عيد الحب

[sanaya]

السلام عليكم
اهيييه والله فكرتيني فيه الله يفكرك فالشهادة هههههه
الله غالب الشعب الجزائري نصو رومنسي بصح زهرو حطبة مزالو وحداني
تلقاي مسكين يعرف يجيب الكادوات وماشي مشحاح
اما الخشوبي تاع ني عيد الحب ني رومنسية تلقاه هذاك لي مزوج
عليها انتم لي مزوجين كامل زهركم مع لي ماشي رومنسيين ويتفكروكم غير نهار فالعام
وزيد تلقاه مسكين مشومر الى دار كاش جاست جاب طابليطا شيكولا ماكسون ههههه
لجزايري ديما عكس التوقعات المناخية
​

يااااه او وليدي مزال مفهمتش
صبر نفهمك
الرومانسيين خلصو دراهمهم فالكادويات و النونورسيات
مصح هذاك الخشين اللي خاطيه الرومانسية كان يتلم فدراهم الكادو دار بيهم دار و طوموبيل و تزوج
و هي شبعت كادويات من داك الزوالي وراحت عند مولى الطوموبيل تزوجت بيه
هاذي هي لحكاية ياولدي

 

[sanaya]

وعليكم السلام ورحمة الله بركاته
هههه كنت نقرا في الموضوع ودرت تحقيق مع الزوج
انت ياراجل كنت بكري تجيب لي كادو ولا يمدولك
قالي جامي قتلو منعرف علاه مصدقتكش ههه
قالي صاحبو مرة شرا لصديقتو مونطو حمر ههههههههه
قتلو وتزوج بيها قالي لا
المهم نرجع للموضوع متغيضنيش كي مراهق يشري الشيكولا تغيضني كي راه قدو قد الباب ويحتفل بهاذ التفاهة مع مرتو كيما النصارى
علئ كل حال راك كبير ياوسمك
ولا هاذيك لي تجمل الدراهم وتسنى عيد الجرب وتشري كادو وشيكولا نقولها عزيزتي لن يتزوجكي وراكي كبيرة انتي تاني
ربي يهدينا اجمعين

اتسما نجحت حملة التوسويس بنجاح
هههههههههههه
هو المشكل مش فالاحتفال وحدو عالعام يضاربو سبان و عياط و نهار يولي عيد الحب و الحنان علاه هما عرفو رومانسية كاش نهار باش يعرفوها في 14 فيفري
و المشكل نقلدو فيهم زيد لوكان فيه لمة العايلة مثلا بالاك و كفاه تلميهم بمناسبة عيد الحب ههههه يحكمو عليك بلهباى زيد غالبها علاقات محرمة شرعا
شكرا لكرم المرور و الرد

 

[sanaya]

وعليكم السلام ورحمة الله وبركاته
بارك الله فيك وجزاك كل خير وجعل كل حرف في ميزان حسناتك ان شاء الله يارب
حين نقول كلمة عيد فقط هذا يعني اننا نعترف بانه عيد وهذا لا يجوز فيوم 14 فيفري يوم طبيعي ولا يوجد مايسمى بعيد الحب او باي عيد اخر بالنسبة للمسلم

ناسياتو اصلا ولو يحكيلي كاش مخلوق ولا مخلوقة عليه نديرلهم درس ان شاء الله وحالفة انه لو يجي نهار ونخمم نتزوج ونتخبط على على راسي ويجي مسود السعد هذا ويقللي عيد حب والكادو نسقسيه بكل غوح غياضية: تحكي منك بالصح ماي فيونسي؟؟ اذا قال نونو نقللو ايا منعت من تبهدلية .... واذا قال ايه راني نحكي صح ونوغماغ وباقي الخرطي، نقللو: طريق السلامة ياودي منحتاجشكش روح شوف اللي تخمم كيفك وهكذا تهنيت والحمد لله احم احم

قال عيد الحب قال، عيد التبهليل والوقع في المحرمات اسال الله ان لا نكون منهم وان كنا منهم عن قصد او عن غير قصد فاسال الله الهداية والثبات لنا ولكل المسلمين اللهم امين يارب

ارجو تقبل مروري
تحياتي احترامي وتقديري لشخصكم الكريم الطيب
في امان الله وحفظه​

ايوا شيمو بلا ما تطيحي خشينة جاب كادو قوليلو مرسي ربي يحفظك كثر خيرك ستناي حتى يولي لدارو قوليلو مصح أنا منحتفلش بهاذ العيد

السلام عليكم ....
ياوو الغاشي عندهم كثير مسمانتين مع التساور والحسابات يطلعوو ويهبطوو باه يحتفلوو بيوم الجرب ديالهم وانتوما تضحكووو عليهم علاه مساكن تجرحوو فليسونتيموو ديالهم
حقيقة والله صدعونا تيليفيزيون عيد الجرب فايس عيد الجرب برة دنياا كامل بالحمر ها مالكم صلوو على نبي يفرح بيكم
المشكل غاشي مصدق وعايش اللحظة والله يوسوسوك في عمرك
ياوو اللى يحب يحب عام كامل ياوو ميحبكش على ساعة ولاساعة ونص ولا على جال كادوواتك تحبك حبة
اياا ولى متزوجة ونسا راجلها باه يجيبلها ميلكا ولا ماكسون تعذروو ممكن بدا يكبر وزهايمر داير خدايموو ولى مش مزوجة ونساها ذاك الحنش تاعها تعرف بلي دارو لوحدوخرة وهى ياريحة ههعهههههههههه ولى دارلها الكادوو مش على عماا عيونها حلى عينيك الا من رحم ربه ومنظنش يكون دزيرى لا يتمتع بهاذ الرومنسية واصلا ولاخلى والله منهدرها
تحياتى لكم جميعااا

قلنا عيد الحب سي عيد الحب هو الجزائريين عندهم رومانسية حسب ما نقرا و نسمع مصح برا برك بعد ما يتزوج يولي دبزة
العجيب فالقناة اللي زعما يخدم فيها شباب بشهاداتهم يجي يهبط للشارع يسقسي على عيد الحب
شيء مخز للأسف
شكرا لمرورك