جيزي وموبيليس يشجعو في لفساد

الحالة
مغلق ولا يسمح بالمزيد من الردود.

abidou 20081

:: عضو بارز ::
أحباب اللمة
إنضم
27 ماي 2008
المشاركات
2,337
نقاط التفاعل
3
النقاط
157
خاوتي كامل عندنا لي بورتابل وكامل نحبو لي بونيس وخاصة منين تولي الهدرة باطل هذي تفرح أكثر
بصح وعلاش الهدرة باطل هذي والبونيس هذا يبدى دايما غير فالليل يعني الباطل ولا لي ليزينيتي ينقصو غير فالليل يطلع النهار يولو بالدراهم وعلاش الصوالح تاع الناس والخدمات كلش ولاو فالليل ولا عندهم غرض أخر ولا راهم يعاونو فالمغبونين تاع 12 تاع الليل هذا يبعث لسكينة وهذا لخدوج وهذي تبيبي بالاك تلصق راهي حابسة المخلوقة ومالقاتش كيفاش تفوت الوقت يعني نظن بلي اصحاب الصوالح تاع الصح ماعندهمش الحق فالباطل وصحاب الغرام والليالي الملاح هذ لازم يشجعوهم واش رايكم هنا جيزي وموبيليس ولا حتى النجمة راهم يمدو في لي بونيس والباطل على خاطرش يحبو الزوالية ولا يحبو يشجعو الفساد
كل واحد وله رأي وكل واحد ووجهة نظرو والموضوع موضوعكم وخذو راحتكم وأنا نقولكم ما عنديش البونيس ترد عند رد ماتردش ماتلقى والو ههههههههههههههههههههه

أنا في راي وتعرفوني مانحبش نصعب الأمور بزاف لوكا جات فالفايدة يعني علاقة تاع زواج وحب صادق لاباس بصح باش من وحدة لوحدة وهي من واحد لواحد هذي لي عيب كبير وكبير وعلى هذي نشوف في البونيس والباطل قد ماراهو فايدة تاني راهو فساد وصدق من قال التكنولوجيا سلاح ذو حدين وكل واحد على واش حب يستعملو
 
السلام عليكم عليكم خويا عبيدو الواحد غير يشوف مواضيعك
يدخل بلا ما يفيق، الله يبارك واللهم لا حسد ......
خويا جيزي وموبيليس ونجمة راهو غايضهم حال الشباب نتاع هذا الوقت
قالك هوما راهم ساهرين، ساهرين إمالا نعطوهم حاجة يفوتو بيها القوت
ومادام هذا الكلام إلي رايحين يتكلموه في أغلبيتو رخيس حاشاك وحاشا الأعضاء، لازم يرخسو سومتو
أما كلام النهار فهور كلام فيه الفائدة وغالي لازم تخلص عليه بالغالي
خلي الشباب يعيش راكي في دولة ثلثي مواطنيها شباب
يا واحد الشايب
بون أبيتي بعد المغرب
 
والله غير صح
وزيد فوق كل هاذا انتشار التيليفونات الكاذبة
يعني يتيليفونو الواحد يكذبو عليه
ويركبولو الخلعة
وزيد يلى تلاقى مع واحد مريض وميستحملش يروح فيها
كونهي المكالمة بالدراهم ميديروهاش
صاحيت على الموضوع

 
هو كي مدلهم لي بونيس عند فايدة بصح حنا برك مانعرفوها وكيما قلت
راهم يفسدو في الشباب
 
الجياحة والغباء واين يديو اربح بونيس فالدنيا تخسر تاع لآخرة والفاهم يفهمها
 
السلام عليكم عليكم خويا عبيدو الواحد غير يشوف مواضيعك
يدخل بلا ما يفيق، الله يبارك واللهم لا حسد ......
خويا جيزي وموبيليس ونجمة راهو غايضهم حال الشباب نتاع هذا الوقت
قالك هوما راهم ساهرين، ساهرين إمالا نعطوهم حاجة يفوتو بيها القوت
ومادام هذا الكلام إلي رايحين يتكلموه في أغلبيتو رخيس حاشاك وحاشا الأعضاء، لازم يرخسو سومتو
أما كلام النهار فهور كلام فيه الفائدة وغالي لازم تخلص عليه بالغالي
خلي الشباب يعيش راكي في دولة ثلثي مواطنيها شباب
يا واحد الشايب
بون أبيتي بعد المغرب

وعليكم السلام ورحمة الله تعالى وبركاته

صحا فطورك خويا وربي يتقبل
عندك الحق خويا راه غايضهم حال الشباب قالو نسهلو عليه شوية أمور نزيدو نسهروه شوية
وكيما قلت كلام رخيس ربي يعزك لازم تكون سومتو رخيسة ياخويا أنا ماراني حاسد حتى واحد لوكان يعطوهم أبيس سبيسيال خير بصح وجماعة النهار وعلاش ما يفكروش فيهم شوية ماراهومش عباد هههههههه ماعليش خويا مارانيش حاسد الشباب ياخويا حنا شياب مابقالنا غير الماء يحمى هههههه بصح كلمة ولازم نقولوها هما أحرار واش يديرو وحنا أحرار في واش نهدرو ربي يبارك فيك خويا وربي يحفظك ويخليك
وربي يتقبل منا ومنك الصيام والقيام وصالح الأعمال
 
س س س سلام عليكم
صحا فطورك خويا عبيدو

غير شفت في عنوان كاين جيزي و موبيليس دخلت نجري :w00t:.. عمباتلي كاين bnus جديد و انت ماعجبكش الحال هههههه

مانوافقكش على موبيليس.. بالنسبة ليا هي المخيرة في الدزاير:cool:.. و فيها الهدرة باطل حتى في النهار:sleep:.. بصح حتى بعد الدقيقة الثالثة :lol:
(vive منتوج بلادي:music_whistling:)

و سورمو ماراهمش يمدو لي bonus لله في سبيل الله.. مايجو يمدو bonus حتى يكونو متاكدين بلي راهم رايحين يدخلو الدوبل

و زيد كما قال الاخ السوفي.. مادام راهم يهدرو في الرخس رخسولهم السومة

كي العادة مواضيعك في القمة.. بارك الله فيك
و صحا صحورك.. و تقبل الله الصيام و القيام
 
والله غير صح
وزيد فوق كل هاذا انتشار التيليفونات الكاذبة
يعني يتيليفونو الواحد يكذبو عليه
ويركبولو الخلعة
وزيد يلى تلاقى مع واحد مريض وميستحملش يروح فيها
كونهي المكالمة بالدراهم ميديروهاش
صاحيت على الموضوع


صحا فطورك ختي وربي يتقبل

والله ياختي غير حديثك موضوع في حدذاته وكاينة منها واش راكي تقولي كاينة بعض القوم ربي يهديهم دايرين البورتابلات غير للتمسخير كيلي مخلوعين ولا ماشافوش قاعدين يتمسخرو بالناس والله غير عيب عليهم مايفكرو يقولك واحد مريض مايفكرو يقولك بالاك ناس خاطيها هذ الشي وكاين بعض النسا مساكن فسدو عليهم حياتهم غير هكذا ولقصايص بزاف بزاف من هذ النوع وكلش من الباطل هذا وزيد داروه فالليل زادو زوقو الحالة مليح ربي يحفظك وربي يخليك وربي يعطيك ماتتمني
تقبل الله منا ومنك ومن الجميع الصيام والقيام وصالح الأعمال
 
هو كي مدلهم لي بونيس عند فايدة بصح حنا برك مانعرفوها وكيما قلت
راهم يفسدو في الشباب

صحا فطورك خويا وربي يتقبل

صح حنا مانعرفولهاش والله ياخويا مانقصد لي ناوي لحلال ولا هذ النوع من الناس لي تستعملو فالضروريات بصح راني نقصد أنها وسيلة تشجع على لفساد والديرونجمون تاع الناس وزيد لي راني نقصد فيها مليح هي وعلاش لي بونيس هذو مايتمدوش تاني فالنهار لي فيهم شغالات بزاف ربي يخليك خويا وربي يحفظك وربي يعطيك ماتتمنى دمت
 
الجياحة والغباء واين يديو اربح بونيس فالدنيا تخسر تاع لآخرة والفاهم يفهمها

صحا فطورك ختي وربي يتقبل

والله ياختي نجمة واش تحبي نقولك كثر ملي قولتيه تربح لي بونيس تاع الدنيا وتخسر تاع الأخرة هي سياسة خير ماقل ودل بصح كاين نقطة دايما راني نركز عليها وهي نتحدث على ضرورة حتمية يعني حاجا راها محتمة علينا لازمنا نتعاملو معاها كيما راهي ربي يخليك ختي وربي يحفظك ويعطيك ماتتمني
وربي يتقبل منا ومنك ومن الجميع الصيام والقيام وصالح الأعمال
 
دركا هادو جيزي وموبيليس ونجمة يعرفو كيفاه يكسبوا الزبائن
يعني أغلبية الشباب يحبو يحكيو فالليل ، يجوزوا السهرة
وهوما يديروا لي بونيس هادو سبيسيال فالليل
خاطر فالنهار ما يحكيوش الناس بزاف وكون يديروها فاللنهار مش رايحين يربحوا
وزيد كاينين وحايد مساكن مش تاع حكايات فالليل
بصح هوما فسدوهم
وانتوما تعرفو الشعب يحبوا حاجة تاع باطل لاشتا ام يسرقوا فيهم
هوما في بالهم دارولهم حاجة مليحة في فايدتهم
بصح غير قاعدة تفسد فالشباب
أغلبيتهم انحرفوا
يعني كون داروا لي بونيس فالنهار مش خير؟
هام يستغلوها الاغلبية في حوايج ملاح
يحكيو مع صحابهم مع لافامي ...... الخ
بصح بلادنا معكوسة
ربي يستر برك
الحل الوحيد انو الوالدين يعسوا بناتهم
وكي يعسوا هوما بناتهم الدراري ميلقاوش فرصة باش يحكيو في التيليفون
المهم حنا نقولوا ربي يهديهم كامل
ويهدي تاع جيزي اللي دارت الهدرة من 9 تاع الليل ل 7 تاع الصباح يعني
مش خير كون دارتها من 7 ل 5 تاع العشية وهي فرات
الغاشي يشبع رقاد فالليل
وزيد نتفاداو الفساد
 
س س س سلام عليكم
صحا فطورك خويا عبيدو

غير شفت في عنوان كاين جيزي و موبيليس دخلت نجري :w00t:.. عمباتلي كاين bnus جديد و انت ماعجبكش الحال هههههه

مانوافقكش على موبيليس.. بالنسبة ليا هي المخيرة في الدزاير:cool:.. و فيها الهدرة باطل حتى في النهار:sleep:.. بصح حتى بعد الدقيقة الثالثة :lol:
(vive منتوج بلادي:music_whistling:)

و سورمو ماراهمش يمدو لي bonus لله في سبيل الله.. مايجو يمدو bonus حتى يكونو متاكدين بلي راهم رايحين يدخلو الدوبل

و زيد كما قال الاخ السوفي.. مادام راهم يهدرو في الرخس رخسولهم السومة

كي العادة مواضيعك في القمة.. بارك الله فيك
و صحا صحورك.. و تقبل الله الصيام و القيام


و و و و عليكم السلام ورحمة الله تعالى وبركاته
وربي يسلمك وأنت زادة لقيت الرد جيت نجري وأنا عندي هذا هو البونيس هههههه
واش ختي أمينة راكي تديري الإشهار لموبيليس هههههههههههههه ماعليش لي عندو موبيليس يقول هي لي مليحة ولي عندو جيزي يقول لالا جيزي خير وهي ماشية وكيما قلتي كامل مايمدوش لي بونيس صداقة هذي مفروغ منها ويتبعو الفايدة وين راهي على كل حال هما الرابحين في كل الأحوال ومهما دارو بونيس يبقاو رابحين بصح كل الشغالات تاع الناس تقريبا فالنهار وعلاش مايزيدوش تاني لي بونيس فالنهار وهكذا يتبتو بلي راهم مع الشعب كامل ماشي غير مع خفافيش الليل ولي حبو يرجعونا كامل منهم حتى لي عندو شغل ويحب يطول فالهدرة يخليها لليل
ربي يخليك وربي يحفظك ويعطيك ماتتمني ختي أمينة وأنت لي فور ماشي المواضيع ومشاركتك أسعدتني كثيرا ربي ينورك
تقبل الله الصيام والقيام وصالح الأعمال
 
دركا هادو جيزي وموبيليس ونجمة يعرفو كيفاه يكسبوا الزبائن
يعني أغلبية الشباب يحبو يحكيو فالليل ، يجوزوا السهرة
وهوما يديروا لي بونيس هادو سبيسيال فالليل
خاطر فالنهار ما يحكيوش الناس بزاف وكون يديروها فاللنهار مش رايحين يربحوا
وزيد كاينين وحايد مساكن مش تاع حكايات فالليل
بصح هوما فسدوهم
وانتوما تعرفو الشعب يحبوا حاجة تاع باطل لاشتا ام يسرقوا فيهم
هوما في بالهم دارولهم حاجة مليحة في فايدتهم
بصح غير قاعدة تفسد فالشباب
أغلبيتهم انحرفوا
يعني كون داروا لي بونيس فالنهار مش خير؟
هام يستغلوها الاغلبية في حوايج ملاح
يحكيو مع صحابهم مع لافامي ...... الخ
بصح بلادنا معكوسة
ربي يستر برك
الحل الوحيد انو الوالدين يعسوا بناتهم
وكي يعسوا هوما بناتهم الدراري ميلقاوش فرصة باش يحكيو في التيليفون
المهم حنا نقولوا ربي يهديهم كامل
ويهدي تاع جيزي اللي دارت الهدرة من 9 تاع الليل ل 7 تاع الصباح يعني
مش خير كون دارتها من 7 ل 5 تاع العشية وهي فرات
الغاشي يشبع رقاد فالليل
وزيد نتفاداو الفساد

صحا فطورك ختي سوما وربي يتقبل

عندك الحق ختي سوما في كل لي قلتيه وهذي هي مشكلتنا درك حنا نفكرو بلي الفايدة عندنا كامل فالبونيس وكامل نحبو البونيس والباطوليس بصح المشكلة بزاف مايعرفش يستعملها وكاين ملي يديرو الباطل وهو قاعد يديرونجي فالغاشي يعني مايفكر فالي راقد ما يفكر في لمريض مايفكر بالاك يضيع دار معاه بهذ التصرفات عندو كلش زهو وهي جياحة فالحقيقة ولوكان على ألقل يديرو البونيس والباطل تاني فالنهار يستفادو منو العائلات منين تحب تتصل ببعضها ويستفادو منو الغاشي لي عندها شغالات بزاف لالا هما يستعملوها فالليل وين تولي باينة لواش تستعمل وتنقص الشغالات بزاف ولي خدام يحب يرقد وغيرها من الأمور لي مايستفادش من هذ العرض
ولوكان جيزي وموبيليس يستعملو الباطل من 7 ل 5 تاع لعشية كيما قلتي ماتخرجش عليهم ومايستفادو من والو ربي يحفظك ختي وربي يخليك ويعطيك ماتتمني وربي يفتح في وجهك كل بيبان الخير
تقبل الله الصيام والقيام وصالح الأعمال منا ومنك و من الجميع
 
السلام عليكم......صحا فطورك خويا عبيدو
بلا ما نقول....لموضوع تاعك فوووووووووووووووور
هههههههههههههه
ممكن عندهم نيات ماشي مليحة وراء هادو الbonus.....كيما قلت نتا....يفسدو فلغاشي
والشعب...الله يبارك عليه....كي يسمع حاجة راهي باطل..يجري من وراها..ههههههههههه
وبالاك راهم يديرو هكدا باش يجذبوا الناس....يعني يمشوا فسلعة تاعهم والله اعلم
المهم ادا كانو ناويين الشر....ربي يبليهم ان شاء الله...هههههههههه
********
تقبل مروووووري
 
بارك الله فيك أخي و الله موضوعك في القمة
حسبنا الله و نعم الوكيل
 
عبيدو باش نربحو قاع البونيس نتاع الشبكات الثلاثة
نشرو 3 بيس وهكا نتكلمو ليل ونهار
أنا عندي موبيليس وجيزي
ضرك نكمل نجمة
لكن لازمني بورتابل تريبل بيس
كاش ما كاين جوايهكم يتباعو، أشريلي واحد أنا خوك
ونتفاهمو في السومة فاسيليتي 10 سنين
خلينا نشيخو من الشايخين
واش رانا حابين نصلحو العالم
رانا ديمودي يا عبيدو، لامود هكا شيخات وقصرات
من الساعة 00 إلى 7 تاع الصباح
ونروحو نرقدو في البيرو


 
السلام عليكم......صحا فطورك خويا عبيدو
بلا ما نقول....لموضوع تاعك فوووووووووووووووور
هههههههههههههه
ممكن عندهم نيات ماشي مليحة وراء هادو الbonus.....كيما قلت نتا....يفسدو فلغاشي
والشعب...الله يبارك عليه....كي يسمع حاجة راهي باطل..يجري من وراها..ههههههههههه
وبالاك راهم يديرو هكدا باش يجذبوا الناس....يعني يمشوا فسلعة تاعهم والله اعلم
المهم ادا كانو ناويين الشر....ربي يبليهم ان شاء الله...هههههههههه
********
تقبل مروووووري

الله يسلمك ختي نحبك يالجزائر وأنت زادة
وأنا نقولك أنت لي فور وربي يخليك ويحفظك
ونقولك هما يحطو البونيس والنية تبقى على حساب كل واحد وين يستعملها لكن دائما نحطو تساؤل وعلاش لي بونيس ماينداروش فالنهار غير فالليل وشكون لي يستفاد منهم باينة وهذي ماراهيش غايبة عليهم وأنا نقولك ماعليش الشباب راه مغبون ومزلوط الأغلبية تاعو بصح إذا كان إستعملوها في حاجا تاع فايدة ماعليش بصح غير تضياع الوقت هكذا راهم يشجعو في لفساد وأنا نظن لي يحب يدير الإشهار باش يمشي سلعتو ماشي غير فالليل يتفكرو تاني جماعة النهار تاني هما عندهم شغالات تاع الصح والمخاسر تكون كبيرة على جماعة الليل ومتأكد بلي هكذا تاني يكون إشهار مليح بصح ماعندهومش الفايدة هكذا ربي يهدي كيما قلتي وربي يخليك ويحفظك وربي يعطيك ماتتمني ويفتح في وجهك كل بيبان الخير دمتي
وتقبل الله الصيام والقيام وصالح الأعمال
 
بارك الله فيك أخي و الله موضوعك في القمة
حسبنا الله و نعم الوكيل

صحا فطورك خويا أمين وربي يتقبل

وفيك بركة خويا وربي يجازيك وأنت خويا لي فالقمة وربي يحفظك وربي يخليك ونورت الصفحة بالطلة تاعك ربي ينورك وكيما قلت ماكانش خير من كلمة حسبي الله ونعم الوكيل
تقبل الله الصيام والقيام وصالح الأعمال من الجميع
 
لنقل اغلبكم تلهثون وراء البونيس ودخلتم للموصوع لكي تكتبو ردود خبيثة انا اسف على هذا الرد لاكن هيا الحقيقة وفي هذا الزمان من النادر ان تجد من يحب الحقيقة او يقولها على نفسه
 
عبيدو باش نربحو قاع البونيس نتاع الشبكات الثلاثة
نشرو 3 بيس وهكا نتكلمو ليل ونهار
أنا عندي موبيليس وجيزي
ضرك نكمل نجمة
لكن لازمني بورتابل تريبل بيس
كاش ما كاين جوايهكم يتباعو، أشريلي واحد أنا خوك
ونتفاهمو في السومة فاسيليتي 10 سنين
خلينا نشيخو من الشايخين
واش رانا حابين نصلحو العالم
رانا ديمودي يا عبيدو، لامود هكا شيخات وقصرات
من الساعة 00 إلى 7 تاع الصباح
ونروحو نرقدو في البيرو



سلام خويا حمة من جديد هاو البونيس تاع الصح هههههههههههههه

خويا ماشي خسارة فيك تأكد من هذي وخصتك نجمة نبعثلك عشرة بصح بورتابل تريبل بيس هذا حير فيه وحدك ههههههههههههه مازال ماخترعوهش بصح نقارونتيك ينجح فالدزاير ياخويا نزيد نقولك وين راه المشكل شيخ على روحك هما تاني راهم داروها باش الغاشي تشيخ غير واش من شياخة لتم مانيش عارف ومن 00 ل 7 تاع الصباح هذي تاني فيها وفيها بات قاعد وأصبح راقد وخلاص الشعب راه راقد وعلاش أنت نايض حبيت تولي كافي ولا كيفاش ههههههههههههههه
ربي يخليك وربي يحفظك دمت ودام البونيس تاعك ههههههههههههه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top