هل غششت في الإمتحانات

[sousou-love]

يلزم يكون الغش من نقل انتقل
ومن اعتمد على نفسه بقي في قسمه
ملي بدات القراية وانا نغش والرقاد راهو غير هو مع الحشية كترتها ساعة تالية نعيا ويلزم نرقد

 

[zahra09]

انا غشيت بزاف .....:blushing:
بصح الرقاد لالا جامي
نعيا كي نقرا التاريخ او كي نروح الصبح الساعة الاولى نروح نعسانة سيرتو فالشتا ننعس تع الصح مي منرقدش نحط راسي برك
ونتا لي كتبت الموضوع جاوب على الاسئلة​

 

[ابنة المسيلة]

انا غشيت في المتوسط كنت نكره الحفاظة خاصة الإجتماعيات تفاهمت انا و صاحبتي اللي قاعدة معايا و كنا ممتازين أنا حفظت التاريخ و هي حفظت الجغرافيا و ما فاقوش بينا بصح و الله من ذاك الوقت حلفت ما نزيد نغش
أما الرقاد نعست في الحصص بصح نرقد نوم عميق هدي ما صراتش
يعطيك الصحة فكرتنا في أيام زمان

 

[cristal]

اولا شكرا على الموضوع
ثانيا اجيبك على سؤالك بكل صراحة
فيم يخص الغش في الامتحان انا قليل وين ماغشيتش وهنا معنى الغش هو انك يا توري لصاحبك ولا هو وريلك اما بالنسبة للنوم اثنا الدرس فحدث ولا حرج وخاصة في مادة الفلسفة
وشكرا

 

[farida91]

انا نقولك الصح جامي غشيت
وما نحبش الغش ( انا نوري بالصح منحبش يوريولي )
بويسك نحب نقرا وحدي ندير واش راني فاهمة
وعلاش نغش روحي انا....نووووووووووووووو
ننعس فالحصة تاع التاريخ والجغرافيا
كون نلقى نرقد مي هديك الشيخة مسمرة لتما يا لطيف منها

 

[RaNiA]

الحق كي ما تحبش الحفاظة تدخلي في راسي نكتب شوي في يدي و شوي في الطابلة هههههههه
و على الرقاد في القسم طول يجيني النوم عند تاع الاعلام الالي هههههههه

 

[Adel HD]

الغش غير هو
الرقاد قليل وين نرقد مع العشية​

 

[ْ**~حنان~**ْ]

بالنسبة للغش حدث ولا حرج والرقاد فالحق عمري مرقدت فالكلاسة مي نكمل الرقاد الديالي في دارنا وادا ندت نروح وادا مندتش حتى لغدوا من داك وهيا ماشية

 

[طارق القبطان]

شكرا للجميع على الصراحة
لحد الآن الإحصائيات تقول بلي 99.99% من المشاركين في الموضوع
يغشون في الإمتحانات

 

[amel02]

bon ما نكدبش عليكم باش غشيت ما غشيتش parceque انا بزاف خوافة mais مسالة الرقاد نلرقد بسلامتي مع لعشية في حصة تاريخ و جغرافيا و لا شريعة الله غالب الشيوخة ينعسو mais الحمد الله jamais حكموني mais هاد العام مام نحب نرقد ما نقدرش parceque نقراو 10 في القسم (قسم علوم دقيقة) و زيد لقرايا وعارت

 

[nanin85]

غشيت أكيييييييييييد بصح الكثرة كانو يغشو عليا هوما انا لي كنت نوريلهم حتى فالجامعة نورمال مانقولك بدلولي شيوخة فالكومبو 4 مرات ولا 5 مرات بلاستي وعادي جامي درت كاش مشكل ... بصح بيناتنا جامي رقدت​

 

[oumeima]

اكيد غشيت بصح والله جااااااااااااااااااااااامي رقدت

 

[immy]

غشيت بزااااااف

وجامي ندمت ههههههههههه

ورقدت بشحال من مرة

 

[xsxsx]

الصراحه يا أخي أنا غششت وأخترعت طرق وأساليب
لم تخطر على بال أي شخص
أنا لا أفتخر بهاذا الشيئ الله يغفرلي
أما بنسبه لنوم عمري مانمت في أي حصه
​

 

[killua0555]

الغش....غشييت و شبعت غش ..مام فى الحوايج الى كنت نعرفهم..لازم نتاكدمن الاجابة :music_whistling::music_whistling: ....وجامى رقدت :lol::lol: بصح هاد العام فى الفلسفة لازم نرقد :sneaky2::sneaky2:الاستاد يرقد

 

[abdelmalek88]

بصراحة لم انم اثناء الدرس ولكن غششت في الامتحانات​

 

[kamou]

موضووووووووووع هايل
انا ماغشيتش بصح نقلت لوحدة وواحد برك
يعني عاونتهم شوية
في سبيل الله برك هههههههه
بصح اتندعرت علاخطرش جابووو خير مني..
جامي رقدت فالكلاسة مي خطرات كي تجيني النعسة نتكى وتحكمني الدوخة

 

[RaNiA]

شكرا للجميع على الصراحة
لحد الآن الإحصائيات تقول بلي 99.99% من المشاركين في الموضوع
يغشون في الإمتحانات

هههههه
هذي راهي كاينة منها صحيحة 100 بالمئة
من نقل انتقل :thumbup:​

 

[la fole]

انا صح غشيت بصح ما رقدتش

 

[salma-palestine]

انا مشكلتي ما بعرف اغش ولا اغشش
هيا مرة وحدة في امتحان الجغرافيا بالصف التامن الاعدادي اجانا سؤال اعطيني اسم نهر بالجزائر
انا ما عرفتو نقلتني اياه صاحبتي وكمان طلع غلط
هو الشلف احنا كتبنا الشريف بس هلا بعرف كل الجزائر ههههههه