ماهي المادة التي كنت تكره تدرسها؟

الأمير الجزائري

:: عضو مُتميز ::
إنضم
24 ماي 2009
المشاركات
963
نقاط التفاعل
3
النقاط
17
أصدقائي جبت لكم موضوع جديد جديد من عندي
وهو عبارة عن سؤال :
واش هي المادة اللي كنت تكرهها في المدرسة (ابتدائي ولا متوسط ولا ثانوي)
واش هو السبب ؟؟؟؟
 
السلام عليكم اخي الامير في الحقيقة المادة التي كنت اكرها هي مادة الاجتماعيات خاصة التاريخ لاني كنت اكره الحفظ كثيرا وكنت انسى التواريخ كثيرا ..احب الجغرافيا بعض شيء لانها ليست مملة واحب التربية المدنية ولكن مؤخرا صرت احب مادة التاريخ ......
سلام
 
كنت نكره المواد تع لحفيظة الكل
نكره نحفظ
 
أنا في الابتدائي كنت مميزة في جميع المواد لكن مع دخولي المرحلة المتوسطة اكتشفت كرهي الشديد للمادة الجديدة التربية التكنولوجية و اتبعها كره مماثل للرياضيات لصعوبتهما واستمر حتى المرحلة الثانوية مع نفس المادة الرياضيات و الفيزياء تحت المسمى الجديد. أتذكر اني في شهادة البكالوريا تحصلت على نقطة ضعيفة جدا في الرياضيات أخجل من الافصاح عنها علنا:tongue_smilie::blush: ومنذ السنة السابعة أساسي أسوأ الحصص عندي كانت في هاتين المادتين و بالمقابل كنت أحب كثيرا اللغة الفرنسية وكنت الافضل فيها في قسمي منذ الابتدائي حتى الثانوي, انتظرها بشغف و كنت المفضلة عند استاذتي في هذه المادة كما كنت أحب العربيةو التاريخ و الانجليزية .


شكــــــرا لك أخي الامير الجزائري على الموضوع الشيق الذي بعث في نفسي ذكريات الطفولة و المرحلة الثانوية الجميلة.


 
أنا كنت في الثانوي ندرس أشغال عمومية
ومادة الطرقات والنشآت العامة كان يدرسهالي أستاذ سلفي
كرهني في المادة نتاعو وكرهني في السلفية
لكن الحمد لله وزكارة فيه تحصلت على أحسن معدل في هذه المادة وفي الباكلوريا أيضا
 
انا نكره الاجتماعيات .مادة تعيف واستاذة تعيف وارواح نتا وسلكها
 
كنت نكره الرياضيات وفرنسي وتكنولوجيا وعلوم الاستاد ديالها كان يجيب النعاس كي يشرح الدرس
 
H@teM، تم حظره "حظر دائم". السبب: مخالفة القوانين
نكره كل المواد
 
انا نكره الفيزيك
على خاطر من يوم لي عرفت الفيزيك
والأساتذة تاعها غير المرنك وخوه
في السيام والليسي حتى ماوليتش نطيقها
 
انا ولفلسفة ما نتلاقاوش
اولا انا علمية .. وجابولنا الاستاد في نص العام ..والاستاد الي جابوه خارف ..راكم عارفين جماعة الفلسفة كيفاه مدايرين .. وقالولك رايحين تتمتحنو فيها في الباك المهم ضربت5 في الباك وعديتها وخلاص
 
جبتلك آخر نكتة من اختك سماح......انا كنت نكره نكره مادة الاجتماعيات وكي جبت الباك قريت استاذة اجتماعيات...ودرست مادة الاجتماعيات ارواح انت وافهمها..
 
السلام عليكم
وأعتذر لكم عن تأخري في قراءة ردودكم والرد عليها وقد أعجبتني كل الردود وأضحكتني كثيرا:thumbup::thumbup::thumbup::thumbup: فور فور فور
وقد كشفت بعض أسراركم و نخبر الشيوخة عليكم :001_tt2::001_tt2::001_tt2:.....
شكرا لكل المتدخلين دون ذكر كل الأسماء...:001_rolleyes::blink::cursing::bored:
نسيت حاجة مهمة
أنا ما قلت لكم والو على روحي .... كنت نكره.....ال ال ال ال
ماعليش ولكن هي نكتة أخرى ومضحكة كنت نكره التاريخ
واليوم الحمد لله راني أستاذ تاريخ :laugh::laugh::laugh:

 
و الله و بكل صراحة كنت نكره الاجتماعيات ليست كمادة و انما نفس الدروس من رابعة ابتدائي للثانية ثانوي و حنا في الثورة و موقع الجزائر فلكيا و قاريا و التضاريس من كثرة ماني نقرى فيهم نسيتهم
 
نكره مادة الادب العربي
 
نكره الفرنسي وماشي نكرها كمادة نكره الاساتذة تاعها جامي طاحلي واحد يعرفي يقري

مانعرف كيفاش نجحوا هوما

:001_cool:​
 
نكره مادة الانجليزية
لاني نلقى فيها صعوبات
 
نكره الرياضيات تاع الهم لأني جامي قريت عند استاذ يصلح كامل ما يطيحوليش على القوسطو و راك عارف كي تكره الاستاذ تكره المادة تاعو
 
بالنسبة ليا انا كنت نحب جميع النواد
ماعدا الفرنسية الي كنت ما نفهمهاش خلاص​
 
الفرنسي ياعيني على الفرنسي
المسيو يعرف غير يضرب
وما يفهمناش
كرهناه وكرهنا مادتو
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top