استفساراتكم حول التعليم الابتدائي

[السلطانة]

لدي أخي الصغير وهو من ذوي صعوبات التعلم يعاني من التشتت السريع و عدم القدرة على الكتابة الحروف بشكل سليم حاليا هو في السنة الثانية لكن بعد مناقشة طويلة مع الأساتذة اتخذنا قرار الاعادة لانه غير مؤهل للسنة الثالثة وقد بدأ بالفعل النقل من الصبورة في اخر العام فقط بما تنصحيننا اختي في هذه الحالة وعلى ماذا نركز لاننا حاولنا ملئ العطلة بنشاطات مثل رسم الخطوط والتلوين والكتابة الى ان الامر لم يلحظ تحسنا كبيرا

ربي يحفظه ان شاءالله
أفضل مافعلتم هو اعادة السنة لكي يعيد الحروف
متضغطوش عليه إن شاء الله مع معلمو او معلمتو الجديدة يستدرك
كاين تلاميذ يتأخر عندهم التعلم لكن يلتحقو
قرات عندي تلميذة سنة اولى والو متعلمتو
عندها صعوبات التعلم ومعندهاش القدرة على الكتابة
درت معاها كلش والو
في السنة الثانية جبت معاها فصل وانا نجبد ونشجع
لقيتها عادت تكتب مع السطر واستوعبت الحروف ماخلاص العام رجعت تقرا نصوص القراءة
بطريقة صحيحة وفاتت بعض التلاميذ لي كانو يبانو احسن منها
وانا مفشلتش معاها ركزت على تشجيعها ورجعتها تحبني
بقات عندها صعوبات التعلم في الرياضيات الله غالب متستوعبهاش وهاكاك عندي أمل انها تتحسن
لما كنا في مناقشة مع الاستاذات
كاين لي قالولي عاوديلها السنة افضل
لأنها تعبتك في السنة الثالثة
قلتلهم مش قضية تغبني ولاتتعبني
قضية قصة كفاح وطفلة بالرغم من واش عندها كانت عندها رغبة كبيرة في التعلم
يعني تجي الصباح فرحانة باه تقرا عندي وهذا خلاها تنجح
واكتسبت القراءة والكتابة
بالنسبة ليا دارت إنجاز كبير
أهم من الرياضيات
حتى انها لما دارتلها الدروس الخصوصية زادت ندبتلها ومتحبش تقرا عند معلمة الدروس الخصوصية في الأخير قالتلي امها استسلمت بنتي تبعيها انتي خير يعني هاذي راه بعد مقرات سنة اولى ومكانش نتيجة

المهم حكيتلك باه تتفائلي اختي لعزيزة
اخوك يقدر يتعلم باذن الله

 

[السلطانة]

بارك الله فيك على فتح هذه المساحة المفيدة
جعلها الله في ميزان حسناتك
وربي يسهلك أمورك ويرزقك لي في بالك

آمين يارب الله يحفظك حبيبتي
لاتبخلي علينا بمساعدتك
فقد كنت معلمة من قبل

 

[السلطانة]

 

[السلطانة]

 

[الامين محمد]

و الله مساحة قيمة و مفيدة جدا
خاصة المرفقات الجاهزة للعمل

بارك الله فيكم سلطانة اللمة

 

[آمِيْرَتُه]

اللهم امين اجمعين
راح نرجع ليك لاني درست ثلاث سنوات تحضيري ان شاء الله

ممكن تفيدنا لأن أول مرة راح نقري تحضيري + ولدي تاني راح يدخل إن شاء الله

 

[آمِيْرَتُه]

مشكورة على هذه المساحة
ربي يفرج عليك حبيبتي

 

[السلطانة]

لاتبخلي علينا بخبرتك
أستاذة
@آمِيْرَتُه

 

[إلياس]

ممكن تفيدنا لأن أول مرة راح نقري تحضيري + ولدي تاني راح يدخل إن شاء الله

لا يوجد مشكل انصحك هناك صفحة عبر النت اكتب اتابعاها في ثلاث سنوات استفدت منها كثيرا اسم ادم ادما

 

[السلطانة]

@آمِيْرَتُه
التحضيري نحسو متعب
قسمي كان مشترك مع أستاذة التحضيري
نروح مرات قبل الوقت
نلقاها خارجة من عقلها

بصح لي لاحظتو برنامج التحضيري مشارجي بزاف

الأستاذة لي معايا عندها اكثر من عشرين عام خدمة
تبسطلهم بزاف وتركز على الانضباط ومسكة القلم
دايرتلهم كراس القسم
علمتهم الحروف ويكتبوهم
ويخدمو في دفاتر الأنشطة تاعهم
ويلونو بزاف عليهم

صح تتهناي من الاختبارات والتصحيح
لكن عندك ورقة المتابعة

بصح يتحركو بزاف
هههه أنا منشتيش نقريهم

ربي يوفقك ان شاء الله

 

[إلياس]

@آمِيْرَتُه
التحضيري نحسو متعب
قسمي كان مشترك مع أستاذة التحضيري
نروح مرات قبل الوقت
نلقاها خارجة من عقلها

بصح لي لاحظتو برنامج التحضيري مشارجي بزاف

الأستاذة لي معايا عندها اكثر من عشرين عام خدمة
تبسطلهم بزاف وتركز على الانضباط ومسكة القلم
دايرتلهم كراس القسم
علمتهم الحروف ويكتبوهم
ويخدمو في دفاتر الأنشطة تاعهم
ويلونو بزاف عليهم

صح تتهناي من الاختبارات والتصحيح
لكن عندك ورقة المتابعة

بصح يتحركو بزاف
هههه أنا منشتيش نقريهم

ربي يوفقك ان شاء الله

اوافقك الراي اختي السلطانة لكن رائعة و هايلة معاهم والله خدمت العام الاول و الثاني روعة و الحمد لله جابت نتيجة هم متوفقين في دراستهم بشهادة استاذتهم لي يدرسوا فيهم و والديهم و اما العام الثالث هرج كرهت الخدمة معامهم متوحشين ههههه