سمراء الجنوب متخلفة ومهيش مثقفة ادخلو وانتم تعرفو.....

[rــآآآج ــــ الاميـرهـ ــo]

والله هذوا لحوايج كاينين بزاااف وهوما راهم شرك بالله تاع الي يامنوا بالاولياء الصالحين ومنا

وانا من اشد المعارضين لهذه الفكرة كيما مرة رحت لقالمة كاين واحد لبلاصة فيها ولي صالح اي قلت والله ندخل نشوف واش كاين لقيتهم يدوروا عليها ويدعيو والله دخلت شبعت ضحك قالتلي خالتي اسكتي ولا كشما يصرالك ياخي راني لاباس الى يومنا هذا


الله يهدي ماخلق

وشكرا على الموضوع ​

الله يهدينا يا ختي ويهدي امة محمد اجمعين
مشكوووووووورة عالمرور اللي نور الصفحة
دمتي بود

 

[مينة آلاء الْقُدُّوس]

اهلا بيك اختي

هذا اكلام لي قلتيه فكرتيني في موضوع ليا درتو هنا راه في الارشيف هنا

يتحدث حول العادات والتقاليد التي تمتاز بعدد كبير من الشركيات الصغرى التي نقوم بها في حياتنا اليومية

ومنها التبرك بالقبور كما ذكرت في قصتك الاولياء الصالحين

مرت عمك قاتلك انتي صغيرة وماشي مثقفة بصح هنا عندها حق عليك باه تفهميها مليح واش معنتها الشرك بالله وماهي الشركيات الصغرى

كيما الخامسة والتبرك والملح و و و إلخ

لازم تفهميها بالأدلة وان شاء الله تأجرين

بارك الله فيك

بالنسبة لي راكي فاهمة ومثقفة والله يبارك عليك

دمتي بخير اختي

السلام عليكم ​

 

[rــآآآج ــــ الاميـرهـ ــo]

اهلا بيك اختي
وبيك اختي لعزيزة
هذا اكلام لي قلتيه فكرتيني في موضوع ليا درتو هنا راه في الارشيف هنا

يتحدث حول العادات والتقاليد التي تمتاز بعدد كبير من الشركيات الصغرى التي نقوم بها في حياتنا اليومية

ومنها التبرك بالقبور كما ذكرت في قصتك الاولياء الصالحين

مرت عمك قاتلك انتي صغيرة وماشي مثقفة بصح هنا عندها حق عليك باه تفهميها مليح واش معنتها الشرك بالله وماهي الشركيات الصغرى

كيما الخامسة والتبرك والملح و و و إلخ

لازم تفهميها بالأدلة وان شاء الله تأجرين
اكيد اختي فهمتها ودخلتلها في فتاوى بالمليح وراكي تعرفي اللي يكون متمسك برايو مايقتنعش
الله يهدينا اجميعين
بارك الله فيك
وفيك بركة اختي
بالنسبة لي راكي فاهمة ومثقفة والله يبارك عليك
مشكوووووورة عزيزتي
دمتي بخير اختي
ونتي بخير
السلام عليكم
وعليكم السلام ورحمة الله وبركاته
​

مشكووووووووورة عالمرور العطر عزيزتي نور صفحتي

 

[ISMA.dz]

هل كل اللي مايحبوش هاذ الشي متخلفين وماهمش مثقفين ؟؟؟

أكيد مثقفين ليس العكس​

وهل انا على صواب كي مرحتش ولالا ؟؟؟

أكيد قمة العقل​

وقولولي انتوما واش رايكم في هاذ العفسة نتاع الحنة عند الاولياء ؟؟؟؟ وهل في مناطقكم مزالو يامنو بهاذ الشي ولالا ؟؟؟؟؟؟؟

ضدها تماما واحنا عندنا متلاقيتش بيها في العاصمة ربي يستر وماتوليلناش موضة برك​

المهم اسمحولي طولت عليكم وفي الاخير نقولكم السلام عليكم ورحمة الله وبركاته وراني نسنى في ردودكم وتفاعلكم

ربي يحفظك أختي


سلااااااااام​

 

[♥SaMoù Là MoDèsTe♥]

آلسلَآم ع’ـليكم

أحنآ ثآن عندنآ كآين فئآت
مآزلت تأمن بهآذو الصوآلح تآع الأوليآء الصآلحين و مآ شآبهـ
إذ أنهـ عند بعضهم لمآ يزوجو الفتآة مآ يزوجوهآش مع وآحد ينتمي لولي صآلح آخر

وهذآ قآع أعتآبرو جهل في جهل


أنآ تقآليد كيمآ هآذو نعآرضهم نهآئيآ
​

 

[rــآآآج ــــ الاميـرهـ ــo]

مرسي حبابي على المرور وعالتفاعل الرائع مع الموضوع والله يهدي ما خلق
​

 

[touffik]

السؤال: بارك الله فيكم عن حكم الشرع في نظركم في زيارة قبور الأولياء والصالحين هل هو محرم وهل يجوز لنا أن نزورهم؟

الجواب ​

للشيخ ابن عثيمين​

الشيخ: أولاً يجب أن نعرف من هو الولي الولي بينه الله عز وجل في قوله (أَلا إِنَّ أَوْلِيَاءَ اللَّهِ لا خَوْفٌ عَلَيْهِمْ وَلا هُمْ يَحْزَنُونَ) (الَّذِينَ آمَنُوا وَكَانُوا يَتَّقُونَ) فكل من كان مؤمناً تقياً كان لله ولياً وليس كل من ادعى الولاية يكون ولياً وهذه نقطة يجب أن يعرفها كل أحد وذلك لأن بعض الناس يستغفلون العامة ويدعون أنهم أولياء وربما يؤيدون دعواهم بخدمة الشياطين لهم فيظن العامة أن هذا من باب الكرامات وهو في الحقيقة من باب الإهانات ثانياً بالنسبة لزيارة القبور زيارة القبور عموماً مستحبة فعلها النبي عليه الصلاة والسلام وأمر بها وأخبر عن فائدتها فقال زوروا القبور فإنها تذكر الآخرة والإنسان إذا زار القبر بل إذا زار القبور تذكر الآخرة حيث يتذكر أن هذا هو مثواه وأنه لا بد أن يحله كما حله من قبله ويتذكر أن هؤلاء الذين صاروا مرتهنين في قبورهم كانوا بالأمس على ظهر الأرض يمشون فهيا عليها ويتمتعون بما فيها من نعم الله كما كان يمشي عليها هو الآن ويتمتع بما فيها من نعم الله فيتذكر ويخاف ويعمل لهذا اليوم المحتوم الذي لا بد منه ولهذا كانت زيارة القبور سنة مستحبة ولكن يجب أن نعلم أن زيارة القبور ليس من أجل أن ننتفع بزيارتهم انتفاعاً مادياً من كشف الكربات وإغاثة اللهفات وانتفاء المضرات ولكن من أجل أن ندعو الله لهم لأننا نقول عند زيارة القبور السلام عليكم دار قوم مؤمنين وإنا إن شاء الله بكم لاحقون يرحم الله المستقدمين منا ومنكم والمستأخرين نسأل الله لنا ولكم العافية اللهم لا تحرمنا أجرهم ولا تفتنا بعدهم واغفر لنا ولهم وأما دعاء أصحاب القبور فهو شرك أكبر مخرج عن الملة لأن هؤلاء لا يملكون لأنفسهم نفعاً ولا ضراً ولا لغيرهم وأما التبرك بترابهم أو التمسح بقبورهم فإنه بدعة منكرة وقد تصل إلى حد الكفر بحسب اعتقاد الفاعل وزيارة القبور سنة بالنسبة للرجال فقط أما النساء فلا يسن لهن زيارة القبور بل إن النبي صلي الله عليه وسلم (لعن زائرات القبور) ولا يرد على هذا ما أخرجه مسلم من حديث عائشة رضي الله عنها أن النبي صلي الله عليه وسلم (أمرها أن تقول السلام عليكم دار قوم مؤمنين إلى آخره) فإن المراد بذلك من مرت بمقبرة بدون قصد الزيارة فإنه لا حرج عليها أن تسلم على أهل القبور وتدعو لهم والشأن فيمن خرجت من بيتها إلى زيارة المقبرة فإن هذا حرام عليها بل من كبائر الذنوب لأن النبي صلي الله عليه وسلم لعن زائرات القبور.

 

[M!ss_f@ti]

السلام عليكم

احنا ماعندناش هاذ العادة بالصح اكيد كاين عادات اخرين حدث ولا حرج

الناس لكبار حاكمين في لعواد ولوكان تجي تفهميهم بلي مكانش منها يقولولكـ ياخي جيل حبيتو تنساو ثقافتكم التلفزة لي دارتلكم هكذا ههههه

ربي يجيب الخير وخليهم يديرو في بالهم بلي سمراء الجنوب و M!ss_f@ti متخلفات ... مازلنا صغار يجي نهار ونعرفو الثقافة هههه

تحياتي ليك اختي

 

[الميزان]

السلام عليكم
احنا عندنا صوالح نديروهم بقصد احياء عاداتنا وتقليد اجدادنا وماشي بقصد التبرك بمية والله اعلم بنية عباده
ماعندي اي تعليق على الموضوع لخاطرش انا سمعت كتير فتوى في كتير من الاذاعات ومنها الجزائر لاكن متضاربة في بعضها ماعرفناش واش نامنو
والله اعلم ربي يجيبنا ويجيبكم فالصواب

 

[ألاء الرحمـــن]

هل كل اللي مايحبوش هاذ الشي متخلفين وماهمش مثقفين ؟؟؟

الحمد لله مثفين و متحضرين والاغلب كمل متعلمين وقاريين ويفرقو ما بين الحلال والحرام والبدع

​

وهل انا على صواب كي مرحتش ولالا ؟؟؟

أكيد أختي راكي على الصواب مجرد كان رحتي راكي شجعتي هاذي العادة السيئة وراكي موافقة معاهم مي انتي بما أنك عاقلة وواعية الله يبارك وتعرفي الخطأ من الصواب اديتي القرار السليم

​

وقولولي انتوما واش رايكم في هاذ العفسة نتاع الحنة عند الاولياء ؟؟؟؟ وهل في مناطقكم مزالو يامنو بهاذ الشي ولالا ؟؟؟؟؟؟؟

أحنا الحمد لله معندناش هاتي العادة السيئة والحنة تندار للعروس فالبيت والي يبارك فالزواج ربي سبحانو ماشي الأولياء الصالحة والخرفات ديال زمان
أنا نعارض وبشدة مثل هذي الاشياء لانو فيه تعدي على الدين وشرك بالله


مشكورة على الموضوع وربي يوفقك في شهادة البكالوريا
بالتوفيق








​