اتقين الله يا نساء

sanaya

:: عضو بارز ::
أحباب اللمة
إنضم
8 ديسمبر 2016
المشاركات
3,495
نقاط التفاعل
38
النقاط
157
الجنس
أنثى
سلام عليكم
بدون مقدمات حكاية جازت عليا بلوكات لي مخي .......
واحد ساكن في حينا تزوج مرا و هو كان مزوج من قبل و جاب ولدين و مبعد طلق و عاود زواج و جاب ثلاث دراري ........
المهم طليقته رجعتلوا الأولاد (منعرفش علاه ) و مارتو الثانية قاتلو منقبلهمش فالدار ........
هاذ الراجل و خسارة فيه كلمة راجل واش دار كان عندو جارو حفر الدهليز برك و حبس البناء رفد ليهم قشهم كامل لذاك الدهليز و هو مش لايق يعيشو فيه ناس و كيلحق الليل يهبطو لولاد يرقدو فيه و مافيهش مامبا باب يدي باب قديم يوقفو في مدخل الدهليز و هو يبات مع مارتو الحنينة .......
خترة واحد جارنا سمع بكا مع الليل و راحلهم علابالو راهم برا لقا الكبير ضرباتو عقرب و الصغير ميعرفش واش يدير بدا يبكي .......
حكالي راجلي لحكاية قتلو هاذ المنكر صاري هنا و معلابالناش جيبهم يباتو عندنا نخليلهم شومبرا .......
قالي لالا دوكا كبروا و كراو دار صرا هكذا قبل ما نجو للحومة .......
عجيب والله العظيم غريب .......
مرا رفدت كرش و ذاقت مشقة الوحم الوحم وحدو أصعب حاجة تمر على الحامل تكره كلشي و مبعد جابت بيبي و علابالها لحنانة اللي تكون بين الأم و ولادها و مبعد تجي تطيش اولاد برا ؟؟؟؟؟
معليش نهار تزوجتيه اتفقتي معاه منربيلكش اولادك ( ولوكان صح تحبيه تحطيهم فوق راسك ) و صرا و مارتو حبت ترجعهم عند باباهم لسبب أو لآخر نتي كإمرأة خلقها ربي حنينة و ذاقت مشاق الولادة و التربية استقبليهم هما ذنبهم شنو هو؟؟؟؟؟؟
قوليلي برك كفاه قدرتي ترقدي وولاد راجلك مطايشين في أرض الجيران و راكي نورمال ؟؟؟؟؟؟
روحي دبري على روحك و على قلبك الخالي من الرحمة........
و نتا يا راجل مسمي روحك راجل وولادك راقدين برا ؟؟؟؟؟
مسمي روحك راجل ونتا معاشر مرا معندهاش حنانة فقلبها ؟؟؟؟؟ أما ولادها بلا مزيتها تحن عليهم ......
خافوا ربي يا نساء لولاد الا صغار مظلموكمش اطهلاو فيهم .......
الله غالب نفوت كلشي مي نشوف دراري يتمرمدوا تغيضني والله .........
منستعجبش مي حبيت نحكي لحكاية حبيت نحكي بالاك و لعل و عسى تقرا هاذ السطور مرا راهي مضيعة ولاد راجلها و لا راهي غافلة عليهم و تندم......
منحبش نستعجب لأنو مسكين اللي ربي نحالو الرحمة من قلبو مي كنكتب ديما قصدي للتذكير أكثر من الاستعجاب....
سلام
 
السلام عليكم
لا حول و لا قوة الا بالله
الله غالب كاين لي قلبهم ميت انا حبيت نفهم باباهم وين راه فهاد الحكاية نورمالمون هو لي يحميهم و يخاف عليهم و يوفرلهم حياة هنية

ما علينا الا نقولو حسبي الله و نعم الوكيل فالناس لي تدير هكذا و اللوم ماشي غير على الامرأة الرجال تاني لاباس بيهم مارانيش نقصد كامل الرجال لان كاين في قلبهم الرحمة ناس برانية يغيضوهم بما بالك ولادو من لحمو و دمو

مشكورة على الموضوع
ننتظر جديدك من المواضيع
تحياتي لكي
 
السلام عليكم
لا حول و لا قوة الا بالله
الله غالب كاين لي قلبهم ميت انا حبيت نفهم باباهم وين راه فهاد الحكاية نورمالمون هو لي يحميهم و يخاف عليهم و يوفرلهم حياة هنية

ما علينا الا نقولو حسبي الله و نعم الوكيل فالناس لي تدير هكذا و اللوم ماشي غير على الامرأة الرجال تاني لاباس بيهم مارانيش نقصد كامل الرجال لان كاين في قلبهم الرحمة ناس برانية يغيضوهم بما بالك ولادو من لحمو و دمو

مشكورة على الموضوع
ننتظر جديدك من المواضيع
تحياتي لكي
اهلا عزيزتي نعم الأمر محزن جدا خصوصا عندما يأتي الأمر من الوالدين و أمثال هذه القصة كثيرة و لكن نحن من يجب أن نتصدى لمثل هذه الظواهر و ندافع عن تلك البراءة لوجه الله
بوركت❤❤
 
السلام عليكم
كي الاب كي الام يتحملوا المسؤولية
الاولى كي يزوج رجعتهم ليه باش تغبنو الثانية قاتلو هادو مشي ولادي ما نربيهمش ارماهم
 
السلام عليكم
كي الاب كي الام يتحملوا المسؤولية
الاولى كي يزوج رجعتهم ليه باش تغبنو الثانية قاتلو هادو مشي ولادي ما نربيهمش ارماهم
ولكن بالاك الاولى عندها ظروفها كتخلات عليهم ممكن مش قايم بيهم و هي متقدرش كالطليقة كالزوجة كالزوج كان نورمالمو واحد فيهم يكون حنين و يشفق عليهم مي الله غالب كل واحد يحب يريح راسو😢
 
السلام عليكم ....
اوافق الاخوة الاراي المسؤولية مسؤولية الجميع مسؤلية الام بالدرجة الاولى اللى كان لازم تكون اوعى وتلم ولادها وبعدها مسؤولية الاب اللى خير يتهنى مع مرتوو لعزيزة ورمى الكبدة تاعوو برة للكلاب تنهش لحمهم ومننساوش مرت الاب اللى تجردت من انسانيتها والله الامر يبلوكيلك مخك ربي يهدى الوالدين برك ويحمي هاذوك الاطفال معندهم حتى ذنب مساكن
شكراا على المشاركة عزيزتى
 
السلام عليكم ....
اوافق الاخوة الاراي المسؤولية مسؤولية الجميع مسؤلية الام بالدرجة الاولى اللى كان لازم تكون اوعى وتلم ولادها وبعدها مسؤولية الاب اللى خير يتهنى مع مرتوو لعزيزة ورمى الكبدة تاعوو برة للكلاب تنهش لحمهم ومننساوش مرت الاب اللى تجردت من انسانيتها والله الامر يبلوكيلك مخك ربي يهدى الوالدين برك ويحمي هاذوك الاطفال معندهم حتى ذنب مساكن
شكراا على المشاركة عزيزتى
اهلا عزيزتي
نعم الخطأ خطأ الجميع بداية من الأم الى الزوج ثم الطليقة لاذرة رحمة و لا شفقة في القلب ربي يهديهم و يهدينا اجمعين تحياتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top