- إنضم
- 19 سبتمبر 2009
- المشاركات
- 51,424
- نقاط التفاعل
- 84,172
- النقاط
- 821
- محل الإقامة
- الشرق-الوسط
- الجنس
- أنثى
السّلام عليكم ورحمة اللّه وبركاته
أعجبتني فكرة الأخ الطيب حمزة وقررتُ المشاركة فيها فهي فكرة تستحق حقا المتابعة والتشجيع
مُشكلتي هي :
نرجع نحكي بالدّارجة خير باه نكون آلاز كرهت من الرّسمية :p
بون هادي حكايتي:
************************************************
العام لي فات وقت الامتحانات صرالي سوء تفاهم مع زميلة ليا في العمل، كان راس المُشكل تصرّفها لي ماكانش مليح معايا كزميلة في نفس العمل مع عفسات دارتهملي من قبل خلاوني نرجع هكا من جيهتها
.جات صبحة الاختبارات وين مدولنا الاسئلة ومعاهم الحجرات لي نعسو فيهم وكانت معايا هاد الزميلة تحرس في الحجرة لي حدايا بون طلعنا وكل وحدة راحت لقسمها.
وزعت الاسئلة على التلاميذ وبداو يجاوبو والسكات خلاه كلّ واحد مع ورقتو،دُف دُف ونسمع واحد يدق على الباب بقوّة يضرب فيه ماش يدُق
تدخُل عليا هاد الاستاذة بواحد لافاصون خلعتني كنت مريحة في آخر القسم باه يبانولي التلاميذ كل.
:sقالت : واش هادا واش هادا متنجموش تسكتو شوي راح تفرّو ديرو جنحين خير
:-oأنا صراحة بقيت هك
ويشعلو فيها التلاميذ اسمعي هاو هاو واش بيك واش دخلك والتلميذ نايضلها خلاه رايح ليها
قاتلو صحانية وجه هادي
وتاني مرة وانا غير نشوف ليها
قالها واش دخلك ولي واقفة قدامك هادي واش ديجا هي لي تعس فينا انتي واش قلقك ووقتاش حكينا ودرنا الفوضى وحتى كي نديرو معندو شكون بيpالك
في اللحظة هادي انا صراحة رجعت هك
وكون ماتمالكتش اعصابي كنت نقولها كلام نندم عليه
وليت قتلها تفضلي ياأستاذة روحي لقسمك راه وحدو روحي خلصي الحراسة ومباعد نحكيو
هيا راحت ودرت للتلاميذ كالميتهم باسكو قلقتهم آ فون
قالي واحد التلميذ وجها صحيح هاد العبدة قرينا عندها العام لي فات و bla bla وشاريتهالنا ونكرهوها وتدير واش تدير واحد ميقيمها
قتلو انتوم درك راكم في امتحان واللي يهمكم تنجحو اما الاستاذة فبيني وبينها.
خلاص الامتحان ونروحلها بواحد الغش قتلها يااستاذة فهميني في الجاست لي درتيه قبيل برك وشا المقصود منو؟أسكو استصغار ليّا أني جديدة في الدومان أو صغيرة أو واش
قاتلي : نو والله ماقصدي واسمحيلي وراكي كي اختي وبدات تملّسلي في لكلام ،قتلها أول حاجة معندكش الحق باه تدخلي عليا بالطريقة هاديك عندك قسمك تحرسي عليه خلاه معندك حتى علاقة بيا،قاتلي نو سمعت الحس نسحسب فيهم هبلوك،قتلها كيفاه يهبلوني هادا علاه راني بهلولة حتى يهبلوني،قاتلي نو ام العام لي فات انا هبلوني كي حرستهم .
وهنا عرفت بلي راها عندها مشكل مع القسم هادا بالذات:down:
وصون كونترول جات نشعتني هاكداك :down:
ومنقدرش ندخل في نيتها ونقول عندها معايا حساسية باسكو نكون هنا حرقتها الله أعلم
صح تقلقت منها وكنت قادرة نروح ندير المشاكل ونشكي بيها للمدير سيرتو انو التلاميذ في صفي وتصبّح هي ببخصة وانذار من المدير قدّام الاساتذة كامل
مي قلت فكني من المشاكل
قبلْتْ اعتذارها وبعد ذلك هي وحدها رجعت تعرف واش تهدر معايا وكل كلمة تقولها تدير حسابها.
خُلاصة الموضوع :
أنّو الحياة متهاتها طوال وضبط النّفس لازم يكون في أيّ دومان والانسان كائن بشري راح يتعرض في حياتو لضغوطات واستفزازات من قبل الناس والزملاء في العمل
يحبّو يبينو روحهم ومادابيهم واحد لاعاد جديد ول يحبو يطيحولو معناوياتو ايبان العبد لازم يكون قاوي ويعرف كي فاه يتصرف ومايمشيش بالتّسرع بالعكس لازم الحِنكة.
موقف باسل تاع الصّح منتمناهش يصرى لأيّ واحد
سيرتو النشايع يهلكو
صحيتو
آخر تعديل:
