كرامة الأستاذ خط أحمر !!

جليلوس

:: طاقم عمل اللمة الجزائرية ::
طاقم العمل
إنضم
4 جوان 2013
المشاركات
8,075
نقاط التفاعل
21,720
النقاط
1,556
محل الإقامة
في وحد البلاصة ...
الجنس
ذكر
السلام عليكم
اظن اننا في بلد اسمه الجزائر
بلد الديمقراطية وحرية التعبير
بلد المليون ونصف المليون شهيد
الكل سواسية في هذا البلد

مطالب الأساتذة خيالية و غير عقلانية !!!
أيادي خارجية تحاول ضرب استقرار البلاد و تعكير مناخ الجزائر الجديدة؟؟!!
هذا كلام يصدر عن شخص راتبه ستون مليون سنتيم !!!

لا يدفع كراء مقيم في نادي الصنوبر ...

لا يعنيه أمر النقل فسيارات الدولة تحت تصرفه ...

كهرباء ماء غاز هاتف مجاني ...

ما لذ و طاب من الأكل و الفواكه مجانا ...

تذاكر الطائرة مجانية ...

دون الامتيازات التي يحصل عليها هو و عائلته

لما يحتج القاضي في 24 ساعة يتم الاستجابة له لأن السلطة في حاجة إلى تلك المطرقة في يده !!

لما يضرب عون الحماية المدنية في 24 ساعة يتم ارسال ممثلا الوظيف العمومي لمناقشة المطالب لان السلطة في حاجة الى سيارة اسعاف عند تنقل المسؤولين في كورتاج

لكن عندما يضرب الاستاذ فهو طماع و انتهازي !!!

الأستاذ لما يتنقل إلى المناطق المعزولة فالفرود و في الجرارات و العربات الفلاحية و حتى على ظهور الدواب حتى واحد ما يشوفو ؟!

لما يعاني الأستاذ وحدو مع تلاميذ الابتدائي الى غاية يديهم للمرحاض و يخدم هو دور المرافق الاجتماعي حتى واحد ما يشوفو
لما يوفر من جيبه المطبوعات و الوسائل البيداغوجية حتى واحد ما يعوضو

لما يخدم الاستاذ سنوات دون الحصول على عطل تليق به حتى واحد ما يستعرف بيه

لما يخدم الاستاذ سنوات و سنوات ليحقق حلم اقتناء سيارة

الأستاذ حياتو كامل يحلم بالسكن والله مايشوفوا الاجتماعي ومايطيرلوش!!!!

لما تتعرض الاستاذات للتحرش حتى واحد ما يسمع بهن!!

لما يهان الاستاذ و يصل الحد للضرب لا أحد يتضامن معاه!!

يتهمو الأستاذ بالجشع فالدروس الخصوصية و أغلب خريجي الجامعات يمارسونها؟!

نعم فلا حاجة لسلطة بالأستاذ لأن أولاد المسؤولين يدرسون في الخارج و أقلهم يدرس في ثانوية الكسندر دوما التي تعتمد المنهج الفرنسي !!!!!

انتظر اساتذة اللمة وكل شخص عنده الانفة يواجهني ويقول عكس ما جئت به
ارحموا المعلم و الاستاذ مطالبه ليست بخيالية كما يعتقد البعض ارحموناااااا

ما رأيكم بعد ما رأيتموه من اضرابات واحتجاجات
اترك لكم الخط

#كرامة_الأستاذ_خط_أحمر
 
راحت كرامة الاستاذ في وقتنا الحالي من جهة السلطات الوصية و من جهة اخرى مع تلاميذ و التعليم والله راني في ميدان و الله واش نقولكم
مرة من مرات احد تلاميذي لم اقم له باعادة الفرص له هددني بالقتل و بدا يهدد امام الإدارة و جاءني المراقب العام قالي معندك مادير عواد ليه و خلاص و فعلت ذلك مع العلم دائما التغيب هذا التلميذ و هو الحد الان مازال غياب و لكن هذه مرة حلفت في نفس لم اعد له لي يصرا و لي يصرا و واجهت اخوه كبير بذلك قال تخيلوا خوك
زيد بالإضافة لي التهميش الذي يعاني منه الاستاذ في كل الميادين
ولي رجعة مرة أخرى ان شاء الله للموضوع.
 
راحت كرامة الاستاذ في وقتنا الحالي من جهة السلطات الوصية و من جهة اخرى مع تلاميذ و التعليم والله راني في ميدان و الله واش نقولكم
مرة من مرات احد تلاميذي لم اقم له باعادة الفرص له هددني بالقتل و بدا يهدد امام الإدارة و جاءني المراقب العام قالي معندك مادير عواد ليه و خلاص و فعلت ذلك مع العلم دائما التغيب هذا التلميذ و هو الحد الان مازال غياب و لكن هذه مرة حلفت في نفس لم اعد له لي يصرا و لي يصرا و واجهت اخوه كبير بذلك قال تخيلوا خوك
زيد بالإضافة لي التهميش الذي يعاني منه الاستاذ في كل الميادين
ولي رجعة مرة أخرى ان شاء الله للموضوع.

يالطيف لا حول ولا قوة الا بالله
يا اخي هذا الجيل تخاف منه
لا يتربى ولا يتعلم الا من رحم ربي

نحن نعاني في صمت لا الوزارة الوصية تستجيب ولا الاولياء ولا التلاميذ يمتون بالتعليم بصلة

ربي يجيب العواقب سليمة
مرحبا بيك في اي وقت
 
للأسف واقع نعيشه والله فكرتني في خويا أستاذ مسكين راهو يسوفري ماحبوش يحولوه ولايتنا لي هي الجلفة عندو اكثر من سبع سنوات يعاني حتى راه حاب يبطل هاد خدمة غير ماما وبابا يكورجو فيه وماخلاوهش ربي يفرج عليه صايم رمضان بعيد علينا 😟
 
للأسف واقع نعيشه والله فكرتني في خويا أستاذ مسكين راهو يسوفري ماحبوش يحولوه ولايتنا لي هي الجلفة عندو اكثر من سبع سنوات يعاني حتى راه حاب يبطل هاد خدمة غير ماما وبابا يكورجو فيه وماخلاوهش ربي يفرج عليه صايم رمضان بعيد علينا 😟

واقع مرير اعيشه واغلب الاساتذة في بلادنا
شهريتك تروح طرونسبور وعلى القسم والتلاميذ والديونات لي ماتكملش ياختي ربي يفرج عليه هي صح مكاش لي لقاها كيما بغاها بصح في هاد البلاد يكرهوك في قشك قسمبله مايبطل ماوالوا مادامه ياكل الخبز بعرق جبينه ربي محال يخليه ولا يخيبوا يزيد يصبر ويدير الحركة وان شاء الله تفرج
 
تبا لجزائر جديدة يهان فيها (المعلم المربي المثقف) وينعم فيها الجاهل العبي الساقط بما يريد وبما يحب ، وعندما يطالب فيها بحقه لا اكثر يصبح متهم بضرب الاستقرار ولا يحب البلاد و يريد فيها الفساد ، لم اعد إفهم شيئا يا بني لم اعد إفهم شيئا يا بني ، هذه الحكومة ضد الله و دينه فكل ما امرنا به الرسول او اوصى به إلا وكانوا له محاربون ، و معرضون ، يزعمون انهم يحبون الخير للبلاد و لكن هم صادقون فهم يحبون ( قوس النضر) و برج أيفل ، فهم اخبث من سابقيهم نحن لا ننتظر منكم جزاء و لا شكورا، ولكن نطالب بحقنا وكفى الله المؤمنين شر القتال ، حسبنا الله فيكم ، جزائركم الجديدة تشبه لحد كبير المدينة الفاضلة، فنحن الاساتدة لا مقام لنا عندكم ولكن لن نرجع وان نسكت
 
وعليكم السلام
والله عندك الحق في كل كلمة قلتها
انا نشوف انو الاستاذ وخاصة تاع الابتدائي اكبر محڨور في العالم
الدولة مهمشة فيهم لواحد الدرجة راسك يحبس الله المستعان ربي يجيب الخير أن شاء الله
 
وعليكم السلام
والله عندك الحق في كل كلمة قلتها
انا نشوف انو الاستاذ وخاصة تاع الابتدائي اكبر محڨور في العالم
الدولة مهمشة فيهم لواحد الدرجة راسك يحبس الله المستعان ربي يجيب الخير أن شاء الله
الولي يتحيز لإبنه أو ابنته سواء كان الأستاذ على حق أو لا.
 
وعليكم السلام
والله عندك الحق في كل كلمة قلتها
انا نشوف انو الاستاذ وخاصة تاع الابتدائي اكبر محڨور في العالم
الدولة مهمشة فيهم لواحد الدرجة راسك يحبس الله المستعان ربي يجيب الخير أن شاء الله

والله عندك الحق
رانا نعانيو في صمت وتغلط معا ولادهم تخلص دوبلي ... ربي يصلح حوالنا ياااارب
شكرا لتواجدك
 
الولي يتحيز لإبنه أو ابنته سواء كان الأستاذ على حق أو لا.

اكيد معا ولادهم ولا مظلومين
ربي يفرج ان شاء
 
اصلا في بلدي الحبيب يريدون اذلال كرامة الاستاذ موضوع في الصميم بارك الله فيك.
كاد المعلم أن يكون رسولاً
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top