بعض البشر احقر و اقل من ان تحدثهم

هذا الشي كامل وانا لا خبر
حقرولك اسلام وما خبرتنيش موش حق منك خويا الامين ننصرك ضالما او مضلوما
واش نقولك اولا الحمد لله على سلامة ولدك
وهذا ما يسمى جيرة السوء لكن كان واجب عليك من الاول تكشر وجهك وتفهم جارك بلي ولدك ماهوش سايب وعندو الي يدافع عليه وتلزمه باش يربي وليدو و المرة الي بعدها يقولو قد اعذر من انذر ضربلك وليدك ضلما ما يهمكش سن ابنو كان عليك تعملو ورقة عند الطبيب وتشتكي مهما كانت النتائج
اولا لزجر ولد الجيران كي لا يعيد الكرة مع ابنك او مع غيره وتكون قد ساهمت في النهي عن المنكر
وثانيا لتلزم ابوه الي هو جارك حده ويربي ابنه ويلجمه وتكون قد شاركت في النهي عن المنكر
وثالثا ليعرف جارك انك حريص على سلامة اولادك ولا تحب من يعتدي عليهم ومن تجرأ فالشرطة له بالمرصاد وتكون قد اعليت من شأنك امام جيانك
ورابعا لتترك بصمة في ذهن ابنك اسلام كلما كبر عرف ان له اب يدافع عنه ويحميه وتكون قد رسخت الثقة لدى ابنك حتى لا يخاف اذا ضلم مستقبلا وهو يعلم ان له اب لهم بالمرصاد
واخيرا اوصيك بشيء اذا سمحت في حقك فلا تسمح في حق ابنك قد تسبب له عقدة لا قدر الله
جيرة السوء موجودة في كل مكان وزمان لكن القانون فوق الجميع
لايجب ان نخاف من المحكمة ونحن مضلومين ارفع راسك حتى ولو لم يعطوك حقك فقد كسبت شرف المحاولة
اعانك الله اخي الامين وطيب بينك وبين جيرانك
شكرا حبيبي ناصر و هذا ظني فيك اخ كريم بصدق
فعلا حكمت الابن لأنه يقرا في الثانوىة اللي نخدم فيها و عطيته كلام ليه للوالد تاه و حتى للوالدة تاعه
و خبرته انه المرة الجاية راح نسمره بالمسمار في الحيط اذا فكر يعاودها

للأسف كنت مضطر نعمل هاك باش نحمي ولدي على خاطر في اغلب اليوم انا نكون بعيد على الدار
اما والده و والدته ارسلت ليهم ميساج زين و حكيت بالقباحة للأسف
 
حسبي الله ونعم الوكيل ثمانية عشر سنة و يضرب طفل عندو سبع سنين هذا عبد هذا
ا أخي محمد لازم توقفو عند حدو و كما قالك الأخ راهو عندنا قانون لازم تتوجه للجهات المعنية و تدي حقك لأنو هذا جارك اتسما نورمال يعاودها وزوجة الجار هاذي ماعندهاش قلب و رحمة باه تسمع و تشوف ولد مضروب و تسكت
حسبنا الله و نعم الوكيل لازم تدي حقك منه و تربيه ياأخي محمد ونشالله يكون السلام بخير
للأسف انا تأخرت و كان لازم نعمل حوايج قبل ما توصل الامور الى هذا الحد
راني اتدارك في الامر و الشي اللي اكيد
اذا عاودوها راح نرجع مراهق و جايح بعد و راح نوصل معاهم موصل يليق بقلة ادبهم
 
وعليكم السلام
والله يأخي الأطفال نقطة ضعفي ،،
ما استحمل الهواء يأذيهم مابالك إعتداء بهذا الشكل ..
الجار قبل الدار ،، وجار السوء من أسوأ نائبات الدهر.
..
ما أزيد على ما قاله الجميع قبلي
ولكن نقطة فقط ..
الأطفال والكبار قبلهم اذا وجدوا الاهل واقفين مع أولادهم ع الصغيرة قبل الكبيرة
يحسبوا حسابهم ويحسوا انهم هيبة .. فمحد يفكر في الاعتداء عليهم حتى بنظرة ..
وهذا الخطأ الذي وقعت فيه ..
لو كنت تدخلت من البداية كان حسبوا حساب هذا الشيء
ومسألة أخذ الحق منهم ،،
فهذا من حقك وحدك تقريره وليس أي شخص آخر..
ما حصل قد حصل و كان الله في عون اسلام
ربي يحميه ويهون عليه
تأثرت جدا لما قلت ما ينام في الليل ..
..
ربي يطمن قلبه ،،
خلوكم قريب منه واحتضنوه بكثرة حتى يشعر بشيء من الامان ..
..
تحياتي .. بالمناسبة الاشارة لم تصلني مطلقا ..
بارك الله فيكم على كرم المرور
الحمد لله اسلام البارح كان احسن و لله الحمد
فعلا والله لقينا صعوبة باش نخلوه يرجع زي زماان
و كان لازم اقوم بأمور نخليه يحس بالأمان

باارك الله فيكم على كرم المروور
 
السلام عليكم ورحمة الله وبركاته
أكثر شي نكرهو في حياتي هو الظلم، بحيث يستقوى القوي على الضعيف.
أنا مافهمتش كن جا طفل صغير بعمر ابنك ولا أكبر منو بسنة أو سنتين نقولو معليش راهم صغار ويضاربو عادي، بصح 18 سنة؟ هادا راهو شارف هذا راهو تاع زواج، واش داه لطفل صغير بعمر ولدو، يسما تبلي ولا كيفاه؟
هذا نشوفو قلة احترام وتقليل من قيمة الإنسان، خاطر لي دارها إنسان واعي وناضج وبعقل كامل ماش طفل صغير مايعرفش صلاحو، لا حول ولا قوة إلا بالله ربي يهدينا ويهدي الناس أجمعين.
وجيران زمان خلاص مابقاوش، حاشا لي مايستاهلش، درك الاحسن الإنسان يجبد روحو ويجبد ولادو ليه من صباح ومساء الخير مايزيدش، وإلا يوليو طيبة الإنسان وكرمو وأخلاقو يحسبوها ضعف.
ربي يجيب الخير ان شاء الله، وبالشفاء على ابنك إسلام ربي يحفظو من كل سوء ويحميه يارب
اهلا مريوومة
جاري من جماعة المتدينين هو و زوجته اللي يشوفونا من اهل النار و كفار
و هو استاذ والله ماني عارف سبب حقده علي و على اهلي
الحمد لله كان الحادث سبب اني نفرغ فيه كل اللي كان في قلبي
و عملت ليه حد بعييييييييدو خليته في خانة السلام و الرد فقط كل واااحد في حدو
و اي خطأ راح نرجع قبييح و راح يشوفو امور عمرهم ما شافوها
 
السلام عليكم أخي
والله ما لقيت ما نقول حسبك الله و نعم الوكيل يعني تروح تشكي بيه للشرطة و توسخ حياة فتى في ال18 من عمره ؟ ولا تخلي ابنك يظن أن أباه لا يمكنه الدفاع عنه يا أخي راه ما عطاهش كف ولا شتمو ولا طريحة و خلاه راه عطاه طريحة تاع نتاج يعني لو كان ابنك في ال18 من عمره ما كانش رح يكون مشكل.
والله يا أخي كان لازم ترد في رأيي و توريلو العين الحمرا لهذا المراهق و ابنك يشوف انت بعقلك و تعرف كفاه تعاملو بدون ما تأذيه لكن لازم يخاف منك إذا باباه مش قادر يربيه علاش انتم تتحملوه
ساعات التحضر و التمدن بزاف مش مليح و بصراحة غير مفيد أفضل الطرق القديمة
أما إذا جاء الاب تاعو هنا خليه يهدر زوج كلمات وما تردش عليه أكيد هو عارف ان أبنو غالط
أما إذا حب يعتدي هو تاني عليك فهنا لازمك تبلغ الشرطة
ربي يعينكم صحيح الجار قبل الدار
اهلا أختي خديجة
لم ارفع دعوة بالرغم اني عملت شهادة طبية
لكن الابن حكمته في الثانوية لأنه يدرس في الثانوية اللي نخدم فيها
و سمعته كلاام يليق بقلة ادبه و قلت ليه
واش يقول لباباه و امه
نخبرك حاجة اختي خديجة هو استاذ عامل حاله ملتزم و متدين هو و زوجته من الجماعة اللي شايفين
اننا مجتمع جاهلي و هم جنس راقي
ارسلت ليه ميساج ملييح ان وقت الحشمة خلاص كمل و في المرة الجاية راح يكون تصرفي غير اللي كان في السابق

اما اسلام والله والله حسيته تعرض لصدمة و الله ثلاث ليالي و هو يبات مع الكوابيس
يحكي و يبكي و هو نايم عملت ليه رقية
و عاونتني المدام ربي يبارك فيها في تجاوز الازمة و نصحتني اني نعمل امور نخلي اسلام يثق ان له والد يدافع عنه و ليس وحيدا
فعلا عملت امور خليته يرفع راسه و يفتخر بأبيه
 
أخي الكريم @الامين محمد
أولا:
الحمد لله على سلامة ابنك إسلام
وأرجو أن يكون الآن أحسن حالا
حفظه الله من كل سوء ومكروه
ثانيا:
كل ما كنت أود قوله وجدته في ردود من سبقوني
.....
أود تذكيرك فقط بأن بعض الناس تظن تسامحك ضعفا وتستغل هذا الأمر
كما أن الجار لا يُؤذي جاره إن كان يفهم معنى الجيرة
.....
أبعد الله عنكم الأذى وجيرة السوء
....
تقديري وامتناني

ياااه اختي والله اعتذر لم ارد عليك و الله سهوا
فعلا اختااه ففي الحالة التي نحن بصددها ظن جاري اني غير مبال بينما انا
كنت مستحيي لسببين انه كبير عليا في السن و ثاني انه جاري
للمعلومة اختااه هو استاذ و عامل روحه متدين هو و زوجته و من الناس اللي عندهم عقلية
اننا مسلمون و الباقي يدخل النار
حتى انه في وقت من الاوقات قالي لازم بناتك يلبسو حجاب و هن صغيرات اقل من 10 سنوات
سبحاان الله و الله المستعاان
لكن هته الحادثة والله ربي جعلها لحكمة يعلمها ربما باش كل واحد
يحكم قدرو و يبقى بينانا التحية و فقط و كل واحد في حدو


شكرا اختااه على كرمك و يا ليتك تتكرمي و تقبلي اعتذاري :rolleyes::rolleyes::rolleyes:
 
ياااه اختي والله اعتذر لم ارد عليك و الله سهوا
فعلا اختااه ففي الحالة التي نحن بصددها ظن جاري اني غير مبال بينما انا
كنت مستحيي لسببين انه كبير عليا في السن و ثاني انه جاري
للمعلومة اختااه هو استاذ و عامل روحه متدين هو و زوجته و من الناس اللي عندهم عقلية
اننا مسلمون و الباقي يدخل النار
حتى انه في وقت من الاوقات قالي لازم بناتك يلبسو حجاب و هن صغيرات اقل من 10 سنوات
سبحاان الله و الله المستعاان
لكن هته الحادثة والله ربي جعلها لحكمة يعلمها ربما باش كل واحد
يحكم قدرو و يبقى بينانا التحية و فقط و كل واحد في حدو

شكرا اختااه على كرمك و يا ليتك تتكرمي و تقبلي اعتذاري :rolleyes::rolleyes::rolleyes:
أنت أخ كريم ولا يُمكن أن أظن بك سوءا
أعلم أنه سهو
ولا حاجة للاعتذار
....
جزاك الله خيرا على المتابعة والاهتمام




 
السلام عليكم ورحمة الله وبركاته حياكم الله جميعا.

الحمد لله على سلامة ابنك.
شيء مؤسف تدارك الامر مع ابنك ولا تدعه يشعر بضعفك اعلم انك تجاوزت ما سبق هذه الحالة حلما لا ضعفا لكن ضعف عقل الولد قد يتصور انه خوفا
وهذا اشكال فأنت قدوته.
الحل ان تستدرجهم لطلب السماح والعفو بوساطة الذين ذكرتهم
من وجهاء الحي لكن بذكاء
وان نجحت في ذلك واتوك طالبين العفو
لا املي عليك ما يوافقه ضميرك ليرتاح
ان سامحتهم قاطعهم بعدها ولا اقصد المقاطعة الكلية تبق التحية والامور الكبيرة فقط.
هذا الصنف لا يتربى الا بالإذلال
او (مسان الجيب)
 
السلام عليكم ورحمة الله وبركاته حياكم الله جميعا.

الحمد لله على سلامة ابنك.
شيء مؤسف تدارك الامر مع ابنك ولا تدعه يشعر بضعفك اعلم انك تجاوزت ما سبق هذه الحالة حلما لا ضعفا لكن ضعف عقل الولد قد يتصور انه خوفا
وهذا اشكال فأنت قدوته.
الحل ان تستدرجهم لطلب السماح والعفو بوساطة الذين ذكرتهم
من وجهاء الحي لكن بذكاء
وان نجحت في ذلك واتوك طالبين العفو
لا املي عليك ما يوافقه ضميرك ليرتاح
ان سامحتهم قاطعهم بعدها ولا اقصد المقاطعة الكلية تبق التحية والامور الكبيرة فقط.
هذا الصنف لا يتربى الا بالإذلال
او (مسان الجيب)
اهلا الاستاذ عبدالرؤوف حيااك الله و بيااك
امر المسامحة صعبة على الاقل في الوقت الراهن خصوصا المسامحة الواضحة
و تجاوز الامر و العودة الى الوضع السابق
اما امام الله فعفى الله عما سلف و تحتسبها اجرا عند الله لكن تبقى التحية التي بيننا لا اكثر
لأنه جار وقح و لئيم و قليل حيا
اما اسلام ابني مازالت تحت الصدمة و من ساعتها رااه ناقص و مقلق و ماهوش يرقد ملييح
راني نحاول نعمل حاجة
عندي صديقي كبير و حكييم اخذه عنده و فهمه ببعض الامور
و انا اخذته و رحت لمكان عادة يروح ليه جاري و ابنه و لما وصلت و قفت عندهم و بقيت نشوف فيهم كاش ما يقولوا
حطو روسهم و رجعوا لبيتهم الامر عجب ابني و فهمته ان الامر ليس مسألة قوة لكن هو الادب و الحشمة
لكن ان اضطرينا لاستعمال القوة فنحن لها
نسأل الله العفو عنا و عنهم و عن جميع المسلمين
 
اهلا الاستاذ عبدالرؤوف حيااك الله و بيااك
امر المسامحة صعبة على الاقل في الوقت الراهن خصوصا المسامحة الواضحة
و تجاوز الامر و العودة الى الوضع السابق
اما امام الله فعفى الله عما سلف و تحتسبها اجرا عند الله لكن تبقى التحية التي بيننا لا اكثر
لأنه جار وقح و لئيم و قليل حيا
اما اسلام ابني مازالت تحت الصدمة و من ساعتها رااه ناقص و مقلق و ماهوش يرقد ملييح
راني نحاول نعمل حاجة
عندي صديقي كبير و حكييم اخذه عنده و فهمه ببعض الامور
و انا اخذته و رحت لمكان عادة يروح ليه جاري و ابنه و لما وصلت و قفت عندهم و بقيت نشوف فيهم كاش ما يقولوا
حطو روسهم و رجعوا لبيتهم الامر عجب ابني و فهمته ان الامر ليس مسألة قوة لكن هو الادب و الحشمة
لكن ان اضطرينا لاستعمال القوة فنحن لها
نسأل الله العفو عنا و عنهم و عن جميع المسلمين
بارك الله فيك وامين.
اعلم ان الامر صعب خاصة انه تعدي من من شاب على صبي وكل ذلك امام نظر من هو اكبر منهما وانا اتفهم الامر جيدا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top