الدونات ساهلين

[Oktavio_hinda]

البارح جربت دونات ساااااهلين حطهم الشاف غانو

وحبيت نشارككم الوصفة ساهلة وبنينة وتحضريها وقت قصير

المقادير

كاس حليب

2 ملاعق زبدة

2 حبات بيض

3 معارف سكر

ملعقة خميرة الخبز

كيس خميرة الحلوة

نصف ملعقة ملح

وفرينة باش نلم العجينة

التحضير

نسخن الحليب تحط فيه الزبدة ونضيف السكر ونحرك مليح ونضيفخميرة الخبز والبيض نخلط مليح ثم نضيف الفرينة تدريجيا والملح وخميرة الحلويات حتى نتحصل على عجينة طرية وتلتصق باليد
نغطيها ونخليها تخمر

ترجعلها بعد نص ساعة نحلها ونقطع دوائر كما في الصورة

بعدها نغطيها وقت مانحضر الزيت يسخن نبدا نقليهم حتى يحمارو بعدها ذري عليهم السكر

أو الشيكولا أو الطلية نتي وواش عندك فدار

الطلية عبارة على سكر ڤلاص والقليل من الحليب وضيفيلهم أو معطر ملون

وشهية طيبة

​

 

[ام أمينة]

يعطيك الصحة
وصفة شهية و يجو خفاف و يحبوهم كامل
​

 

[Oktavio_hinda]

يعطيك الصحة
وصفة شهية و يجو خفاف و يحبوهم كامل
​

الله يسلمك
وزيد مايشربوش الزيت يجو ناشفين من داخل
جربيهم أم أمينة والله ساهلين في رمشة عين يوجدو​

 

[ام أمينة]

الله يسلمك
وزيد مايشربوش الزيت يجو ناشفين من داخل
جربيهم أم أمينة والله ساهلين في رمشة عين يوجدو​

موالفة نديرهم
و السكر نزيدلو رشة قرفة يعطيها ذوق مميز
شكرا لكِ ​

 

[Oktavio_hinda]

موالفة نديرهم
و السكر نزيدلو رشة قرفة يعطيها ذوق مميز
شكرا لكِ ​

هاذ شي تعرفي ديريهم و زيييييد بالقرفة والسكر ههههه حرام عليك وساااكتا وانا نشرح ونزوخ ههههه امزح عزيزتي علابالي شااااطرة
هاذ الوصفات مكاش وحدة ماتعرفهمش برك كي ننشروهم الوحدة تتفكر ديرهم​

 

[إلياس]

سلمت يمناك على الطرح القيم