مشكل فالشخص الغير ملائم " سلسلة إيماجينيو "

Skor m@k

:: عضو بارز ::
أحباب اللمة
إنضم
12 جويلية 2010
المشاركات
5,514
نقاط التفاعل
22,594
النقاط
2,406
محل الإقامة
دلس
الجنس
ذكر
بسم الله الرحمن الرحيم
السلام عليكم

في هذي الدنيا كل واحد وكيفاه خلقو ربي ووين زاد وكيفاش عاش
الاشياء كامل لي مخلوقة عايشا لابال vي يعني معيشة هانية
غير انا سبحان الله تقول دعاو عليا حتى تلخرتلي مرمي في قجر ههه وكل بياسة فيا شكون داها
ايماجينيو بقات غير الكركاصة تاعي تتلاوح من جيها لجيها خاطرش من الطيحات بزاف وليت ماشي شباب ومانسيربيش


نحكيلكم كيفاه حكايتي جوزتها
لاميزار مع وحد الانسان


معلباليش كييفاه زدت خاطرش كنت مانعرفش 😂😂
المهم نسمع غير الصوت انا ومانشفاش على الاسامي
سمعتهم قالك هذي سلعة مدرحة عمرها في كراطن وابعثها لوحد لبلاد
انا هناك توسوست سمعت واحد قدامي قالي ياربي وماشي هذيك لبلاد لي كنت فيها وردوني هههه
شهدت وغمضت عيني رحت غيبوبة شكيت نحاولي الباتري

والله ماعلبالي وين راني مي كي شعلوني قالو والله مافيها وديجا هذي حبة حرة راهي بروميي شوا

قالو سافيك مافيهاش مساعدا معليش المهم دير اللايف والكاميرا مليحة
باعني ب 3 ملاين ونص نحالو خمسالاف قالو تاع اشريهم قهوة اخ اخ اخ
ومن هناك بدات مغامراتي

انا قلت طحت في انسان مليح تاع انانيش واقيل مع الصوت تاعو مي تعبني ياخويا ياخويا
على حساب صوتو يهدر شويا بانفو عندو النغانغ كيما يقولو لعجايز هاهاهاه 😁😁
بصح يابن عمي قتلني بالباتري فابل كل دقيقة فالشارجور
انا لي حرت فيه نهار كامل وهو يدير اللايف فالفايسبوك والانسا واليوتوب
حفظت شويا كلمات مي بسيف عليا حفظهم
آسلامو علييييكم آزول فلاون
هذي ديما يبدا بيها حتى حفظهالي
ملي شراني وهو يمشي عييت في بلاصتو الانسان هذا تقول ماعندوش دارو
آسلام عليكم آزول فلاون
ليووووم راني في وهران واش راكم يناس وهران
آسلام عليكم آزول فلاون
راهم عرضوني ناس قسنطينة للغدا
آسلام عليكم آزول فلاون
نشكر ناس العاصمة على لقهوا
آسلام عليكم آزول فلاون
ليوم عندي vووول فالمطار لباريس نشوف سعيداني واش راهو داير فيها

حياتي كامل راحت هكذا كل دقيقة وين جامي ريحت طرانكيل
نهار كامل وانا نشوف في شعرو الشايب ولمغوفل
عندي
عندي مرات لي عان نريح منذاك سعات شويا برك
بصح قبل مانريح لازم ندي شويا ضرب ممبعد نروح غيبوبة
انا شكيت عاد نكون عند لي لابسين لزرق 👮👮

منذاك نكون لايف حتى نشوف روحي نسوطي ونطير للسماء ونعاود نطيح
نسمع غير الغاشي يعيطو ( جيش شعب ... )
انا مافهمت والو حياتي كامل راحت عياط وضرب وتكسار
مرة في باريس قلت الله الله ليوم فالشونزيليزي نحوس
آه يا يما على التبهدايل
كي العادا لايف ونسمع
ياناس حبو يقتلووووني
شوفو شوفو ياناس
هذو ديما مافيا
شوفو شوفو

وخلي وخلي هذيك لبلاد حوستها كامل بلباتري فابل والايف
بصح كان فيدال معايا وقالي نهار نولي رئيس نحطك في المتحف المجاهدين تع مقام الشهيد
والله ياخاوتي غير تعذبت معاه
انسان مهبول وربي طيحني فيه


بصح كنت ديما نسمعهم يقولو مظاهرات واسقاط النظام
قلت حتى انا كيفهم ندير واش يديرو
تلايمنا كامل حنا ( نعرفكم شكون حنا )
انا الباتري ولابيس والكونكتور والميكرو ولافيشور وحتى تاع الريزو حشاهانا غير الباف كان مع النظام
قالنا خفت نتوحش صوتو ونندم
على طريقة حسني 😪😪😪

فقررنا البدأ مباشرة بالاضراب الغير مباشرة
ولا يهدر ويسمع غير صوتو
الريزو يجيه غير كي يكون وين الويفي مكاش ليدوني هههه
منذاك يدير لايف تخرجلو تصويرة سعيداني في بلاصتو
هناك يبدا يعيط
شوفو شوفو يناس حب يقتلني
وهكذا ومع اصرارنا وبدون ملل ولا كلل ولا جلل ولا علل
قرر يدينا عند الايادي الخارجية وللأسف باينة مخدومة من بكري
قالو يتنحاو gااااااع
مانهدرش عربية هذي الدارجا تاعنا

وللأسف تنحيناا كامل لكن جات الغدرة من الناس لي قراب ليك
لابيس هي سبابي
رماتنا وهي بقات معاه

فالاخير نقوللك ماشي الدولة لي صعيبة
والغدرة ماجيش منها
ياو باينة الغدار يخرج من وسطنا
هو لي يخلينا نندمو على واش درنا

ماما تشا ماما تشاو
تشاو تشاو تشاو
😝😝😝😝😝😝


 
الله يعطيك الصحة يا خو
نعرف بنفسي انا السركوي دشو كنت نضل معاك واقيلا ما شفيتش عليا انت اموا كنت تحوس ومقيمينك انا الي دايما ندي السبان نهار تورح كونكسيون انا المتهم الاول نهار تعيط وما تحكمش انا عدو الامة نهار تكون في لوطوروت وما يسونيش اسمي هو الي ينذكر بزاف
المهم حياتي ما نتمناها لحتى واحد حتى الريباراتور كي تدخل عندو يشك فيا ديراكت بلا ما يتفلسف
مرات نحسب روحي سبب انهيار الاتحاد السوفييتي
علابالك بلي خربشتلي كامل الخيوط بالايماجيناسيو تاعك الله يعطيك الربح منين تجيكم الافكار انت لازملك محاكمة من طرف @ليليا مرام
مشكور اخي واله نحيتلي على خاطري وانا نعاني مع الكونكسيون
 
وعليكم السلام ورحمة الله وبركاته
عرفتك انت هو البورتابل تاع هاداك هاداك لي ينكز بزاف واش سموه ؟ ههههههههههههههههههه اكثر واحد تعرض للخطف واكثر واحد سافر في هاد الفترة
يعطيك الصحة ديتنا في واحد التخيل مودارن ومع نفس الاحداث لي عايشينها
بصح لابيس في اللخر ظهرت وحد اللفعة هههههههههه
ايما خرجت منها كي الشعرة في العجين واطفرت في الزواولة
يعطيك الصحة موضوع فيه الف معنى ومعنى
ربي يستر ولادنا وبلادنا
 
وعليكم السلام ورحمة الله وبركاته
ماشاء الله لا قوة الا بالله تبارك الذي بيده الملك خويا سكر
ديما منين تروح نسيج العنكبوت تكتب مواضيع باهيين
لكن المرة هذي مافهمت والوا ابار :


فالاخير نقوللك ماشي الدولة لي صعيبة
والغدرة ماجيش منها
ياو باينة الغدار يخرج من وسطنا
هو لي يخلينا نندمو على واش درنا

تعرف اختك غبية وماتفهمش لكلام اللي يمعني ونفهم لكلام حرفيا
وحرفيا بالنسبة لي حاجة ما مربوطة مع بعضاها ومفهمت والو وكيفاه ربطت هدو الامور مع بعضاهم
ههههههههههههههههه
ارجو تقبل مروري
تحياتي احترامي وتقديري لشخصكم الكريم الطيب
في امان الله وحفظه
 
الله يعطيك الصحة يا خو
نعرف بنفسي انا السركوي دشو كنت نضل معاك واقيلا ما شفيتش عليا انت اموا كنت تحوس ومقيمينك انا الي دايما ندي السبان نهار تورح كونكسيون انا المتهم الاول نهار تعيط وما تحكمش انا عدو الامة نهار تكون في لوطوروت وما يسونيش اسمي هو الي ينذكر بزاف
المهم حياتي ما نتمناها لحتى واحد حتى الريباراتور كي تدخل عندو يشك فيا ديراكت بلا ما يتفلسف
مرات نحسب روحي سبب انهيار الاتحاد السوفييتي
علابالك بلي خربشتلي كامل الخيوط بالايماجيناسيو تاعك الله يعطيك الربح منين تجيكم الافكار انت لازملك محاكمة من طرف @ليليا مرام
مشكور اخي واله نحيتلي على خاطري وانا نعاني مع الكونكسيون

فهمني معاك يااااااو مفهمت والو
 
الله يعطيك الصحة يا خو
نعرف بنفسي انا السركوي دشو كنت نضل معاك واقيلا ما شفيتش عليا انت اموا كنت تحوس ومقيمينك انا الي دايما ندي السبان نهار تورح كونكسيون انا المتهم الاول نهار تعيط وما تحكمش انا عدو الامة نهار تكون في لوطوروت وما يسونيش اسمي هو الي ينذكر بزاف
المهم حياتي ما نتمناها لحتى واحد حتى الريباراتور كي تدخل عندو يشك فيا ديراكت بلا ما يتفلسف
مرات نحسب روحي سبب انهيار الاتحاد السوفييتي
علابالك بلي خربشتلي كامل الخيوط بالايماجيناسيو تاعك الله يعطيك الربح منين تجيكم الافكار انت لازملك محاكمة من طرف @ليليا مرام
مشكور اخي واله نحيتلي على خاطري وانا نعاني مع الكونكسيون
السلام عليكم
ههههه ماحبيتش نجبد الشخصيات تاع لبياسات بزاف ههههه
الريباراتور مكانش ومعانا وقال يتنحاو gاااااع ههههه
وفالاخير صح تنحينا كامل ههههه
ايه يلزم مانتفاهمش مع الخونة كيماراهم ضرك هههه
وليلوش شكيتها منهم عليها عيطتلها هاهاهاه 😜😜😜
ههههه الافكار يجو كي يكون المورال طاااالع هههه
صحيت خوو ربي يحفظك
 
وعليكم السلام ورحمة الله وبركاته
عرفتك انت هو البورتابل تاع هاداك هاداك لي ينكز بزاف واش سموه ؟ ههههههههههههههههههه اكثر واحد تعرض للخطف واكثر واحد سافر في هاد الفترة
يعطيك الصحة ديتنا في واحد التخيل مودارن ومع نفس الاحداث لي عايشينها
بصح لابيس في اللخر ظهرت وحد اللفعة هههههههههه
ايما خرجت منها كي الشعرة في العجين واطفرت في الزواولة
يعطيك الصحة موضوع فيه الف معنى ومعنى
ربي يستر ولادنا وبلادنا
وعليكم السلام
ههههه هاه راكي عرفتيه ياك قلتلك مانعرفش انا الاسامي هههه
ايه ياك لخديعة جيك من الناس لي قراب ليك
تعرفي خيك يكتب مواضيع مافيهمش معنا اه اه هههه
ديرولي ختم ديرولي ختم 😭😭😭
اميييين ربي يحفظها ويحفظنا
ميغسي سلطانتنا
 
السلام عليكم ورحمة الله وبركاته
قتلتوني بالضحك هههه
سورتو تاع شعرو بيض ومغوفل هادي ماخلاتش فيا ههههه
ولقيت روحك تسوطي من بلاصة لبلاصة ههه
والله وحدك ونتا تسكت تسكت وكي تنطق تجيب موضوع غريب وعجيب ورهيب هههه
يعطيك الصحة ضحكتنا تاع الصح
والختم ما تخافش جميع من واحد حط موضوع في السلسلة يدي ختم ڨراااطووي ههه
يعطيك الصحة خويا مالك
حبيت نسقسيك السلسلة مسموح بيها بمشاركة واحدة برك؟
عندي كمية تاع هبال راهي تفيبري ههه
تحياتي
 
وعليكم السلام ورحمة الله وبركاته
ماشاء الله لا قوة الا بالله تبارك الذي بيده الملك خويا سكر
ديما منين تروح نسيج العنكبوت تكتب مواضيع باهيين
لكن المرة هذي مافهمت والوا ابار :


فالاخير نقوللك ماشي الدولة لي صعيبة
والغدرة ماجيش منها
ياو باينة الغدار يخرج من وسطنا
هو لي يخلينا نندمو على واش درنا

تعرف اختك غبية وماتفهمش لكلام اللي يمعني ونفهم لكلام حرفيا
وحرفيا بالنسبة لي حاجة ما مربوطة مع بعضاها ومفهمت والو وكيفاه ربطت هدو الامور مع بعضاهم
ههههههههههههههههه
ارجو تقبل مروري
تحياتي احترامي وتقديري لشخصكم الكريم الطيب
في امان الله وحفظه
السلام عليكم
ههههه والله مزالكي كيما عرفتك هههه
مام نعاود نفهمك انت سور مراح تفهميني لازملك وحد زوج مواضيع تاع لفهامة
نتمسخر برك ختيتي
زعما انا وليت فالتخيل بورتابل مخدوم فالشناوة وبعثوه هنا للجزائر وراح شراه نكاز
وهو تعرفيه يعرف غير يدير اللايف فالفايسبوك ولا اليوتوب
وكل مرة وين يروح ويجرو موراه لابوليس
وانا كي برتابل تاعو شبعت ميزيرية معا
غير الطيحات ولعياط
فالاخير كي كرهت منو قررت نديرو مظارات باش يولي انسان عاقل
بدينا نهبلو فيه حتى دانا عند لي يخدم ليبورتابل
قالو برتابلك تخسر اشري واحد جديد
حنا رمانا ودا هو لابيس
على هذي لي الشيات هو الباف تاع البرتابل رماه معانا
ولي كانت معانا فالمظاهرات غدرتنا لي هي لابيس خاطرش علبالها بلي هي مايرميهاش

العبرة الاخيرة لي كتبتها هي
انو ناخذو حذرنا من كل الناس حتى لي قراب منا وكانو معانا يساندونا

ان شاء الله تكوني فهمتي
والله والله غير نجري موراك بالبشماق وتكوني مافهمتيش ههههه
 
السلام عليكم ورحمة الله وبركاته
قتلتوني بالضحك هههه
سورتو تاع شعرو بيض ومغوفل هادي ماخلاتش فيا ههههه
ولقيت روحك تسوطي من بلاصة لبلاصة ههه
والله وحدك ونتا تسكت تسكت وكي تنطق تجيب موضوع غريب وعجيب ورهيب هههه
يعطيك الصحة ضحكتنا تاع الصح
والختم ما تخافش جميع من واحد حط موضوع في السلسلة يدي ختم ڨراااطووي ههه
يعطيك الصحة خويا مالك
حبيت نسقسيك السلسلة مسموح بيها بمشاركة واحدة برك؟
عندي كمية تاع هبال راهي تفيبري ههه
تحياتي
وعليكم السلام
ههههه ايه شفتي شعرو كي يكون هنا في لبلاد يكون مرمد هههه
بصح يركب فالطائرة يولي مسقم وشباب هههه
بلاد الميزيرية هاهاهاهاه
هذا والله ماكنت دايرلو حساب كامل قلت نبدى نكتب البسملة ممبعد نخمم هههه
علبالك بلي بديت نكتب ديركت بدون اي فكرة في راسي هههه
ومافاصيتش حتى جملة كتبتها ..

الى بديت نكتب يجو الافكار وحدهم هو الديماراج لي واعر هههه
اه سافيك ماشي مليح موضوعي باش مايتختمش
كي يتختمو كامل نروح معاهم فالدحسة 😭😭😭
نتمسخر ختي مريومة
ايه معليش اكتبي كيما حبيتي الدار دارك هههه
ربي يحفظك
 
السلام عليكم
ههههه والله مزالكي كيما عرفتك هههه
مام نعاود نفهمك انت سور مراح تفهميني لازملك وحد زوج مواضيع تاع لفهامة
نتمسخر برك ختيتي
زعما انا وليت فالتخيل بورتابل مخدوم فالشناوة وبعثوه هنا للجزائر وراح شراه نكاز
وهو تعرفيه يعرف غير يدير اللايف فالفايسبوك ولا اليوتوب
وكل مرة وين يروح ويجرو موراه لابوليس
وانا كي برتابل تاعو شبعت ميزيرية معا
غير الطيحات ولعياط
فالاخير كي كرهت منو قررت نديرو مظارات باش يولي انسان عاقل
بدينا نهبلو فيه حتى دانا عند لي يخدم ليبورتابل
قالو برتابلك تخسر اشري واحد جديد
حنا رمانا ودا هو لابيس
على هذي لي الشيات هو الباف تاع البرتابل رماه معانا
ولي كانت معانا فالمظاهرات غدرتنا لي هي لابيس خاطرش علبالها بلي هي مايرميهاش

العبرة الاخيرة لي كتبتها هي
انو ناخذو حذرنا من كل الناس حتى لي قراب منا وكانو معانا يساندونا

ان شاء الله تكوني فهمتي
والله والله غير نجري موراك بالبشماق وتكوني مافهمتيش ههههه
وعليكم السلام ورحمة الله وبركاته
وين رايحة نروح اوخدي ههههههههههه مازلت غبية كما تعلم بكل افتخار احم احم متحشمنيش
وعلاه وحتى وماجيتش تتمسخر كلامك في الصواب هههههههههههههه
شوف فهمت كل شيء غير وش دخل لابيس وكيفاه رجعت هي خاينة مافهمتهاش هههههههههههه
ومفهمتش كيفاه الباف رجع شيات برك هههههههههههههه
سايس اختك علابالك غبية متفهمش هههههههههههه
العبرة فهمتها ... يعني بسلامتي نفهم غير الغبر احم احم يعني شوي ذكية اعترف برك ههههههههههه
الله يحفظك ويبارك فيك يارب
وعلاه تجري ونتعبك، نمدلك واحد من بشماقاتي وتفضل اضرب براحتك من دواعي سروري
 
وعليكم السلام ورحمة الله وبركاته
وين رايحة نروح اوخدي ههههههههههه مازلت غبية كما تعلم بكل افتخار احم احم متحشمنيش
وعلاه وحتى وماجيتش تتمسخر كلامك في الصواب هههههههههههههه
شوف فهمت كل شيء غير وش دخل لابيس وكيفاه رجعت هي خاينة مافهمتهاش هههههههههههه
ومفهمتش كيفاه الباف رجع شيات برك هههههههههههههه
سايس اختك علابالك غبية متفهمش هههههههههههه
العبرة فهمتها ... يعني بسلامتي نفهم غير الغبر احم احم يعني شوي ذكية اعترف برك ههههههههههه
الله يحفظك ويبارك فيك يارب
وعلاه تجري ونتعبك، نمدلك واحد من بشماقاتي وتفضل اضرب براحتك من دواعي سروري
قالك ذكية قال شو ها الذكاء هههه
الباف ولا شيات كي ماحبش يدير اضراب معانا قالنا خفت نتوحش صوتو هههه فالاخير بدلو
اما لابيس علبالها بلي مام دير اضراب معانا مايبدلها
دخلت معانا فاللعب وطلعت هي الرابحة هاهاها
وانت شفت الواحد يتخسرلو البورتابل يبدل لابيس ههه
 
قالك ذكية قال شو ها الذكاء هههه
الباف ولا شيات كي ماحبش يدير اضراب معانا قالنا خفت نتوحش صوتو هههه فالاخير بدلو
اما لابيس علبالها بلي مام دير اضراب معانا مايبدلها
دخلت معانا فاللعب وطلعت هي الرابحة هاهاها
وانت شفت الواحد يتخسرلو البورتابل يبدل لابيس ههه

انا ههههههههههههه
نكسر البيس ونطيش التيليفون
ولما نشري تيليفون نشري بيس جديدة هههههههههههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top