واشمن قسم تفضلو في اللمة .. وزيدو قولولنا و علاه بالسيف عليكم

[السوفي حمة]

أنا نحب المنتدى السياسي
خاصة كتسخن الردود و يهبل معانا فريد وميعرفش واش يواسي
نتخيلو يقطع في شعرو من النرفزة و الأخت عتاب غير تحذف
لكن بعد صومي على المنتدى السياسي
بديت ندخل للأقسام الأخرى مثل واش تهدر وشاو تايم
وفرغ قلبك والمنتدى العام أما الأقسام الأخرى منعرفهاش كثير
لأنها أقسام تعبر عن تناقضات المجتمع

موح أنا خاطيني الزلابية على بالك السكر
بدلها بكاش حاجة لايت وأشربها في خاطري
​

 

[أبو عاتكة]

اسمحولي نوقفو وقفة احترام وتقدير للعضوة الساجدة لله وحده تعبت بزاف.. بزاف .بزاف .وانا من الشاهدين نهار كانت مشرفة عالقسم في غياب عبدو والصراحة حقروها كي عادت بنت واناكنت دايمانحامي عليها ونشجعها ولكن اللع غالب محملتش وقالت راسي ولا راس اللمة

وحتى عبدو ربي يحفضو لميمتو قايم بالواجب ويسرق في الاعضاء غير من تحت

ايا اوقفو والله غير توقفو انا ديجا راني واقف ........

ايا اقعدو .....

صحيتو ​

 

[حفيد هواري بومدين]

والله يا فريد ماننسا خيرها
نهار غبت انا بسبب الباكاوريا نتاعي
وقفت هي هنا وعانات صح وكانت من العوامل لي ساعدتني باشننجح لانو الاشراف مسؤولية صح
وان شاء الله نفتح موضوع هاد المرة ونحييها فيها
وصحا بعد الفطور
​

 

[أبو عاتكة]

أنا نحب المنتدى السياسي
خاصة كتسخن الردود و يهبل معانا فريد وميعرفش واش يواسي
نتخيلو يقطع في شعرو من النرفزة و الأخت عتاب غير تحذف
لكن بعد صومي على المنتدى السياسي
بديت ندخل للأقسام الأخرى مثل واش تهدر وشاو تايم
وفرغ قلبك والمنتدى العام أما الأقسام الأخرى منعرفهاش كثير
لأنها أقسام تعبر عن تناقضات المجتمع

موح أنا خاطيني الزلابية على بالك السكر
بدلها بكاش حاجة لايت وأشربها في خاطري
​

انت ديجا راك روشارش عندي والله غير مترجعش للسياسة نعرف واش ندير معاك ​

 

[السوفي حمة]

انت ديجا راك روشارش عندي والله غير مترجعش للسياسة نعرف واش ندير معاك ​

ههههههههههههه
معلبلكش راني رجعت وتقابضت مع واحد
كالعادة والعوايد
غير القسم السياسي منفرطش فيه

​

 

[أبو عاتكة]

قسم الرياضة المصاروة المساكن مقدروش يقولو حاجة لاننا عاملين باراج في الدخلة وانا ديجا زوج راني بالمرصاد النفس مكانش حبو يسمطو علينا الفرحة

ايا نروح راني معروض صح فطوركم والزلابية محمد صدقها على قسم المال والاعمال راهم مزلوطين​

 

[السوفي حمة]

تعرف ضرك كنت نشوف حصة
تشبه الكاميرا الخفية في مصر
واحد يقول أنه لو الجزائر تلاعب إسرائيل هو يشجع اسرائيل


​

 

[fatima188]

يعجبني بزاف قسم وشراك تهدر نشتي نقرا المواضيع تلعو اكل
ونحب قسم الرياضة الجزائرية
صح فطوركم​

 

[Moha le sage]

خسارة راحتلي شياخة معاكم تالي نجيب زلابية لايت ناكلها معاكم

فريد والله غير عندك حق على الساجدة لله .. انا واحد من الناس قستها ومستعرف .. هي جات في بلاصة واعرة وتقاست .. عكس مشريفين بزاف غير يتشمسو في اقسامهم ( يعني مكاش الضغط عليهم )

القسم السياسي نجي نطل نلقاكم لاصقين نقول معندو ماداني للشر هههههه الواحد يحكم قدرو خير

عبدو قالك ابعث لي ميساج باش يجو ليك ..انا راني نخمم في شوفات خرين ..نتا راهم يهدرو بالدارجة يقدرو نورمال يديرو موضوع ..بصح كي يجو للمنتدى العام معندي منحكيلك غير اللي يجيبلك قصة

المنقول وزيد معاود 4 خطرات ..راسي حبس

علابالك فريد دخلت البارح لوحد المنتدى نطل فيه على الارشيف تاع البالو كشما نجيب تصاور ..لقيتو مليان غير بالمعايرة هذا غير في بعضانا .. وما نحكيلكش على بينا و بين لمصاروة .. حرت اللي كتبو الامور ذوك عباد ولا حيوانات من البلدان في زوج .. يعني غاشينا مش متربي وزيد تلاقاو بيهم وارواح نجيك والله غير وجعني قلبي في ساعتها غلقت المنتدى وخرجت نتا تقول راك في صوق

المهم صح فطوركم كامل

 

[سماح4]

انا نحب قسم واش راك تهدر ونحب كامل اللمة راني مدمنة عليها....تحياتي محمد

 

[الـساحر]

و عليكم السلام أخي في الله ..
...
ان شاء الله تمــام الصحــة و العافية ..

الأقسام كلها رائع و كل قسم مميز

على الآخر .. لكن بصراحة " قسم وش راك تهدر " هو المذهل

و هو المشهور جدا في المنتدى

تحية معطرة بالورد

​

 

[oussama R10]

مرسي
موح مواضيعك ديما شابين بززااف
أأنا راني نفضل قسم وش راك تهدر
نهدرو على قضايا اجتماعية رانا نعيشوها
في وقتنا الحالي
وكيما قلت نهدرو بدارجة
​

 

[merieme hassi]

السلام عليكم
صح فطوركم
القسم المفضل لدي هو منتدي واش راك تهدر اول ما سجلت في المنتدي شدني ليه اللهجة الجزائرية و خصوصا انني كنت في الغربة و كنت متوحشا للبلاد
ثم ياتي منتدي الحلويات التي هي من اختصاصي
و في الاخير منتدي براعم الجزائر كاش ما نستفاد باعتباري ام
يعطيك الصحة اخي الكريم​

 

[omar.lakaf]

واش راك تهدر احسن قسم
نرتاح فيه بزاف على خاطر الاعضاء الي يدخلو لهاد القسم يعجبوني ونحس بيهم خاوتي بلاما ننساو المشرف نتاعو عبدو والمشرفة الصابقة الساجدة لله وحده الله يدكرها بالخير هما تاني احد الاسباب الي خلاوني نتعلق بهاد القسم
ومننساش خيرك ياتاركان كونت تعاوني بزاف نهار كنت جديد كنت ترد على مواضيعي وتشجعني بطريق غير مباشرة بلاك راك نسيت بصح انا ماننساش واحد يدير فيا الخير
وهادي زوج كيلو شامية من عندي قلب اللوز كيما تسموها انتوم في الشرق الله غالب الزلابية نتاعنا عيانا هههههههههههه ​

 

[killua0555]

احم احم الموضوع معاود هههههههه

انا المنتدى الى يعجبنى واش راك تهدر و شوتايم نحبهم قد قد لخطاك المواضيع فيهم تكون ديما جديدة كاين المنقول بصح ماشى حاجة
و منتدى اللعب و التمسخير نروح نتعلم لحساب دوكا نحاوه ولينا نلعبو ماتش هههه منتدى فرغ واش كاين فى قلبك
دندونة عضوة فور بزاف و كانت قايمة بالحالة راهى غايبة ان شاء الله تولى

 

[killua0555]

جيت ندى الزلابية نسيتها ....صح فطوركم

 

[aMiNa-K]

السلام عليكم
راك تتريشي خويا تاركان :001_tt2:
كيفاش هدا تدخل لقسم وش راك تهدر.. اللي هو القسم اللي فيه شعبية كامل في اللمة و تسقسينا وشمن قسم يعجبكم

سي نورمال اغلب الاعضاء يقولو منتدى وش راك تهدرررررررر :cursing:

و انا وحدة منهم اول قسم ندخل ليه هو هدا القسم.. و بعدها اقسام النقاش
يعني اللمة عندي هي قسم وش راك تهدر+ هنا فرغ وش كاين في قلبك+ السياسي :laugh:
لاني نحب النقاش و نحب نهدر على قضايا المجتمع و زيد نصيب روحي كي نهدر باللهجة تاعنا

مشكور على الموضوع
و صحا فطورك و تقبل الله

​

 

[02asma02]

مشكوور تركان على الموضوع
انا والله نحب واش راك تهدر ونفس الاسباب الي ذكرتها تقريبا لاني فيه نحس بلي راني في قعدة حلوة سيرتوا كي مع ولاد بلادي ونفهموا بعضنا خاصة كي بلهجتنا نتكلموا
وانا اكثر مواضيعي فيه

 

[souss]

صح فطوركم أنا القسم اللي نحبو بزاااااااف هو واش راك تهدر خاطر نحس روحي ألاز كي نهدر و نتناقشو فيه على مواضيع تهمنا كامل و ما لقيناش معامن نتناقش فيه و زيد نحس روحي معا خوتي و انت يا خويا محمد مواضيعك ديما فور
و صح مبعد صحوركم

 

[touti]

أنا نفتح اللمة وديركت نصوطي لمنتدى واش راك تهدر
السبب: أني نلقى فيه راحتي