راهم يصولدو التالي ما يلحقش

[sami44]

السلام عليكم

ان شاء الله كامل راكم بيان بدون مقدمات وزخرفات و وووووووو ندخل في الموضوع ديراكت
اليوم بانتلي نحكيلكم على الصولد في بلادنا
علابالي كامل عندكم في مدنكم محلات تدير الصولد في كل شيئ الحوايج الصبابط الروايح وليليكتروميناجي بيان سير
انا من بكري كنت نحسب الصولد معناه الحوايج الي يطولو في المحل ما يتباعوش يديرولهم صولد كي تخلاص منهم العمر ويشبعو غبار يبيعوهم بنص سومة ولا كي تخرج ماركة جديدة تطيح البق على المركة القديمة يبيعوا القديمة بنص سومة باش ما تبورش في المحل
الجمعة الي جازت كان الصولد عند اينو عين الدفلى ضاهرة في الافلام وما صراتش غير انفتحو البيبان بعد الصلاة وقع هجوم كاسح على المركز التجاري والطايح اكثر من النايض والنايض مبليسي

الصورة من امام المركز التجاري

وبعد عمل تحريات عرفت بلي الصولد منضم من عند الدولة وعندو نهار معين الي هو 18 جانفي من كل عام ويبقى 10 ايام ولازم لو ترخيص من عند البلدية او مديرية التجارة
المشكل اانا حنا في الدزاير على العام نشوفة ليبلاك تاع الصولد معلقين في الحوانيت تقول شي راهم يبيعو لنا غير الصولد


والصولد الي عندنا ماشي كيما الي في الخارج قالولي في الخارج الصولد معناه تخفيض في السومة حتى 30/100 الgليل يقدر يعيش معاهم احنا عندنا السروال يكون يدير 200 الف ونهار الصولد 220 الف
وزيد الريحة قبل الصولد تكون 120 الف و يسلكوها الصامطين الي يشمو وما يشروش كيما مولات القبقاب ونهار الصولد تولي 80 الف وهي اصلا راهي نص قرعة برك
والصباط كيما تاع خالتي مريم@sanaya تسوي 40 الف نهار الصولد يولي 50 الف نهار تريكلامي يقولك فرونسي جلد تمساح وهو مخدوم في المدية جلد ديب
المونتو لحمر كيما تاع السلطانة @السلطانة قبل الصولد يسوى مليون ونهار الصولد يسوي 999 الف ناقص الف قهوة وما تشريهاش
والتلفون كيما تاع المدير @4algeria.com قبل الصولد يسوى 3 ملاين ونهار الصولد يسوى يسوى زوج ملاين غير 10 الاف واش ناقص حق الفليكسي برك
الطربوش كيما تاع خويا فريد @فريد أبوفيصل قبل الصولد يمدوهم بونيس مع السلعة ونهار الصولد يقولك 100 الف كون غير حطة معليش بفسد الجال والكيراتين خليك منو خويا فريد دير العمامة خير
بيسي كيما تاع الاخت سمية @ Soumia hadj mohammed قبل الصولد 2 ملاين عندها ماركة شنوية ونهار الصولد يسوى 10 ملاين يبدل العقلية نورمال يولي ابل و التفاحة موراه عادي

و نتوما كيفاش تشوفو الصولد في مدينتكم
وما تقولوليش ما عندكمش الصولد بارسكو علامة جزائرية مسجلة
راهو كاين الصو لد في الافكار وكاين في العقليات ومرات في الالغاز انا قبل سمانة صولديت لغز وكان الاقبال طيب جدا

وادا كاش واحد راه يصولدي في حاجة يقوللي
​

 

[ليليا مرام]

السلام عليكم وهذاك لاشان وين عندكم واش من مركز انا نعرف غير سيدي راشد فعين دفلة والعامرة جيت ليها
يا خويا انا هذا صولد ما نامنش بيه وما نروحش وما نششقاش نشري حجاب وخمار وصباط فالعام زوج مرات ما نظلش نستنى صولد نعرف انو الدوبل أو حاجة عيانة نروح ديركت للحانوت او مارشي نعرف يبيعو مليح نشوف ونقولو ساعدني شوي
اما هذي نتاع صولد نشوفها فالتليفيزبو شفت باللي راهي فالعاصمة وفالمراكز الكبيرة آرديس وغيرها مي انا ما نروحلهمش بعاد شوي عليا
كاين ناس يروحو لهذو البلايص ممكن يفيدوك اللي موالفين يشرو منهم
انا والله ما ننأمن بيهم نعرف ماكاش منها اي كلمة او تجارة او حاجة من خارج اهنا لازم يشوهوها جابو الصولد وحبو يعاندو ما يقدروش
انا رحت للترك ودخلت محل مكتوف فيه تخفيضات وكاين تشري حاجة وتدي زوج باطل وصح يحترمو قانون الصولد عندهم
فالمطار معرض نتاع ريحة نتاع رجال او نسا من الغالية ودايرين وين تجرب واختك فاتت كامل المحلات جحتى صرعتهم فالطيارة درت منهم كامل غسلت حوايجي وما راحتش
دارو معرض نتاع الحلقومة والبقلاوة فالمطار يوم سفري واختك واش نقولك كل دورة ندي جعت وماكلة غالية فالمطار وبقات قريب ساعتين عالطيارة كرهت مني ذيك اللي تبيع هههههههه هذا صولد انا نستعرف بيه هه
شكرا على الموضوع

 

[لؤلؤة قسنطينة]

السلام عليكم ورحمة الله وبركاته
آسفة على التأخير في الاعتماد أخي سامي، وبالعودة لموضوعك ولي هو الصولد ويا الصولد، معرف علاه جامي نتلاقا بيه
التسوق والصولد تلقى النساء كامل يحبوه ويعرفوه، غير أنا، نخرج مرة في العام نشري كاش حاجة من تم مانزيدش ندور
لا بالتسوق ولا بالصولد هههه، وعجبتني صباط جلد الديب ههههه درك راهم حفظو كلمة الترك، اي حاجة راهي تاع الترك
وهي مخدومة في الدورة تاع الحومة ههه، والصولد أكيد كاين في مدينتي ساعات نسمع ببعض الاهل يطيحو في حاجة مليحة
أو هي حاجة مليحة في نظرهم بينما هي فخ من البائع هههه الله أعلم، وساعات يطيحو في صولد معوّج
المهم من اللخر خاطيني الصولد ومانعرفش التقنيات تاعو، أنا اصلا مانستناهش نشري حاجة معقولة وقد دراهمي
وفي اي وقت، ويعجبوين غير هادوك لي تدخل تشري من عندهم تقولو شحال هادي يقولك مثلا 150 ومن بعد يقولك
والله كانت 250 رانا نزلنا في سومتهم، تزيد تدخل عند الثاني يقولك والله كانت بسومة كتر ونزلناها، مافهمشت وكتاه نروح ليهم ونطيح
في السومة قبل ما ينزلوها، المهم باينة راني خارج مجال التغطية، نشوفو مع الإخوة والأخوات لي يعرفو للصولد ترا
شكرا أخي على الموضوع المميز بارك الله فيك
تحياتي
​

 

[وۣۗهۣۗہۣۗم]

السلام عليكم ....
صولد عندنا حنا في مدينتنا بذات مكانش حاجة ص ولد كلمة صولد متقراهاش طوول
وتزويدك حاجة انا من المضربين عليه لانوو مفهومو خاطئ عند بعض التجار ياخويا نشريها ديراكت اوموان متبقاش في قلبي ويستغبينى ويقولى ص ولد وهى بسومتها

 

[sami44]

السلام عليكم وهذاك لاشان وين عندكم واش من مركز انا نعرف غير سيدي راشد فعين دفلة والعامرة جيت ليها
يا خويا انا هذا صولد ما نامنش بيه وما نروحش وما نششقاش نشري حجاب وخمار وصباط فالعام زوج مرات ما نظلش نستنى صولد نعرف انو الدوبل أو حاجة عيانة نروح ديركت للحانوت او مارشي نعرف يبيعو مليح نشوف ونقولو ساعدني شوي
اما هذي نتاع صولد نشوفها فالتليفيزبو شفت باللي راهي فالعاصمة وفالمراكز الكبيرة آرديس وغيرها مي انا ما نروحلهمش بعاد شوي عليا
كاين ناس يروحو لهذو البلايص ممكن يفيدوك اللي موالفين يشرو منهم
انا والله ما ننأمن بيهم نعرف ماكاش منها اي كلمة او تجارة او حاجة من خارج اهنا لازم يشوهوها جابو الصولد وحبو يعاندو ما يقدروش
انا رحت للترك ودخلت محل مكتوف فيه تخفيضات وكاين تشري حاجة وتدي زوج باطل وصح يحترمو قانون الصولد عندهم
فالمطار معرض نتاع ريحة نتاع رجال او نسا من الغالية ودايرين وين تجرب واختك فاتت كامل المحلات جحتى صرعتهم فالطيارة درت منهم كامل غسلت حوايجي وما راحتش
دارو معرض نتاع الحلقومة والبقلاوة فالمطار يوم سفري واختك واش نقولك كل دورة ندي جعت وماكلة غالية فالمطار وبقات قريب ساعتين عالطيارة كرهت مني ذيك اللي تبيع هههههههه هذا صولد انا نستعرف بيه هه
شكرا على الموضوع

وانا نشوف علاش الريحة غلات في الترك انتيا كنتي ثما علا جالك قريب حبسو علينا المسلسل تاع ارطغرل
و بالنسبة للبقلاوة الاتراك فاقولنا بلي نحبو السكاكر والحلويات يخدموها بالكاوكاو والسكر ما تكلفش غالي علابالهم قاع نبروفيتيو
اما بالنسبة للصولد انا والله غير دهشت نهار شفت الغاشي دايرين لاشان عند اينو ونهار فتح صرا الهجوم
نهار يكون الصولد في عين الدفلى نقوللك بالاك تنافيقي صباط ولا قرعة ريحة وديري حسابك نهار تزيدي الترونسبور تولي اغلى من سومتها
الترك مليحة عندهم هادي تاع تشري حاجة تدي زوج باطل راني نخمم نشري سكنة تما سير يعطوني زوج بونيس ندي كامل لافامي معايا

 

[sanaya]

هههههههههه صباطي ب150 الف ايوا متهبلناش وين تلقا صباط ب 40
مام حنا عندنا صولد نروح فرحانة نلقا نقصولي الف فراك ولا 10 الاف نزيد شويا و نشري حاجة مليحة
بون وليت منديرش بالصولد خلاص ونهار يكونو الاسعار صح شابين نلقاها لبسة تاع الستينات تليق لتمثيل المسرحيات
مي العفسة تاع الصولد اللي حكيت عليها جامي سمعتها وين نجوز نلقا صولد على مدار العام
وراني نستنا الصولد باش نشري صباط راني فالبرد بالصاندال??????
هههههه نتمسخر الحمد لله بالاك يقولو الملائكة آمين تحياتي خويا سامي

 

[sami44]

السلام عليكم ورحمة الله وبركاته
آسفة على التأخير في الاعتماد أخي سامي، وبالعودة لموضوعك ولي هو الصولد ويا الصولد، معرف علاه جامي نتلاقا بيه
التسوق والصولد تلقى النساء كامل يحبوه ويعرفوه، غير أنا، نخرج مرة في العام نشري كاش حاجة من تم مانزيدش ندور
لا بالتسوق ولا بالصولد هههه، وعجبتني صباط جلد الديب ههههه درك راهم حفظو كلمة الترك، اي حاجة راهي تاع الترك
وهي مخدومة في الدورة تاع الحومة ههه، والصولد أكيد كاين في مدينتي ساعات نسمع ببعض الاهل يطيحو في حاجة مليحة
أو هي حاجة مليحة في نظرهم بينما هي فخ من البائع هههه الله أعلم، وساعات يطيحو في صولد معوّج
المهم من اللخر خاطيني الصولد ومانعرفش التقنيات تاعو، أنا اصلا مانستناهش نشري حاجة معقولة وقد دراهمي
وفي اي وقت، ويعجبوين غير هادوك لي تدخل تشري من عندهم تقولو شحال هادي يقولك مثلا 150 ومن بعد يقولك
والله كانت 250 رانا نزلنا في سومتهم، تزيد تدخل عند الثاني يقولك والله كانت بسومة كتر ونزلناها، مافهمشت وكتاه نروح ليهم ونطيح
في السومة قبل ما ينزلوها، المهم باينة راني خارج مجال التغطية، نشوفو مع الإخوة والأخوات لي يعرفو للصولد ترا
شكرا أخي على الموضوع المميز بارك الله فيك
تحياتي
​

ما فيه مشكل انا حسبت الموضوع تاعي مصولدي هداك علاش طولتو في الاعتماد
وصباط جلد الديب موجود سقسي الجدة مريم تقوللك عله يتقطع بالخف بالاكي تشريه يبهدلك في وسط الغاشي تولي رافداتو في يدك نورمال
والله غير استعجبت مرات السروال يسوى 200 الف قبل الصولد يطلعولو السومة 220 الف ونهار الصولد تلقايه 200 الف طالع هابط كيما الشيخ النوي ويقولك صولد ما عرفت يستغبو فينا ولا حسبونا طحنا من القمر ولا كيفه
الله يهدينا
وانتي مرة في العام بزاف سيي اخرجي منين داك ممكن تتلاقاي بالصولد تاع الشيبس كي تقرب لادات تاعو يبيعوه بنص السومة

 

[sanaya]

ياااااه وليت جدة خخخخخخخ ايا نقصو الحس و جيبولي القهوة متكثروش فيها الزبدة و الكاكاو???

 

[sami44]

السلام عليكم ....
صولد عندنا حنا في مدينتنا بذات مكانش حاجة ص ولد كلمة صولد متقراهاش طوول
وتزويدك حاجة انا من المضربين عليه لانوو مفهومو خاطئ عند بعض التجار ياخويا نشريها ديراكت اوموان متبقاش في قلبي ويستغبينى ويقولى ص ولد وهى بسومتها

وعليكم السلام
قريب امنتك انتوما النسا كامل تقرعجو على الصولد يبدا في 18 جانفي وانتوما تبداو توجدو في الدراهم في 18 اوت تقول شي العيد الكبير قريب يوصل
بصح نستعرف بيك اشري بدراهمك وما تقاشحيش الصولد واش رايح ينقص عليك 10 الف عشرين تروح فليكسي ولا شوينقوم امالا اشري بدراهمك وراسك مرفوع ماشي كيما انا كي يخلاص الصولد ندورها شيفون

 

[sami44]

هههههههههه صباطي ب150 الف ايوا متهبلناش وين تلقا صباط ب 40
مام حنا عندنا صولد نروح فرحانة نلقا نقصولي الف فراك ولا 10 الاف نزيد شويا و نشري حاجة مليحة
بون وليت منديرش بالصولد خلاص ونهار يكونو الاسعار صح شابين نلقاها لبسة تاع الستينات تليق لتمثيل المسرحيات
مي العفسة تاع الصولد اللي حكيت عليها جامي سمعتها وين نجوز نلقا صولد على مدار العام
وراني نستنا الصولد باش نشري صباط راني فالبرد بالصاندال??????
هههههه نتمسخر الحمد لله بالاك يقولو الملائكة آمين تحياتي خويا سامي

كاين صباط بربعين الف في الشيفون بصح ما نضمنلكش الحطة ممكن تمشي بيه في الشتاء ولا تسقي بيه الورد في الجنينة المهم صباط يستر الرجلين
وليتي ما تدريش بالصولد ولاو ما يخبروكش السيبيرات الي تدخليها تخليها كيما الي كملت الريحة والبقلاوة في الترك
والصولد نورمالمون رانا في نهاراتو 18 جانفي لل28 اكتيفي قبل ما يكملو الصبابط وتكملي الشتى بالبشماق وانتي وزهرك البشامق وادا ما كملتهمش شيماء
تحية متبادلة خالتي مريم والله سعيد بوجودك في موضوعي

 

[sami44]

ياااااه وليت جدة خخخخخخخ ايا نقصو الحس و جيبولي القهوة متكثروش فيها الزبدة و الكاكاو???

القهوة عيطي لمحمد الامين هو المكلف بجلب القهوة الزايخة
وقوليلو الصولد راه في الشواشي بالاك يطير معاهم وحدة مع هد البرد حتى هو كان مريض ربي يشافيه

 

[sami44]

يشاهد هذا الموضوع: 3 (الأعضاء: 3، الزوار: 0)

• sami44
• sanaya
• ليليا مرام

انا تاني حكمني الرادار كيما انتوما نستنى في الصولد يبدا ولا راكم تستناو في القهوة محمد الاميم ما يجيش غير اقطعو لياس

 

[أم أُنٌَيسة]

السلام عليكم ورحمة الله وبركاته
ماشاء الله موضوع جميل ومميز، سلمت يمناك اخي الكريم
وقتلتيني بالضحك يااااو اضحك الله سنك واسعد قلبك وملا كل ايامكم فرحا وسرورا ان شاء الله يارب
نشم الريحة ؟؟؟ اناااااا ؟؟ كون نشمها يدوني من تم طوووووووول لسبيطار ههههههههههه والحمد لله على كل حال
لا استعمل شيئ يسمى الريحة، وحد الوقت كنت نحطها لما كنت نقرا في الثانوي وكانت عندي نوع واحد نحبو فولي فووووول معناه مهبول ههههههه اللون البرتقالي لانه فيها الوان بزاف
جامي نخرج نشري دائما باباتي ولا ماماتي ولا اختاي الللي يشريولي نقللهم لون الحجاب برك ووصف الاشياء اما انا والو
وادا تصرا معجزة ونخرج مرة عمرة نشري معنديش اشكال في حاجة يسموها صولد وجامي نقل لمول الحانوت ينقصلي نروح تعجبني حاجة حتى ولو في اول حانوت هو منزيدش نقللو بشحال هدي لما يقللي نمدلو الدراهم وادا لقيت دراهمي ميكفوش نروح نزيد عليهم ونرجع وخلاص هههههههههه
اكره كرها اعمى مايسمى تسوق، حافظة حوانت كل واحد ووش يبيع لما نخمم نشري نروح طوووووووووووووول لعندهم اذا ملقيتش وش راني نخمم مروح للدار ونقل لبابا ولا ليما ولا لاختاي يريوهملي وعارفين ذوقي كيفاه وفقط ههههههههههههه
اما بالنسبة للصولد، لما خرجت من اسبوع لقيت كل الحوانت يديرو صولد وسمعت اختي وماماتي يحكو لكن امر لا يخصني طبعا الا ادا سمعت انو دارو صولد في الدبادب الكبار ولا الشيبس حراق لتم يرجع امر يخصني هاهاهاهاهاهاهااه
ارجو تقبل مروري
تحياتي احترامي وتقديري لشخصكم الكريم الطيب
في امان الله وحفظه ​

 

[السلطانة]

وعليكم السلام ورحمة الله وبركاته انا نحسب درتو صولد في اللمة جيت نشري هههه كاش صاك ولاصباط

لقيتكم بعتولي المونطو تاعي لحمر هههههه

صح الصولد الصولد دوخونا بيه وهي السلعة متستهلش ويبيع فيها بسعرها وبلاك بزيادة

سورتو الصولد تاع النسا هههه الصاك ب 100 الف والصباط ب 100 والخيمار ب 50

يعني انت وزهرك ماش كلش يعجب في الصولد وفيه فيه لخدع

نفضل نروح للاسواق المشهورة خير كيما عين فكرون في ام البواقي كي تشري بالgرو تخرجك
كيما التقاشر وليبا تاع النسا وقش النسا
ولا لي مونطو تاع الرجال يبيعوهولك في الحوانت 600 الف واكثر
تلقاه 400 / 300 الف في عين فكرون

صولديولنا القش في اللمة خلونا نخدمو عروحنا ههههه

 

[ليليا مرام]

وانا نشوف علاش الريحة غلات في الترك انتيا كنتي ثما علا جالك قريب حبسو علينا المسلسل تاع ارطغرل
و بالنسبة للبقلاوة الاتراك فاقولنا بلي نحبو السكاكر والحلويات يخدموها بالكاوكاو والسكر ما تكلفش غالي علابالهم قاع نبروفيتيو
اما بالنسبة للصولد انا والله غير دهشت نهار شفت الغاشي دايرين لاشان عند اينو ونهار فتح صرا الهجوم
نهار يكون الصولد في عين الدفلى نقوللك بالاك تنافيقي صباط ولا قرعة ريحة وديري حسابك نهار تزيدي الترونسبور تولي اغلى من سومتها
الترك مليحة عندهم هادي تاع تشري حاجة تدي زوج باطل راني نخمم نشري سكنة تما سير يعطوني زوج بونيس ندي كامل لافامي معايا

السلام عليكم خويا سامي ناصر
نونو انا كي رحت مديتلهم الإلهام باه يديرو مسلسلات نقلتلهم رومانسية الرجل الجزائري
اااه واش نقولك على بقلاوتهم يا خويا يا خويا اول شي كليتو اول ما وصلت هي البقلاوة انواع واشكال بالبيستاش اممممممم ليلة كاملة وانا قاعدة قلوتيل غير لاتي وبقلاوة خلفت روطار ولافونس ولما رحت للطبيب من غد ذاك وشفت ذوك البوابر وانا عندي فوبيا من الغرق
قلت ايا الموت وحدة وركبت فيهم العبارات كيما المسلسلات وطلعت دوزيام إيتاج البرد اوشتا يقولولي ممنوع ادخلي وانا والو لازم لقطة شفتها فمسلسل نطبقها ههههه ولو وحدي خاصني الرومانسي معايا انا نعيش وهو يغرق مي معليش غير وحدي وتورنيتها
اااه اجمل بلد شفتو والله روعة روعة فوق الوصف ولانو انا زهري راح حراق ووين نروح نوض الربيع العربي كنت هناك ايام الإنقلاب على اردوغان انا كنت ايام مظاهرات لما رجعت صرا الإنقلاب راحتلي ياو زعفو كي انا رجعت ههه
انا صولد هنا ما حرتلوش نروح لعين الدفلى ما نجي نوصل نجمد فالطريق
وي عندهم عروض وخصومات وتشري حاجة يمدولك امور زيادة روعة وحاجات غاليين تجربهم عليها سياحة عندهم ماشية إن شاء الله نعاود نرجع
وان شاء الله تزوروها علاه لالا

 

[sami44]

​

السلام عليكم ورحمة الله وبركاته
ماشاء الله موضوع جميل ومميز، سلمت يمناك اخي الكريم
وقتلتيني بالضحك يااااو اضحك الله سنك واسعد قلبك وملا كل ايامكم فرحا وسرورا ان شاء الله يارب
نشم الريحة ؟؟؟ اناااااا ؟؟ كون نشمها يدوني من تم طوووووووول لسبيطار ههههههههههه والحمد لله على كل حال
لا استعمل شيئ يسمى الريحة، وحد الوقت كنت نحطها لما كنت نقرا في الثانوي وكانت عندي نوع واحد نحبو فولي فووووول معناه مهبول ههههههه اللون البرتقالي لانه فيها الوان بزاف
جامي نخرج نشري دائما باباتي ولا ماماتي ولا اختاي الللي يشريولي نقللهم لون الحجاب برك ووصف الاشياء اما انا والو
وادا تصرا معجزة ونخرج مرة عمرة نشري معنديش اشكال في حاجة يسموها صولد وجامي نقل لمول الحانوت ينقصلي نروح تعجبني حاجة حتى ولو في اول حانوت هو منزيدش نقللو بشحال هدي لما يقللي نمدلو الدراهم وادا لقيت دراهمي ميكفوش نروح نزيد عليهم ونرجع وخلاص هههههههههه
اكره كرها اعمى مايسمى تسوق، حافظة حوانت كل واحد ووش يبيع لما نخمم نشري نروح طوووووووووووووول لعندهم اذا ملقيتش وش راني نخمم مروح للدار ونقل لبابا ولا ليما ولا لاختاي يريوهملي وعارفين ذوقي كيفاه وفقط ههههههههههههه
اما بالنسبة للصولد، لما خرجت من اسبوع لقيت كل الحوانت يديرو صولد وسمعت اختي وماماتي يحكو لكن امر لا يخصني طبعا الا ادا سمعت انو دارو صولد في الدبادب الكبار ولا الشيبس حراق لتم يرجع امر يخصني هاهاهاهاهاهاهااه
ارجو تقبل مروري
تحياتي احترامي وتقديري لشخصكم الكريم الطيب
في امان الله وحفظه ​

والله قريب امنتك يا مشاكسة فكرتيني بالمثل الي يقول (لوكان ما نعرفكش يا خروب بلادي نحسبك بنان) لي كوسميتيك تاع الشرق كامل يشكو منك وتقوليلي ما نشمش الريحة او ل مرة نسمع ببنت ما تشمش الريحة ما عندكش حاسة الشم ولا واش
وهادي فولي فول نعرفها تسوى20 الف للقرعة وما تمشيش في السوق سير غير انتي كنتي تستعمليها
ادا تخرجي مرة في العام نص عمرك راح خسارة راحلك الصولد تاع الشيبس تاع البشامق تاع النونورس حتى ماروكو داورلها الصولد بصح معليش طيرتي معاهم مونتو اخضر في اللمة وباطل
اما الدوق تاعك اصبح معروف انتر ناسيونال صباط اسود حجاب اسود صاك اسود خمار اسود اوروزمون قلبك ابيض
ونستعرف بيك كي حافضة الحوانيت فكرتيني بصغري كنت نكره كي يبعثوني نشري القازوز تاع لتر تاع زجاج ولا الازيس تاع الباطة الحمرا وكنت نفرح لما نفضل الصرف نشري بيه الكلاكو ادا تعرفيه
المهم نهار يديرو الصولد راني نبعث لك اشارة التالي ما يلحقش

 

[أم أُنٌَيسة]

​

والله قريب امنتك يا مشاكسة فكرتيني بالمثل الي يقول (لوكان ما نعرفكش يا خروب بلادي نحسبك بنان) لي كوسميتيك تاع الشرق كامل يشكو منك وتقوليلي ما نشمش الريحة او ل مرة نسمع ببنت ما تشمش الريحة ما عندكش حاسة الشم ولا واش
وهادي فولي فول نعرفها تسوى20 الف للقرعة وما تمشيش في السوق سير غير انتي كنتي تستعمليها
ادا تخرجي مرة في العام نص عمرك راح خسارة راحلك الصولد تاع الشيبس تاع البشامق تاع النونورس حتى ماروكو داورلها الصولد بصح معليش طيرتي معاهم مونتو اخضر في اللمة وباطل
اما الدوق تاعك اصبح معروف انتر ناسيونال صباط اسود حجاب اسود صاك اسود خمار اسود اوروزمون قلبك ابيض
ونستعرف بيك كي حافضة الحوانيت فكرتيني بصغري كنت نكره كي يبعثوني نشري القازوز تاع لتر تاع زجاج ولا الازيس تاع الباطة الحمرا وكنت نفرح لما نفضل الصرف نشري بيه الكلاكو ادا تعرفيه
المهم نهار يديرو الصولد راني نبعث لك اشارة التالي ما يلحقش

نزيدك حاجة، مكنتش علابالي انو اللي يبيعو الريحة والامور هدو انه اسمهم كوسميتيك حتى العام اللي فات لما قالولي لبنات ايا تروح معانا للكوسميتيك قلتلهم وش يعني شرحوهولي هههههههههههههههههه ومتنا ضحك عليا
عندي حساسية مفرطة والحمد لله منحملش الروائح وتان لما عرفت انه ايما امراة خرجت وشم ريحها فهي زانية بطلت حتى الفولي فول
امممممممم، خاطيني الصاكاااااات منحبهمش نلبس المحافظ او ساكودو منستعملش الصاكات ههههههه
اييييه قلبي ابيض كيما البترول واااه هاهاهاهاهاهاهاهاهاهاهاه

 

[sami44]

وعليكم السلام ورحمة الله وبركاته انا نحسب درتو صولد في اللمة جيت نشري هههه كاش صاك ولاصباط

لقيتكم بعتولي المونطو تاعي لحمر هههههه

صح الصولد الصولد دوخونا بيه وهي السلعة متستهلش ويبيع فيها بسعرها وبلاك بزيادة

سورتو الصولد تاع النسا هههه الصاك ب 100 الف والصباط ب 100 والخيمار ب 50

يعني انت وزهرك ماش كلش يعجب في الصولد وفيه فيه لخدع

نفضل نروح للاسواق المشهورة خير كيما عين فكرون في ام البواقي كي تشري بالgرو تخرجك
كيما التقاشر وليبا تاع النسا وقش النسا
ولا لي مونطو تاع الرجال يبيعوهولك في الحوانت 600 الف واكثر
تلقاه 400 / 300 الف في عين فكرون

صولديولنا القش في اللمة خلونا نخدمو عروحنا ههههه

الصولد موجود والسلعة حسب الطلب واش حبيتي تشري ديري اشارة عند @ليليا مرام انا نخلص برك
والمونطو تاعك لحمر تباع شراتو مولات البشماق @ ماغيكاي تشانومن كثر ما تحبش اللون الاحمر عاودت صبغاتو اخضر ما شفتيهاش راهي تدور بيه في اللمة
بالفعل الصولد لا يليق بنا لأننا لا نعرف التعامل بهد الامور
جشع اصحاب المحلات خلاهم يشوفو الصولد مناسبة للربح وليس لمساعدة ضعيفي الدخل
وشعبنا ملهوف لا يحقق كثيرا في الاسعار بل يصدق ما يقوله البائع

وراني نخمم نبدا نصولدي القش تاع اللمة
ومن هنا ادعوكم الي عنده خزانة تاع قش ما يلبسها ما والو كيما @الامين محمد كيما @ ليليا مرام تجيبها نصولدوها و وتعطيلنا 10 بالمية ميم امينة @ام أمينة ادا عندها حوايج تاع دراري مكاش مشكل شيفون ورانا قابلين كاين المشتري

 

[sami44]

نزيدك حاجة، مكنتش علابالي انو اللي يبيعو الريحة والامور هدو انه اسمهم كوسميتيك حتى العام اللي فات لما قالولي لبنات ايا تروح معانا للكوسميتيك قلتلهم وش يعني شرحوهولي هههههههههههههههههه ومتنا ضحك عليا
عندي حساسية مفرطة والحمد لله منحملش الروائح وتان لما عرفت انه ايما امراة خرجت وشم ريحها فهي زانية بطلت حتى الفولي فول
امممممممم، خاطيني الصاكاااااات منحبهمش نلبس المحافظ او ساكودو منستعملش الصاكات ههههههه
اييييه قلبي ابيض كيما البترول واااه هاهاهاهاهاهاهاهاهاهاهاه

قلبك ابيض هادي ما فيهاش نقاش غير ما تقنعينيش بلي انتي شغيغة قريب امنتك وحد النهارات
وادا ما تعرفيش الكوسميتيك معناه ليليا غلطت كي قالت عجوزة في كاركاسة تاع بنت صغيرة بارسكو العجايز كامل يعرفو الكوسميتيك سيرتو العجايز تاع بكري الي استعملو الريحة تاع القرعة الكحلة الي كانت الوحيدة المتوفرة في السوق قديما
بالنسبة للمرأة ادا كثرت الرحة وتعمدت يشموها الناس وكان ريحها قوي تصبح من الزانيات اما ادا دارت قليل منها او استعملتها في بيتها فهدا امر طيب واما الفولي فول لا ينطبق عليها هدا لان ريحتها عيانة

 

[أم أُنٌَيسة]

قلبك ابيض هادي ما فيهاش نقاش غير ما تقنعينيش بلي انتي شغيغة قريب امنتك وحد النهارات
وادا ما تعرفيش الكوسميتيك معناه ليليا غلطت كي قالت عجوزة في كاركاسة تاع بنت صغيرة بارسكو العجايز كامل يعرفو الكوسميتيك سيرتو العجايز تاع بكري الي استعملو الريحة تاع القرعة الكحلة الي كانت الوحيدة المتوفرة في السوق قديما
بالنسبة للمرأة ادا كثرت الرحة وتعمدت يشموها الناس وكان ريحها قوي تصبح من الزانيات اما ادا دارت قليل منها او استعملتها في بيتها فهدا امر طيب واما الفولي فول لا ينطبق عليها هدا لان ريحتها عيانة

خساااارة كبييييييرة انك مامنتينيش خيرها فغيرها ان شاء الله ههههههههههه
مكنتش نعرف اسمه برك بالنسبة ليا اسماءهم الكل حوانت والبازارات بازارات وخلاص ميهمش وش يبيعو هههههههههههه
علابالي، لكن نحيتها طول وخلاص باه منكسرش راسي وكاين طرق اخرى بدون الريحة هههههههههه تحقر في فولي فول برك احقاااااار هههههههههه