لا اريد الزواج ابدا

[الوهم]

واش تقولك نتا عندك الحق وانا عندي الحق انتا مش مقتنع انا شا ناقش معاك احكيلك حكايتي انا متخرجة من الجامعة مدرسة عليا في الإنجليزية متزوجة وعندي توأم رجالي احسن وأروع راجل في الدنيا حبينا بعض حارب اهلو على جالي وانا سمحت في خدمتي وتحديات دارنا خاصة خويا كان عندو مشاكل مع خال رجالي المهم طريحة ونوضة تزوجها خروج عليا ماليه خاطر تحداهم على جالي مرضوني ومرضوه جيت توأم حب و ينحولي واحد ويمدوه للوسي رماولي شقي من تاقا طردوني شحال من مرة وهاداك عمري ما دوس مع راجلي على سبابهم ولا طلبت منو سكن وحدي ولا شكالو واحد وقالو قاتلنا خاطر نحبو كثر من كل شيء هو الهوا وهو الماء مانيش مستعدة نخسرو ولا حتى تعفو مهما كانت الاسباب و

 

[Badrou94]

واش تقولك نتا عندك الحق وانا عندي الحق انتا مش مقتنع انا شا ناقش معاك احكيلك حكايتي انا متخرجة من الجامعة مدرسة عليا في الإنجليزية متزوجة وعندي توأم رجالي احسن وأروع راجل في الدنيا حبينا بعض حارب اهلو على جالي وانا سمحت في خدمتي وتحديات دارنا خاصة خويا كان عندو مشاكل مع خال رجالي المهم طريحة ونوضة تزوجها خروج عليا ماليه خاطر تحداهم على جالي مرضوني ومرضوه جيت توأم حب و ينحولي واحد ويمدوه للوسي رماولي شقي من تاقا طردوني شحال من مرة وهاداك عمري ما دوس مع راجلي على سبابهم ولا طلبت منو سكن وحدي ولا شكالو واحد وقالو قاتلنا خاطر نحبو كثر من كل شيء هو الهوا وهو الماء مانيش مستعدة نخسرو ولا حتى تعفو مهما كانت الاسباب و

الله اكبر ربي يفرج عليك اختي و ربي يسترك و يرزقك وش حبيتي.

بصح انت الحمد لله لقيتي راس مالك في هاذ الدنيا. رجل صالح يحبك و راهو زوجك اب اولادك. انا معنديش طفلة تحبني و دير المستحيل على جالي و تكون معايا في السراء و الضراء. المشكلة ماشي هنا المشكلة اني ياست و فقدت الرغبة في الارتباطط مع اي فتاة حتى في الحلال ماراني لا باغي لا حب لا زوجة لا والو. نكذب عليك اذا قلتلك منبغيش امرأة تحبني و تبغيني و تتهلى فيا و دير كلشي على جالي بصح مكانش و مانيش باغي نحوس. البنات تاع ضرك تاع صلاحهم وحدة لا تحس بالمشاعر نتاعك ولا التضحيات اللي ديرهم اغلبيتهم تاع صلاحهم يبغيو غير يتزوجو و ميحبوش الشخص اللي يتزوجوه.

انا من مدة تعرفت على فتاة و تعلقت بيها و حبيتها صح صح و بغيتلها الخير صدقيني جامي لا قستها يدها ولا حى نشوف معاها ديراكت نخف ربي فيها و ننصحها تبع طريق ربي و ونعاونها في قرايتها و نقولها متبعيش الاولاد و البنات ماشي ملاح و استري روحك و اتهلاي فوالديك. صح راهي ماهيش مرتي ولا خطيبتي بح والله استثمرت فيها و بغيتها تكون معايا في صلاتي نستخير و ندعي ربي بالدموع تكون ليا. قلتلها نحكي مع باابك و نحط عليك الكلمة حتان تكملي قرايتك و نجي نخطبك مبغاتش . قلتلها انا منكونش السبب في تعطيل احلامك و طموحك بالعكس راح ندعمك بصح هي مبغاتش ... في بالها مزالت صغيرة و راهي جامعية تقدر تتحصل على شاب احسن مني ... قالتلي منحبكش و كي نتا كيما اولاد اخرين في حياتي را ك كي خويا ... يعني دارت عليا 180 درجة مفهمتش سبب التغير هذا مع انني والله درت كلشي على جالها و بغيت الحلال بصح هي مبغاتش.

الحب حاجة مليحة و من اساسيات الزواج و انا مستحيل نتزوج طفلة منحبهاش ولا طفلة متحبيش. منقدرش نتزوج كيما البهائم هكاك من اجل السترة و الاولاد . منقدرش نتزوج طفلة منديرش فيها الثقة ولا ماهيش مقتنعة بيا.

المهم مانيش باغي نعمر راسي بحكايات النساء و الزواج عندي اهداف و طموح في حياتي نحققهم و نعيش براسي حتان يفرج ربي ... والله كيما جات تجي منكسرش راسي ... اذا كتبلي ربي نتزوج راح نتزوج بصح انو باه نحب من جديد و نحمل مشاعر و ندير المستحيل على جال زوجتي منعرف مانيش باغي نتزوج و نظلم بنت الناس معايا مانيش منافق كيما اغلبية البنات المهم يتزوجو والله معلابالهم بمشاعر ازواجهم.

 

[Wissem wiwi]

يمكن يجي يوم و تجي واحدا تبدلك حياتك و تخمامك 180 درجة هذي دنيا

 

[Wissem wiwi]

واش تقولك نتا عندك الحق وانا عندي الحق انتا مش مقتنع انا شا ناقش معاك احكيلك حكايتي انا متخرجة من الجامعة مدرسة عليا في الإنجليزية متزوجة وعندي توأم رجالي احسن وأروع راجل في الدنيا حبينا بعض حارب اهلو على جالي وانا سمحت في خدمتي وتحديات دارنا خاصة خويا كان عندو مشاكل مع خال رجالي المهم طريحة ونوضة تزوجها خروج عليا ماليه خاطر تحداهم على جالي مرضوني ومرضوه جيت توأم حب و ينحولي واحد ويمدوه للوسي رماولي شقي من تاقا طردوني شحال من مرة وهاداك عمري ما دوس مع راجلي على سبابهم ولا طلبت منو سكن وحدي ولا شكالو واحد وقالو قاتلنا خاطر نحبو كثر من كل شيء هو الهوا وهو الماء مانيش مستعدة نخسرو ولا حتى تعفو مهما كانت الاسباب و

مشاء الله ربي يخليكم طول العمر انشاءالله

 

[عبدالرؤوف]

من دعاك الى غير الزواج فقد دعاك لغير الاسلام
الامام احمد بن حنبل.
ومن قدر على الزواج ولم يتزوج
اما فاجرا فندعوا له بالهداية
واما مريضا عليه بالطبيب.

 

[الفتاة الاميرة]

1 - لن اقتنع باي فتاة حتى لو كانت اجمل نساء العالم و لديها خصال الانبياء ... يعني لا يوجد شيئ يجذبني للفتيات لا تعجبني اي واحدة.
2 - حتى لو وجدت فتاة لا اظن انني ساحبها و احمل مشاعر اتجاهها . قلبي لي وحدي ساحب به نفسي فقط لان في نظري لا احد يستحقي قلبي.
3 - الزواج مبني على الثقة المتبادلة و انا لا اظن انني ساضع ثقتي في فتاة اجنبية حتى و هي تعيش معي
4- افضل الموت على الزواج اعلم ان الزواج نسة الحياة و علينا ان نتزوج لا اللله و الرسول امرانا بذلك لكن لا اريد الزواج. لا اريد ربط مستقبلي مع شخص تعرفت عليه في 6 اشهر او سنة لاضع عمري و ثقتي فيه بقية حياتي.
5 - اعلم ان هذا قضاء الله و قدره و هو من يختار لنا ساستخير و اتوكل عليه و اطلب من امي او اخواتي ان يزوجونني اي فتاة.

مرضك نفسي تعالج اولا... الزواج احلى ما في الوجود... ووجود امراة تؤنس حياتك وتشجعك على طموحاتك وتقف معك وقت الشدة والرخاء وقت القوة والضعف وووو هو كنز ثمين جداً... في كبرك و عجزك لن ينفعك لا مالك ولا عائلتك ولا احلامك.... لن تجد الا زوجة وفية تحبك وتسهر على راحتك... انت مخطئ اشد الخطأ.... اتمنى لك التوفيق والنجاح في حياتك وارجو اعادة حساباتك

 

[afnene]

السلام عليكم
اظن ان وجهة نظرك وليدة لتجربة او علاقة فاشلة
وباختصار ان كنت غير مقتنع بالزواج فلا تتزوج
فلا تظن انك ستجد في هذه الدنيا امراة مستعدة لان تضحي فقط تفعل كل شيء من اجلك في حين
انك تسعى لتحقيق اهدافك فقط وكانها غير موجودة في حياتك
هذا لا ترضاه لنفسك فكيف تريد لفتاة ان ترضاه لنفسها
هذا لا يعني انه لا توجد نساء مضحيات
ولكن الاهم ان كان الرجل يستحق التضحية
فما يكسر المراة ليس تضحياتها
بل من تضحي لاجله
تصور ان تكون المراة تعيش فقط من اجل زوجها تصبر على الامرين
لتكون معه وفي الاخير
يكون هو اناني لا يفكر الا في نفسه
يتخلى عنها في اول عقبة ولا يراعي كل ما تفعله من اجله
بل يراه واجبا كان عليها ان تقوم به
لا اتحدث وكان المراة دائما هي المضحية ولكن اتحدث حسب موضوعك
فحقا هناك رجال قليل كل ما يقال بحقهم
و اود ان اقول متى كانت الدنيا تفرش لنا بساطا احمرا لنمر عليه
ومتى كانت السماء تمطر ذهبا وفضة
ومتى كانت السعادة تباع في الاسواق
ومتى ستكون
لا تنتظر فتاة تاتيك وتقول انا التي تبحث عنها فتاة مثالية لن اعيقك عن احلامك وطموحاتك
ساخفف عنك المسؤولية وستعيش معي حياة ولا في الاحلام
لم احب ابدا قبلك ولن احب بعدك.....
عذرا اخي ...يجب ان نفكر بمنطقية اكثر
اعلم ان ما يعيشه الشباب في وقتنا صعب جدا
والمعيشة ليست سهلة ..غلاء المهور..مشاكل اسرية ..
ولكن علينا ان لا نخلط هذا بذاك
الحياة مسؤوليات ...اما ان تكون لها
او تنسحب
لم انظر لموضوعك على انه رفض لفكرة الزواج اراها وجهة نظر عادية ما ازعجني هو نظرتك للفتيات خاصة شبه تعميمك على الكل وهذا متفش جدا
كل شاب يريد فتاة لم تحب يوما في حين قلبه عشق عشرات
بالله عليك هل تستحق من صانت قلبها شاب كهذا..
وفي اخير عذرا على صراحتي اخي
واسفة ان قلت شيئا في غير محله
وانما خضت في الموضوع من باب النقاش.

 

[{هِشام}]

راني فايت عام ما شاركتش ف المنتدى، حتى موضوع تخرج الأخت سمية، وكي شفت موضوعك هذا. والسبب أنّ زوجتي ملأت عليّ حياتي والحمد لله.
وكي اديتها لدارهم، مانيش عارف كي نعيش وحدي هذو يومين هههه على هذا دخلت للمنتدى مجددا.

كنت معاك في الطرح الرئيسي، بصح في ردودك شكلتها، قالك مكانش الي تستاهل قلبي، وخاصني وحدة جامي حبّت ولا عرفت واحد.
انت اخليلها جدها و"عيش حياتك لآخر لحظة" كيما قلت، ومن بعد تحوّس على مريم العذراء. لا وفي ردّ آخر قلت ما عنديش مشكلة مع وحدة عرفت عشر أشخاص.

تناقضاتك وحنقك هذا يبدو وليد علاقة فاشلة لم يمض عليها وقت كافٍ لتشفى من تبعاتها.
نظرتك للزواج قاصرة، مكانش اللي قال لازم تحبّ زوجتك حبّا جما، باش تجي تقول "مانيش مستعد نقضي حياتي مع وحدة عرفتها 6 أشهر"
المسلم إنّما يتعايش مع زوجته في عبادة دائمة، فإن ألفَتها نفسه وأحبّها أكرمها، وإن لم تألفها نفسه لم يظلمها.

والزواج بعيدًا عن كونه إعمارًا للأرض، وتكوين نشء صالح ينفع الأمة ويدعو لك بعد أن ينقطع عملك، فهو قبل هذا كلّه فطرة إنسانية، وما دخولك علاقات محرّمة إلا دليل ذلك، فالمرء بطبعه ميّال للجنس الآخر. لكن بدل أن تسحب رغبتك في محادثة الفتيات وتطبقها على فكرة التمتع الحلال بزوجة ترضيك وتغنيك عن غيرها، آثرت العكس فملأت وقتك بالمخالطة 'هنا وربي عالم وين ثاني' وأنسَت إليها نفسك 'والنفس أمارة بالسوء' وأنفْت أو عفت فكرة الارتباط الحلال بزوجة واحدة (ولا ربعة إذا تقدر).

نصيحتي، وما تقوليش نغض البصر وما نعرف شتاهو، تبادل الكلام يقع في القلب موقعا أثقل من النظر، أقول، نصيحتي أن تبتعد عن الاختلاط العنكبوتي والهاتفي وسواه. وتعطي قلبك وقتا ليستريح مما كان فيه، ثمّ تملأه بحب الله ورسوله.
وبعدها ستعود إليك رغبة الزواج: كي تخوّي قلبك وراسك ووقتك من البنات، تولّي تحوّس على اللي تعمّر عليك حياتك. إن لم يكن لأجل العفة وإشباع الرغبة الجنسية، فمن أجل المودة والطمأنينة والمشاركة. والله أعلم!

 

[Andy_Delort]

/

هههه من اللطيف ان اقرا عنوان في عصرنا هذا ومن شاب يتمنى حياة سعيدة بدون ان تمون لديه علجية تكسر له رأسه صباح مساء .."

اضن اني ربما لدي نفس الفكرة مع لا افكر به ولا اريده ليس لسبب انه لدي وساوس او من ذاك القبيل لكن ان تظلم معك انسانة دون ان تبادلها مشاعر الحب .. فهذا امر حقيقة لا استطيع فعله ..


اما بشان ما يحصل معك .. افكارك يا ضديقي هي لفترة زمنية معينة فقط وسوف تزول مع الزمن وشوف تتلاشى بحكم القاعدة الانسانية وكينونة الانسان ... فهو عاجلا ام اجلا لا يستكيع ان يبقى عازب ان ادعى بان الزواج هو احط خطوات عدم نجاحه غي حياته او عدم جعله انسان حر مثقف لديه العديد من الافكار التي يريد تطبيقها على الواقع لكن يرى ان فكرة الزواج هي من ستحيله على تطبيقها ...

يوجد من تزوج فتاة لديه طموح وأفكار ما تجعل ذالك الانسان يكمل نجاحه وتطوره وتساعده على تحقيقها ... يوجد العديد من الرجال سبب نجاحهم امرأة ... لذالك حاول ان تفكر في الموضوع في وقته المناسب طالما هذا الوقت ليس الوقت الذي تراه مناسبا بالنسبة لك ...

وفقك الله "

 

[الفراشة الحساسة]

ايما دخلت هنا باه نريح راسي قريت منشورك
راسي راه يفور
متتزوجش اسيدي مدام راك مقتنع انت لاه تحوس الناس تقتنع بوش في بالك
مالا هكا راك حاب واحد يفهمك ويعاونك مالا راك حاب تتزوج
ڨع عندنا هذا التخمام لكن كل واحد وطريقتو
ونصيحة اختصر في الهدرة مرة اخرى

 

[الطيب الجزائري84]

يا أخي كيف يأتي الولد الصالح يدعو لنا يوم نفارق هذه الحياة