خلاص العام 2017 في الذاكرة ..

[الصحافية الساخرة]

السلام عليكم و رحمة الله و بركآته

^^

خير الأمور أوسطها ، امالا نكتب فالوسط و ساعات نبدل الديكور و البوصلة

ديفوا توجهني يمينا - يسارا ، أمالا شدوا ارواحكم مليح و كحلوا عينيكم باش

تقدروا تكملوا الموضوع ، سيرتوا صلاح حبشي مسكين عندوا قصور طاقوي

فنيوي من فنيان ههههه

...

خلاص العام

يا ترى كاين اللي راحوا للروس ؟ اااي بلا تاشيرة

و فيها البرد و الديقة


يااا على الايام كيفاه تجري و أنت يا الشعب تبكي على كوب

دافريك و ديموند كي ما طلعناش ؟ وعلاش غولام ما خرجهاش

للتوش ؟ هذي تحتاج تخمم فيها ااه !!!

" شبعونا مقروط" !!!

أنا شبعت حبة بنان ب 10 آلاف ، و الحليب تجمع شعبي

حول البائع و العياط " أزمة صباحية قهوية " الدوخة تبقى معاك

حتى يلقانا السي الوزير حل بصح تمسخر بينا

شطحهم فالقاعة الديجي و الزغاريد و هو ماعندوش الوقت

يا خسارة ما شفناش الخاتمة تاعوا قبل ما يفارقنا

و هكذا ظهر تبون و من بعد تلبوه و جاء أويحيا بلا لحيا

بيه الجزائر تخلا و ديراكت مامبا يرحمنا نستنشقوا الهواء بعد

رحيل سلال خنقنا بالفجايع ، الخزينة فارغة و الناس

منا لنوفمبر باش تخلص
...

و كي وصلوا الانتخابات كي العادة تعرفوا الخرافات و الوعود

المستحيلات ..

بصح هذي المرة خرجولنا زوج أصوات ليرابور بقوة

"سمع صوتك" الشعب ما يسكتش عطاهم طريحة سماوهم

"شياتين" هههه ، و موراها خلعونا اليوتوبورز و جرجروا معاهم

الشعب " ما تسوطيش" دارت حالة و الرسالة ، الخرلمانيين هههه

و فجعة تان تان تان واحد فاقه فالدين غاضوا الحال

ووحدة يبيبولها برك زعفت ( خسارة حتى راني زعفان جات روطار لوكان

عبرت على الشعور هههه )

.. .
​

ارواح معاي لهذي الجهة باش تدوخ و كي تدوخ تفهم تم تم لن تحتاج تركيز

رمضان و الزربوعي هههه سحّرنا و فطرنا غير بالكاميرا كاشي ( حتى فاللمة ههههه ) ،
حكمونا بالواعرة السامطة فالاول سخفونا و شوقونا ومن بعد شطحونا برك "

تيك تاك تاو" الاغنية التي نسات الشعب الجزايري في كامل الغنيات و استوطنت

القلب ومشات فالعراس ..

رمضان فات سامط بزاااف مع استديوا التطياح و التخلاط المفاجئة أنوش مافيا

هههه و كامل علموهم فن الرد بالسب و الكاراتي و ارمي القرعة ولا الكرسي هههه

و البنات ولاو يعشقوا في إسلام ههههه

يااه كي نتفكر كيفاه فوتنا رمضان يالوكان عرضوا غير الاشهارات دوخونا

اخطب ولا اهرب ، واحد زوجوه ولاخر سرقوه و قتلوا الناس و الحشومة

كي بهدلوهم الناس الكل شافتهم ههههه

و ينتهي رمضان و غدوا العيد يقولونا بلي كلينا نهار نورمالموا نكملوا نصوموا

( صراتلنا كما عاشور العاشر بصح حنا جانا الخبر روطار ههههه ) ..

هنااا راني هنا واش بيكم دختوا اصبروا عليا راني نعوض الايام اللي غبت فيهم ههه

"ديسباسيتو" و لا ديباسيتوا كما غناها واحد ههههه

و اللي دارت حالة بالغنية بالشطحة المدوخة " فكرتني فالواي الواي راحت بعيد ياه ههههه

و نروحوا لمذيعة نشرة الاحوال الجوية اللي

ولاو على جالها يتفرجوها شيوخا ، أطفال و شباب

و النسا غيارات يظلوا يطيحوا فالمخلوقة ههههه


و إسلام تاع النهار يحكموه في كباري طلقوه المعجبات تاعه



ترقد الحالة و نرقدوا حنا شوي هههه و تعاود تفطن

على " راني زعفان " و كلاش النهار


بن عمييييي عام عامر بالاحداث و ما تفهم والوا

الرئيس تاع فرنسا فكرون ولا ماقارون ؟؟ اواه ماكرون عندنا

فالجزاير روح اسيدي معليه مييي ... استقبلوه بالزغاريد

بوسا و عناقا ( الطائفة الحركية ) ؟؟؟

2017 ختامه ممل ، مؤسف كلشي معقد ، ترامب يعترف بالقدس عاصمة

اسرائيل ، قامت القيامة و الشعب الجزايري يرفع شعارات " لا للقدس "

فيديوا دي زاد جوكر " أنقذوا فلسطين" اللي كان مختلف و باللغة الانجليزية

باش توصل الرسالة ، و رفع تيفوا الجزائر - سلمان-ترامب

اللي دار ضجة كبيرة و قالك :

السعودية رايحة تمنع الجزايريين من الحج ؟ ههههههه ضحكت والله

و خايفين تحاصرنا كما قطر ؟ و هذا يسب في هذا

لاخر يهدد وواحد يقصف و تستمر القصوفات و البروقات

و يصدرولنا موراها لعبة السردين الأزرق :p اللي قتلت دراري

صغار !!! و خرجوهم بالزغاريد ؟؟؟ ووزيرة التصال حبت تنحي الفيسبوك

ههه المهم خممت صواب خير ما تڨلع الانثرنيت كامل هههه
​

كانت باينة تكمل كما هاك

الخاتمة : بالمارطوا هههه بولحية هز المارطوا و عڨابها فتمثال عين الفوارة يهرس

قريب خلص عليه لولا تدخل الجهال ، شبه رجال ، يحبوا العرى و يشجعوا

على الفسق ..

و فاللخر يقولك : الراجل مهبول ، والله المهابل غير حنا

و رايحين نحبسوا استيراد بعض الصوالح ركزلي على الشيكولا حبسهالكم

اويحيا " مكانش شيكولا فعيد الدب" ههه

...

إليكم الخط ..

ذكرونا باهم الاحداث في 2017

"فطوم" ​

 

[لؤلؤة قسنطينة]

السلام عليكم
كاشما خليتيلنا باه نذكرو أحداث ههههه
راكي قلتي كلشي الله يبارك
لي عجبني أني بالتيليفون وماخرجتليش يمين ويسار
يعني من لي بديت وانا نقرا في الموضوع في الوسط هههههه
يعطيك الصحة فطومة أنا صراحة عندي خلل في تذكر أحداث العام هادا ولكن الشي لي نتفكرو
هو سماح السعودية بالحفلات الغنائية والشاب خالد راح تما دار عمرة وغدوة من وراها يدير حفل غنائي هههه
وكذلك حادثة الانترنت كي راحت نظن في شهر مارس هكاك يعني كي عاودو الكابل تاع الانترنت
هادا واش نتفكر حاليا كاشما نتفكر راني نولي بإذن الله
بصح يعطيك الصحة موضوع كامل وشامل وضحكتني تاع ماقارون هههههه
ربي يحفظك فطومة وشكرا على الموضوع
تحياتي
​

 

[Salah eddin]

ياااتلا شني ذي الحية ؟؟؟
ههه
ياااتلا ذا راها بوليكوب مش موضوع
ههه
الله قاالب ههه
ما دقرتش ههه
مرة اخرى نشالله نرد ههه

​

 

[الصحافية الساخرة]

السلام عليكم
كاشما خليتيلنا باه نذكرو أحداث ههههه
راكي قلتي كلشي الله يبارك
لي عجبني أني بالتيليفون وماخرجتليش يمين ويسار
يعني من لي بديت وانا نقرا في الموضوع في الوسط هههههه
يعطيك الصحة فطومة أنا صراحة عندي خلل في تذكر أحداث العام هادا ولكن الشي لي نتفكرو
هو سماح السعودية بالحفلات الغنائية والشاب خالد راح تما دار عمرة وغدوة من وراها يدير حفل غنائي هههه
وكذلك حادثة الانترنت كي راحت نظن في شهر مارس هكاك يعني كي عاودو الكابل تاع الانترنت
هادا واش نتفكر حاليا كاشما نتفكر راني نولي بإذن الله
بصح يعطيك الصحة موضوع كامل وشامل وضحكتني تاع ماقارون هههههه
ربي يحفظك فطومة وشكرا على الموضوع
تحياتي
​

و عليكم السلام و رحمة الله

ههههههه ايه المهم تفكرتي حاجة خلاف انتي تاني ههه

أنا والله عام 2017 كامل ما ننساهش فات يا لطييف الخلايع و كلشي ههههه الله يستر

مشكورة لؤلؤة على المرور ^^
و ربي يهنيك ختيتوا ..

 

[الصحافية الساخرة]

ياااتلا شني ذي الحية ؟؟؟
ههه
ياااتلا ذا راها بوليكوب مش موضوع
ههه
الله قاالب ههه
ما دقرتش ههه
مرة اخرى نشالله نرد ههه

​

ههههههخخخهههه ان شاء الله
المهم رانا ذكرت كامل واش فات ف 2017 و انت زيد تفكر حوايج جازوا فهذي السنة و خلاص ساهلة ها انت باين 2 سوايع فلاكلاس ما تقدرش تكملهم ههههه فنيان

مرسي صلاح المهم ما عديتش فينا هههه

 

[Salah eddin]

ههههههخخخهههه ان شاء الله
المهم رانا ذكرت كامل واش فات ف 2017 و انت زيد تفكر حوايج جازوا فهذي السنة و خلاص ساهلة ها انت باين 2 سوايع فلاكلاس ما تقدرش تكملهم ههههه فنيان

مرسي صلاح المهم ما عديتش فينا هههه

هههههه
ماعليش ههه المهم المشاركة ههه
يعطيك الصحة صحافية ههه​

 

[ليليا مرام]

السلام طمطوم
غدوة نروح لأخصائي عيون ونلعثلك خلصي النواظر عينيا حوالو الوسط لادروات لاڨوش سا طفلة شدي بلاصة هههه
غير البارح نهدروا عالعام الجديد ونقولو دخل وهاهو فات ويا ريتو ما دخل هههههه بون راكي قلت كل شي ومنين نبداها وواش نكمل نحكي عاللمة عام مليح رقاد ونوضة ونوضة ورقاد وكراتي ههههه ودبزات عرفنا مواضيع هايلين ناقاشات ولا أروع .....عرفت أعضاء جدد وعرفت انو عندهم أفكار توب جا وقت بعدنا نريحوا ورجعنا نشاط وضحك عندي ما ضحكت فمواضيع عندي ما تأثرت بأعضاء فرحنا معاهم منهم من عزيناهم فقدوا ناس غاليين عليهم ومنهم فرحنالهم تزوجوا وكاين خطبوا ومنهم من رجعت أم وماكليناش طمينتها منها تخرجوا عام بالنسبة للمة أنا عجبني بزاف
فالبلاد والتليفيزيو يضحكو فينا وهوما ضحك بالكاميرا كاشي
نتاع الأحوال الجوية هذيك راهي حديث ساعة قمة الفساقة مش الأناقة الله يهديها الشعب رجع يحب الأحوال الجوية والنسا توصل نشرة تلعبها طيح مغشية ههههههه باه ما يشوفش راجل عارضة الأزياء للشمس وللسحاب ههههههه
اسلام عريس عن نفسي يعجبني ذاك الطفل نحس قلبو طيب ويغيضني بزاف لما يحكي على باباه خاطر بابا ميت الله يرحمهم أجمعين
السياسة انا لا علاقة يخلوها تخلى عليهم رلهي ليهم من بكري اويحي أو ميت لقد شعب كالخرفان راه يرعى بيه خليه يرعى
الباقي يا طمطوم عام بالنسبة ليا فات عليا اكحل وراكي عارفة
ان شاء الله عام خير عليكم
ميغسي يا يمى عميتيني

 

[Malika Tlm]

السلام عليكم
العام هذا كي العام لي قبل ولي قبل ولي قبل
البلاد نعرفوا سياسة بلادنا من بكري انا خاطيني وخاطيهم منحمقش راسي بيهم كاين ربي
الثانية وعلاه يا ختي طيمة نتي دكرتي غي الحوايج لي مش ملاح ادكري شويا محاسن طلعيلنا المورال
حبيبتي نشوفوا حالنا مع ربي
نحاسبوا انفسنا واش درنا شحال صدقنا شحال زرنا الرحم ديالنا
نحاسبوا نفوسنا ونقولوا يادرا ربي ر له راضي علينا
نحاسبوا انفسنا هذا هو الصح
العام يخلاص ويجي عام موراه
وحنا غافليييين
اما عن اويحي وناس بزاف كاين ربي ياخد الحق.
حبيبتي كل عام وانت بخير
ان شاء الله الامن والامان لبلادنا
الصحة والعافية للجميع:Love:

 

[الصحافية الساخرة]

السلام طمطوم
غدوة نروح لأخصائي عيون ونلعثلك خلصي النواظر عينيا حوالو الوسط لادروات لاڨوش سا طفلة شدي بلاصة هههه
غير البارح نهدروا عالعام الجديد ونقولو دخل وهاهو فات ويا ريتو ما دخل هههههه بون راكي قلت كل شي ومنين نبداها وواش نكمل نحكي عاللمة عام مليح رقاد ونوضة ونوضة ورقاد وكراتي ههههه ودبزات عرفنا مواضيع هايلين ناقاشات ولا أروع .....عرفت أعضاء جدد وعرفت انو عندهم أفكار توب جا وقت بعدنا نريحوا ورجعنا نشاط وضحك عندي ما ضحكت فمواضيع عندي ما تأثرت بأعضاء فرحنا معاهم منهم من عزيناهم فقدوا ناس غاليين عليهم ومنهم فرحنالهم تزوجوا وكاين خطبوا ومنهم من رجعت أم وماكليناش طمينتها منها تخرجوا عام بالنسبة للمة أنا عجبني بزاف
فالبلاد والتليفيزيو يضحكو فينا وهوما ضحك بالكاميرا كاشي
نتاع الأحوال الجوية هذيك راهي حديث ساعة قمة الفساقة مش الأناقة الله يهديها الشعب رجع يحب الأحوال الجوية والنسا توصل نشرة تلعبها طيح مغشية ههههههه باه ما يشوفش راجل عارضة الأزياء للشمس وللسحاب ههههههه
اسلام عريس عن نفسي يعجبني ذاك الطفل نحس قلبو طيب ويغيضني بزاف لما يحكي على باباه خاطر بابا ميت الله يرحمهم أجمعين
السياسة انا لا علاقة يخلوها تخلى عليهم رلهي ليهم من بكري اويحي أو ميت لقد شعب كالخرفان راه يرعى بيه خليه يرعى
الباقي يا طمطوم عام بالنسبة ليا فات عليا اكحل وراكي عارفة
ان شاء الله عام خير عليكم
ميغسي يا يمى عميتيني

و عليكم السلام
هههههههههههخخخهههه ليلوش ربي يكون معاك عميتك صاااي ، نسيت عليك ما قلتلكش ما تزيديش تدوري فمواضيعي تزيدي تدوخيلنا هنا نحصلوا فيك ههههه تعرفي اللمة ڨاع يهاجموني ههههه

ايه يا ليلوش انا ااختام مرضت يما راكي تشوفي خاطي حوايج حلاف خسرت ناس لا هوما بعدوا علينا بلا سبة مي الحمد لله ، وقرايتي ضاعت و ضاع طلشي و نحمد ربي هذا ااعام واللي قبلوا و قبل قبلوا هههه فاتوا عليا جحيم

ربي يعوضك و يعوضنا بلي خير ان شاء الله

مشكورة ختي ليليا على مرورك الجميل

 

[الصحافية الساخرة]

السلام عليكم
العام هذا كي العام لي قبل ولي قبل ولي قبل
البلاد نعرفوا سياسة بلادنا من بكري انا خاطيني وخاطيهم منحمقش راسي بيهم كاين ربي
الثانية وعلاه يا ختي طيمة نتي دكرتي غي الحوايج لي مش ملاح ادكري شويا محاسن طلعيلنا المورال
حبيبتي نشوفوا حالنا مع ربي
نحاسبوا انفسنا واش درنا شحال صدقنا شحال زرنا الرحم ديالنا
نحاسبوا نفوسنا ونقولوا يادرا ربي ر له راضي علينا
نحاسبوا انفسنا هذا هو الصح
العام يخلاص ويجي عام موراه
وحول غافليييين
اما عن اويحي وناس بزاف كاين ربي ياخد الحق.
حبيبتي كل عام وانت بخير
ان شاء الله الامن والامان لبلادنا
الصحة والعافية للجميع:Love:

السلام عليكم
العام هذا كي العام لي قبل ولي قبل ولي قبل
البلاد نعرفوا سياسة بلادنا من بكري انا خاطيني وخاطيهم منحمقش راسي بيهم كاين ربي
الثانية وعلاه يا ختي طيمة نتي دكرتي غي الحوايج لي مش ملاح ادكري شويا محاسن طلعيلنا المورال
حبيبتي نشوفوا حالنا مع ربي
نحاسبوا انفسنا واش درنا شحال صدقنا شحال زرنا الرحم ديالنا
نحاسبوا نفوسنا ونقولوا يادرا ربي ر له راضي علينا
نحاسبوا انفسنا هذا هو الصح
العام يخلاص ويجي عام موراه
وحول غافليييين
اما عن اويحي وناس بزاف كاين ربي ياخد الحق.
حبيبتي كل عام وانت بخير
ان شاء الله الامن والامان لبلادنا
الصحة والعافية للجميع:Love:

و عليكم السلام و رحمة الله

آمين ، ان شاء الله يبقي علينا الله الستر و الامان و الصحة

هههههه نذكر الحوايج الللي ملاح ياو انا فوت غير اللي ماش مليح و هنا ذكرت غير الاحداث اللي داروا ضجة العام هذا وكانوا الكل ماش ملاح ماش انا درتهم من خيالي ههههههه

مشكورة ملوكة ويا طفلة رانا توحشناك وين راكي هذا ذرع نشوفوك .. ها كي الهلال وليتي هههه
ان شاء الله تكوني بخير

 

[cosette]

السلا م علي ك
هههه دورينا فينا شرق غرب حرام عليك هههه
ههههه فكرتيني فالفوط جاو لينا حتى باب الدار فوطيو FLN نسقمولكم الحياة يسقم عضامك ان شاء الله يخي خرطي
ههه
​

رمضان و الزربوعي هههه سحّرنا و فطرنا غير بالكاميرا كاشي ( حتى فاللمة ههههه ) ،
حكمونا بالواعرة السامطة فالاول سخفونا و شوقونا ومن بعد شطحونا برك "

تيك تاك تاو" الاغنية التي نسات الشعب الجزايري في كامل الغنيات و استوطنت

القلب ومشات فالعراس ..

تيك تاك تاو اجمل غنية سمعتها ههههههههههههههه
ايا زربوووووووووعي ههههههههه يخي يامات حلوين يخي​

"ديسباسيتو" و لا ديباسيتوا كما غناها واحد ههههه

و اللي دارت حالة بالغنية بالشطحة المدوخة " فكرتني فالواي الواي راحت بعيد ياه ههههه

هههههه فكرتيني فيها
قتلوني ولاد ختي بيهم ديسباسيتو هههههه حافظينها قاع يصفرلهم انا ومشسي حافظتها ههههههههه

على " راني زعفان " و كلاش النهار

دارو بيها حالة فلي غيزو...ههههههه بابا ولا معجب بيها وبارطاجاها ع كبرو هههههه

الخاتمة : بالمارطوا هههه بولحية هز المارطوا و عڨابها فتمثال عين الفوارة يهرس

قريب خلص عليه لولا تدخل الجهال ، شبه رجال ، يحبوا العرى و يشجعوا

على الفسق ..

و فاللخر يقولك : الراجل مهبول ، والله المهابل غير حنا

و رايحين نحبسوا استيراد بعض الصوالح ركزلي على الشيكولا حبسهالكم

اويحيا " مكانش شيكولا فعيد الدب" ههه

هههههههههههه نستعرف بيه هذاك راه لاباس بيه حنا مراااض

واش نقولك
هههههههه من صفرلكش وجهك كيفهم هههههههههه
يعطيك الصحة طمطومة موضوع فالتوووووp
نسيتي لي بيبليسيتي كوكا كولا و...واوبي ورامي هههههههههه
:p:p:p:p​

 

[الصحافية الساخرة]

السلا م علي ك
هههه دورينا فينا شرق غرب حرام عليك هههه
ههههه فكرتيني فالفوط جاو لينا حتى باب الدار فوطيو FLN نسقمولكم الحياة يسقم عضامك ان شاء الله يخي خرطي
ههه

​

تيك تاك تاو اجمل غنية سمعتها ههههههههههههههه
ايا زربوووووووووعي ههههههههه يخي يامات حلوين يخي​

هههههه فكرتيني فيها
قتلوني ولاد ختي بيهم ديسباسيتو هههههه حافظينها قاع يصفرلهم انا ومشسي حافظتها ههههههههه

دارو بيها حالة فلي غيزو...ههههههه بابا ولا معجب بيها وبارطاجاها ع كبرو هههههه


هههههههههههه نستعرف بيه هذاك راه لاباس بيه حنا مراااض

واش نقولك
هههههههه من صفرلكش وجهك كيفهم هههههههههه
يعطيك الصحة طمطومة موضوع فالتوووووp
نسيتي لي بيبليسيتي كوكا كولا و...واوبي ورامي هههههههههه
:p:p:p:p​

و عليكم السللم و رحمة الله

هههههههههه ياخا خلي تحركي عظام عيونك شوي هههههه معرف لا كاين عظام فالعينين ولا ؟ كاين بالاك عجلات ههههه

مليحة كي ما صفرتيليش وجهي كنت رايحة نخرج ليك من التيليفون و نضربك دماغ تنساي تزيدي تدي 15 ههههخخخ

ايه تاع الفوط لقاوني فالطريق و معرف بوزعوا فكواغط قلتلهم لكان راكم توزعوا فالشهيوات نشد عليكم مي لاكان توزعوا فوجوه النحس و الشر و الطماعين خلوهم عندكم معنديش معاكم مصلحة نياهاهاهاها و هربت ياااهووو و انا ابتسم مفتخرة بنفسي حتى نلقى دعوة شر قاستني في رجلي تعوج هههههه

عجبتني تاع باباك كي برطاجها على كبروا هههخخهه خليه يعيش التطور هههههه

مشكورة زهرونة البليدة زعما الشتاء ما تموتكش وتولي مذبالة البليدة هههه ايا داسرت بزااف دوك نقولك السلام عليكم و ربي يحفظك الزينة ^^

 

[ضآحكة مستبشرة]

السلام عليكم اختي فاطمة يعطيك الصحة
موضوع شامل لأهم الأحداث في عام 2017 منكذبش عليك مكاش عام تمنيت ميخلاصش كيما 2014/2015 من بعدها لعوام كامل كيف كيف
و هذا العام جاز في رمسة عين مي مع واش ذكرتي حسيتو طويل بزاااف صح كان معمر بالاحداث
كان فيه الاحداث السلبية كثر من الإيجابية لوكان نديرو موازنة للأسف بلاد راحت فيها و شعب محقور مغلوب عليه
ان شاء الله تكون 2018 سنة جديدة و سعيدة على الجميع و أولهم فلسطين
شكرا على الموضوع

 

[الصحافية الساخرة]

السلام عليكم اختي فاطمة يعطيك الصحة
موضوع شامل لأهم الأحداث في عام 2017 منكذبش عليك مكاش عام تمنيت ميخلاصش كيما 2014/2015 من بعدها لعوام كامل كيف كيف
و هذا العام جاز في رمسة عين مي مع واش ذكرتي حسيتو طويل بزاااف صح كان معمر بالاحداث
كان فيه الاحداث السلبية كثر من الإيجابية لوكان نديرو موازنة للأسف بلاد راحت فيها و شعب محقور مغلوب عليه
ان شاء الله تكون 2018 سنة جديدة و سعيدة على الجميع و أولهم فلسطين
شكرا على الموضوع

و عليكم السلام و رحمة الله

ان شاء الله يصلح حالنا وحال البلاد والمسلمين يا رب

ايه الاحداث السلبية كتر من الايجابية وكما قلتي عام جاز تم تم و احداث صرات فيه بزااف ، حتى فحياتنا الخاصة وصراولنا بزاف حوادث سيئة مي الحمد لله

مشكورة اختي اسومة ^^ ( وراكي غايبة عن الميدان توحشناك الزينة ان شاء بخير )