همي مع الجامعة

[المشوار]

بسم الله الرحمن الرحيم



والله يا جماعة مانيش عارف بواش نبدأ موضوعي بصح راني عنفرغ واش في قلبي الكل

ونبدأ موضوعي بالحالة اللي وصلتها جامعاتنا عبر القطر الوطني وأبشع شيئ السبوطاج في كل بلاصة من الادارة من الدكاترة والاساتذة اللي يقرو فيك والله العام الاول التاعي تاع الجاعة قريب نخرج من عقلي وتخيل راني مانيش في ولايتي راني بعيد تقريبا 500كلم على الدار والعايلة باللشهرين وحاجة مانشوفش الدار وفي اخر العام نبلوكي العام ويروحلي العام دمار في دمار

وهذا الكل من جال الدكاترة اللي الله لا يسامحهم ربي أذا تمادو في طغيانهم والله رأت عيني منهم ما لم تراه اعين

درك نقوللكم على اكبر مشكل سراتلي باش تحطمت آمالي بلوكيت العام على جالها وهي انني عملت أنا وأثنين من صحابي بحث والله ماتصدقو شحال تعبت عليه والخسارة مانحكيش والله وربي يعلم بحث بالميكرو مخدوم بسعر62000 سنتيم وماصلحشي عاودناه وخدمناه بيدينا وتصدقو ووالله اكثر واحد جريت عليه في صحابي المهم بعد ماقدمناه ونهار اللي جو باش يعطونا نقاط التيدي تعرفو شحا أعطاني في الافيشاج تاع التيدي .............


...


....


...


....

....

0000000000000000000000000000000000
000000000000000000000000000000000
000000000000000000000000000000000000
0000000000000000000000000000000000000
00000000000000000000000000000


أيه والله كيما شفتو

وعدت اخر العام نحوس عليه من بلاصا لبلاصا ومالقيتوش بعد سمانا لقيت مسؤول القسم قالي أرواح كلمو بالتليفون رحت قتلو الشيخ راك ماحطيتليش النقطة بالاك راك نسيت درتلي صفر


قالي راك ماجبتوش يا سيدي البحث

قتلي كيفاش اسمي انا اللي كاتبو بيديا اسمي في الوسط

قالي لا ماكانش كاين أثنين ومازلت نحدث فيه كوبا في وجهي ......................
وأمبعد بعد ماجاء للجامعة منالسفر حاولتو يا دكتور يا دكتور هات البحث نشوفوه وكي نلقى
اسمي مافيشي والله حذاك نرفد الكابا ونروح البلاد ونزيد نجي خلاص وتصدقو والله العضيم

والله العظيم والله العظيم انه لو اعطاني في البحث نقطة 8.00 ننجح ونروح للدار

المهم جاوه صحابي وقالولو باللي راهو خدم معانا البحث قاللهم خلاص الحديث ماشي معايا صايي

المهم لأول مرة في حياتي احسست الذل وخارج ولايتي لأجل ماذا لأجل الدراسة والشهادة التي سارميها في المنزل وأجلس تحت الحيط ....حيطيست .....

يعني ماعندي مانكمل شيئ عجيب والله مايعملو اللي عندو الماجيستير والله يعملو الدكتور

للأسف طاحو الكل من عينيا وقريب المرال تاع الدراسة طاحلي الكل
وفي الأخير قررت اني نبدل من هاذيك الولاية ماشي في ناسها والله ناسها روعة mais الدمار تاع الجامعة دار رايو وانا نضن ان تقريبا جامعات الدزاير الكل كيف كيف





هيا خلاص زودت التنقريد عليكم هيا انتم كاشماعندكم راي اخر مخالف

​

 

[حفيد هواري بومدين]

لي قلتيه كامل صحيح
اخويا يعطيك الصحة

 

[coool]

قوووووووووووووول همنا مع الجامعة

 

[xsxsx]

خويا رانا كامل نعاني من مشاكل الدكاترا في الجامعات

الله يكون في العون

 

[الغامضة]

نفس المشكل في كل الجامعات يا اخي ماتكسرش راسك بزاف

ولكن حذاري من الياس والاستسلام

العيب موش في الولاية اللي رحتلها العيب في عقلية الجزائريين اللي زعم مثقفين ويمثلوا النخبة في الوطن

لاحياة مع اليأس ....اما الدكاترة ربي يهديهم او يديهم , نعرف واحد فاميلتي اقصاوه لمدة عامين بلاسبب

علابالك كون جات وحدة بابيشة في بلاصتك تدي العام بسهوووولة والفاهم يفهم

 

[mohamed ali 1992]

اللهم خرب بيوتهم رأسا على عقب

ولا تخف أخي لن يرو طعم الحياة والسعادة في حياتهم

الدنيا هذه مصالح مكان حتى شي حاجة أخرى

بصح كاين ربي فوق الجميع

أرحمو من في الأرض يرحمكم من في السماء

لكن لا للاستسلام واليأس


اجعل لنفسك نقطة بداية جديدة وتحول من مرحلة لأخرى


(وقل اعملوا فسيرى الله عملكم ورسوله والمؤمنون...)

ربي يوفقك أخي الى مايحبه الله ويرضاه

وربي يوفقنا ويوفق الحميع


قال رسول الله صلى الله عليه وسلم

من غشنا فليس منا


​

 

[سوار]

خويا والله ما تقلق روحك راهي par tous الي ما عندوش لكتاف و الاورو ما عادش يعيش الله غالب واش راح دير كمل بلي جا وكان على الحطيست حاكمينها كل اذا كان بالديبلوم والا بلا بيه
ربي معاك نشاء الله

 

[POLIYANA]

Hadi hiya lhala faljami3at ta3 ljazayar kamal3 ki dina lbac golna thanina w tal3in laljami3a basah ki tla3na karholna hyatna man had echi li ydiro fih .wach ndiro lazam nasbro w n3adiw la3wam ta3na kima jaw.ana tani sratli kifak.nta 3la td wana 3la tp.dok ana nakra lmd w njaht fi semestre lawal besah fatani tkhalafli tp hatoli fih 0 w ki raht nchof 3lah galoli msajla 3andna majabtich tabliya fi hadak tp.ya3ni manjahtach fi semestre tani.w had l3am nabka fadar hata les controles 2 w nroh nahdar hada tp beh ymadoli la note.

 

[النظرية المتمردة]

و الله صاير كثر من هكذا

مل تقلقش روحك...ربي مع اللي يمشي صافي و بنيتو

المهم تكمل دراستك و تنجح إن شاء الله

ربي يوفقك

 

[المشوار]

merci عليكم يا جماعة والله عندو الحق اللي قال الباك نشوة والجامعة حشوة

تصدق والله عندنا دكتور كبير ومعرس بدراري التاعو وتلقاه يتمعشق مع البنات ويجيبلهم في اللي يطلبوه

والله كاين وحدة تقرا معانا قاتلي مرة اعطيتو النيميرو ديالي علاجا حاجة مهمة والا لقراية

اصبح يكلم فيا بعد 12 تاع الليلف واش رايكم دكتور ويقري في ابناء المستقبل كيفاش رايح يحس الطالب وتصدقوا والله ماعندو قانون يحميه الطالب غير معريفتو دراهمو وبلاصة باباه

أين الحق الذي يملكه الطالب والله ماعندنا والو روح حتى تشتكي للرئيس

على كل حال اجيالنا وين رايحة رايحة تجيف بهاذي العقليات


​

 

[أم دارين]

السلام عليكم

والله ياخويا قصتك أثرت فيا بزاف
خصوصا الواحد كي يحس روحوا مظلوم ويديه مكتفين مايقدر يدير والو

بصح نقولك حاجة عندك ولا تيأس بالعكس خلي اللي صرالك هذا حافز ليك باش تقرا وتقرا وتولي في مركز أكبر من هذا الدكتور
وتروح ليه وتأدبو
مناه ناس كيما هذو مالازمش الواحد ينساهالهم لازمهم يتأدبوا
علبالك أنا نشتي التسامح بزاف حتى بوش اللي يقتل المسلمين ندعيلو بالهداية بصح في أمور كيما هذي والله لو كان نجبدلو عينيه قليل عليه
مناه أولا هذا ظلم وتحطيم مستقبل ثانيا هذا راهو أستاذ يربي أجيال بصح واش تقول

ومتنساش الدنيا والله مازال فيها الخير
انا قريت سنة أولى تاعي فالجامعة والحمد لله ماشفت حتى شي من هذا
ولقيت بللي عندنا حنا يهتموا بالعبد القراي ومايهتموش بالحوايج الثانيين
وإن شاء الله أنت تاني يحالفك الحظ وتطيح في جامعة مليحة ودكاترة ملاح
ولازمك تتحدى وتكون عندك إرادة قوي
باه توصل لمركز ومتخليش ناسكيما الدكتور تاعك هذا يديروا في خلق الله هكذا

واعرف بلي الله هو حسيب كل منا

وربي يمهل ولا يهمل​

 

[faiza34]

عندك الحق خويا هدا الشيء رانا عايشيونوا ربي يهديهم منعرف وش راح يصحلهم كي يكركرونا هكدا ............انا وحدة من الناس يصابوطي ولا يقعد منهدرش معاه طول ........راك تظلمت بزاف وكل عليه ربي سبحانو

 

[عماد11]

ربي يكون في عونكم يا جامعيين

 

[حفيد هواري بومدين]

وعليكم السلام

رايك 100/ 100
يرحم هاداك العقل لي عطاهولك ربي :blush:

السلام عليكم​

والله ياخويا قصتك أثرت فيا بزاف
خصوصا الواحد كي يحس روحوا مظلوم ويديه مكتفين مايقدر يدير والو​

بصح نقولك حاجة عندك ولا تيأس بالعكس خلي اللي صرالك هذا حافز ليك باش تقرا وتقرا وتولي في مركز أكبر من هذا الدكتور
وتروح ليه وتأدبو
مناه ناس كيما هذو مالازمش الواحد ينساهالهم لازمهم يتأدبوا
علبالك أنا نشتي التسامح بزاف حتى بوش اللي يقتل المسلمين ندعيلو بالهداية بصح في أمور كيما هذي والله لو كان نجبدلو عينيه قليل عليه
مناه أولا هذا ظلم وتحطيم مستقبل ثانيا هذا راهو أستاذ يربي أجيال بصح واش تقول​

ومتنساش الدنيا والله مازال فيها الخير
انا قريت سنة أولى تاعي فالجامعة والحمد لله ماشفت حتى شي من هذا
ولقيت بللي عندنا حنا يهتموا بالعبد القراي ومايهتموش بالحوايج الثانيين
وإن شاء الله أنت تاني يحالفك الحظ وتطيح في جامعة مليحة ودكاترة ملاح
ولازمك تتحدى وتكون عندك إرادة قوي
باه توصل لمركز ومتخليش ناسكيما الدكتور تاعك هذا يديروا في خلق الله هكذا​

واعرف بلي الله هو حسيب كل منا​

وربي يمهل ولا يهمل​

 

[المشوار]

شكرا لكم كل ام دارين و من فايزة وعماد ومول الكوستيم على تفهم الوضع أنا متأكد وجد متأكد بأن أغلب الطلاب في الجامعات يعانون من الحقرة سيرتو كي يكون من خارج ولايتو وبعيد على دارو

​

 

[حميميد سوفي]

والله غير عندك الحق ياخو

 

[المشوار]

شكرا أخي حميمد على التفهم

للأسف
​

 

[CONSTANTINOISE]

نقلك خويا متديهاش فيه دكتور على خاطر اللي راهم ينجحو في لي كونكور بقرايتهم اللي تعبو عليها يتحسبو ربي علابالو بيهم** ايماجيني باش طلع وكيفاش راها عقليتو وكيفاش راح يكمل يقري في الناس
تلقا الشيخ مافاهم والو واش راه يقول وممنوع تسألو هكا ولا هكا اسألو غير على واش قال وانت مسمعتش.. راح نخرج عالموضوع
والله ربي يستر

 

[راحة البال]

سلام.. ربي معاك خويا ومع كامل الجامعيين والمحقورين متقلقش روحك وكل ربي عليه برك وراح يلقى ظلمات من الظلم ألي دارو غير ماتخافش وأنت إن شاء الله تكمل تقرى رغما عنه ورغم كل الصعوبات خلي ثقتك في الله قويه وهمتك وعزيمتك عالية أواحد مايهزك إن شاء الله​

 

[zolaelmahboula]

اخي على حسب ما فهمت من اقمتك بالقطب انك تدرس بنفس جامعتي
نقلك حاجة والله ماكاين قراية في بلادنا كاملة
كان حبيت تقرا و تولي حاجة اخرج برا البلاد
حنا جامعتنا لاتيين غير يديرو في الكامرات دياولهم و يعسو في الطلبة
هادا واش كاين و متفاهمين هوما في ما بيناتهم
انا وحدة من الناس راني نجري على الترونسفار لالجي و ماا نعرف مي علابالي مية بالمية بلي نفس الشي
لاخاطر كامل كيفكيف
ربي يكون في العون ان شاء الله و يا ربي ما تكرهناش على جال الجامعة تاع الهم هاديك