نتائج مسابقة أحلى سفرة

[السلطانة]

بعد اعلاننا عن مسابقة أجمل سفرة رمضانية في شهر رمضان التي شهدنا من خلالها موائدكم الطيبة ومشاركاتكم الرائعة نعلن اليوم عن نتائج المسابقة التي كانت كالتالي:




الأسبوع الأول:

مشاركة الأخت @أشــواق 19

مشاركتي في اجمل سفرة

صحا فطوركم واش راكم ان شاء الله راكم ملآح هدي {مشــآركتي الرمزية}في مسابقة اجمل[اجمل مائدة رمضــآنية] شربة سلطة طاجين الرخام حميس بورااك خبزز دار طاجين لحلو وهذي التحلية للسهرة

www.4algeria.com

الأسبوع الثاني:
مشاركة الأخ @Chicobustan

مشاركتى في مسابقة اجمل سفرة رمضانية

مشاركتي تكون بسيطة فانا من محبي التقاط الصور لا يهمني الفوز ما يهمني هو المشاركة في موضوع رمضاني ولو مرة واحدة لو كان لدي الوقت لساهمت في تنشيط المنتدي باختصار تقبلو مقدمتي وصح رمضانكم ربي يتقبل منا ومنكم وصح عيدكم مسبقا

www.4algeria.com

الأسبوع الثالث:
مشاركة الأخ @Skor m@k

مسابقة اجمل مائدة Skør m@k

بسم الله الرحمن الرحيم السلام عليكم هاه جينا في اخر النهارات تاع رمضان 😭 يقولك ان تصل متأخرا خير من ان لا تصل أبدا 💪🤪 هذي مائدتنا في رمضان انا ويما وبابا وخويا 😊😊😊 هذي شربة بيضاء تاع الجاج والبيض 😋😋 وهذي طبقي المفظل 😋😍 عسيت النهار حتى طيباتو باش صورت 😂😂 انه طجين حلو شويا فلفل مرقد 😐...

www.4algeria.com

الأسبوع الرابع:
مشاركة الأخ @HAMZA USMA

مشاركتي 2020 في مسابقة أجـمـل مائدة اليوم 30~ ♥HAMZA USMA♥

مشاركتي في... ♥ مسابقة أجمل مائدة رمضانية ♥ هادي أول مشاركة لي على اللإطلاق في ركن المطبخ نتمنى يعجبوكم نتمنى تعجبكم مائدتي المتواضعة صحا فطوركم ناس اللمة ♥ . . بسم الله نبداو بمائدة الإفطار أول شيء الشربة سلطانة المايدة البوراك بالداند معشوق الجماهير:D سلطة منوعة بطاطا وجلبانة ♥ وهادي...

www.4algeria.com

يتحصلون علئ وسام



كما نشكر الاختين

@Yasmina zahra

quěěŋ ŏŏŏŏf gříěf@


لمشاركاتهما ونهديهما وسام

بارك الله فيكم جميعا

 

[السلطانة]

مبارك للجميع ونعتذر عن التاخر في اعلان النتائج

 

[السلطانة]

مسابقة هذه السنة ميزها مشاركة الرجال مما احدث جو ظريف بوركتم

 

[Skor m@k]

السلام عليكم

حكمهم التفنيين هذا العام النساء هههه
يعطيك الصحة ختي السلطانة

 

[السلطانة]

السلام عليكم

حكمهم التفنيين هذا العام النساء هههه
يعطيك الصحة ختي السلطانة

طيرتوهالهم كامل هههه نشفئ وحد الوقت حزب النسا في اللمة يعاير في حزب الرجال ويقولهم حنا نشاركو كثر نظن عاد العكس ههه نشوف في شباب اللمة عادوا انشط

 

[إلياس]

الف مبروك الف مبروك للفائزين

 

[Soumia hadj mohammed]

مبارك للجميع
مشاركتي علاه نسيتوها ؟؟؟؟؟؟
نهار كومبلي ونا دايرة روطار لروحي فالكوزينة بالتصوير علا خاطر نشارك فالمسابقة

مشاركتي في مسابقة شيف اللمة

السلام عليكم ورحمة الله تعالى وبركاته اهلا وسهلا باعضاء و زوار منتدى اللمة الجزائرية كيف احوالكم راني في اسبوع كل يوم نقول نشارك وماصحتليش حتى لذرك هذه مشاركتي الرسمية في اجمل سفرة مطلوع حريرة فاصولياء خضرا سلطة Vol au vent برقوق قلب اللوز Mousse au chocolat مطلوع فرينة وسميد...

www.4algeria.com

​

 

[Soumia hadj mohammed]

السلام عليكم ورحمة الله تعالى وبركاته

اهلا وسهلا باعضاء و زوار منتدى اللمة الجزائرية كيف احوالكم


راني في اسبوع كل يوم نقول نشارك وماصحتليش حتى لذرك



هذه مشاركتي الرسمية في اجمل سفرة

مطلوع

حريرة

فاصولياء خضرا

سلطة

Vol au vent

برقوق

قلب اللوز

Mousse au chocolat

مطلوع

فرينة وسميد رطب رشة سكر وملح وخميرة الخبز وعجنته وقرصته وخليته يطلع

حريرة

نقلو اللحم ثم نضيف حبة بصل كبيرة مقطعة وثوم وحبة قورجات وجزرة والحار نخلوهم يتقلو ونضيف الطماطم حبة وملعقة كبيرى طماطم مصبرة وشوية قصبر

بعدما يتقلاو نمرق وحتى طيب الخضرة نرحيوها فالرحى اليدوية ونرجعها طيب لما تغلي غلوة نزيد التشيشة خشنة قيس سقاية ومعاها قصبر

ننقص عليها ونخليها تثقل على مهلها / القوام حسب ما تحبو لي يحبها خفيفة او ثقيلة عينك ميزانك مع وقت الطهي ومع كمية التشيشة / ولي جاتها خفيفة وتحبها تثاق شوي ممكن ضيف ملعقة فرينة

نحضرو الدرسة ومن الاحسن نحضروها هي الاولى

متكونة من طماطم مصبرة وقصبر مقطع قطع رفيعة هو والثوم مرحي وتوابل راس الحانوت وفلفل اسود وقرطوفة ونضيف عصرة ليمون وملعقة خل وكي يبقى ربع ساعة باش نطفو على الحريرة نضيفو الدرسة

فاصوليا خضرا

لحم وبصل وثوم ورند وقرفة وحبة جزر مقطعة دوائر نقلوهم مليح فالزيت وملعقة زبدة وملح وفلفل اسود ثم نمرق ونخلوها طيب فطنجرة الضغط على نار هادية

لين تولي لاصوص عاقدة ومليحة نضيفلها ملعقة صغيرة زبدة

سلطة

قمت بتحضر الارز في طنجرة الضغط كاس شاي ارز مع 3 من الماءوملح ونقصت النار لما طاب خليته برد وزدتله علبة تون تع زيت ومايونيز طلعتها بالبرا حبة بيض وزيت وعلى راس الموس موطارد وفص صغير ثوم وملح وشوي فلفل اسود

حطيت بجانب الارز سلطة وخيار وطماطم وشرائح الجزر ملفوفة

فول او فو

خدمت العجينة المورقة وطبعت دوائر واخرى مثل السوار وحطيتها عليها وخليتهم فالثلاجة يبردو ثم طيبتهم

الصوص : نص صدر دجاج مقطع مربعات وفطر وبصل وزيتون قليتهم مع بعض ثم ضفت ملح وفلفل اسود وكاس كبير ماء وملعقة موطارد وخليتها تثقل وزدتلها شوية جبن طاب معاها

ثم عمرت الحبات

يتبع

 

[Soumia hadj mohammed]

البرقوق

بصل خذت من الشط الاخضر الفاتح وقطعته قطع صغيرة / كمية قليقة جدا/ قليته فالزيدة وشوي زيت زدت برقوق ومشمش مجفف ، زبيب ، قرفة عود رند فانيليا واربع ملاعق كبار سكر وشوية ماء

قلب اللوز

4 اكواب صغااار من السميد / 3 متوسط وواحد خشيين/

كوب زيت ونص كوب زبيدة ذايبة خلطتهم فالسميدة

نضع كوبين من السكر مع كوب نصفه ماء ونصفه ماء الزهر ونميكسيهم مليييح ملييح بالبرا ثم نحط الخليط على السميد ونخلطهم مليح ونخليه يرتاح مدة ساعتين

نحضر الشاربات 2كوب سكر مع 4 ماء ونص كوب ماء الزهر وشريحة ليمون ونص عود قرفة كي يبدا يغلي نحسبلو 10 د ونطفي

بعدما يطيب قلب اللوز مباشرة نشرة بالماء زهر ةنسقيه بالشاربات ومن الافضل تحضيره باكرا على الاقل يبقى ست ساعات قبل التقديم

mousse au chocolat

الطبقة الاولى بسكويت بودواغ شربتو القهوة وستفتو فالبلا

الطبقة الثانية كريم شونتي مع علبة ياغورت فلان كراميل

الطبقة 3 حضرت لاموس ب 3 صفار بيض وزدتلو سيرو وطلعتهم ثم 100غ شوكولا سوداء ذايبة ثم كريم ليكيد طلعتها

وتخليها تبرد فالفريقو حتى تشد روحها

بالتوفيق للجميع
صح فطوركم
ربي يتقبل منا و منكم صالح الاعمال و القيام
اللهم بلغنا ليلة القدر

 

[السلطانة]

مبارك للجميع
مشاركتي علاه نسيتوها ؟؟؟؟؟؟
نهار كومبلي ونا دايرة روطار لروحي فالكوزينة بالتصوير علا خاطر نشارك فالمسابقة

مشاركتي في مسابقة شيف اللمة

السلام عليكم ورحمة الله تعالى وبركاته اهلا وسهلا باعضاء و زوار منتدى اللمة الجزائرية كيف احوالكم راني في اسبوع كل يوم نقول نشارك وماصحتليش حتى لذرك هذه مشاركتي الرسمية في اجمل سفرة مطلوع حريرة فاصولياء خضرا سلطة Vol au vent برقوق قلب اللوز Mousse au chocolat مطلوع فرينة وسميد...

www.4algeria.com

​

منسيناكش يابنتي ركزي مليح
مشاركتك في مسابقة الشاف لي طلبنا منكم اطباق مازال محطيناش النتائج
وهاذي مسابقة الطاولة فقط لي طلبنا فيها تصوير السفرة وليس الوصفات

 

[*amani*]

السلام عليكم
مبارك للجميع كانت مشاركات قيمة وشهية
بوركتم​

 

[جليلوس]

الف مبروك للفائزين
مشاركات شهية وقيمة هههه حرام عليكم شهيتونا هادا رمضان كلينا بعينينا
العام الجاي نديروه لايف خخخ ... ربي يطولنا في العمر ويلحقنا للعام الجاي ان شاء الله

 

[إلياس]

ان شاء الله اخي

 

[إلياس]

الف مبروك الف مبروك الف مبروك عقبال العام الجاي أن شاء الله نشوفها مباشر ههه كي نستطيع تقييم

 

[Soumia hadj mohammed]

منسيناكش يابنتي ركزي مليح
مشاركتك في مسابقة الشاف لي طلبنا منكم اطباق مازال محطيناش النتائج
وهاذي مسابقة الطاولة فقط لي طلبنا فيها تصوير السفرة وليس الوصفات

ايواااه لكان هيك
خاطر انا في بالي هديك نويتها على تع السفرة
على داك كي مالقيتهاش ستغربت
المهم
سامحونا
ويعطيكم الصحة تولموند ومبارك للفائزين

 

[السلطانة]

ايواااه لكان هيك
خاطر انا في بالي هديك نويتها على تع السفرة
على داك كي مالقيتهاش ستغربت
المهم
سامحونا
ويعطيكم الصحة تولموند ومبارك للفائزين

الظاهر انك كنتي صايمة واخلطتي بين المسابقتين
حصل خير

 

[البشير البشير]

ألف مبارك للمتسابقين الفائزين
هنيئا واحسنتم
كانت منافسة شرسة بين المتسابقين
على كل حال بارك الله فيهم​

 

[HAMZA USMA]

بوركتم
هههههه وصحا على الوسام
الف مبروووووووك للفائزين
وحظ اوفر للبقية​

 

[ريحـان]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ


الف مبروووووك لجميع المشاركين
يعطيكم الصحة و شكر جزيل للقائمين
دمتم .....​

 

[حفياد آدم]

مبارك للجميع ونعتذر عن التاخر في اعلان النتائج

السلام عليكم شكرا لكم على المجهودات وشكرا لكل الاعضاء ولا انسي المشرفات والمشرفين والادمن اشكركم علي مراقبة وتجاوب لنا تحياتي لكم
اما بالنسبة لردك سيدتي
يجب ان لا تعتذري فكلنا نعرف انك ام واجب علينا ان نقدر ظروفك الخاصة وشكرا كثيرا لك

ربّ أبعد عن كل أُم متاعب الدّنيا، ولا تذقها طعم الألم، ولا دموع الحزن، يا ربّ بحجمِ سمائِك السابعة أرح قلبها، وأسعدها واحفظها .