كلش للبيع خصنا ناس تشري😃

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
السلام عليكم....

ياو ردو السلام ومن بعد كملوا اقراو ياك السلام بلوشي...( يعني باطل)...
أيا كلشي للبيع حتى ولات بنتي تعيط ( بطاطا بطاطا جافيل جافيل...)
حبيت نزور هذي الزاوية الزوينة من المنتدى ونكسر اللغة( تسمحلي)
قالك ياسيدي انا عندي مدة مادخلتش المنتدى والصح كي راح التيليفون راح معاه كلش وفقدت الذاكيرا نسيت كلشي حتى اسمي خخخخ( كي بدلتو طبعا كنت ندخل ندير القديم)
وكي ضربتني رياح الحنين رجعت شوي ذاكيرا أيا بديت نڨزّن حتان دخلت ولكن ( افتجأت) كي لقيت المنتدى للبيع؟؟؟
وهذاك الميساج بيع بيع بيع تالمو مقابلني بالبند العريض حسيتو يعيط في وذني خخخخ
ونجي ندير آخر المشاركات ولا ما الجديد نلقى بيع بيع بيع أيا هذا لميساج ليكم (انا عبد قليل تعطونيش بلاش 🤔🤔🤔 )
كاش واحد يشري؟ بصح بلا دراهم .!!!!
أيا نفهموها هذي ..
في مجتمعي ومانيش عارفة مجتمعاتكم اذا كاينة هذي الظاهرة ولالا كلش ولى يتباع جيت ندير جمعية نساعد بنات اللي نقلها تقلي تشريش تصديرتي والله محطوطة جديدة؟ لحقت وحدة نحكي معاها قاتلي اسمعي قنادرك تحفة ونشوفك تلبسي وماتزيديش ترجعيلها في العرس لاخر هاتي نبيعهملك عندي مجموعة بيع الكتروني😅😅😅
قلتلها كيما قالت جداتي( يبيعك بيعة ميمون نشاله خصني نبيع سعدي كي نبيع قشي وفراشاتي)
وواحد الظاهرة قبل رمضان اسمها ( بيع واشري) يبيعو كلش قش الدار ويشرو الجديد وحبسو كلمة تبرع هذي راحت وانقرضت من القاموس حتى اللي كان يتبرع ولى يحب الدورو وقالت وحدة ها تجيب حويجة ومصيريفة!!!!
المهم هذا شوي برك والأهم في الميضوع هذا :

(بيع المشاعر)

شفتوش مشاعر تتباع؟ انا شفت
شفتوش السلام يتباع؟ انا شفت
شفتوش الضحكة تتباع؟ الابتسامة تتباع؟ الحب يتباع؟ القعدة الزينة والجملة الزينة؟ النية؟ ايييييييه
والله كلش ولى يتباع...
هذاك اللي مايكلمش حتى والديه واهلوا واداتو الدنيا وغراتو خصو يعطوه الدراهم باش يسول..
وصح المكالمة تكلفو دراهم والسفر ثاني دراهم وبنزين وواش يدي معاه...اذن السلام بالدراهم...
هذاك اللي صباح الخير بالسيف تخرج وتخرج بتشناف خصوا يقول هاتو عشرلاف وشوفو ابتسامتي الجميلة..😁😀😁😀
وهذاك اللي يغلط ويروبلها والاعتذار يجيه ثقيل وخصو تخلصو باش يعتذر🤔 و...و.....
عندنا احنا ( انتوما ماعلاباليش)
عند دورو تسوى دورو ...عندك وفيك المصلحة سلامك وحديثك عسل ماعندكش حديثك بصل حاشاكم...
وصلت واخد أب مزوج بنتين ويسكنو قراب لبعضاهم هذيك ماعندهاش وراجلها ماكان خدمة والاخرى خدامة وتصرف معاه يمشي لدار الثانية بساشياتو معمرين والاولى والله مايعرف بابها منين؟؟؟
ماتحكي ماتشكي بصح القلب باين
علاه يابابا الحب ولى بالدراهم؟
الاخ ولى مايسقسيش على خوه الا بمصلحة والاخت اسكت برك ( اذا كاين حويجة نجو ؟؟؟)
آسفة طولتها عليكم
وانتم قولولي تشرو ولا تبيعو؟؟؟
نفتحو السوق؟
أيا أبدفو هههه
( هذا اذا ماخرجونيش من المتتدى على مقدمتي الاطلالية هههه
ياو رانا فتحنا بيكم السوق برك اسمحو لينا وبيعو ربي يسهلكم ويرزقكم)
تحياتي
 

ماغيكاي تشان

:: مشرفة ::
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
11,409
النقاط
1,656
الجنس
أنثى
وعليكم السلام ورحمة الله وبركاته
حتى انا باغية نبيع روحي منحتاجهاش لكن ملقيتش شكون يشري هههههههههههه
حجز مكان ولي عودة باذن الله غاليتي
يشرفني ان اكون اول من ترد ها هو هي
 

sami44

:: مشرف ::
مجتمع اللمة العام
منتدى بيتي وموهبتي
منتدى الألغاز والنكت
طاقم المشرفين
إنضم
10 ديسمبر 2009
المشاركات
10,666
النقاط
751
محل الإقامة
فالفيراج
الجنس
ذكر
السلام عليكم
موضوع باهي وجاني على القوسطو
كل ما قلتيه صحيح ومنتشر في بيوتنا انتشار النار في الهشيم
كلش رجع بسومتو غالي ولا رخيس المهم قابل للبيع
انا البيعة الي نتلاقى بيها بزاف بيع الابتسامة والسلام مع الصباح الواحد مبكر للخدمة يتلاقى مع جارو مكشر تقول بايت في الحرب تقولو السلام عليكم يهز راسو ويقولك ( ام ولا يقولم الام ولا يقولك صاحا واذا كثر يقولك واش مليحة ) شكون هي الي مليحة والله ما عرفت المهم مصطلحات غريبة بالعربيوذة اكيد
نلحق للمقهى نقول ندي قهوة معايا ندخل السلام عليكم الشعب كامل يخزر فيك تقول ارهابي مبحوث عنه ولا نبيع الاقراص ومكتوبة في جبهتي نوصل السيرفور . السلام عليكم اعطيني قهوة مزيرة يا خو كي يزير وجهو نبغي نهرب نحسب سبيتو وانا غير قلتلو السلام
نخرج من القهوة نلقى الكراسى كامل كومبلي واحد قاعد وحدو نقول نقعد معاه ومن باب الاحترام تسقسيه يا خو كاين مولاه على الكرسي
يخزر فيا من الفوق للتحت ومن بعد لا لا انت مولاه يطلع السكر مزية قهوتي مرة مانخافش
ولوكان نزيد نكمل تحسي بلي الدنيا كامل راهي للبيع صح
....................................................................................................................................
اما الامورلخرين في كل فيراج نولي نقولك امر للبيع


وبالنسبة لصاحبة ضحكة ها هو هي ممكن تلقاي شاري للكاركاسة حطي الماتريكيل في اعلى اللمة
 

الملك الظليل

:: عضو منتسِب ::
إنضم
7 أفريل 2019
المشاركات
33
النقاط
3
محل الإقامة
حيث اكون
الجنس
ذكر
عليكم السلام
احسنتِ اختي هذا المنهج الذي تقولب عليه العبد في ظل التجار الكبار الذين باعو اكثر من ذلك
لكن تأكدي اختي هذا ما ارادو الوصول اليه هي ان يصبح الجميع تجار لقتل المحبة بين العباد
بدها تاجر شاطر هههه
تحياتي
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
وعليكم السلام ورحمة الله وبركاته
حتى انا باغية نبيع روحي منحتاجهاش لكن ملقيتش شكون يشري هههههههههههه
حجز مكان ولي عودة باذن الله غاليتي
يشرفني ان اكون اول من ترد ها هو هي
هاتي نشريها روحك الطيبة هههه
تلقاي بربي الذهب لازمو الصبر باش يلقوه😉😉
مكانك في القلب محجوز عزيزتي
ويشرفني بلسم ردّك أيضا
دمت بخير
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
السلام عليكم
موضوع باهي وجاني على القوسطو
كل ما قلتيه صحيح ومنتشر في بيوتنا انتشار النار في الهشيم
كلش رجع بسومتو غالي ولا رخيس المهم قابل للبيع
انا البيعة الي نتلاقى بيها بزاف بيع الابتسامة والسلام مع الصباح الواحد مبكر للخدمة يتلاقى مع جارو مكشر تقول بايت في الحرب تقولو السلام عليكم يهز راسو ويقولك ( ام ولا يقولم الام ولا يقولك صاحا واذا كثر يقولك واش مليحة ) شكون هي الي مليحة والله ما عرفت المهم مصطلحات غريبة بالعربيوذة اكيد
نلحق للمقهى نقول ندي قهوة معايا ندخل السلام عليكم الشعب كامل يخزر فيك تقول ارهابي مبحوث عنه ولا نبيع الاقراص ومكتوبة في جبهتي نوصل السيرفور . السلام عليكم اعطيني قهوة مزيرة يا خو كي يزير وجهو نبغي نهرب نحسب سبيتو وانا غير قلتلو السلام
نخرج من القهوة نلقى الكراسى كامل كومبلي واحد قاعد وحدو نقول نقعد معاه ومن باب الاحترام تسقسيه يا خو كاين مولاه على الكرسي
يخزر فيا من الفوق للتحت ومن بعد لا لا انت مولاه يطلع السكر مزية قهوتي مرة مانخافش
ولوكان نزيد نكمل تحسي بلي الدنيا كامل راهي للبيع صح
....................................................................................................................................
اما الامورلخرين في كل فيراج نولي نقولك امر للبيع


وبالنسبة لصاحبة ضحكة ها هو هي ممكن تلقاي شاري للكاركاسة حطي الماتريكيل في اعلى اللمة
وعليكم السلام ورحمة الله وبركاته
وهذي بيعة الصباح واش نقلك اخي
قال بابا يجي فايت يشيرلك بيدو ويقلك( خييييير) وساعات يبلعو نصها ( ٱيييير)؟؟؟
تقول يعاود عليك في المنام ولا بايت يتعارك معاك ...
الله يعطيك الربح عجبتني دراما القهوة وناسها ومام الطريق سورتو مع الصباح واش نقلك ( بيع الزعاف والتشناف والسب والشتم حاشاكم بااااااطل يامواطن)
شكرا للمرور
تحياتي
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
عليكم السلام
احسنتِ اختي هذا المنهج الذي تقولب عليه العبد في ظل التجار الكبار الذين باعو اكثر من ذلك
لكن تأكدي اختي هذا ما ارادو الوصول اليه هي ان يصبح الجميع تجار لقتل المحبة بين العباد
بدها تاجر شاطر هههه
تحياتي
وعليكم السلام ورحمة الله وبركاته
أحسن الله إليكم
أصبتم والله نسأل الله الهداية
التجارة شطارة فعلا
وأحسنها التجارة التي لا تبور ( مع الله فقط) فان أتقنّاها فزنا بديننا ودنيانا وآخرتنا...
تجارة القلوب والمشاعر أصعبها ....
شكرا للمرور
تحياتي
 

sami44

:: مشرف ::
مجتمع اللمة العام
منتدى بيتي وموهبتي
منتدى الألغاز والنكت
طاقم المشرفين
إنضم
10 ديسمبر 2009
المشاركات
10,666
النقاط
751
محل الإقامة
فالفيراج
الجنس
ذكر
وعليكم السلام ورحمة الله وبركاته
وهذي بيعة الصباح واش نقلك اخي
قال بابا يجي فايت يشيرلك بيدو ويقلك( خييييير) وساعات يبلعو نصها ( ٱيييير)؟؟؟
تقول يعاود عليك في المنام ولا بايت يتعارك معاك ...
الله يعطيك الربح عجبتني دراما القهوة وناسها ومام الطريق سورتو مع الصباح واش نقلك ( بيع الزعاف والتشناف والسب والشتم حاشاكم بااااااطل يامواطن)
شكرا للمرور
تحياتي
راني بديتلك بالدراما تاع للقهوة استناي نلحق للدراما تاع المارشي وتاع السيبيرات وتاع لاجونص وتاع السياقة في الطريق وتاع البوسطة وزيد زيد والله غير عجب
مرات المجتمع تاعنا يصعب تصنيفه كيما تصنفيه يصلح
اما ( اييييييير) قستيها وجابتلي الضحك مع الصباح ونزيدك وحده مممكن سمعتيها كي نتلاقى بواحد نايض على 11 ولا 12 كي شغل صابح نقولو السلام عليكم يقولي ( السام ويكم) نورمالمون عربيه بصح المعنى هندي
لي عودة
 

الملك الظليل

:: عضو منتسِب ::
إنضم
7 أفريل 2019
المشاركات
33
النقاط
3
محل الإقامة
حيث اكون
الجنس
ذكر
وعليكم السلام ورحمة الله وبركاته
أحسن الله إليكم
أصبتم والله نسأل الله الهداية
التجارة شطارة فعلا
وأحسنها التجارة التي لا تبور ( مع الله فقط) فان أتقنّاها فزنا بديننا ودنيانا وآخرتنا...
تجارة القلوب والمشاعر أصعبها ....
شكرا للمرور
تحياتي
و إليكم يا اختاه
التجارة مع الله تحتاج الصبر و قوة العزيمة و ارباحها قد تتأخر لذلك الأغلب لا يستطيع الحفاظ عليها كما ان لها ضريبة كبيرة و هي الحرمان من كثير من ملذات الحياة و مواكبة التطور و الحداثة
العفو اختي
احترامي
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
راني بديتلك بالدراما تاع للقهوة استناي نلحق للدراما تاع المارشي وتاع السيبيرات وتاع لاجونص وتاع السياقة في الطريق وتاع البوسطة وزيد زيد والله غير عجب
مرات المجتمع تاعنا يصعب تصنيفه كيما تصنفيه يصلح
اما ( اييييييير) قستيها وجابتلي الضحك مع الصباح ونزيدك وحده مممكن سمعتيها كي نتلاقى بواحد نايض على 11 ولا 12 كي شغل صابح نقولو السلام عليكم يقولي ( السام ويكم) نورمالمون عربيه بصح المعنى هندي
لي عودة
يااااالطيف يعني الأيام دراما لا تنتهي ( شكون أحنا🤔🤔) ياك راك مع الشعب الجزائري الأبّي ميلونج المشاعر والفصول الأربعة يعيشهالك في ساعة ماتعرف لا تضحك معاه لاتبكي🙂
بصح هذي السامو ويكم ماسمعتهاش الحق لأني اللي ينوض مع١٢ مانصبحش عليه طول ( خويا قبل ماينطق نقلو نوجدلك تتغدى!! يطبق فمو)هاو نلعبو ول
أضحك الله سنّك
بوركتٙ...
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
و إليكم يا اختاه
التجارة مع الله تحتاج الصبر و قوة العزيمة و ارباحها قد تتأخر لذلك الأغلب لا يستطيع الحفاظ عليها كما ان لها ضريبة كبيرة و هي الحرمان من كثير من ملذات الحياة و مواكبة التطور و الحداثة
العفو اختي
احترامي
صدقتم ..الصبر ومجاهدة النفس لكن ثمارها احلى .
هدانا اىله أجمعين الى مايحبه ويرضاه
شكرا ع وقتكم
 

quěěŋ ŏŏŏŏf gříěf

:: مشرفة ::
منتدى قضايا الأسرة والمجتمع العام
منتدى المطبخ الجزائري
طاقم المشرفات
إنضم
27 جويلية 2018
المشاركات
2,815
النقاط
1,311
محل الإقامة
من قلب الاحزان
الجنس
أنثى
السلام عليكم ....
بوركتى على الموضوع القيم

صراحة انا مموالف مجحاحة منشري منبيع 😌😌 فالاونة الاخيرة قررت نبيع ابتسامات مجانية لجميع المارة اول مرة في التاريخ تصرى😁😁

العرض جارى إلى غاية الرابعة مساءاا

بلاك نشري منهم كلمة سكوتية
اللى تدديرلى الماص في راسي:sleep:
 

عبدالرؤوف

:: عضو مُتميز ::
إنضم
22 ديسمبر 2018
المشاركات
540
النقاط
551
العمر
26
محل الإقامة
بسكرة
الجنس
ذكر
وعليكم السلام ورحمة الله وبركاته.
تعس عبد الدرهم وتعس عبد الدينار
قول رسول الله صلى الله عليه وسلم.
ولذلك التعاسة تدور وتحوم حول الانفس التي لم تقوم بالحق والواجب الا بإنتظار بدل اما مؤجلا واما مستقبلا وبدل ادمي دنيوي لا اخروي
ازورك لكي تزورني ويداك مبسوتطان
من حمل الاثقال رغم خفتها.
الوهن كراهية الموت وحب الدنيا نتيجتهما نفس خالدة الى الارض مهانة
نتعامل بيننا بما ننتظره في الدنيا
ولا نعامل الناس لأن رب الناس امر بذلك
وهذا يجعل من القلوب تقسوا لأن اشرف المواد التي تحركها وتنورها منعدمة
وهي مادة الاخلاص لله تعالى ونفع مخلوقاته لأجل الله ونيل ثوابه.
 

sami44

:: مشرف ::
مجتمع اللمة العام
منتدى بيتي وموهبتي
منتدى الألغاز والنكت
طاقم المشرفين
إنضم
10 ديسمبر 2009
المشاركات
10,666
النقاط
751
محل الإقامة
فالفيراج
الجنس
ذكر
السلام عليكم
أنا باغي نبيع عضويتي في منتدى اللمة بالمزاد العلني

السعر المرجعي 2000000
عضويتك نهار نعكسوها تولي نقاز معنتها كنت مترشح للرئاسات والشعب يقول يتنحاو قاع
وبالتالي راك طالب غالي
نحي زوج اصفار ممكن تبيعها بدون مزاد
 

zagane

:: عضو بارز ::
إنضم
2 جويلية 2007
المشاركات
5,310
النقاط
1,401
محل الإقامة
معسكر
الجنس
ذكر
عضويتك نهار نعكسوها تولي نقاز معنتها كنت مترشح للرئاسات والشعب يقول يتنحاو قاع
وبالتالي راك طالب غالي
نحي زوج اصفار ممكن تبيعها بدون مزاد
السلام عليكم
يا خويا يتنحاو قاع ع ع الاصفار ونكتبو امام 2 نكتبو مليار فقط
وبالفاصيليتي بدون فوائد نبيعها
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
السلام عليكم
أنا باغي نبيع عضويتي في منتدى اللمة بالمزاد العلني

السعر المرجعي 2000000
أوااااه مانشروش حتى احنا نبيعو
قالك عاشرهم تتعلم طباعهم
نبيعلك انا عضويتي واعطيني المبلغ اللي طلبتو في عضويتك هههه
شكرا ع المرور
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
السلام عليكم ....
بوركتى على الموضوع القيم

صراحة انا مموالف مجحاحة منشري منبيع 😌😌 فالاونة الاخيرة قررت نبيع ابتسامات مجانية لجميع المارة اول مرة في التاريخ تصرى😁😁

العرض جارى إلى غاية الرابعة مساءاا

بلاك نشري منهم كلمة سكوتية
اللى تدديرلى الماص في راسي:sleep:
وعليكم السلام ورحمة الله وبركاته مزال تستليني رد هههه راني مخبياتو للموضوع الآخر
أيا مليح المهم الموضوع قاس الصح في بعض طبايعنا وقلتي بدلتي شوي ببيع الابتسامات
أيا مليح يا السكوتية أطربتي الجميع بطلة ابتسامتك الجميلة
وبصح مشحاحة صح العرض محدود؟؟؟
أسعد الله قلبك وأضحك سنك دوما
تحياتي وتقديري
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
وعليكم السلام ورحمة الله وبركاته.
تعس عبد الدرهم وتعس عبد الدينار
قول رسول الله صلى الله عليه وسلم.
ولذلك التعاسة تدور وتحوم حول الانفس التي لم تقوم بالحق والواجب الا بإنتظار بدل اما مؤجلا واما مستقبلا وبدل ادمي دنيوي لا اخروي
ازورك لكي تزورني ويداك مبسوتطان
من حمل الاثقال رغم خفتها.
الوهن كراهية الموت وحب الدنيا نتيجتهما نفس خالدة الى الارض مهانة
نتعامل بيننا بما ننتظره في الدنيا
ولا نعامل الناس لأن رب الناس امر بذلك
وهذا يجعل من القلوب تقسوا لأن اشرف المواد التي تحركها وتنورها منعدمة
وهي مادة الاخلاص لله تعالى ونفع مخلوقاته لأجل الله ونيل ثوابه.
وعليكم السلام ورحمة الله وبركاته
عليه افضل الصلاة والسلام
كلامك درر
نفع الله بك يافاضلا
لا يسعني الا تحيتك على حروفك
سلمتم وبوركتم
نسأل الله الهداية أجمعين
فحقا اصبحت القلوب مريضة...
تقديري لكم
 

أم أحمــــد يــسّ

:: نجمة اللمة ::*أستاذة*
إنضم
22 فيفري 2014
المشاركات
2,295
النقاط
411
محل الإقامة
أرض الخير
الجنس
أنثى
عضويتك نهار نعكسوها تولي نقاز معنتها كنت مترشح للرئاسات والشعب يقول يتنحاو قاع
وبالتالي راك طالب غالي
نحي زوج اصفار ممكن تبيعها بدون مزاد
السلام عليكم
يا خويا يتنحاو قاع ع ع الاصفار ونكتبو امام 2 نكتبو مليار فقط
وبالفاصيليتي بدون فوائد نبيعها
ايا خلونا ولا نبيعو المنتدى قاااع بعضوياتكم وببلاش ( هاقلنا بكلمة برك ولا بدينا نطمعو ؟؟)
بصح عجبتني عضوية نكاز هههه ماخممش واحد يديره🤔🤔
ويترشح في اللمة؟؟؟
دمتم بخير
 
Top