سونري تاع بورتابل بعقليتك أنت

[abidou 20081]

أنا دايراتو فيبرور في كل الاوقات ،مانحبش صونري تاع نوكيا .......وزيد نريح كيما هكا ما يخلعني ما والو ههههه وكي يصوني ما يلفتش انتباه الجميع وخصوصا فالشارع..............
شكرا على الموضوع.

تحية طيبة وعطرة أختي العزيزة سماح

والله غير هنيتي روحك وهنيتي راسك لاسونري ولا هم يحزنون
بصح الكلمة لي ضحكتني تاع الصح هي يخلعني ههههههه
وعلاش كنتي دايرة ديسك جوكي ولا سونري لي يخلعك هههههه
لفت الإنتباه في هذي عندك الحق ولا حظتها هذ النقطة مجرد يصوني البورتابل كامل
يخزرو فيك وكامل يرمو يديهم لجيبهم يعني كامل راه يسوني عندهم
بالرغم من أنه تلقى السونري مختلفة بينك وبينو بصح يرمي يدو لجيبو يرميه طبيعة الله غالب
الشكر لك أختي العزيزة وربي يبارك فيك ويعطيك ماتتمني دمتي بألف خير وهناء إن شاء الله ​

*

 

[abidou 20081]

شكرا جززززززززيلا

العفـــو أخــي هشـــام نورت مــرة أخـــرى ​

 

[abidou 20081]

[url="https://www.4algeria.com/vb/member.php?u=52863"]abidou 20081[/url] مرسي على روحك الجميلة وشكرا

على الموضوع

المميز...............
​

العفو أختي العزيزة مدية
والشكر لك على تنويرك الذي زاد الموضوع إشراقا ربي يخليك ويحفظك
دمتي بألف خير وهناء وسعادة إن شاء الله ​

 

[الجيجلية]

المشاركة الأصلية كتبت بواسطة الجيجلية

أنا كنت دايرة موسيقى شابة بالغيتار سمعوها عندي خاوتي حطوها حتى هوما ودرك أني دايرة:
معاك يالخضرة نديرو حالة
شابة بزاف​

تحية طيبة وعطرة أختي الجيجلية ​

نقولك تاع الصح شابة السونري تاع القيتارة إذا كانت لي سمعتها هي على شكل
إيقاع رومنسي جميل جدا وكانت لدي العديد من هذ لي سونري يعجبوني بزاف
السونري جديدة هذي تاع معاك يالخضرة والله غير مادابيا واحدينشرها هنا فالمنتدى
يخلينا نديروها مازال مالقيتهاش ومادابيا حتى الأغنية كاملة إذا أمكن
ربي يحفظك وربي يخليك ويعطيك ماتتمني دمتي بألف خير وهناء إن شاء الله ​

خويا ماعنديش في الجهاز نتاعي مي نقولك واش دير درك روح ليوتوب و سجلها فيfreecorder ترجع بصيغة mp3 وبعتها لبورطابل نتاعك
كنت رايحة نسجلهالك مي débit ضعيف عندي اليوم يقتل بالغش
تقبل مروري​

 

[abidou 20081]

اخي حبيت نقولك هديك سونري تاع نوكيا قالك تقرع في الكنائس املا حنا منديروهاش حسبا ما قرات وهدا مجرد نصح فقط يا اخي

انا عاملة سونري تاع طبيعة خرير المياه والعصافير تزقزق

تحية طيبة وعطرة أختي العزيزة ألاء الرحمن

حبيت نقولك شكرا على هته المعلومة لي صراحة أول مرة أسمعها ومازال حتى واحد مانبهنا ليها
لذلك أقول لك شكرا جزيلا على المعلومة هته
في ما يخص السونري تاعك والله أجمل شيء هو الطبيعة وخاصة ماقلتيه
لكن المشكلة في بعض الأماكن مانسمعش البورتابل منين يسوني مع الحس
تاع الغاشي بصح نقولك والله غير مجرد السماع لصوت الطبيعة تخلي الإنسان يشعر
بواحد الراحة قمة تاع الصح ربي يخليك وربي يحفظك وربي يعطيك ماتتمني
دمتي بألف خير وهناء إن شاء الله ​

 

[abidou 20081]

خويا ماعنديش في الجهاز نتاعي مي نقولك واش دير درك روح ليوتوب و سجلها فيfreecorder ترجع بصيغة mp3 وبعتها لبورطابل نتاعك
كنت رايحة نسجلهالك مي débit ضعيف عندي اليوم يقتل بالغش
تقبل مروري​

ربي يخليك ختي وربي يحفظك ويعطيك ماتتمني

راني نحاول ندير واش قلتيلي راني معاها درك
ههههه يعطيك الصحة ختي راني درتها بصح فيديو دايما
نحوس عليها سونري برك إذا كاينة لكن درك نحولها للبورتابل
ندي الموسيقى و حدها برك ماعليش ربي يخليك ختي وربي يحفظك
مشكل الأنترنيت ماحبش يتحل في بلادنا غير مرة ضعيف ومرةماكانش
وربي يعطينا الصبر المهم كيلي راكي بعثيها ربي ينورك وربي يعطيك ماتتمني
دمتي بألف خير وهناء إن شاء الله ​

 

[aMiNa-K]

السلام عليكم

نسركل في اللمة تلاقيت بهاد الموضوع ههههه
موضوع بزاف شباب خويا عبيدو

وحد الوقت كنت دايما دايراتو سيلونسيو.. مسكين التلفون كان يظل يطايش في الدار و اللي يعيطلي يكره حياتو غير ادا زهر شفت التلفون هههههه دايما يعيطو عليا يقولولي علابالك بلي كاين وحد الاختراع يقولولو بورتابل ادا تسمعي بيه ههههه.. و سماوه بورتابل باش ترفديه معاك ماشي باش تطيشيه :crying:.. حتى دارولي وحد الضربة في الدار.. دارولي وحد السونري تاع خلايع الله لا يلاقيكم بيها :crying: و عيطولي عالزوج تاع الصباح :sad:.. مانحكيلكمش كيفاش وليت هههه

وليت اد نشوف روحي صح نسحق التلفون و نعرف بلي رايحين يعيطولي.. هنا كل واحد دايرتلو صونري وحدو باش نعرف شكون.. كما بابا :001_wub: دايرتلو وحد لاموزيك تاع بيانو بزاف هايلة.. و تالمو هايلة سميتها هايلة هههه.. يما :001_wub: ماتحبش لي سونري تاع تلفون درتلها انشودة (احزان قلبي) هههههه.. من بعد بدلتها بموسيقى تاع فيلم troi :angel_not:
خاوتي تاع زردة هههههه دايرتلهم صونري تاع زردة تانيك ههههه.. و الباقي جبدة لوكان كل واحد نديرلو صونري :glare: خيرت موزيك تركية تاع ليكيدي برك هههههه..و كالم بيانسور

مشكور خويا عبيدو عالموضوع.. قريت مرة في النت يقولو بلي يقدرو يعرفو شخصية الواحد من لاصونري تاعو.. كي كملت قريت لقيت روحي مامصنفة مع حتى فئة.. ماعنديش شخصية ولا واش ههههههههه
يعطيك الصحة خويا عبيدو

​

 

[mohamedsport]

شكرا على الموضوع بارك الله فيك

 

[meys]

انا مدايراتو انشودة دينية بعنوان عليك صلى الله يا خير خلق الله ، و بما اننا كامل متأثرين بجو مباراة مصر و الجزائر ، خدمت مقطع من اغنية بعزبز في اشهار نجمة عن الفريق الوطني يبدا بـ : معاك يالخضرا معاك يا دزاير ، عولت نديرو sonnerie
ان شاء الله برك تربح الجزائر ، قولوا آآآآآآآآآآآآآآآآآآآآآآآآآآآآآآآآآآآآآآآآآمين

 

[abidou 20081]

السلام عليكم

نسركل في اللمة تلاقيت بهاد الموضوع ههههه
موضوع بزاف شباب خويا عبيدو

وحد الوقت كنت دايما دايراتو سيلونسيو.. مسكين التلفون كان يظل يطايش في الدار و اللي يعيطلي يكره حياتو غير ادا زهر شفت التلفون هههههه دايما يعيطو عليا يقولولي علابالك بلي كاين وحد الاختراع يقولولو بورتابل ادا تسمعي بيه ههههه.. و سماوه بورتابل باش ترفديه معاك ماشي باش تطيشيه :crying:.. حتى دارولي وحد الضربة في الدار.. دارولي وحد السونري تاع خلايع الله لا يلاقيكم بيها :crying: و عيطولي عالزوج تاع الصباح :sad:.. مانحكيلكمش كيفاش وليت هههه

وليت اد نشوف روحي صح نسحق التلفون و نعرف بلي رايحين يعيطولي.. هنا كل واحد دايرتلو صونري وحدو باش نعرف شكون.. كما بابا :001_wub: دايرتلو وحد لاموزيك تاع بيانو بزاف هايلة.. و تالمو هايلة سميتها هايلة هههه.. يما :001_wub: ماتحبش لي سونري تاع تلفون درتلها انشودة (احزان قلبي) هههههه.. من بعد بدلتها بموسيقى تاع فيلم troi :angel_not:
خاوتي تاع زردة هههههه دايرتلهم صونري تاع زردة تانيك ههههه.. و الباقي جبدة لوكان كل واحد نديرلو صونري :glare: خيرت موزيك تركية تاع ليكيدي برك هههههه..و كالم بيانسور

مشكور خويا عبيدو عالموضوع.. قريت مرة في النت يقولو بلي يقدرو يعرفو شخصية الواحد من لاصونري تاعو.. كي كملت قريت لقيت روحي مامصنفة مع حتى فئة.. ماعنديش شخصية ولا واش ههههههههه
يعطيك الصحة خويا عبيدو

​

وعليكم السلام ورحمة الله تعالى وبركاته
تحية طيبة وعطرة ختي أمينة
واش نقولك مسكين الموضوع كانت طايرتلو غير يدور حتى تلاقى بيك تسركلي ههههههههههههه
ونقولك الموضوع مايسوى والو بلا بكم وراكي زدتي فيه أكثر من النص ربي ينورك
فيما يخص الموضوع وعلى حساب مافهمت منك أنت كان عندك البورتابل غير شبعة يعني
رميتيه وماتردي عليه وزاد كملها السيلونسيو بصح وداركم ربي يحفظهملك دارولك ضربة شابة بزاف
عندهم الحق إذا حتاجوك وين رايحين يلقاوك والبورتابل عندك غير مطيش ههههههههههههه
بصح والله غير عرفو واش يخيرولك هكذاك تفطني شوية هههههههههههههههههه فكرت كل واحد والسونري تاعو فكرة شابة كنت دايرها بزاف من الوقت غير منين عاودت فورماتيت البورتابل كومبلي
مازدش عاودتها بصح عندي البورتابل يقولي شكون لي عيط على حساب الإسم لي راني مركيه فيه
بصح أنت خيرتيلهم موسقى كل واحد على حسابو ههههههههههه بصح السونري تاع الزردة هذي ما زال ماشفناهاش بالاك نديروها باش كامل نزردوها هههههههههه
في ما يخص الموسيقى التركية نقولك واحد الوقت الدزاير كاملة دايرتها دارت سوكسي تاع الصح
والله غير البورتابل لي يسونس تسمع فيه غير سونري تركية منين يسوني بوتابل كامل يخزرو لبورتابلهم وحتى لي عندو 1100 ولا 1110 ويلعبها يتحسس في جيبو بحال راكي عارفة هههههههه
نقولك امينة الشكر لك على المرور الكريم ونقولك صح كاين منها السونري تاع البورتابل تعبر على شخصية الشخص بصح ماشي لدرجة كيما يتصورها الكثير يعني تلقى واحد داير سونري على حساب الناس ماشي على حسابو وهذا ماتقدريش تعرفي الشخصية تاعو بصح تعرفي بلي حب التظاهر عندو في شخصيتو يعني باش تطابق شخصية الشخص هذا مع السونري لي دايرها لازم يكون داير هو هذ السونري مختارها من أعماقو داخليا حاس بيها وكاين مرات تدخل في باب المزاج كيما يقولو يعني كاين وين يحب يدير حاجا كالم بزاف وكاين وين يقلبها هول وهي ماشية وماتقوليش بلي ماعندكش شخصية بالعكس من الشيء لي حكيتيه عندك شخصية وشخصية متوازنة وعلاش لي يدير سيلونسيو ماعندوش شخصية بالعكس غير واش هي كل واحد والشخصية الخاصة به وأنت راكي تبعتي بعض الأصناف لي يحطوهم ولي مشهورين عند العام والخاص وهذا ألأصناف مايعتبروش حكم على شخصية العبد كاملة ونعطيك مثال يقولك لي يسمع ولا يديرموسيقى رومانسية يعني تعبر بلي هذا الشخص عاطفي ورومانسي ولديه كذا وكذا ولكن لو نشوفها من منظور أخر يعني هذا الشخص حط هد السونري ماشي ليه هو يعني غير باش يسمعوها عندو منين يكسب هذا الشخصية بالعكس تولي عندو شخصية ماكر وخادع إلى غيرها ونتمنى فهمتي واش نحوس نقصد وربي يخليك ويعطيك ماتتمني
نورتي الصفحة وربي ينورك دمتي بألف خير وهناء إن شاء الله
​

 

[abidou 20081]

شكرا على الموضوع بارك الله فيك

العفو أخي الكريم محمد وفيك بركة
ربي ينورك دمت بألف خير ​

 

[abidou 20081]

انا مدايراتو انشودة دينية بعنوان عليك صلى الله يا خير خلق الله ، و بما اننا كامل متأثرين بجو مباراة مصر و الجزائر ، خدمت مقطع من اغنية بعزبز في اشهار نجمة عن الفريق الوطني يبدا بـ : معاك يالخضرا معاك يا دزاير ، عولت نديرو sonnerie
ان شاء الله برك تربح الجزائر ، قولوا آآآآآآآآآآآآآآآآآآآآآآآآآآآآآآآآآآآآآآآآآمين

تحية طيبة وعطرة أختي العزيزة meys

عليه أفضل الصلاة والسلام مليحة تاع الصح هذ الأنشودة ولو كاين البعض يقولك منين تدير
أناشيد من هذا النوع لازم تتجنب الأماكن النجسة لكن تبقى شابة السونري في حذ ذاتها
ونقولك شكون لي ماراهش متأثر بجو المبارة كبير وصغير كامل عقولنا راها نهار 14 نوفمبر
وبربي بربي إن شاء الله نكاليفو لاكوب ديموند ومن فمك لربي راني نقول معاك أمين ياربي
ربي يخليك وربي يحفظك وربي يعطيك ماتتمني ونورتي الصفحة ربي ينورك دمتي بألف خير وهناء إن شاء الله ​

 

[الأستاذ مصطفى]

السلام عليكم خويا عبيدو
والله كيما قلت السونري والله غير تبين شخصية الإنسان بحد ذاته وتبين واش كاين في داخلو
كاين اللي يدير موسيقة هادئة يتسمى رومنسي وكاين اللي داير الرعد
وكاين مسكين اللي دايرو فيبرار كيما حالتي عندي غير 1100
ربي ينورك خويا عبيدو​

 

[بنت الـ25]

أنا مدايرة سونري تع المسلسل التركي سنوات الضياع....بصح دايما مبخصة بيا..كي يسوني البورطابل يقولولي المسلسل خلص ومازلت برك تشفاي..هههههه........الله غالب تعجبني
موضوعك مليح عبيدو​

 

[سماح4]

تحية طيبة وعطرة أختي العزيزة سماح ​

والله غير هنيتي روحك وهنيتي راسك لاسونري ولا هم يحزنون
بصح الكلمة لي ضحكتني تاع الصح هي يخلعني ههههههه
وعلاش كنتي دايرة ديسك جوكي ولا سونري لي يخلعك هههههه
لفت الإنتباه في هذي عندك الحق ولا حظتها هذ النقطة مجرد يصوني البورتابل كامل
يخزرو فيك وكامل يرمو يديهم لجيبهم يعني كامل راه يسوني عندهم
بالرغم من أنه تلقى السونري مختلفة بينك وبينو بصح يرمي يدو لجيبو يرميه طبيعة الله غالب

الشكر لك أختي العزيزة وربي يبارك فيك ويعطيك ماتتمني دمتي بألف خير وهناء إن شاء الله ​

*

ربي يحفظك ويخليك..............

 

[سماح4]

أنا مدايرة سونري تع المسلسل التركي سنوات الضياع....بصح دايما مبخصة بيا..كي يسوني البورطابل يقولولي المسلسل خلص ومازلت برك تشفاي..هههههه........الله غالب تعجبني​

موضوعك مليح عبيدو​

هههههههههههه ماعلابالكش راه مسلسل *عاصي* يدور ضرك .......جاوابك عجبني.

 

[سر القلوب]

انا تاني مدايرتو vيبرور او سيلونسيو
ولكان غلطت ودرتو سونري ندير موسيقى تاع تيتانيك

 

[Voyage dans un rêve]

سلام ..
انا دايرة live is life و دي فوا ti amo و تعجبني prince igor بصح مانيش دايرتها تخلع شوية ههه...
مشكور على الموضوع.بصح السونري ماتعكسش الشخصية 100 ب 100

 

[بنت الـ25]

هههههههههههه ماعلابالكش راه مسلسل *عاصي* يدور ضرك .......جاوابك عجبني.

ايه علابالي......مي ماعجبنيش..مزهياتو غير لميس
مرسي سموحة عالمتابعة...​

 

[ملاكي]

انا وكان نقوللكم السونري تهبلو
دايرة طفلة تعيط
و اللي يحب نطلعهالو