت الهاتف في يد زوجتي فهذا أمر عادي ولا يحتاج إلى نقاش أصلا

أما ردة الفعل ، فلا يوجد أي ردة فعل

أما هل نقدر نمدهلها بدون خوف ؛ ههههه هههههه هههههههه هههههههه ، سؤال عجيب

ما دخل الخوف هنا وما محله من الإعراب !!!

و هناك ملاحظة : أيضا الزوجة لا ينبغي لها أن تخرب في الهاتف تاع زوجها ، فهذا الفعل غير صائب وخاصة إن كان من باب الشك فهنا ستكون المشكلة كبيرة

السلام عليكم أخي اسمحلي
محلها من الاعراب مش انو يخاف منها لالا يخاف تكتشف انو يخونها وبعدها فيها مشاكل كبار والا ما يديرش حاجه ورا ظهرها لو عارف راح تتقبل خيانتو عادي يقولها خبطي راسك هذا هو محلها لانو مش كل زوجات يرفدو الذل وتقبل يخدعها وتقعد ويقلولها حافظي على دارك الحفاظ على دار اساسو الثقة مش يروح للنسا ويزيد يجي نبربرو لالا
اما زوجة مش من حقها تفتشك هاتف زوجها نقولم لالا من حقها هو ملكها الجمل بما حمل كيما هي ملكو ويتحكم فيها من حقها تعرف امورو هذا هو الزواج اشتراك فكل حاجة
واللي عارف روحو صافي يجيه الأمر عادي

 

[أبو إبراهيم .]

السلام عليكم أخي اسمحلي
محلها من الاعراب مش انو يخاف منها لالا يخاف تكتشف انو يخونها وبعدها فيها مشاكل كبار والا ما يديرش حاجه ورا ظهرها لو عارف راح تتقبل خيانتو عادي يقولها خبطي راسك هذا هو محلها لانو مش كل زوجات يرفدو الذل وتقبل يخدعها وتقعد ويقلولها حافظي على دارك الحفاظ على دار اساسو الثقة مش يروح للنسا ويزيد يجي نبربرو لالا
اما زوجة مش من حقها تفتشك هاتف زوجها نقولم لالا من حقها هو ملكها الجمل بما حمل كيما هي ملكو ويتحكم فيها من حقها تعرف امورو هذا هو الزواج اشتراك فكل حاجة
واللي عارف روحو صافي يجيه الأمر عادي

وعليكم السلام ورحمة الله وبركاته

أختي الكريمة الكلام لي قلتيه بنيته على أساس شخص خائن ولديه علاقات أخرى ، أما أنا فأجبت بإجابتي الخاصة ، فأرى أن هذا الأمر لا محل له من الإعراب ، أما إن كان شخص خائن فمن الطبيعي أن يخاف من أن تفتش زوجته هاتفه

و أنا لا أتكلم أبدا على أساس أن الأصل في المسلمين الخيانة أو الفسق ، بل المسلم بريء من كل ذنب حتى يثبث شيء ضده


أما بالنسبة لقولك أن الزوجة من حقها أن تفتش هاتف زوجها ، فأقول لك أختي الكريمة ، هذا غير مقبول أبدا أبدا ، وحتى بالنسبة للزوج الذي يفتش هاتف زوجته ، فهذا قتل للعلاقة الزوجية ، ولا أكذب عليك ، أنا عن نفسي في هذه الحالة ممكن جدا يصل الأمر إلى الطلاق ، لأني أرى أن هذا يقتل كل ما بقي من المودة والصفاء وطيبة النفس

أن تستعمل الزوجة هاتف زوجها أو تتصل به أو تلعب فهذا ليس بإشكال ، لكن أن تدخل إلى الأرقام لتفتش فهذا دليل على أنها لا تثق في زوجها وأنا شخصيا مثل هذه الزوجة لا استطيع العيش معها أبدا

هناك حالات قد تدفع الزوجة إلى هذا وهي معذورة فيها ، كأن تلاحظ أمورا غريبة ، كوصول رسائل مبهمة أو مجهولة أو إتصالات في غير محلها أو رفض الزوج أن يجيب على الهاتف أمامها على غير عادته أو أن يتخفى عندما يريد أن يتكلم في الهاتف ومثل هذه الأمور التي تدخل الريبة في قلب الزوجة ، ومع ذلك يجب أن تكلمه وتصارحه أولا فإن رأت أن اجابته غير مقنعة ،يمكن حينها أن ترى ما يوجد في هاتف زوجها

ولكن بدون سبب ، تذهب وتفتش في هاتف زوجها ، فهذا غير مقبول أبدا

مع العلم أن الزوج الذي يخون ليس غبيا حتى يترك رقم المرأة التي يقيم علاقة معها في الهاتف ويترك الهاتف في متناول زوجته

وقولك : لي عارف روحه صافي يجيه الأمر عادي

الجواب : القضية يا أختي ليست في صافي أو غير صافي ، بل القضية في صفاء الزوجة نفسها وسلامة قلبها إتجاه زوجها ، هذا هو الاشكال أما نحن والحمد لله صفاء ما بعده صفاء

 

[أم أُنٌَيسة]

السلام عليكم ورحمة الله وبركاته
الامر لا يجوز لكلا الزوجين، التجسس او سوء الظن في بعضهما الا ادا كانت هناك علامات تثير الشك والريبة
وبالنسبة لي شخصيا لا اهتم، فان خان هو من سيحاسب ويعذب وبينه وبين خالقة هههههه

الحمد لله
ينبغي للمؤمن أن يحسن الظن بالمسلم ، وأن يغلِّب جانب الخير ، فيحمل أموره على السلامة والصيانة ، ويبتعد عن الشكوك والظنون السيئة التي لا مستند لها ؛ لقوله تعالى : ( يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا ) الحجرات/12 .

جاء في " الزواجر عن اقتراف الكبائر " (2/10) " فِي الْآيَةِ النَّهْيُ الْأَكِيدُ عَنْ الْبَحْثِ عَنْ أُمُورِ النَّاسِ الْمَسْتُورَةِ وَتَتَبُّعِ عَوْرَاتِهِمْ , قَالَ صَلَّى اللَّهُ عَلَيْهِ وَسَلَّمَ : ( لَا تَجَسَّسُوا وَلَا تَنَافَسُوا وَلَا تَحَاسَدُوا وَلَا تَبَاغَضُوا وَلَا تَدَابَرُوا وَكُونُوا عِبَادَ اللَّهِ إخْوَانًا كَمَا أَمَرَكُمْ ) , وَقَالَ صَلَّى اللَّهُ عَلَيْهِ وَسَلَّمَ : ( يَا مَعْشَرَ مَنْ آمَنَ بِلِسَانِهِ وَلَمْ يَفِضْ الْإِيمَانُ إلَى قَلْبِهِ : لَا تَغْتَابُوا الْمُسْلِمِينَ وَلَا تَتَبَّعُوا عَوْرَاتِهِمْ فَإِنَّ مَنْ يَتَّبِعْ عَوْرَاتِ الْمُسْلِمِينَ يَتَّبِعْ اللَّهُ عَوْرَتَهُ وَمَنْ يَتَّبِعْ اللَّهُ عَوْرَتَهُ يَفْضَحْهُ وَلَوْ فِي جَوْفِ رَحْلِهِ ) . وَقِيلَ لِابْنِ مَسْعُودٍ رَضِيَ اللَّهُ عَنْهُ : هَلْ لَك فِي الْوَلِيدِ بْنِ عُقْبَةَ وَلِحْيَتُهُ تَقْطُرُ خَمْرًا ؟ فَقَالَ : إنَّمَا نُهِينَا عَنْ التَّجَسُّسِ فَإِنْ يُظْهِرْ لَنَا شَيْئًا أَخَذْنَاهُ بِهِ " انتهى .

وعلى ذلك : فالأصل أنه لا يجوز للزوج في الأحوال العادية أن يطلب من زوجه كلمة المرور الخاصة بهاتفها أو حاسوبها ؛ لأن هذا التصرف يحمل في طياته الريبة والتهمة , وربما أدى إلى فساد الحال بين الزوجين على وجه يصعب معه الإصلاح .

لكن إن وجد الزوج من الدلائل أو القرائن التي تشير إلى اقتراف أهله لبعض المخالفات الشرعية , فلا مانع من أن يطلب منها كلمة المرور الخاصة بها , بل له حينئذ أن يتحايل – دون علمها - حتى يطلع على ما يريد على وجه يستكشف معه الحقيقة , وقد سبق ذكر فتوى الشيخ ابن عثيمين رحمه الله في هذه المسألة , فلتراجع في الفتوى رقم : (13318) .

وينظر للفائدة : جواب السؤال رقم : (145815) .

والله أعلم .

المصدر: هل يجوز للزوج أن يطلب من زوجه كلمة المرور الخاصة بهاتفها إذا كان يرتاب في أمرها ؟ - الإسلام سؤال وجواب​

 

[لؤلؤة قسنطينة]

وعليكم السلام ورحمة الله وبركاته

أختي الكريمة الكلام لي قلتيه بنيته على أساس شخص خائن ولديه علاقات أخرى ، أما أنا فأجبت بإجابتي الخاصة ، فأرى أن هذا الأمر لا محل له من الإعراب ، أما إن كان شخص خائن فمن الطبيعي أن يخاف من أن تفتش زوجته هاتفه

و أنا لا أتكلم أبدا على أساس أن الأصل في المسلمين الخيانة أو الفسق ، بل المسلم بريء من كل ذنب حتى يثبث شيء ضده


أما بالنسبة لقولك أن الزوجة من حقها أن تفتش هاتف زوجها ، فأقول لك أختي الكريمة ، هذا غير مقبول أبدا أبدا ، وحتى بالنسبة للزوج الذي يفتش هاتف زوجته ، فهذا قتل للعلاقة الزوجية ، ولا أكذب عليك ، أنا عن نفسي في هذه الحالة ممكن جدا يصل الأمر إلى الطلاق ، لأني أرى أن هذا يقتل كل ما بقي من المودة والصفاء وطيبة النفس

أن تستعمل الزوجة هاتف زوجها أو تتصل به أو تلعب فهذا ليس بإشكال ، لكن أن تدخل إلى الأرقام لتفتش فهذا دليل على أنها لا تثق في زوجها وأنا شخصيا مثل هذه الزوجة لا استطيع العيش معها أبدا

هناك حالات قد تدفع الزوجة إلى هذا وهي معذورة فيها ، كأن تلاحظ أمورا غريبة ، كوصول رسائل مبهمة أو مجهولة أو إتصالات في غير محلها أو رفض الزوج أن يجيب على الهاتف أمامها على غير عادته أو أن يتخفى عندما يريد أن يتكلم في الهاتف ومثل هذه الأمور التي تدخل الريبة في قلب الزوجة ، ومع ذلك يجب أن تكلمه وتصارحه أولا فإن رأت أن اجابته غير مقنعة ،يمكن حينها أن ترى ما يوجد في هاتف زوجها

ولكن بدون سبب ، تذهب وتفتش في هاتف زوجها ، فهذا غير مقبول أبدا

مع العلم أن الزوج الذي يخون ليس غبيا حتى يترك رقم المرأة التي يقيم علاقة معها في الهاتف ويترك الهاتف في متناول زوجته

وقولك : لي عارف روحه صافي يجيه الأمر عادي

الجواب : القضية يا أختي ليست في صافي أو غير صافي ، بل القضية في صفاء الزوجة نفسها وسلامة قلبها إتجاه زوجها ، هذا هو الاشكال أما نحن والحمد لله صفاء ما بعده صفاء

مع احترامي وتقديري للغالية لليليا
لكن أتفق مع الأخ في كل ما قاله
ولأول مرّة نتّفق هههه

 

[العيون الخضراء]

السلام عليكم
انا كزوجة مارانيش رايحا نلمس هاتفو بظن مني انو يخدعني او اشك فيه لانو هاذ الشك ماراحش يخلي ثقة بيننا وراح يكون مشاكل ولكن راح اخذو امامو و بعلمو وراح نشوفو لانو اذا قالي ماتلمسيهش هنا وين يخلي روحو موضع للشك ومارانيش رايحا نطلقو حتى نشوف التليفون واذا ماخلانيش نشوفو..... ياو الدار نقلبها عليه هههههه

 

[amro mostafa]

السلام عليكم
انا كزوجة مارانيش رايحا نلمس هاتفو بظن مني انو يخدعني او اشك فيه لانو هاذ الشك ماراحش يخلي ثقة بيننا وراح يكون مشاكل ولكن راح اخذو امامو و بعلمو وراح نشوفو لانو اذا قالي ماتلمسيهش هنا وين يخلي روحو موضع للشك ومارانيش رايحا نطلقو حتى نشوف التليفون واذا ماخلانيش نشوفو..... ياو الدار نقلبها عليه هههههه

اه برافو عليكى بكره اوى القصة ديه حد يمسك هاتفى ويفتش فيه ببقا عاوز اخنقه كل واحد فينا ليه اسراره ههههههههه

 

[أم أُنٌَيسة]

اه برافو عليكى بكره اوى القصة ديه حد يمسك هاتفى ويفتش فيه ببقا عاوز اخنقه كل واحد فينا ليه اسراره ههههههههه

اسراره قبل الزواج اجل لا يجوز لاحد معرفتها او حتى وان عرفها صدفة لا يحق ولا يجوز له الحكم على ذلك الانسان
اما بعد الزواج، لا يوجد مايسمى اسرار بين الزوجين ​

 

[amro mostafa]

اسراره قبل الزواج اجل لا يجوز لاحد معرفتها او حتى وان عرفها صدفة لا يحق ولا يجوز له الحكم على ذلك الانسان
اما بعد الزواج، لا يوجد مايسمى اسرار بين الزوجين ​

لا طبعا شيمو الراجل ليه اسراره بعد الزواج هو ليه الزوجة لازم تفتكر ان جوزها يخونها ليه هو محتفظ باشياء ذكريات له مش حابب يوريها لحد ديه حرية شخصية

 

[أبو إبراهيم .]

مع احترامي وتقديري للغالية لليليا
لكن أتفق مع الأخ في كل ما قاله
ولأول مرّة نتّفق هههه

أنت متأكدة أنها المرة الأولى ؟

لابأس ، إن شاء الله لا تكون المرة الأخيرة

 

[لؤلؤة قسنطينة]

أنت متأكدة أنها المرة الأولى ؟

لابأس ، إن شاء الله لا تكون المرة الأخيرة

ربّما لا أتذكر، لكن ما أتذكره أن كل نقاشاتي مع الغير
تنتهي برضا الطرفين والحمد لله
وان شاء الله أخي

 

[amro mostafa]

انا راى الثقة ثم الثقة ثم الثقة بين الزوجين انما افتش تلفون زوجى او زوجتى عشان اقفش عليها حاجة ده بيعمل وسواس والشيطان بيزين حاجات كتيرة