غراتان روعة بطريقة سهلة

[حفياد آدم]

غراتان روعة بطريقة سهلة
طريقة التحضير
أولا نقطع البطاطا على شكل مكعبات و نقليها و من جهة اخرى في مقلاة ندير كمية من الزيت و نزيد حبة بصل متوسطة مقطعة رقيق و زوج رؤوس فلفل حار و نقليهم جيدا ثم نضيف اللحم المفروم و نقلي جيدا ثم نرحي زوج حبات طماطم كبار و نضيفهم و نخلط جيدا ثم نضيف التوابل لي هوما فلفل أكحل و فلفل أحمر حلو و حار حسب الرغبة و ملعقة صغيرة طماطم مصبرة و رشة راس الحانوت و 4 فصوص ثوم و نخلط جيدا ثم نضيف زيتون اخضر مقطع و نضيف الملح و نخلط جيدا و نخليها طيب حتى تنشف تقريبا من جهة اخرى نحضر لاصوص تاعي ندير 5 حبات بيض مع 2 علب كرام فراش و نزيد فرماج طري و فلفل أكحل و كمية من الدبشة او معدنوس و بعد نخلط جميع المكونات الشكشوكة و البطاطا و لاصوص و نديرهم في مول و ندخلهم للفرن كي طيب من تحت نزيد نحمرها من فوق و بالصحة و العافية

 

[ذكريات]

تبدو لذيذة من المكونات نتاعها، ولكن ماعرفتش واسم هي الدبشة؟ وهل يمكن إستبدال الكريم فراش باليايورت الطبيعي؟

 

[حفياد آدم]

تبدو لذيذة من المكونات نتاعها، ولكن ماعرفتش واسم هي الدبشة؟ وهل يمكن إستبدال الكريم فراش باليايورت الطبيعي؟

الدبشة هي الكوسبر
كرام فراش ولايورت يكون لايت ممكن تصلح اذا كان لايت طبيعي يصلح مش حلو