العائلات الجزائرية.. حتى واحد ماخيرمن لوخر!!!

الحالة
مغلق ولا يسمح بالمزيد من الردود.

aMiNa-K

:: عضو بارز ::
أحباب اللمة
إنضم
19 جانفي 2009
المشاركات
1,500
نقاط التفاعل
58
النقاط
37
السلام عليكم و رحمة الله و بركاته
مساء الخير لمة.. وشراكم؟ ان شاء الله تكونو بخير

-------------------------------------

بعيد شوية على اجواء رمضان.. راني حابة نحكي على ظاهرة منتشرة بزاف عندنا.

ماعرفتش كيفاش نبدا.. بصح شوفو هاد الموقف اللي صرا عندنا صح في الدار.. و اكيد يصرا في كثير من العائلات:

مور صلاة التراويح.. كنا قاعدين في الدار قصارين و نضحكو لاباس علينا.. حتى زدم علينا الوالد و بدا يهدر :sad:

الاب: شوفو اليوم لازم نروحو نشوفو عمكم راه مريض و من عندو نروحو نشوفو عمتكم و في طريقنا نكملو نجوزو على خالتكم.. (حاب يليكيدهم كامل في سويعتين برك :lol:)

الابن الاكبر: اواه يا شيخ اليوم راني معول نسهر عند نسابي.. ماشي اليوم ماشي اليوم :confused1:.. خليها لنهار وحدوخر

الابن الاخر: وش شيخ علاش راك تخزر فيا؟.. انا نقولهالك ديركت مانروحش..و ديجا راني متفاهم مع صحابي نسهرو برا
(هدا خارجها طاي طاي :angry:.. و يصونيلو التلفون و يخرج مزروب من الدار)

البنت: ههههه يا بابا تعرف راني حابة نروح بصح راني متبعة مسلسل مانقدرش نراطيه :blush:
(و تسكيvي sans smir)

الام: (تتبسم).. مانعرف علاش مايحبوش يروحو يشوفو لافامي.. بصح لوكان تقولهم نخرجو حواسين يبداو يضاربو كل واحد يقول انا نروح :music_whistling:

هنا مسكين الاب يزعف :cursing:..و في اللخر تتطفر في الصغار.. انا وخويا الصغير :crying:
الاب: شوفو ماتقولولي والو دوك تلبسو و نروحو
(حكم القوي على الضعيف)

مايخليناش مامبا نهدررو.. و رحنا كارهيييييييييين حياتنا.. قعدنا gابلنا و ولينا :thumbdown:

----------------------------------

دوك ندخلو شوية في السيريو

وش رايكم في العلاقات بين الاسر هاد اليامات.. بكري كانت العائلات chaque week end يتلاقاو كامل في دار.. دوكا راهم ولاو يتلاقاو غير في الموض و ادا تكون موت بعيد الشر.. حتى في العيد يتغافرو في التلفون برك

علاش ولينا هكدا؟
علاش صلة الرحم ولات ثقيلة هكدا؟
علاش ولينا نشوفو شي عائلات يضاربو بالسيوفة و الشواقر علاجال اسباب تافهة؟
وعلاش ولينا نشوفو عائلات في دار الشرع؟

و علاش و وعاش و وعلاش :crying:

-------------------------------------------

و صحا فطوركم و تقبل الله صيام و قيام الجميع

 
غابت النية وزادت الانانية وحب الذات وغزاتنا المادة وحب الدنيا هذو هما الاسباب بصح مازال كاين صلة الرحم
وانت هللللللللللللللللللللللل تصلين رحمك وهلللللللللللللل تزورين اقاربك وهلللللللللللللللللللللللل تتصلين بالتلفون وهلللللللللللللللللل تزوري خوك وهللللللللللللللللللللللل اذا مهبلتكش بهللللللللللللل نتاعك منيش ونرار ههههههههههههههههههه وصح فطورك
 
و الله عندك الحق ولات صلة الرحم تجي ثقيلة العايلات يتلاقاو من العيد للعيد الناس تبدلت و الزمان تبدل
شكرا موضوع رائع
 
اختي طرحك قيم
جزاك الله خيرا عليه
انا تاني مازال مافهمتش التخمام تع العايلات دروك بصح اختي كثروا المشاكل بزاف وكل واحد يدير 100 حسب باش يهدر مع لاخر
كيما قال خويا الفوق مابقاتش النية
 
شكراعلى الموضوع القيم وا المشكل يقيس كل العائلات الجزائرية ماعندنا مانديرو
 
ماعنديش تعليق لانا الكل عايشينها
بصحتك لفطور
 
وش راح نقولك اختي اليوم كلش تبدل في لعباد راحت النية ولحنانة حتى بين العائلة الوحدة يعني بين الاب واولادو والام واولادها وين عاد بين العائلات لكبارربي يصلح ويهدي
 
صلة الرحم كانت بكري
ناس يطلوا على اقاربهم
و يروحو حتى لعندهم
مي دروك ماراناش نشوفو هاد الشيىء
يعني باقي عائلات عندهم صلات رحم و كاين الي لالا
كاين الي غي بالتريفون راهو يقرب المسافات مي ماشي صلة الرحم
و كاين الي مشغول طول الوقت زعما زعما
و الي يقطع صلة رحم لا رحم له

صحيتي ختي
و صحا فطورك موضوع رائع
يستاهل التقييم

 
H@teM، تم حظره "حظر دائم". السبب: مخالفة القوانين
يعطيك الصحة اختي على الموضوع
راحت العيشة تاع زمان وين كانت النية
تقبلي تحياتي
وصحا صيامك
 
كترة السماطة واللي الدنيا ملهياتو هي اللي ماخلاتش الناس تمشي لبعضاها..اللي تروح ليه يكرهلك احياتك وهو يلوم فيك وادا مالامكش يشكيلك همو من اللي زاد وشاف لحياة اتقولشي غير هو الي عندو مشاكل ادا اديت حاجة امعاك كي اتكون اتزور فيه يقول اعلاش تعبت روحك انت غير مع تخرج يغيضو الحال ويقول نطلب فيه ولا...وادا ما جبتش يقول جاني بيديه فارغين....انا وحدة من الناس اللي كرهولي احياتي بالسماطة وليت انسلم وانا واقفة وانعاود انروح....ورمضان كريم
 
سلام عليكم
السبب هو ضعف الايمان .
بارك الله فيك
 
موضوع قمة ولي عودة قريبة تقبل الله الصيام والقيام
 
غابت النية وزادت الانانية وحب الذات وغزاتنا المادة وحب الدنيا هذو هما الاسباب بصح مازال كاين صلة الرحم
ايه خويا عندك الحق.. و كثرو علينا الودانين اللي يظلو يلايمو في الهدرة.. فلان قال و فلانة عملت
يكدبو الكدبة و يامنوها
الله يهديهم
وانت هللللللللللللللللللللللل تصلين رحمك وهلللللللللللللل تزورين اقاربك وهلللللللللللللللللللللللل تتصلين بالتلفون وهلللللللللللللللللل تزوري خوك وهللللللللللللللللللللللل اذا مهبلتكش بهللللللللللللل نتاعك منيش ونرار ههههههههههههههههههه وصح فطورك
ههههههههههههه
زاد عليا الحال مقبيل.. وليت نقول غير هلللللللل :lol:
ايه الحمد لله مازالني نزور العايلة بصح بالسيف عليا راني نروح نتكركر :bored:


و ماهبلتنيش بهللللللل.. هلللل هدي ديالي ههههه
غير روح سمي روح winzip :lol:
 
و الله عندك الحق ولات صلة الرحم تجي ثقيلة العايلات يتلاقاو من العيد للعيد الناس تبدلت و الزمان تبدل
شكرا موضوع رائع

بصح علاش ولينا هكدا؟.. علاش زيارة الاقارب ولات ثقيلة هكدا؟
مانشوفوش بعضانا من العام للعام.. خطرة في الزمان نتلاقاو.. و جامي نتلمو كامل

الزمان ماتبدلش الناس هي اللي تبدلت
الله يهدينا

ميرسي اختي
 
صحا فطورك ختي لعزيزة أمينة ونقولك بارك الله فيك على الموضوع القيم والهادف

تاع الصح ولينا في وقت كلش نشوفو فيه يمشي بسرعة وحتى الوقت ولينا نشوفو فيه ضيق بزاف باش نزورو ولا نهتمو بزيارة ألأقارب وكامل رجعت عندنا مسلسل ولا فيلم ولا خرجة وقعدة فالزنقة خير من زيارة الأقارب وكل شيء من الوقت لي نحصلو فيه دايما لكن المشكلة فينا حنا نفسيا مافدرناش نتحكمو في رواحنا ولينا من الكره نحبو نروحو دايما لحوايج تاع الزهو وخلاص أي حاجا تخليك تنسى وتضحك وتتمسخر هذيك هي الحاجا لي ولات تهمنا ونحبو لوكان حتى واحد مايديرونجينا ولا يورينا طريق وحتى النصيحة ولات تقتل في هذا الوقت يعني لوكان تصيب يروح يطير عليك وماينصحكش والداخل تبدى تغلي وحدك وتقول أنا راسي معمر وهو يزيد يكمل عليا ومن هذ الشي تقلبنا من مجتمع مترابط ومتضامن إلى مجتمع يامن بكلمة كل واحد لاتي بهمو نبحتو على السعادة وماناش عارفين واش هي السعادة أصلا حبينا نتهناو وماعرفناش لهنا واشنو هو وعلى بيها رجعنا كيلي متبحرين ولا تايهين عايشين غير هكذا وخلاص كامل نشكو كامل عندنا مشاكل كامل نحبو نريحو وحدنا وعلى هذي رجعت الزيارة للأهل والأقارب في وقت فايت هي الزهو في حدذاته وهديك القعدات ماشاء الله والضحك واللعب رجعت درك قاعدات صامطة مافيها حتى بنا وتشوف في روحك خنقوك وضيع في وقت أنت كنت متمنيه تفوتو مع مسلسل ولا مع صحابك خير يعني أحنا في مخنا تبدلنا نفسيا هكذا ولينا نمشو ومن كلامي راني نستتني بعض الأقارب الذين تحولو إلى عقارب يعني ملي تروحلهم وأنت تشوف فيهم يشوفو فيك شوفة لوكان غير ماشفتهمش ونستتنيهم لأاننا نتحدث على سبب عزوفنا من زيارة الأقارب ولي سببو أننا رجعنا عباد نشوفو هذيك الزيارة كأنها رباط ربطونا بيه وما تريحش آليز كامل وأنت داخلك تغلي وحدك والصح أنك ماكاين والو غير هكذا تفضل شيء على شيء وخلاص ربي يحفظك ويخليك ختي أمينة على الموضوع القيم وربي يخليك ويعطيك ماتتمني ويفتح في وجهك كل بيبان الخير
تقبل الله منا ومنك ومن الجميع الصيام والقيام وصالح الأعمال
 
و الله غير صح موضوع في محلو
لاحظت هذى الظاهرة بزااااف و منعرفش علاه ولات الدنيا هكذا
بكري كي كانت ماني حية و الله في كل يووم عندها جاامي نشفى على روحي فات نهار و مرحتش ليها
مي درك انروح كل وحدة من عرايسها في شمبرتها انروح انضيف روحي انا ؟؟
وليت منروحش و هذا هو السبب الكبير تاع العايلة رااح
و الله تروح ليام و تبقى غير الذكريات
سماطت الأيام تاع درك وين رااهوا زماان
مشكوور على الموضوع
تقبل مرروي
 
اختي طرحك قيم
جزاك الله خيرا عليه
انا تاني مازال مافهمتش التخمام تع العايلات دروك بصح اختي كثروا المشاكل بزاف وكل واحد يدير 100 حسب باش يهدر مع لاخر
كيما قال خويا الفوق مابقاتش النية

راك تشوفي اختي غابت النية غابت معاها كل حاجة حلوة
الله يصلح احوالنا برك
 
شكراعلى الموضوع القيم وا المشكل يقيس كل العائلات الجزائرية ماعندنا مانديرو

الله يسلمك اختي
علاش ماعندنا مانديرو.. كل مشكلة عندها حل.. غير حنا برك ماشي حابين نصيبو حل
 
الفامي تاعنا لاباس بيها
نتلاقاو chaque week end
الحمد لله
مشكورة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top