سلسلة تحدي الأكل الصحي❤?❤?

الحالة
مغلق ولا يسمح بالمزيد من الردود.

sanaya

:: عضو بارز ::
أحباب اللمة
إنضم
8 ديسمبر 2016
المشاركات
3,495
نقاط التفاعل
38
النقاط
157
الجنس
أنثى
السلام عليكم?????

كيف حال أخواتي و إخواني باللمة??


تحدي الأكل الصحي هو سلسلة و تحد وضعته بيني و بين نفسي في مطبخي فأردت مشاركتكم به هنا ??


كما تعلمون نحن يوميا نتناول مأكولات و عصائر تحتوي على مواد حافظة و كيماويات تضر على المدى البعيد بصحتنا
وكلنا يوميا نتطلع على أخطار الأطعمة المصنعة على حياتنا و لكننا نعجز عن اتخاذ خطوة نغير بها نظامنا الغذائي ،
نعم من الصعب جدا العودة إلى نظام صحي كليا ولكننا على الأقل نستطيع التقليل من بعض الأضرار بالتقليل من بعض أنواع المأكولات و إيجاد البدائل لها.....
تحدي الأكل الصحي❤


تحد نشارك فيه جميعا و السلسلة مفتوحة لكل من يريد إثراءها و مشاركتنا تجربته سواءا كانت وجبة صحية أو طريقة لإيجاد بديل لمواد مستهلكة غير صحية..
?قبل مدة لم أكن مهتمة جدا بموضوع نوعية الأكل و كنت أظن أن الرياضة وحدها تفي بالغرض
?تابعت محاضرة للأستاذ عبد الحميد بوحديبة وهو طبيب و داعية تحت عنوان السم الابيض
و يقصد به السكر و استوقفني قوله في المحاضرة :
يقول الله تعالى (يا أيها الناس كلوا مما في الارض حلالا طيبا و لا تتبعوا خطوات الشيطان إنه لكم عدو )
?و بين سبب قوله تعالى ولا تتبعوا خطوات الشيطان مباشرة بعد حديثه عن الأكل لأنه حتى في الأكل توجد للنفس شهوة و يجب ضبطها متى كان ذلك مضرا ولها الأجر و الثواب



?فبدأت التحدي تحت شعار:
?لا تمارس الرياضة حتى يأمرك الطبيب بها
?لا تحسن نوعية أكلك حتى يمنعك الطبيب عن بعض الأكلات
?بل افعل كل هذا و أنت بأتم صحتك و عافيتك
مبدئيا نجحت في الميدان فأردت مشاركتكم التجربة لتفيدونا أنتم أيضا يتجاربكم
?أخيرا أتمنى أن يروقكم التحدي و أتمنى أن تتفاعلوا فيه



??تحياتي القلبية لكم جميعا??
 
آخر تعديل بواسطة المشرف:
السلام عليكم أختي سنايا البطلة(y)
هنيئا لكِ النجاح في تحقيق مبدأ الاكل الصحي نزيد شوية ونحسدك ههه و نحن في أشد الحاجة إليه فقط يحول بيننا وبينه العادات المملة التي ألفناها ولا نستطيع مفارقتها بدون صرامة وحزم وخطة وطريقة يسيرة وسليمة.
تجربتي ليست بالتجربة العظيمة وليست بذلك الكمال حيث كل شيء منظم ومرتب ولكني أستعمل لعبة شد الحبال عندما يكون الأكل مناسب وفيه فوائد صحية معلومة أشد الحبل وأغتنم الفرصة واذا كان الأكل كإعصار تسونامي يضرب البطن ويوهن البدن ويُذهب العقل أرخي الحبل وأتذوق القليل إحتراما للمناخ السائد في المنزل;)
كما تعلمين الأمر يحتاج لتوافق وتفاهم ووعي يشمل الجميع الزوج والزوجة والاولاد هذا في حالة عدم تواجد كبار السن الذين لايقبلون من الزوجة طبخا الا اذا شاهدوا بأم عينهم إبنهم وهو يلحس قصعة قطرها متر ونصف من طعام او شخشوخة أو طمينة حتى تحمر وجنتاه ويتصبب العرق من جبينه ويخرج الدخان من فيهه وأذناهo_O

التقليل من السكر والملح والزيوت موجودة الحمد لله لكن أريد استبدالهما بمواد سليمة فماهي؟
 
بما انك نجحتي في التحدي مبروك عليك
انا تجربتي كانت مع زيت الزيتون
واضبت على اكل كل اطباقي مع زيت الزيتون ومرات اكل زيت الزيتون مع الخبز فقط
حتى وصلت لمرحلة استغنيت فيها عن قهوة المساء واستبدلتها بزيت الزيتون
وهدا مفيد للجسم كثيرا

كل الشكر لكي على طرح هده السلسلة انا في المتابعة
 
للأسف الأطباق حاليا مليئة بالدهون والشحوم لدرجة كرهت الكثير من الأطباق ماعدتش ناكلها بسبب الدهون والزيوت أفضل زيت الزيتون ونديرها في الكثير من الأطباق ومرات نشربها
رانا كيف كيف يا سامي
 
السلام عليكم أختي سنايا البطلة(y)
و عليكم السلام أخي الكريم
هنيئا لكِ النجاح في تحقيق مبدأ الاكل الصحي نزيد شوية ونحسدك ههه

خمسة ?و خموس في عين الحساد??? و نحن في أشد الحاجة إليه

نعم نعم بأشد الحاجة والله قطعت السكر مدة ثلاثة أسابيع صدقني نشاط غير عادي و غير معقول حاى صرت تقريبا لا أشعر بالتعب ولكن الله غالب خانتني نفسي و لم يتحمل قلبي الضعيف تلك الحلويات???ولكنني و الحمد لله أنقصت ووجدت له البديل في الخبز فقط يحول بيننا وبينه العادات المملة التي ألفناها ولا نستطيع مفارقتها بدون صرامة وحزم وخطة وطريقة يسيرة وسليمة.
تجربتي ليست بالتجربة العظيمة وليست بذلك الكمال حيث كل شيء منظم ومرتب ولكني أستعمل لعبة شد الحبال عندما يكون الأكل مناسب وفيه فوائد صحية معلومة أشد الحبل وأغتنم الفرصة واذا كان الأكل كإعصار تسونامي يضرب البطن ويوهن البدن ويُذهب العقل أرخي الحبل وأتذوق القليل إحتراما للمناخ السائد في المنزل;)
هههههههههه عجبتني هاذي هذا بحد ذاته نجاح ونا مزال ملحقتش لدرجة نتحكم بروحي بالأكل سرتو ككون كسكس في آخر النهار
كما تعلمين الأمر يحتاج لتوافق وتفاهم ووعي يشمل الجميع الزوج والزوجة والاولاد

ايه صح صح خصوصا اذا كان الأولاد بداو يكبرو و يتشرطو هذا اذا مولاوش يشرو برواحهم الصوالح اللي منحبوش استهلاكهم فالدار
هذا في حالة عدم تواجد كبار السن الذين لايقبلون من الزوجة طبخا الا اذا شاهدوا بأم عينهم إبنهم وهو يلحس قصعة قطرها متر ونصف من طعام او شخشوخة أو طمينة حتى تحمر وجنتاه ويتصبب العرق من جبينه ويخرج الدخان من فيهه وأذناهo_O
ايه وزيد يما و الجدة تاعي يقولولي علاه حنا بكري ناكلو كلشي و نتوما تقولو السكر و الفرينة و الزيت مضر
ونا جوابي أنو بكري مكانش استهلاك للمعلبات كما درك زيد نتوما ترقدو فالليل مكاش لا ويفي لا ريزو يعمل عمايلو فالصحة تاعكم ولهوا تاعكم نقي أكثر منا

التقليل من السكر والملح والزيوت موجودة الحمد لله لكن أريد استبدالهما بمواد سليمة
بون السكر لقيت البديل مزال مبديتوش الزيت قطعتها نهائيا بالنسبة للملح منعرفش مضر ههههه راني مركزة على الفرينة و الزيت و السكر و شكرا جزيلااااا لتواجدك
؟
 
بما انك نجحتي في التحدي مبروك عليك
انا تجربتي كانت مع زيت الزيتون
واضبت على اكل كل اطباقي مع زيت الزيتون ومرات اكل زيت الزيتون مع الخبز فقط
حتى وصلت لمرحلة استغنيت فيها عن قهوة المساء واستبدلتها بزيت الزيتون
وهدا مفيد للجسم كثيرا

كل الشكر لكي على طرح هده السلسلة انا في المتابعة
اهلا يا مول الصباط المقطع?? والله غير عفسة مليحة و التحدي تاع هاذ الشهر هو التخلص من زيت المائدة و استبدالها لأنها مضرة للغاية و حتى الأطباء ولاو ينصحوا بتفاديها تحية جد كبيرة لنجاحك في الوعي الصحي????
تحياتي و يسرني وجودك أخي الكريم
 
للأسف الأطباق حاليا مليئة بالدهون والشحوم لدرجة كرهت الكثير من الأطباق ماعدتش ناكلها بسبب الدهون والزيوت أفضل زيت الزيتون ونديرها في الكثير من الأطباق ومرات نشربها
رانا كيف كيف يا سامي
اهلا اخي حاتم بالمناسبة الشحم مش مضر هههههه هاذي كذبة و الآن بعض الأطباء ينصحوا بيه و ينصحو بترك زيت المائدة
بالنسبة لزيت الزيتون بديل و لا أفضل سرتو كتكون هاذ النوع الأصلي اللي يكون لونو فاتح و ريحتو مش قاسحة تجي من القبائل هذاك هو النوع الأفضل يمكن نستبدلوها بالماكلة و تحية لنجاحك في تحد من تحديات الأكل الصحي???
دمت متابعا
 
السلام عليكم ورحمة الله وبركاته
الله يبارك عليك ربي يقدرك ان شاء الله ويوفقك
بالنسبة لاكلنا في البيت، كله بزيت الزيتون لانستعمل الزيت لاخر او السمن او الزبدة
اما عليا انا، هات ناكل كيما لعباد برك وساهل الحال هههههههههههه
اكل وجبة واحدة في اليوم ومرات والو مناكلش اصلا ابار الفاكهة
وقائمة الاكل ديالي صغييييرة بزاااااف ههههههههههه، مناكلش اغلب الاكل
وش هو الاكل الصحي هذا ؟؟
ناكل وش يعجبني فلوقت اللي يعجبني وخلاص والحمد لله على وش رزقنا
بارك الله فيك غاليتي
تحياتي القلبية
 
السلام عليكم ورحمة الله وبركاته
الله يبارك عليك ربي يقدرك ان شاء الله ويوفقك
بالنسبة لاكلنا في البيت، كله بزيت الزيتون لانستعمل الزيت لاخر او السمن او الزبدة
اما عليا انا، هات ناكل كيما لعباد برك وساهل الحال هههههههههههه
اكل وجبة واحدة في اليوم ومرات والو مناكلش اصلا ابار الفاكهة
وقائمة الاكل ديالي صغييييرة بزاااااف ههههههههههه، مناكلش اغلب الاكل
وش هو الاكل الصحي هذا ؟؟
ناكل وش يعجبني فلوقت اللي يعجبني وخلاص والحمد لله على وش رزقنا
بارك الله فيك غاليتي
تحياتي القلبية
يااااه زعما زعما نتي نورمالمو تكوني شاف فالأكل الصحي خخخخخ
أنا بالعكس ناكل مليح مصح نخدم و الحمد لله لابيتي غالبا تكون مفتوحة و منحبش الناس اللي مياكلوش قاع
منهم نتي???
الأكل الصحي هو الانقاص من الزيت و الفرينة و السكر هذا مبدئيا زيد عليها المعلبات
شكرا جزيلا لتواجدك
 
يااااه زعما زعما نتي نورمالمو تكوني شاف فالأكل الصحي خخخخخ
أنا بالعكس ناكل مليح مصح نخدم و الحمد لله لابيتي غالبا تكون مفتوحة و منحبش الناس اللي مياكلوش قاع
منهم نتي???
الأكل الصحي هو الانقاص من الزيت و الفرينة و السكر هذا مبدئيا زيد عليها المعلبات
شكرا جزيلا لتواجدك

ااااااااااه، حنا ممنوع عندنا الزيت والفرينة، الزيت غير زيت الزيتون نطيبو كل شيء بيه
والفرينة نستعملوها مع اليتزا برك وكمية قليلة موش كبيرة بزاف، حتى الحوت لما نقليوها ولا نشويوها منستعملوش الفرينة
نحكمو الخبز اللي نشروه ويبقى نيبسوه ومن بعد نرحوه ونديروه فبلاصة الفرينة حتى البسبوسة نفس الشيء
بالنسبة ليا هذاك اكل مليح هههههههههههههه، وزيد لازم يكون الحار اما فلفل او هريسة والا مناكل والو
المعجنات نادرا وين ناكلهم وحتى المرق، نحب الحبوب بالاخص الحمص الحاااااار فوووووووووووور هو منراطيهش ولو يقولولي يديك لسبيطار ههههههه
المعلبات مرة نشري اندومي برك، وتان الشيبس الحراق وخلاص
هذا اكلنا في الدار
كل الشكر لك غاليتي للموضوع الجميل وللاشارة
تحياتي القلبية
 
اهلا يا مول الصباط المقطع?? والله غير عفسة مليحة و التحدي تاع هاذ الشهر هو التخلص من زيت المائدة و استبدالها لأنها مضرة للغاية و حتى الأطباء ولاو ينصحوا بتفاديها تحية جد كبيرة لنجاحك في الوعي الصحي????
تحياتي و يسرني وجودك أخي الكريم
انا حاضر ناضر بلا إشارة ندخل المواضيع نحاول نرضي كل أعضاء اللمه والصباط المقطع تاع خالتي مىيم ياوووووو موش تاعي:LOL::LOL:
اما بخصوصالاكل الصحي عندك الف حق لأن المعده هي بيت الداء وكل الامراض تأتي من هناك
انا في المتابعة
 
السلام عليكم و رحمة الله و بركاته
ياي صراحة أغبطك على نجاحك في هاد الأمر
من بين الأشياء لي دايرتها في بالي لكن دايمن نأجل و نسوف
وليوم بالذات كنت فوحد الدورة ت الغذاء الصحي
كانت المسؤولة كلما تقول خطر صنف معين من المأكولات كامل النسا يقولولها واش حابتنا ناكلو مال!
من بعد قالتلهم علابالي صعيب انسان يعيش حياتو كامل بنظام معين من بعد يبدلو
لكن بلعقل
قالتلهم صنفو الأغذية لثلاث
حاجة كي تكون خطيرة تتنحى نهائيا
حاجة كي يكون ضرر ديالها نسبي نقدرو نقللو منها مبدئيا
ولي نعرفو فوائدها ندخلوها
مثلا المشروبات و المعلبات ماشي الحاجة لي يصعب على الانسان يتخلى عليها ينحيها مباشرة
مثلا الحليب لي رانا نشربوه المعلوم انو فيه مواد حافظة مسرطنة و زيد القيمة الغذائية ديالو ناقصة لكن صعيب تنحي من الرنامج مباشرة فتخليه غير فالوجبة ت الصباح و مديريلوش سكر بل تستبدليه بالرب (معجون التمر) وقالتلنا كون ضيفولو الكركرم تكون أبطلتو مفعول المواد المسرطنة لأنو الكركم فيه مواد مضادة للأكسدة
ربي يقدرنا ان شاء الله باش نحسنو نظامنا الغذائي على الأقل بنسبة مقبولة
وأكيد راني في متابعة سلسلتك عسى أستأنس بها و نطبقها
 
السلام عليكم ورحمة الله وبركاته
يعطيك الصحة مريومة على الموضوع المميز، فعلا حنا العرب ماكلتنا مضرة بالصحة وجدا جدا، هادي عجائن وهادي مراقي ونموتو على الملمات هههه
غير على جال الماكلة، وانا صراحة حابة نتبع نظام غذائي صحي مع أنو في دارنا تقريبا أكلنا متزّن، ماعندناش العجائن فليل ومانطيبوش اصلا فليل ههه
يعني نفطرو عادي ونتغداو مليح والعشاء إما سلطة أو جبن أو فاكهة، يعني مقارنة بالكثير من العائلات نشوف عايلتي متوازنة في الاكل وتتبع بعض الأنظمة
للأكل الصحي ومن جهة خلاف حابة نزيد نحسن أكثر، حنا مثلا مانستعملوش الزيت خلاص إلا للقلي يعني مانطيبوش بيه، اصلا طياب مدينتي قسنطينة
نطيبو بالدجاج والبصل أو الدجاج والبصل والتوم، يعني مانحطوش الزبدة ولا السمن ولا الزيت في البرمة مع الدجاج واللحم، وكذلك نشويو أكثر ما نقليو
ونستعملو زيت الزيتون، وحتى ولو نحبو نطيبو أكلة بدون دجاج أو لحم وبدون زيت زيتون نضيفو زيت قليل فقط، المهم بالنسبة ليا شخصيا الأمور لي
ساعات نديرها ونعتبرها صحية ونقدر نساعدكم بيها، عندي الحليب نشربو بدون قهوة، وبدون سكر إذا كليت معاه حاجة حلوة، وإذا كليت طرف خبز
نحط مغرفة سكر، كذلك السلطة لي يحب ياكل السلطة ومايحبهاش خضراء هكاك، بدل الخل والزيت يديرلها زيت زيتون ويعصرلها القارص، تجي راااائعة
كذلك البطاطا ساعات نغليها ونحط فوقها شوي زيت زيتون بدون ملح وناكلها تجي هايلة وصحية، لي يحب الجريوات (الكوسة أو القرعة نظن هكا اسمها)
يقدر يرابيها ويحطلها زيت زيتون وشوي توم ويخليها على المقلة تطيب من بعد يحب ياكلها هكاك ولا يضيفلها البيض تجي هااايلة وصحية، كذلك الفواكه
ناس بزاف كن ماتحطلهمش السكر وديرهم سلطة فواكه ماتاكلهمش، بينما الفواكه يتاكلو طبيعيين هكاك على الاقل فيهم فائدة، وهوما يعوضو العصائر
والمشروبات الغازية، حنا عندنا سنوات عديدة مادخلتش المشروبات الغازية للدار غير كي يجي ضيف (نرهجوه مسكين هههه) بصح في دارنا ماما دائما
تقول لبابا كي تسخف على مشروبات غازية اشري مكانها فاكهة، من تم الحمد لله، يعني بالنسبة للملح والسكر متفاهمة معاهم ههه مانكترش بزاف وكذلك
الزيت مانستعملوهش بزاف إلا لقلي الخضر او السمك، اللحم والدجاج جامي نقليوهم، الفرينة كذلك ماستخدموهاش بزاف إما لقلي السمك أو ساعات
تجينا على كاش وصفة بالفرينة، أو البيتزا، لكن في اغلب الأوقات غير مستعملة، وزيد الوالدين مراض بالسكر ولاطونسيو والقلب لازم نراعيو هاد الامور
في الطبخ تاعنا، ماش شرط الانسان يضيع روحو ولا يطيح على الماكلة عمى، انا ساعات كيما قال الأخ طرف خبز وزيت زيتون وأنا تعشيت، او ساعات جبن
طازج يعني بدو نملح مع طرف خبز يعشيوني، كي نجوع خلاص نهز الحليب نحط فيه دويدة (يعني فارميسال) وانا درت وجبة هههه، ناكل لي جات انا
ومانحبش الحاجة التقيلة لي تبقى على ليسطوما سورتو فليل، هادا هو تقريبا غذاءنا الطبيعي وعندي دار جدي تاع ماما تاني كي نهبط عندهم ماشاء الله
اكلهم كلو متوازن، يعطيو للفاكهة وللخضر أهمية كبيرة، يقدر وجبة الغذاء تكو نبسيطة بصح الفاكهة يحطولك تفاح وبرتقال وحاجة خلاف مثلا، وعشاهم
كيما عشانا، سلطة مع جبن طازج أو اي حاجة مفيدة وخفيفة، وترقد هاني فليل، انا سورتو العشاء اكدولي عليه مانحبش حاجة تقيلة لاشتا الغداء
مليح، هادا هو نظامنا تقريبا، ومازلت حابة نزيد نغيّر بزاااف حوايج ان شاء الله رايحة نتبع معاكم الموضوع وبالمناسبة ذكرتلكم الطبخات لي نحبهم هههه
الطبخات لي مانحبهمش وصحيين نسيتهم هههه خلي المرة الجاية ان شاء الله ديجا طولت بزاف
تحياتي :)
 
السلام عليكم و رحمة الله و بركاته
و عليكم السلام و رحمة الله تعالى و بركاته
ياي صراحة أغبطك على نجاحك في هاد الأمر
من بين الأشياء لي دايرتها في بالي لكن دايمن نأجل و نسوف
ايه لازم كوراج بداي شويا شويا مش خترة وحدة و تنجحي بإذن الله
وليوم بالذات كنت فوحد الدورة ت الغذاء الصحي
كانت المسؤولة كلما تقول خطر صنف معين من المأكولات كامل النسا يقولولها واش حابتنا ناكلو مال!
من بعد قالتلهم علابالي صعيب انسان يعيش حياتو كامل بنظام معين من بعد يبدلو
لكن بلعقل
قالتلهم صنفو الأغذية لثلاث
حاجة كي تكون خطيرة تتنحى نهائيا
حاجة كي يكون ضرر ديالها نسبي نقدرو نقللو منها مبدئيا
ولي نعرفو فوائدها ندخلوها
مثلا المشروبات و المعلبات ماشي الحاجة لي يصعب على الانسان يتخلى عليها ينحيها مباشرة
مثلا الحليب لي رانا نشربوه المعلوم انو فيه مواد حافظة مسرطنة و زيد القيمة الغذائية ديالو ناقصة لكن صعيب تنحي من الرنامج مباشرة فتخليه غير فالوجبة ت الصباح و مديريلوش سكر بل تستبدليه بالرب (معجون التمر) وقالتلنا كون ضيفولو الكركرم تكون أبطلتو مفعول المواد المسرطنة لأنو الكركم فيه مواد مضادة للأكسدة معلومة قيمة ختي مي شحال من الكركم لكل لتر حليب؟؟؟
ربي يقدرنا ان شاء الله باش نحسنو نظامنا الغذائي على الأقل بنسبة مقبولة
وأكيد راني في متابعة سلسلتك عسى أستأنس بها و نطبقها
نشالله تطبقيها و متبخليش علينا بالمعلومات و تقدري تشاركي تحت عنوان تحدي الأكل الصحي و ضيفي فالعنوان واش حابة تحياتي و شكرا لوجودك
 
السلام عليكم ورحمة الله وبركاته
و عليكم السلام غاليتي
يعطيك الصحة مريومة على الموضوع المميز، فعلا حنا العرب ماكلتنا مضرة بالصحة وجدا جدا، هادي عجائن وهادي مراقي ونموتو على الملمات هههه
غير على جال الماكلة، وانا صراحة حابة نتبع نظام غذائي صحي مع أنو في دارنا تقريبا أكلنا متزّن، ماعندناش العجائن فليل ومانطيبوش اصلا فليل ههه
يعني نفطرو عادي ونتغداو مليح والعشاء إما سلطة أو جبن أو فاكهة، يعني مقارنة بالكثير من العائلات نشوف عايلتي متوازنة في الاكل وتتبع بعض الأنظمة
الله يبارك هكذا راكي فور مصح أنا نحب نتعشى??
للأكل الصحي ومن جهة خلاف حابة نزيد نحسن أكثر، حنا مثلا مانستعملوش الزيت خلاص إلا للقلي يعني مانطيبوش بيه، اصلا طياب مدينتي قسنطينة
نطيبو بالدجاج والبصل أو الدجاج والبصل والتوم، يعني مانحطوش الزبدة ولا السمن ولا الزيت في البرمة مع الدجاج واللحم، وكذلك نشويو أكثر ما نقليواتسما راكي سبقتيني يا مريومة فالزيت أنا حتى لدرك و تخليت على الزيت فالماكلة
ونستعملو زيت الزيتون، وحتى ولو نحبو نطيبو أكلة بدون دجاج أو لحم وبدون زيت زيتون نضيفو زيت قليل فقط، المهم بالنسبة ليا شخصيا الأمور لي
ساعات نديرها ونعتبرها صحية ونقدر نساعدكم بيها،
والله مدابيا غاليتي تشاركي في إثراء السلسلة تحت عنوان تحدي الأكل الصحي و تضيفي واش حابة فالعنوان و تفيدينا بتجربتك ثاني عندي الحليب نشربو بدون قهوة، وبدون سكر إذا كليت معاه حاجة حلوة، وإذا كليت طرف خبز
نحط مغرفة سكر، كذلك السلطة لي يحب ياكل السلطة ومايحبهاش خضراء هكاك، بدل الخل والزيت يديرلها زيت زيتون ويعصرلها القارص، تجي راااائعة
كذلك البطاطا ساعات نغليها ونحط فوقها شوي زيت زيتون بدون ملح وناكلها تجي هايلة وصحية، لي يحب الجريوات (الكوسة أو القرعة نظن هكا اسمها)
يقدر يرابيها ويحطلها زيت زيتون وشوي توم ويخليها على المقلة تطيب من بعد يحب ياكلها هكاك ولا يضيفلها البيض تجي هااايلة وصحية، كذلك الفواكه
ناس بزاف كن ماتحطلهمش السكر وديرهم سلطة فواكه ماتاكلهمش، بينما الفواكه يتاكلو طبيعيين هكاك على الاقل فيهم فائدة، وهوما يعوضو العصائر
والمشروبات الغازية، حنا عندنا سنوات عديدة مادخلتش المشروبات الغازية للدار غير كي يجي ضيف (نرهجوه مسكين هههه) بصح في دارنا ماما دائمايعطيك الصحة والله فور مي علاه ترهجو الضياف مساكن??
تقول لبابا كي تسخف على مشروبات غازية اشري مكانها فاكهة، من تم الحمد لله، يعني بالنسبة للملح والسكر متفاهمة معاهم ههه مانكترش بزاف وكذلك
الزيت مانستعملوهش بزاف إلا لقلي الخضر او السمك، اللحم والدجاج جامي نقليوهم، الفرينة كذلك ماستخدموهاش بزاف إما لقلي السمك أو ساعات
تجينا على كاش وصفة بالفرينة، أو البيتزا، لكن في اغلب الأوقات غير مستعملة، وزيد الوالدين مراض بالسكر ولاطونسيو والقلب لازم نراعيو هاد الامور
في الطبخ تاعنا، ماش شرط الانسان يضيع روحو ولا يطيح على الماكلة عمى، انا ساعات كيما قال الأخ طرف خبز وزيت زيتون وأنا تعشيت، او ساعات جبن
طازج يعني بدو نملح مع طرف خبز يعشيوني، كي نجوع خلاص نهز الحليب نحط فيه دويدة (يعني فارميسال) وانا درت وجبة هههه، ناكل لي جات انا
ومانحبش الحاجة التقيلة لي تبقى على ليسطوما سورتو فليل، هادا هو تقريبا غذاءنا الطبيعي وعندي دار جدي تاع ماما تاني كي نهبط عندهم ماشاء الله
اكلهم كلو متوازن، يعطيو للفاكهة وللخضر أهمية كبيرة، يقدر وجبة الغذاء تكو نبسيطة بصح الفاكهة يحطولك تفاح وبرتقال وحاجة خلاف مثلا، وعشاهم
كيما عشانا، سلطة مع جبن طازج أو اي حاجة مفيدة وخفيفة، وترقد هاني فليل، انا سورتو العشاء اكدولي عليه مانحبش حاجة تقيلة لاشتا الغداء
مليح، هادا هو نظامنا تقريبا، ومازلت حابة نزيد نغيّر بزاااف حوايج ان شاء الله رايحة نتبع معاكم الموضوع وبالمناسبة ذكرتلكم الطبخات لي نحبهم ههههربي يحفظك غاليتي والله معلومات قيمة و نتمنى تشاركينا فالسلسلة و تفيدينا بما عندك عزيزتي تحياتي لك
الطبخات لي مانحبهمش وصحيين نسيتهم هههه خلي المرة الجاية ان شاء الله ديجا طولت بزاف
تحياتي :)
 
وعليكم السلام ورحمة الله وبركاته يعطيك الصحة اختي
انا اطبخ صحي لي وللعائلة اطبخ كما جرت العادة
لي عودة ان شاءالله لاثراء الموضوع ببعض الانظمة التي اعتمدتها خلال سنة ونصف
نحن بحاجة ايضا الى اثراء ركن الاكل الصحي في اللمة بالاطباق

ركن الأكل الصحي
 
وعليكم السلام ورحمة الله وبركاته يعطيك الصحة اختي
انا اطبخ صحي لي وللعائلة اطبخ كما جرت العادة
لي عودة ان شاءالله لاثراء الموضوع ببعض الانظمة التي اعتمدتها خلال سنة ونصف
نحن بحاجة ايضا الى اثراء ركن الاكل الصحي في اللمة بالاطباق

ركن الأكل الصحي
اهلا عزيزتي في انتظار عودتك
ونتمنى تشاركينا تجربتك في السلسلة تحياتي
 
السلام عليكم?????

كيف حال أخواتي و إخواني باللمة??
تحدي الأكل الصحي هو سلسلة و تحد وضعته بيني و بين نفسي في مطبخي فأردت مشاركتكم به هنا ??
كما تعلمون نحن يوميا نتناول مأكولات و عصائر تحتوي على مواد حافظة و كيماويات تضر على المدى البعيد بصحتنا
وكلنا يوميا نتطلع على أخطار الأطعمة المصنعة على حياتنا و لكننا نعجز عن اتخاذ خطوة نغير بها نظامنا الغذائي ،
نعم من الصعب جدا العودة إلى نظام صحي كليا ولكننا على الأقل نستطيع التقليل من بعض الأضرار بالتقليل من بعض أنواع المأكولات و إيجاد البدائل لها.....
تحدي الأكل الصحي❤
تحد نشارك فيه جميعا و السلسلة مفتوحة لكل من يريد إثراءها و مشاركتنا تجربته سواءا كانت وجبة صحية أو طريقة لإيجاد بديل لمواد مستهلكة غير صحية..
?قبل مدة لم أكن مهتمة جدا بموضوع نوعية الأكل و كنت أظن أن الرياضة وحدها تفي بالغرض
?تابعت محاضرة للأستاذ عبد الحميد بوحديبة وهو طبيب و داعية تحت عنوان السم الابيض
و يقصد به السكر و استوقفني قوله في المحاضرة :
يقول الله تعالى (يا أيها الناس كلوا مما في الارض حلالا طيبا و لا تتبعوا خطوات الشيطان إنه لكم عدو )
?و بين سبب قوله تعالى ولا تتبعوا خطوات الشيطان مباشرة بعد حديثه عن الأكل لأنه حتى في الأكل توجد للنفس شهوة و يجب ضبطها متى كان ذلك مضرا ولها الأجر و الثواب
?فبدأت التحدي تحت شعار:
?لا تمارس الرياضة حتى يأمرك الطبيب بها
?لا تحسن نوعية أكلك حتى يمنعك الطبيب عن بعض الأكلات
?بل افعل كل هذا و أنت بأتم صحتك و عافيتك
مبدئيا نجحت في الميدان فأردت مشاركتكم التجربة لتفيدونا أنتم أيضا يتجاربكم
?أخيرا أتمنى أن يروقكم التحدي و أتمنى أن تتفاعلوا فيه
??تحياتي القلبية لكم جميعا??
هيا العفاريت يفرق معاها الاكل ان كان صحى ام لا واول مرة اشوف عفريتة تلعب رياضة هههههههه
 
هيا العفاريت يفرق معاها الاكل ان كان صحى ام لا واول مرة اشوف عفريتة تلعب رياضة هههههههه
ااااه عندنا رياضة أكل صحي و كلشي زيكم بس احنا مخيفين بس
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top