مشكلتي تعبت

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم اخوتي في الله عساكم بخير اما بعد علها مجرد فضفضة مني لكم لأني لم اجد من اشاركه ما في جوفي وأرجو منكم الدعاء بالفرج
بداية انا فتاة عندي 22 سنة من عائلة متوسطة الدخل ابي حفظه الله هو المعيل الوحيد نحن 5 إخوة ولكم ان تتخيلو حجم المصاريف انا طالبة سنة اولى ماستر اي انا اكبرهم وبحكم ذيق المنزل لاتوجد خصوصية مثلا حاليا فترة اختبارات لايوجد حتى مكان للدراسة
لا اعلم لماذا صار الوضع هذا يذايقني جدااا حتى اني حاولت البحث عن العمل لعل وعسى أستطيع بذلك المساعدة ولو قليل لكن هيهات والمشكل ان الكل هاز علينا نظرة انو ابي موش كافينا وهو مسكين 5 ياكلو في راسو الحمد لله على كل حال لكنها كلمات مزعجة أي شخص من العائلة يشوفني الكلمات الأكثر تداول اقراي باه تعيني باباك مسكين وكأني انتظر منهم النصح او ارشادي عن ما يجب عليا فعله تصورو حتى لابورس ياناس مبلغ بسيط وكل 4 اشهر عينيك يخرجو باه تشوفها ويدخلو فيها علاه ماتشريش بيها حاجة لداركم باباك ماعندوش للعلم ماناش فقراء للحد الذي لا نملك ما نأكله الحمد لله كيما ناس وخير من ناس والله وليت نخاف نشري حاجة ليا مانكذبوش على رواحنا هذا الوقت لي الواحد يحب يلبس ويمتع روحو خاصة حنا لبنات لكن انا اذا جيت نشري حاجة ليا رجع ضميري يأنبني وكأني اقوم بجريمة للعلم حتى واذا حبيت نعاون بيها ابي في المصروف رح يرفض رفض قطعي ويزعف مني ااااه ماعلى باليش اذا قدرت نوصل الفكرة ضف إلى ذلك انا جاية بزاف انطوائية ومنعزلة وكتومة وكلش نرجعو لقلبي لهذا وليت بزااااف خفيفة ابسط شيء ينرفزني مثلا ايضا يشوفو بلي لازم نتزوجو باه الوالد يرتاح المشكل انو الوالد في حياتو ما شكالهم لا أدري ما الذي يدفعهم لهذه الاقوال وحتى انا بت أريد شخصا مقتدر ماليا واكيد بعد ان يكون إنسان متخلق زبدة الحديث اود منكم الدعاء لنا بالفرج والتيسير ولكم بالمثل ان شاء الله
 
هواري بومدين.، تم حظره "حظر دائم". السبب: مخالفة القوانين / التعدي على فرد من الطاقم الإداري
سلام عليكم
ربي يفرج عليك و يفتح عليك م يرزقك بولد حلال ان شاء لله و يخليلك باباك تاج فوق راسك
شوفي ختي صغيرة بحكم اكبر منكي سنا و كبير ربي سبحانو
1- لبسي على حسابك ختي لعزيزة لا يكلف الله نفسا الا وسعها
2- معليش حتى و ديق فالمنزل متعييش و متكرهيش ختي واصلي و كملي قرايتك
3- مدام نتوما 5 ولاد بسلامتكم لازم خوتك شاشرة يروحو يخدمو و يعاونو باباك لازم حتى و يقارو يخدمو بالجمعة و السبت انا نتدكر كنت فالسن 15 و كنت نخدم نبيع حديد .... الخ
4- متديريش على هدرت ناس و و و ... لي ماهو ليك غير يعييك ختي تبفي تبعي فالغاشي تهبلي من راسك انا نقولك سيغتو مع شعبنا هادا
5- متكونكش كتومة و ترجعي كلش لقلبك لا لا هادي غلطة كبيرة هاكا يحكمك انفصام الشخصية الله يعافيك و يعافي جميع امت محمد فرغي قلبك رانا لهنا رانا خوت نسمعولك نعاونك ماديا ادا تطلب امر و الله مكان حتى مشكل راكي ختنا اما ربي ....
ان شاء لله نكون متقلتش عليكم
الى لقاء ...
 
السلام عليكم اختي
نقرا في كلامك و نتفكر صغري سبحان الله و شكون اللي ما عاشش هذي الازمة خصوصا جيل الثمانينات و التسعينات الاخوة بزاف الاب يا حليل و الخدمة ما كانش
و كيما قلت احنا كنّا في اربعة جامعيين و وخالاتي و عماتي يحسبونا في لابوغس هههه حتى وحدة قالتنا بيها نشرو طونوبيل لخونا يفرودي بيها لبستنا على قد الحال واش لبسنا مقطع و مرقع مع العلم كنّا في خمس بنات و طفل واحد ما نقولكش واش بهدلو يما على كثرة الاولاد و عايروها لكن الحمد لله عدات هذي الازمة و بقات غير الذكريات تغلبنا على هذي الازمة بزوج حوايج
1. الضحك نعم اختي دارنا مقلبة بالضحك المقالب الهراش حكايات الدراسة الخوف من الوالد نردوه ضحك و صحيح كنّا جابدين ارواحنا عالناس لكن مع بعض نخرجو كل اللي في قلوبنا و كل هذا بفضل الوالدة ربي يحفضهالنا نفسها جد جد جد مرحة
2. عدم تفريطنا في دراستنا و ديننا و ذلك توفيق من الله سبحانه و تعالى و الآن رانا 3 صيادلة و طبيبة و طبيبة أسنان و أستاذة علوم و الحمد لله كل العائلة اللي كانو يضحكو علينا و على لبستنا اللي يحصل فيهم يقصدنا زواج دين تجارة الحمد لله بخيرنا و خنارنا كيما يقولو و هذا من فضل ربي و ربي يرزق كل محتاج
الصبر اختي و افتحي قلبك لعائلتك و خصوصا امك هم من سيفهمك و يزيل همك
سلام
 
ما اكثر الناس اللي تدخل في شؤون الاخرين
و ما اكثر الناس اللي حاسبة روحها فاهمة كلش في مجتمعنا

هته الحالة اللي راكي تحكي عليها موجودة في جيهتنا الى درجة لوكان نعطيك مثال
راح تتخلعي ـ حنا عندنا يدخلوا رواحهم في كلش حتى بين المرء و زوجه

و انا شخصيا عانيت من الامر و مازلت ـ يعني كاين ناس وقحة

الحل لازم تكوني ألمانية عملي روحك ماكيش فاهمة حلاص واش راهم يطحنو
عيشي حياتك كيما تحبي و كيما راكي متفاهمة مع باباك و امك و اخوانك
الباقي مجرد كلام كيما قالها جورج وسوف هههههه كلامك الناس
لا بقدم و لا يأخر ـ كلام الناس ملامة و غيرة مش اكثر هههههه

المهم ما تعمريش راسك و اذا قدرتي ما تسمعيش ليهم و ما تعطيهم فرصة
باش يكلموك كلام يسمم بدنك او يزعجك ـ ركزي في قرايتك و في حياتك
و مع والديك و دينك
فأغلب المنتقدين هم غيورين لابسين لباس النصح و الوعظ في قلوبهم كبت عليكم
حابين يزعجوك ـ لازم تطيشي كلام و تضربيه عرض الحائط
و فكري باش تنجحي و توكلي على ربي و خلي ربي هو وكيلك في كل شيء


ربي يسعدكم سعادة الدارين اخيتي
 
عليك بالصبر و التحلي به و الدعاء لله أن شاء الله ستفرج خاصة في جوف الليل
 
وعليكم السلام ورحمة الله وبركاته
كلش يفوت اختي العزيزة
هاذو الناس متتدخليهمش في راسك تعلمي متتاثزيش بهدرتهم
ان شاءالله ربي يفرج عليكم ويوفقك ويرزقك من حسث لاتحتسبي.
 
حنا في دزاير وشعبنا هدا هو فارغ شغل اي حاجة يدخل روحو فيها الله غالب جايين هكا
مالا ماعلبالك بحتى واحد وزيد كي تجيك دراهم وحابة تشري لبسة اشري يا اختي وين مشكل رانا بنات ونفهمو بعض نموت على لبسة و الموضة ههههه مالا ديري رايك مهم والديك راضيين عليك طيشي عليك تفاهات لانو سكوت عن الأحمق جوابه
اما حكاية راكي تردي قلبك وتعبانة أصلا مكانش مشكل من الأساس باش تغمي روحك راهم غير يهدرو وخليهم يعطوك حسنات وكلي عليهم ربي وعيشي حياتك مهم في مايرضي الله والوالدين
ديري شعار لحياتك الكلاب تنبح والقافلة تسير 😎
 
السلام عليكم اولا اسمحيلي لأنو ردي راح يكون قاسي عليك
قبل لا تشوفي وضعك قارنب روحك مش بالي خير منك بل اللي ادنى مستوى منك والديك حيين غيرك محرومين راكي ماشاء الله فالجامعة لخرى فالدار تحرمن من دراسة الضبق ومشكل سكن راه عند كل عائلات وقلت ماناش خير من ناس وماناش اقل من نلس يعني حمد لله ..نروحو لكلام الناس او عايلة او جيران رجعتي ما تحمليش اللي ينصحك او اللي يقولك اقراب وعوضي اهلك أو اتزوجي وفرجؤ على والديك علبالك علاه ما تحنليش هدرة هذي خاطر فاعماقك مش متقبلة وضعكمانت تحسي انو انت مسؤولة لازم تقراي وتخدمي علبهم ولازم تتزوجي وتفرجي عليهم وتشوفي انو ناس كي يقلولك هاكا راهم يهينو فبك العكس يا اختي اللي ينبه فيك انجحي وعوضي باباك معناها يشجعو فيك تخرجيهم من وضع تولي بشهادتك تخرجي اسرتك من وضع علاه ديتيها بحساسية ما وليتيش خفيفة انت راكي مش قابلة وضعكم ومخبية حتى على روحك انك نافرة من معيشة هذي وتقولي دراهم لابورص يتلمو لو نشري يلوموني انا فبالي ضميري مة يخلبنيش نظي دراهم لابورس نشري صالك او روبا او حاجة مش ضرورية. ونتفرج فبابا دراهمك وحقك مي هوما عندهم الف حق عندك وملاير الدراهم ما توفيش ربع تعبهم ...انا ننصحك اوصلي لقناعة بواش اعطاكم ربي وقناهة انو مهم رباوك احسن تربية ووصلتي لةين واصلة بفضلهم راح تكسبي قوة كبيرة تحبي داركم لو كانت براكة لانو جو عائلي فأفخم الفلل مكاش. ..فالاخير ربي يفرج عليكم وعلينا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top