الجزائري والدوا قصة حب لا تنتهي

sami44

:: عضو بارز ::
أحباب اللمة
إنضم
10 ديسمبر 2009
المشاركات
13,068
نقاط التفاعل
26,463
النقاط
956
محل الإقامة
فالفيراج
الجنس
ذكر
السلام عليكم ورحمة الله
do.php


101312


اليوم بانت لي على موضوع وضاهرة نشوفها في مجتمعنا كل يوم كل ساعة ما تقولوليش انتوما ما شفتوهاش على خاطر كلنا جزائريين وما نروحوش للطبيب

الي ضرو راسو كيما انا نشرب دوليبران ومانيش عارف التأثيرات الجانبية تاعها باسكو كاين ادوية نستهين بها وهي ممكن تشكل خطر على الصحة تاعنا وكاين الي تدير سرطان عافانا الله وياكم وكثير الادوية سحبت من السوق بسبب تأثيراتها الجانبية

كيما خويا محمد الامين @الامين محمد على العام يشتكي من الارني ربي يشافيه ويعافيه بصح كون تسقسيه على الدوا يقولك قالولي اشرب كذا وكذا بالاك يشرب مالوكس مثلا

يا خويا مالوكس لليسطوما دير السبتة وسيي ما ترفدش الثقيل وتشوف النتيجة مي الوقت ما علاباليش شحال

الاخت شيماء

@ماغيكاي تشان توجور تشتكي من لا gريب وتسقسيها رحتي للطبيب تقولك لا لا قالولي اشربي بارالقان مع التيزانة وكي تجي ترقدي ديري العسل والقارص ايه علابالنا

العسل والقارص ايفيكاس للزكام والحلق وكثير من الامراض بصح واش دخل بارالقان في الوسط

بصح ممكن دواء الطب البديل مع الدواء الكميائي يعطو نتيجة انا ما جربتهاش والي جربها يقولنا



101313


  • @ا@م أمينة تمرض بنتها الله لا يقدر وربي يحفضها تلقى الحمى طالعة تديرلها المزهر في خمار وتزير تقول راهي تبربر في الحمى ماشي تنقص فيها واذا شافت الحال ما تبدلش تقطع حبة قارص زوج اقراص وتحزمهم لها على جبهتها خصها تدير معاها سيلفي برك

الي محيرني هل المزهر ينقص الحمى صح والقارص علاش تعذبي فيه خليه للقاطو خيرلك و ادي بنتك للطبيب

الاخت @ليليا مرام علابالي عندها فارماسيان في الدار وبسبب المرض تستعمل كل الادوية بمقاديرها الصحيحة ربي يشافيها ويعافيها بصح هذا ما يعنيش بلي ما تديرش التيزانة تع الزعتر مع الباراسيتامول نهار يتعكر المزاج تاعها


وتاني شفت العجايز الكبار صدقوني عندي امي ربي يحفضها الي يحل الباطة تاع الدوا تقولو اعطيني حبة وتموت على السيرو

كل ما ندخل عندها تقولي راني مريضة نقولها واشبيك تقولي راسي وعينيا ثقال نقوللها رحتي للطبيب تقولي لا لا راهي جابتلي زوجة خوك حبة كاشي راني مليحة شوية خير من قبيل ونهار نشوف الماركة نلقاها ما تصلحش كامل لحالتها سيرتو مع السكر الي عندها

وكاين الي يشرب زيت الزيتون من اجل العلاج من حالة ما و غير ينصحوه بكاشي ولا سيرو يشري ويشرب مباشرة وهو ما علابالوش بلي زيت الزيتون يقضي على مفعول كل الادوية

وانوما كيفاش تستعملو الدوا

بالوصفة الطبية ولا اشري واشرب المهم نبرا برك

هل حصل لكم موقف شربتو دوا ومن بعد لقيتوه ما يصلحلكمش

احكيلنا على موقف صرالك سيرتو مع الرد ولا gريب





 
آخر تعديل بواسطة المشرف:
تم الاعتماد
ههههههههههههه والله جبتها قد قد
و الله عندي فارمسيان في الدار كل انواع الدوا راه عندي و من كثرت الذهاب للطبيب راني وليت طبيب
في هاذو يومين راني عاجز عن المشي و راني طريح الفراش ما نقدرش نوقف خلاص و اذا وقفت نموت من السطر

جابولي طبيب للدار يكثر خيره
المهم قبل ما يوزن لاطونسو قلت راهي مليحة فعلا لما وزنها لقاها مليحة
بقى يحكي معايا باش يعرف سبب الألم قلت ليه كان عندي الألم بسب أمرين و هما انزلاق غضروفي و إلتهاب أو تقلص العضلة الكمثرية
قال كيف عرفتها قلت ليه كان الألم ممتد حتى للكعب للأصابع أحيانا و بعد يومين راه الألم في الورك و يمتد حتى لحمة الساق يتوقف
و العضلة الكمثرية راهي ملتهبة و راهي تضغط على العصب الوركي اللي يمر تحتها
و لازمني دوا يعالج العضلة الكمثرية
قال كيف عرفتها انها ملتهبة قلت ليه لما نوقف على طولي تبدا تخدم و يقع عليها ضغط و لما تيبس تضغط على العصب
لي تحتها و هو العصب الوركي فيقع الألم


شفت كيف راني طبيب من كثرت الذهاب الى الطبيب ههههههههههههههه
 
السلام عليكم

صح عندك الحق فواش قلت كامل صح نجربو الحاجة الطبيعية و الا ما نفعتش و زاد الحال على بنادم باش نروحو للطبيب
و الناس تستعمل الدواء بزاف بلا ما تروح للطبيب و تسمع بلي فلان و فلانة فادهم هاداك الدواء امالا يقولو نجربوه نبراو و ما علابالهمش بلي كل جسم و كيفاش يتجاوب مع الدواء
و علابالنا بلي الدواء لي نستعملوه باش نداوو حاجة و هو مفيد لحاجة اخرى يضر بالصحة و فيه اثار جانبية تشكل خطر على صحة الانسان
لذا الواحد كي يمرض و لو مرض بسيط يستشير الطبيب خير ما يشرب الدواء وحدو و كاشما يصرا يكون على ضمانة الطبيب

بالنسبة لوالدتك ربي يحفظهالك و يطول في عمرها
و بما انه عندها السكر لازم تحاذر روحها و تتجنب الادوية دون وصفة طبية لان اصحاب السكر عندهم دواء معين ياخدوه لان الادوية تتفاعل مع بعضاها و يشكل خطر عليها

و انا كي هدرت على الدوا هكاك ماشي ما نستعملش الدواء من راسي و الله نشري وحدي و نستعملو ربي يستر و خلاص

يعطيك الصحة على الموضوع
ننتظر جديدك المميز دائما
دمت في رعاية الله


 
تم الاعتماد
ههههههههههههه والله جبتها قد قد
و الله عندي فارمسيان في الدار كل انواع الدوا راه عندي و من كثرت الذهاب للطبيب راني وليت طبيب
في هاذو يومين راني عاجز عن المشي و راني طريح الفراش ما نقدرش نوقف خلاص و اذا وقفت نموت من السطر

جابولي طبيب للدار يكثر خيره
المهم قبل ما يوزن لاطونسو قلت راهي مليحة فعلا لما وزنها لقاها مليحة
بقى يحكي معايا باش يعرف سبب الألم قلت ليه كان عندي الألم بسب أمرين و هما انزلاق غضروفي و إلتهاب أو تقلص العضلة الكمثرية
قال كيف عرفتها قلت ليه كان الألم ممتد حتى للكعب للأصابع أحيانا و بعد يومين راه الألم في الورك و يمتد حتى لحمة الساق يتوقف
و العضلة الكمثرية راهي ملتهبة و راهي تضغط على العصب الوركي اللي يمر تحتها
و لازمني دوا يعالج العضلة الكمثرية
قال كيف عرفتها انها ملتهبة قلت ليه لما نوقف على طولي تبدا تخدم و يقع عليها ضغط و لما تيبس تضغط على العصب
لي تحتها و هو العصب الوركي فيقع الألم


شفت كيف راني طبيب من كثرت الذهاب الى الطبيب ههههههههههههههه
واله غير صح الواحد يولي طبيب من كثرة المرض
ربي يشافيك ويعافيك
انت لازملك فارماسيان في الدار على حساب الامراض الي ذكرتهم سيرتو السكر لا يؤتمن

كل الشكر والاحتراموالتقدير لك
 
السلام عليكم

صح عندك الحق فواش قلت كامل صح نجربو الحاجة الطبيعية و الا ما نفعتش و زاد الحال على بنادم باش نروحو للطبيب
و الناس تستعمل الدواء بزاف بلا ما تروح للطبيب و تسمع بلي فلان و فلانة فادهم هاداك الدواء امالا يقولو نجربوه نبراو و ما علابالهمش بلي كل جسم و كيفاش يتجاوب مع الدواء
و علابالنا بلي الدواء لي نستعملوه باش نداوو حاجة و هو مفيد لحاجة اخرى يضر بالصحة و فيه اثار جانبية تشكل خطر على صحة الانسان
لذا الواحد كي يمرض و لو مرض بسيط يستشير الطبيب خير ما يشرب الدواء وحدو و كاشما يصرا يكون على ضمانة الطبيب

بالنسبة لوالدتك ربي يحفظهالك و يطول في عمرها
و بما انه عندها السكر لازم تحاذر روحها و تتجنب الادوية دون وصفة طبية لان اصحاب السكر عندهم دواء معين ياخدوه لان الادوية تتفاعل مع بعضاها و يشكل خطر عليها

و انا كي هدرت على الدوا هكاك ماشي ما نستعملش الدواء من راسي و الله نشري وحدي و نستعملو ربي يستر و خلاص

يعطيك الصحة على الموضوع
ننتظر جديدك المميز دائما
دمت في رعاية الله


كلامك صحيح ولازم الواحد يتأكد من الدوا او يزور الطبيب قبل استهلاك اي دواء
مشكورة على مشاركتي موضوعي
احترامي وتقديري لك
 
السلام عليكم
ههههههه اواه انا ماشي من هذوك الناس لي هدرت عليهم
قلييل وين نشرب كاشي تاع الراس غير الى تأزم الوضع بزاااف
كي يوجعني راسي نروح نرقد ههههه
وزيد تقريبا لي يشربو الباراسيتامول تلقاهم مدمني القهوة ولا الدخان وانا خاطيني هذو المدمنات هههههه
وايضا كي توالف تشرب بزاف الكاشي يولي مايفيدش الجسم تاع الانسان يولي يشوفو حاجة غير مهمة دخلت للجسم
كيما هذاك الضيف السامط لي ديما يجي لدار ههههه
بلمطول يولي ماتحسبلوش حساب بلي جا ضيف يولي يدخل ويخرج والدار كامل مخربة ونورمال هههههه
واقيل بديت نخلط ههههههه
 
السلام عليكم
ههههههه اواه انا ماشي من هذوك الناس لي هدرت عليهم
قلييل وين نشرب كاشي تاع الراس غير الى تأزم الوضع بزاااف
كي يوجعني راسي نروح نرقد ههههه
وزيد تقريبا لي يشربو الباراسيتامول تلقاهم مدمني القهوة ولا الدخان وانا خاطيني هذو المدمنات هههههه
وايضا كي توالف تشرب بزاف الكاشي يولي مايفيدش الجسم تاع الانسان يولي يشوفو حاجة غير مهمة دخلت للجسم
كيما هذاك الضيف السامط لي ديما يجي لدار ههههه
بلمطول يولي ماتحسبلوش حساب بلي جا ضيف يولي يدخل ويخرج والدار كامل مخربة ونورمال هههههه
واقيل بديت نخلط ههههههه
والله غير عندك الحق كثرة الدوا تولي ادمان بلا فايدة
وتاني في الاول تكون تشرب باريسيتامول 500 وبعد نهارات تولي ما تقرش فيك تدورها تشرب 100 وبالطول تولي الميل وما تديرلك والو
وهي المخيرة كامل ومن لخر عصب راسك وارقد وما تريقلش الرافاي ووقت ما تنوض تلقى روحك بيان

كل الشكر على المرور والمشاركة
 
تحتل الأدوية مكانة مرموقة في ثلاجاتنا وغالبا ما تكوّن ثلثي المقاعد في باب الثلاجة مما يعطيها حق الاستبراد بحرية والحصانة من الرمي خارج المنزل حتى وان لم تؤدي واجبها الاستشفائي تبقى المقاعد محجوزة حتى تنتهي مدة عهدتها.
 
تحتل الأدوية مكانة مرموقة في ثلاجاتنا وغالبا ما تكوّن ثلثي المقاعد في باب الثلاجة مما يعطيها حق الاستبراد بحرية والحصانة من الرمي خارج المنزل حتى وان لم تؤدي واجبها الاستشفائي تبقى المقاعد محجوزة حتى تنتهي مدة عهدتها.
خويا فريد فكرتني بسنوات للور كان عندنا حانوت مواد غذائية يبيع الكاشيات تاع الراس كالسيبرونات اذا تشفالها يبيعها بالحبه نورمال راني شافي كنت صغير نشريها للمرحوم بابا ب5 دينار للحبه
وعندك الحق الدوا مقلش عند الجزاىريين كي تحل الثلاجة هو اول من يستقبلك
نورت الصفحة اخي بمرورك العطر
احترامي وتقديري لك
 
السلام عليكم ورحمة الله وبركاته
أنا لما نشوف مع دارنا نحس روحي في صيدلية تاع الصح، لدرجة علبة كبيرة تاع دواء لبابا وعلبة كبيرة تاع دواء لماما
بابا عندو السكر ولاطونسيو ويشرب كذلك أدوية أخرى تاع الكوليستيرول وماما عندها زوج عمليات على القلب والسكر
وتشرب الدواء كذلك تاع الكوليستيرول، وبزاف أدوية يعني تاع السكر برك ماش دواء واحد أكثر من دواء، بلا أدوية أخرى
لما تمرض رجلها لازملها دواء تمرض عينها لازمها دواء، وهذا بلا الاطباء لي مازلت ماراحتلهمش وبزاف أمور، لما يشوف الانسان
هكا النص يطيح منو، بصح الحمد لله، ووالديا يستعملو الأدوية وفق مشاورة الطبيب، يعني عندهم كونترول كل مدة معينة
يوصفلهم الطبيب الدواء ولازم يشربوه يوميا خاطر عندهم أمراض مزمنة، أما الادوية هكاك الحق عندي الوالدة تاعي
هي الطبيبة تاعنا، جامي تشربلنا الدواء هكاك وفي نفس الوقت خاطينا الطبيب هههه، انا عندي مراجعات مرة على مرة
وفي فترات معينة عند طبيبة الحساسية لازمني الفترة هاديك نشري الدواء بمشاورتها وإلا تلحقلي لحاجة ماش مليحة
غير هاد الشي خاطيني الطبيب وخاطيني الدواء، حتى ولو يوجعني راسي مانشرب والو نقول درك وحدو يحبس، واذا حكمتي
لاقريب ندير تيزانة بالقارص والعسل وخلاص هههه مانشرب والو، غير لاكان مرضت بقراجمي وتقفلت خلاص لازمني
طبيب تما، اما الأدوية انا خوافة منهم هههه مانحبش نشرب دواء هكاك تاع روحي، يعطيهولي الطبيب ونتوسوس ههههه وين وحدي
بصح كاين بزاف ناس لي يشرب برك، تلقاه يمرض يعيط لشخص خلاف يسقسيه ويشرب الدواء لي قالو عليه وهو ماعلابالوش
اصلا إذا عندهم نفس الداء، يا ناس انا الطبيب ونتوسوس منو ونتوما تشربو من آراء الناس هو ضميركم فين؟
😂
واش نقولو ربي يشفي كل مريض ويعافينا أجمعين، شكرا على الموضوع المميز بارك الله فيك

 
آخر تعديل:
ههههههه هههه
موضوع شباب هههه
لي عودة بسكو عندي هدرة بزااااف نقولها وحكايات
ههه فكرتني بحكايات وحكايات 😂😂😆
ههه لي عودة
 
السلام عليكم ورحمة الله وبركاته
أنا لما نشوف مع دارنا نحس روحي في صيدلية تاع الصح، لدرجة علبة كبيرة تاع دواء لبابا وعلبة كبيرة تاع دواء لماما
بابا عندو السكر ولاطونسيو ويشرب كذلك أدوية أخرى تاع الكوليستيرول وماما عندها زوج عمليات على القلب والسكر
وتشرب الدواء كذلك تاع الكوليستيرول، وبزاف أدوية يعني تاع السكر برك ماش دواء واحد أكثر من دواء، بلا أدوية أخرى
لما تمرض رجلها لازملها دواء تمرض عينها لازمها دواء، وهذا بلا الاطباء لي مازلت ماراحتلهمش وبزاف أمور، لما يشوف الانسان
هكا النص يطيح منو، بصح الحمد لله، ووالديا يستعملو الأدوية وفق مشاورة الطبيب، يعني عندهم كونترول كل مدة معينة
يوصفلهم الطبيب الدواء ولازم يشربوه يوميا خاطر عندهم أمراض مزمنة، أما الادوية هكاك الحق عندي الوالدة تاعي
هي الطبيبة تاعنا، جامي تشربلنا الدواء هكاك وفي نفس الوقت خاطينا الطبيب هههه، انا عندي مراجعات مرة على مرة
وفي فترات معينة عند طبيبة الحساسية لازمني الفترة هاديك نشري الدواء بمشاورتها وإلا تلحقلي لحاجة ماش مليحة
غير هاد الشي
خاطيني الطبيب وخاطيني الدواء، حتى ولو يوجعني راسي مانشرب والو نقول درك وحدو يحبس، واذا حكمتي
لاقريب ندير تيزانة بالقارص والعسل وخلاص هههه مانشرب والو، غير لاكان مرضت بقراجمي وتقفلت خلاص لازمني
طبيب تما، اما الأدوية انا خوافة منهم هههه مانحبش نشرب دواء هكاك تاع روحي، يعطيهولي الطبيب ونتوسوس ههههه وين وحدي
بصح كاين بزاف ناس لي يشرب برك، تلقاه يمرض يعيط لشخص خلاف يسقسيه ويشرب الدواء لي قالو عليه وهو ماعلابالوش
اصلا إذا عندهم نفس الداء، يا ناس انا الطبيب ونتوسوس منو ونتوما تشربو من آراء الناس هو ضميركم فين؟
😂
واش نقولو ربي يشفي كل مريض ويعافينا أجمعين، شكرا على الموضوع المميز بارك الله فيك

اهلا مريم صاحبة الردود الجميلة
اولا ربي يشافي يماك وباباك ويحفضهم لك ويطول في عمرهم
ويشفي كل مرضى المسلمين ويعافي اصحاءهم
والله سررت كثيرا بردك ومشاركتك لي موضوعي
كي قلتي الحساسية فكرتيني انا عندي الحساسيةمن العنب الاسود والتوت لما كنت نروح للطبيب يقولي يا ولدي حبس التوت والعنب تبعدك الحساسية خير من الدوا يداويك من الحساسية ويركبلك مرض اخر
وعملت بنصيحتو والحمد لله رغم تحريم التوت والعنب الاسود على نفسي ربحت صحتي
انتضر مشاركاتك
احتراميوتقديري لك

 
ههههههه هههه
موضوع شباب هههه
لي عودة بسكو عندي هدرة بزااااف نقولها وحكايات
ههه فكرتني بحكايات وحكايات 😂😂😆
ههه لي عودة
اهلا سمية في موضوعي
الشيئ الشباب هو مروركوطلتك الطيبة في صفحتي
انتضر عودتك وحكاياتك بفارغ الصبر
احترامي وتقديري لك
 
ههههههه لهذا أصبحو ينتجونها دون مفعول 😂
اهلا باخي الطيب عضو من الرعيل الاول للمة
نورت الصفحة ولا تحرمنا من تواجدك اخي
بالفعل اصبح اكثر الدواء بلا قيمة مرات الطبيب يعطيك وصفة والدوا الي وصفولك كلو لا يساوي قطرة عسل وبالتالي قطرة عسل او ملعقة زيت زيتون افضل بكثير من منتوجات الكمياء التي لا تصلح سوى للنبات
فكرتني مرة رحت للطبيب نداوي القراجم واعطاني اوردونانص لما رحت للفارماسيان قاللي الطبيب راه غالطلك في زوج دواوات
قلتلو والحل قاللي نورمال انا نبدلهملك ومن بعد وليت نفكر بلي 120 الف الي داها الطبيب قراتوي كون غير رحت للفارماسيان ديراكت واقتصدت 120 الف

احترامي لك
 
اهلا مريم صاحبة الردود الجميلة
اولا ربي يشافي يماك وباباك ويحفضهم لك ويطول في عمرهم
ويشفي كل مرضى المسلمين ويعافي اصحاءهم
والله سررت كثيرا بردك ومشاركتك لي موضوعي
كي قلتي الحساسية فكرتيني انا عندي الحساسيةمن العنب الاسود والتوت لما كنت نروح للطبيب يقولي يا ولدي حبس التوت والعنب تبعدك الحساسية خير من الدوا يداويك من الحساسية ويركبلك مرض اخر
وعملت بنصيحتو والحمد لله رغم تحريم التوت والعنب الاسود على نفسي ربحت صحتي
انتضر مشاركاتك
احتراميوتقديري لك


انا المشكل عندي الحساسية من كلشي بقاو غير العباد ماعنديش منهم حساسية هههه
عندي من الغبرة من الحشيش ومن الصوف ومن المأكولات لي فيهم الزيت، والله ساعات حاجة ناكلها
تديرلي الحساسية وماعلاباليش حتى من واش هههه، حتى مواد التنظيف لي رائحتها قوية مانقدرلهاش
والمشكلة تتحولي لضيق تنفس ونولي في بخاخ الربو وغيرها من الأمور، يسما لازمني الدواء
بالأخص كي يدخل فصل الربيع او قبل ما يدخل يعني من نهاية فيفري حتى نهاية الصيف
لازم نكون تحت المراقبة، لكن مع المداومة الحمد لله، درك راني نراطي ساعات الكونترول تاع الطبيبة هههه
ونعدي الربيع والصيف عادي، يعني لما تجيك في أكل معين معليش، تقدر تحبس الأكلة هاديك أو مثلا
تجيك على الجلد، لكن لما تكون في التنفس صعبة ساعات حتى تضطر تروح للمستشفى باه تدير الاوكسجين
بصح الحمد لله، كيما قلت المداومة على الطبيب تجيب نتيجة مليحة
واللهم آمين ربي يشفيلك الوالدة الكريمة كذلك ويطولكم في عمرها يارب

 
السلام عليكم ....
والله صح واش قلت كامل نص ثلاجة ددواوى والمشاكل مختلف الأنواع وكأني بلاك والله ما هم مستعملين غير يبوردوو ودايين بلاصة برك شخصياا منقيسش الدواء خلاص إلا فالضرورة القسوة وتاع صح أنا إللى مكتتب الوصفة لروحى هههههه
 
المشكلة ايضا اخي سامي في نوعية الدواء
فلا اعتقد انه نفس الدوا الموجود عندنا هو نفسه الموجود في ألمانيا
عندي ناس في الخارج يحكوا على فعالية الدواء عندهم والله شي كبيير يا عمري هههههههههه
يعني براسيتامول حبة تخليك تحس بالراحة
و كاين صديق لي عمل دياليز في دولة أخرى قال والله ما حسيت بالدياليز كيما هنا
و قال انه لم يحس بالتعب

نتفكر زمان لما تدخل الفارمسيا تشم ريحة وحدها تخلي المرض يروح ههههههه قبل ما تشري الدوا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top