كوكب الاعترافات // المشكلة 14" ساعدوني أرجوكم فمشكلتي عويصة !!"

بنت الـ25 · 31 جانفي 2013

السلام عليكم ورحمة الله تعالى وبركاته

مرحبا بكافة مرتادي منتدانا الكرام مثلما عودناكم في ركن:

° كوكــــب الاعتــــــرافـــات °

المشكلة رقم 14 :
" ساعدوني أرجوكم فمشكلتي عويصة !!"

حبيت انسان علاقتنا دامت عام ...اليوم كي فاتحني في موضوع الخطبة صارحني بحاجة و قالي نتي عجبتيني و نتي بنت ناس...قالي راني كنت مدرق عليك زوج حوايج..الأولى اني مطلق صراحة كي قالهالي جاتني عادي و مهمنيش علاه طلق ومن بعد زاد قالي الحاجة الثانية لي واعرة شويا ...قالي أنا طلقت على خاطر منجيبش لولاد وديري في بالك اذا ديتيني راح تعيشي معا واحد ميجيبش لولاد بصح اذا حبيتي وقبلتي نقدروا نجيبوا لولاد نربيوهم.....واثقة فيه و عارفة بلي مهوش يكذب عليا...راني نكتبلكم في كلامي و منيش قادرة نحكم في دموعي...أنا نحبوا صح و وعدتوا بلي غير الموت لي تفرقني عليه...في هاذيك الدقيقة قوتلوا حاجة نورمال ياخي حاجة تاع ربي...و درك راني مزال عند رايي بلاك لوكان كي نتزوجوا يرزقنا ربي ياخي ربي حنين و كريم...و خايفة يجي نهار و نندم على هاذ الراي....شكون لي فينا متتمناش تكون أم....بيني و بين نفسي نتمنى صح الموت لي تفرقني عليه.........عاونوني ربي يحفظكم

إضغط للتوسيع...

محبة الرسول 22 · 31 جانفي 2013

نفيدك بالدعاء يااختي ربي يسرلك امرك

sahiko hamza · 31 جانفي 2013

صعيبة ....
والصعب هو انك تخيري بين قلبك وبين امنيتكـ
بصح ربي حنين كريم

ماعندي مانقدر نعاونكـ اختي فالله
كاينة حاجة وحدة نقلكـ عليهــا

صلاة إستخارة ,,

أم راضية ~_ · 31 جانفي 2013

السلام عليكم
الدعاء والإيمان بربي و اليقين بلي ربي قادر على كلش
وماشي غلط ادا قبلتي تعيشي مع واحد ما يولدش
والقرار ليك

أم عبد الله · 31 جانفي 2013

يصراحة يااختي في هذا الامر بالذاتـ ماكانش لي يقدر يعاونكـ
الا اذا انتـ عاونتي روحكـ

استخيري لله عزوجل
ثم اسالي عقلكـ لا قلبكـ فالقلب في مثل هاته الحالة سيجركـ لمكان ربما ستندمين عليه فيما بعد
فلا تنجرفي وراء عاطفتكـ ولتتريثي ولتحكمي عقلكـ

لانه ليس من الصعب ان تعيشي حياة بلا اولاد ان كنتـ انتـ من اخترتها
فيكفي ان تربي طفلا يتيما تكسبين فيه الاجر والثواب
ولكن كل قرار يجب ان تاخذينه انتـ وانتـ وحدكـ

فاجلسي مع نفسكـ وعقلكـ وانسي في تلكـ الاثناء قلبكـ
و لتنظري للامام للغد البعيد لاالقريب

وان شاء الله ستعرفين قراركـ
قوي ايمانكـ بالله
سلامي

la_safa · 31 جانفي 2013

السلآم عليكم و رحمة الله و بركآته ،

اُختي مشكلتكـ صعبة و خآصة انكـ تختآرين بين شيئن مسكنهمآ القلب ..
ربمآ سأعطيكـ الحل الأرجح الى الصح ،
مآدآمكـ حبيتي و لقيتي الرآجل لي يستآهل تكوني زوجة ليه مآتخليهش ..
مهمآ وش يكون ، و هو أكيد رآح يقدر أي قرآر تتخذيه ..
بصح نقلكـ حطي في بآلكـ بلي ربي حنين كريم قآدر يرزقكـ بركـ عآجآل نيتكـ ..

و نظن أنكـ مآ رآحش تخليه و رآح تديه ، لأنو من كلآمكـ بآين تعزيه
و تحبيه و مقآدرآتو يآسر ، ..

و يبقى الحل الآخر هو صلآة الاستخآرة في هآذي الأمور لآزم ..

و نتمنآلكـ الهنآء ان شآء الله ..
و ربي يفرحكـ

~

ام منصف · 31 جانفي 2013

مشكلتك لازمها تخمام كبير اختي لانك تحكي عن مستقبل مجهول
الشاب صادق لما صارحك بالحقيقة قبل ما يدير اي خطوة للامام وانت عليك الباقي وواحد ما يقدر يقرر في مكانك
اذا كنتي قادرة تتجاهلي غريزة الامومة اللي تتحرك داخل اي انثى فماعليك غير تقبلي بيه وتوكلي على ربي بالاك يرزقكم ولو بعد حين
قرار كهذا انت الوحيدة اللي تقدري تقرريه لانها حياتك
فكري بمنطقية وشاوري روحك
ننصحك بالاستخارة ثم الاستخارة
وربي يفتحلك ابواب الخير

نرج ـسية · 31 جانفي 2013

نعمة الأمومة تبانلك شوية صعيبة دركة
لكن لما تزوجي وتشوفي كل الناس بأولادهم تحسي بزااااف
كلمة ماما ماتعوضها حتى حاجة
نتي ديري صلاة الاستخارة ماكاش احسن منك تستشري ربي سبحانه
ربي يسهلك امورك ويسرلك الصعب

::أبرار:: · 1 فيفري 2013

السلام عليكم و رحمة الله تعالى و بركاته

أختي هو موقف صعب جداً حقيقة,,, لكن فكري جيداً قبل إتخاذ أي قرار و أدعي ربي سبحانو ما يخيبكش... و ضعي نفسك مكان هاذ الشاب الصادق فكري به و فكري بنفسك.و عليكِ أيضاً بالإستخارة قبل الإختيار حتى يكون التوفيق حليفك وما خاب من استخار الله والخيرة فيما أختاره الله..... لكي مني خالص الدعاء ختيتي ربي ييسرلك أمرك و يوفقك إلى ما يحبه و يرضاه

سلامي

منايا الجنة · 1 فيفري 2013

كل الزوجة تحلم بالامومة اختي مانكدبش عليك و نقولك اقبلي ولا ماتقبليش ديري كيما قالولك اللي قبلي ادعي ربي يسهل عليك و بالتوفيق ان شاء الله

نرج ـسية · 2 فيفري 2013

حاجة اخرى اختي فكري لو كنتي نتي لي ماتجيبش أولاد ياترى كان رايح يتزوج بيك؟؟ أبدا
ونراهن على ذلك
اذا مش منو رايح يكون الضغط من أهله

ahlam02 · 3 فيفري 2013

RABI M3AK

بنت الـ25 · 4 فيفري 2013

السلام عليكم
إلى صاحبة المشكلة آسفة على تأخري :$
إلى الأعضاء الكرام هذه ردود صاحبة المشكلة على كلِّ باسمه

للأخ _حمزة_

صلاة الاستخارة درتها مرات بزاف و كل مرة نلقى روحي مرتاحة معاه...

للأخت _المحبة رسول الله

شكرا لمرورك حبيبتي...جزاك الله خيرا

للاخت_yildiz

مؤمنة حقا بان الله قادر على كل شيء....مشكورة على المرور

للاخت_Nina dz

ذاك ما يقهرني أنني مستسلمة لقلبي لا لعقلي و كما أحبه أتمنى ان اكون أما في يوم من الايام....نعم أن أختار حياة بدون أطفال بيني و بين نفسي لا أعتبرها حياة أبدا فمن منا لا تعشقك أن تحس بذاك الاحساس...أما عن رؤيتي للغد البعيد فربما حقيقة أن أكفل يتيما و أخد الأجر فيه و لكن لي الخيار أن أصبح أما حقيقية لابن أنا أمه....

للاخت_la_safa

لا أتخيل حياتي بدونه لأنه في قلبي أكبر من أي تصور..و وعدي له أن أكون دوما معه هو ما يجعلني متمسكة به....أتعلمين لما أحبه لأنني حقا كنت في كل خطوة في حياته لأنني أثبت له أنني لن أتخلى يوما عنه مهما كان أو سيكون......شكرا على مرورك

للأخت _أم منصف

هو أصعب قرار سأتخذه في حياتي لأنه مصيري حقا......فهل أختار الزوج الصالح و الرجل الذي أحببته و أتجاهل منعى أن أكون أما يوما ما....هل يمكنني أن أتجاهل غريزة الأمومة...صعب بالنسبة لي

للأخت_نرجسية

كلامك ألمني حقا....كلمة أمي لن يعوضها أي شيء في الدنيا.......تلك الحقيقة التي أنا أهرب منها.....

للأخت_أبرار

مشكورة أختي على مرورك..حقا صدقه قبل الخطبة هو ما شتتني.....

للأخت_منايا الجنة

مشكورة على المرور.......

للاخت_نرجسية

حقا لو كان العيب في أن فهل كان سيقبل بي و يتحدى العالم من أجلي.....حينما قلتي أبدا أحسست أنك وضعت يدك على ما يشتت تفكيري....

sahiko hamza · 4 فيفري 2013

هي حياتك أختي الكريمة وانتي لي تقري وين تروحي ...

4 فيفري 2013

أنا نقلك إذا كان المشكل انتاع الأولاد

دار جيرانا

راجل تزوج وحدة عاش معاها 12 سنة و كتبش ربي وما زاد عندو حتي طفل

قال لمرتو نتزوج من وحدة أخرى و نشوف و إلا نجيب معاها و لا لا

تزوج و تفاهم مع لمرا الثانية كون إيجيب معاها طفل يطلقها و يرجع لمرتو الاول

مشات ليام الزوجة الثانية حملت و في نفس اليوم حملت تاني الزوجة الاول

بعد 12 سنة سبحان لله

و كاين بزااااف قصص كيما هكا كاين أكثر و كاين قل

المهم ربي قادر على كلش

و احسن حاجة ننصحك بيها و هيا الدعاء

توبي و يتوب راجلك توبة نصوح و ادعي ربي مش رايح يخيبكم

هذي لي نقولها لاختي

ربي يعطيك ما تتمني ان شاء لله

بنت الـ25 · 5 فيفري 2013

صاحبة المشكلة من جديد

للأخت_ ahlem02

مشكورة على المرور جزاك الله خيرا......

لك مينات

تأخرك كان في صالحي.......

للأخ_حمزة

نعم هو حقا قراري و مشكور.........

Ma$Ter · 5 فيفري 2013

عليكم السلاام
اختى فكرى ملييييييييييييييح راهى مش حاجة ساهلة تعيشي من دون اولاد من صلبك مهما كنتى تحبى الطرف الاخر
ربى يفرج عليكم ان شاء الله

أطياف · 5 فيفري 2013

والله ياأختي القرار قرارك وهو مستقبلك فكري بعقلك واستخيري ربك
وكل شي مكتوب ولد خالي تزوج مرتين وكل مرهجلس معها سبع سنين تقريبا ويقولوا ماينجب
وتزوج الثالثه قبل شهرين جاء له ولدين تؤام
يعني رزقك مكتوب واذا ربي قاسم لك تتزوجيه راح تتزوجيه
وممكن تنجبي منه ...انتِ بس اتكلي على ربك وشوفي عقلك شنو يقولك
وربي يفتحها بوجهك

بنت الـ25 · 5 فيفري 2013

تقول صاحبة المشكلة

للأخ_MAST3R

مشكور أخي على المرور..وحقا هو صعب كما قلت

للأخ_aRm07

مشكور اخي على المرور

للأخت_ أطياف

مشكورة على المرور...أسفة لأن كلمات لم تتعدى الشكر و أتمنى منكم تفهمي

أما عن جديد مشكلتها فتقول

أعلم أن هناك من قال منكم أكملي و توكلي على الله و هناك من قال أن الأمر صعب برمته...كانت فرحتي كبيرة أنه ستتم خطبتي على من أحب بقدر ما أحسست أن الخبر مفرح من جانب الا أنه قد نزع أحلامي و فرحتي و أخذ مني روحي...حينما سألت أختي و هي أم لأطفال قلت لها انصحيني قالت لا تحمليني مسؤولية لا أقدر عليها أو أن أعطيك قرارا أعلم مدى صعوبته...قالتها وبكل بساطة و هل يستطيع الحب و البيت و الزوج و العمل و المنزل الفخم أن ينسيك هدفك الأسمى في هته الحياة.... قالت لي و بكل بساطة لما قال لك هذا الكلام الأن و بالذات كان هدفها أن تضع حقيقة النقاط على الحروف في كل جانب ..قالت لي و بكل بساطة كيف أخبرك عن شيء كهذا (أنه لا ينجب) لم تستطع تصديق الأمر و صدقا بقدر ما كنت بحاجة_لأم_أن تمنحني النصيحة الا أن شككتني فيه لا غير ...ان قبلت به سيكون أول شيء أفعله أنني سأخفي الحقيقة على أهلي فأنا أعلم أنني أعلم أنهم لن يقبلوا بهذا الرجل زوجا لي و لكن قراري هو....أنني محتاجة للابتعاد عنه لفترة ربما هي أشهر و سأترك الأمر للخالق فان جاء يوم و اقتنعت بما أنا مقدمت عليه سأكون قد قبل كل شيء مقتنعة و لن أقول يوما ما لما..و ان لم أستطع فليسامحني الله و لكن حقا ما جعلني أقرر هذا هو لو كنت أنا مكانه فهل كان سيقبل بي و يتحدى العالم من أجلي...

أم عبد الله · 5 فيفري 2013

هو قرار حكيم اختي فـ لتبتعدي قليلا عنه لتعرفي قيمة مشاعركـ اتجاهه

وحقا مثلما قالتـ اختكـ لما تستر ع الامر الى حين تعلقكـ به ( هنا هو يضعكـ تحتـ الامر الواقع لانه يعلم انك لن تتخلي عنه )

سكون افضل حل الابتعاد والنظر للامر من منظور آخر

وربي يوفقك اختي الى مايحبه ويرضاه

سلامي

كوكب الاعترافات // المشكلة 14" ساعدوني أرجوكم فمشكلتي عويصة !!"

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو مُتميز ::

:: عضو بارز ::

:: عضو مُشارك ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: مراقب عام ::

:: عضو مُشارك ::

:: عضو بارز ::

:: عضو بارز ::

المواضيع المشابهة