يا من تسمعني ... كرهنا المواضيع المنقولة والمكررة

الحالة
مغلق ولا يسمح بالمزيد من الردود.

Moha le sage

:: عضو بارز ::
أحباب اللمة
إنضم
15 مارس 2009
المشاركات
8,136
نقاط التفاعل
3,556
النقاط
356
السلام عليكم

اليكم يا اخواني نبذة صغيرة عن موضوع واحد بعنوان واحد منقول ومكرر عدة مراة




على قدر عطــــــاءك ...... يفتقدك الاخــــرون



لو كل شخص فيكم يوجد الموضوع هذا في المنتديات الاخرين و يريد احضاره هنا ..قبل ان يضع موضوعه يشغل خاصية البحث هن المواضيع و يدرج العنوان هاذا اعلاه سوف تظهر النتيجة كالتالي :



mankoul.jpg



اليكم روابط المواضيع حتى لا تظنوأنها مجرد صورة معدلة من طرفي



على قدر عطاءك يفتقدك الاخرون .................جبران

على قدر عطاءك يفتقدك الاخرون ................. kahina_skikda

على قدر عطاءك يفتقدك الاخرون ................. ladymoon

على قدر عطاءك يفتقدك الاخرون ................. jona

على قدر عطاءك يفتقدك الاخرون ................. S@mi_07

على قدر عطاءك يفتقدك الاخرون ................. ahmedusma

على قدر عطاءك يفتقدك الاخرون ................. sousano05

هاذا رابط اخر لـ نتائج البحث لموضوع اخر اللي يجي جديد ديما لازم ينقلولنا معاه اسمو :

اعذروني ان قلت لكم أن هاذ العضو يعجبني


تفضلو الرابط واحسبو توجدو انه مكرر 11 مرة بتاريخ اليوم



كما لاحضتم فالموضوع الواحد منقول و مكرراكثر من 10 مراة .. يا اخواني تذكرو خاصية البحث دائما لكي لا ترغمو مشرف القسم على غلق مواضيعكم او حذفها بعد ان أردتم ان تشاركو بها في لمتكم ولمتنا الغالية

يا اخواني لا تجعلو من هاذ القسم منتدى الملصوقات
تخيلو لو كل عضو اتى بموضوع منقول ومكرر في اليوم لكانت كارثة و لاغرق هاذ القسم بالمواضيع التي سئم منها الجميع والتي حفظو منها حتى ترتيب جملها

اتوجه بهته النصائح خاصة الى الاعضاء الجدد

كفانا بالمنقول .. لمذا ننقل على الاخرين ولمذا لا ينقلون عنا ؟

الا تطمحون ان ترو ولو مرة واحدة موضوعا خطته يدكم في منتدى اخر ؟

لمذا النقل اصلا ؟ هل انتم عاجزون عن بلورة أفكاركم ورؤاكم ..ام لغتكم ليست في مستوى افكاركم ؟

أين يا ترى الخلل ..لمذا طغى المنقول على المكتوب ..لا ولن تتميزو بنقل المواضيع و لا تغترو برد احدهم عليكم ان كتب لكم موضوع رائع

يعلم الجميع هنا عناوين المواضيع المطروحة وكلما رأو عنوانا منقولا انقصو من قيمة ناقله

أما علمتم بوجود اعضاء هنا هم بمثابة درر لاينقلون موضوعا واحدا ومع ذالك يحترمهم الكثير و يحبهم الكثير

تتميزون فقط بما خطت يدكم ..بردودكم .. بتعاملكم مع الاعضاء .. بشخصيتكم
وليس بما كتب غيركم واتيتم به وجبة دسمة يعرف محتوياتها العام والخاص

كم من مرة اطرح هاذ السؤال : لو عطلت جميع سيرفرات المنتديات الاخرى و بقية اللمة وحدها .. هل تصابون بعقم المواضيع ؟ هل يمسكم فقر الافكار ؟ او بكم كتاباتكم ؟هل تشل ايديكم عن وضع كلمة في موضوع

اتدرون ماهو تكريس الرداءة ؟ هو ان ياتي احدكم بموضوع منقول ..و يأتي عضو اخر ليكتب له في الرد كلمة مشكور او يضع له صورة متحركة لكلمة بورك فيك

أعلم ان معدل اعماركم يفوق الـ 17 عشر ..فهو تقريبا 19 الى 20 .. فبالله عليكم الى تستحيون من نقل كل مرة موضوعا يمكنكم كتابة خير منه بقلمكم ؟

ثقو جيدا أني اعرف المواضيع واحفظها جيدا خاصة المكررة ولن أدخر وسعا في محاربة هته الظاهرة كما اطلب من اخواني مشرفي قسم واش تهدر و فرغ قلبك الوقوف مع ندا لند امام هته الظاهرة

توقفو

توقفو عن نقل المواضيع .. وان لم يكن لديكم شيءا تكتبوه فاكتفوبالاطلاع ..فلربما تأتيكم افكار جيدة يمكنكم اثرائنا بها

اخيرا أعرفكم تقريبا كلكم ..و احتفظ باسمائكم انتم الذين تنقلو المواضيع منذ مدة و لن اتوانى في تنبيهكم اذا أغرقتم المنتدى بالملصوقات
ما طرحتوش سؤال في راسكم ..علاش الكثير منا مش ينقل في هاذ المواضيع الي متوفرة بمجرد كليك بالفأرة ؟ بعيدة علينا و قريبة منكم ؟ أم ما شفناهاش ونتوما شفتوها ؟ معرفتوش ببساطة اننا كامل نقراو هاذ المواضيع في منتديات اخرى و عندما يجي عضو يويعاود ينسخها هنا و ينسبها ليه بدون كتابة منقول و الادهى من ذلك يكون الموضوع هذاك مكرر الطرح ..اكيد مراحش نعتبروه عضو فعال ولكن مجرد اداة ناسخة في هاذ المنتدى

تخيلو معايا شخص كل يوم يشتري في جريدة ينفس العناوين ونفس المواضيع .. كل يوم يقرى نفس الشئ ونفس الاخبار ..
و كل ما تتغيبر الجريدة يتغير فقط عنوانها و تبقى الاخبارهي هي ... تخيلو ارواحكم انتم الي تتابعو أخبار هته الجريدة .. هل يمكنكم قرائتها كل يوم أو حتى مرتين متتاليتين ..أكيد راح تجاوبوني بلا ... فكيف تطلبو منا قراءة مواضيع اخر عضو هنا قراها 20 مرة و يعرف حتى الجملة الاخيرة في الموضوع ؟

فكرو تبدلو طباعكم من الان اذا حبيتو نحترموكم و حبيتو تخطو اساميكم بحروف من ذهب في هاذ المنتدى الكريم

اعلمو أن اي عضو منا سوف يلقى بنظرة على مواضيعكم .. ومذا سوف يكون رأيه فيكم اذا وجد في ملف شخصيتكم موضوعات تقاسمها الجميع ويحفظها العام والخاص ؟

أرجو أن كلامي قد حرك فيكم ساكنا ..

ضف الى ذلك نقل المواضيع الخليجية ..هذا الامر الذي يحيرني .. ان اعجبتك فكرة موضوع اعد صياغته بالفصحى ..فأن لم تستطع فبي العامية .. لكن لا تحمله لنا كما هو بعبارات هي غريبة عن جزائريتنا و منتدانا ( صبايا ..ابي رد .. بلشو .. هالحين .. تسلموو .. )
هل نقلو علينا هم مواضيعنا العامية ؟؟



أخوكم محمد
 
آخر تعديل:
بالعقل على روحك خيو
 
مشكور اخي محمد والله معك حق الكثير من المواضيع المكررة في المنتدى حتى انها تفقد الرد حلاوته فحين ترد على المواضيع لا تحس بطعمتها لانك مطلع عليها من قبل و ربما تكون حافظا لها.
لذا فانك تكتفي برد بشكرا اومشكووووووووور او الاختصارات التي توضع فقد لدلالة على انك زرت الموضوع
او يكتفي البعض بالقاء نظرة على الموضوع ليرى ان كان جديدا او قديما عليه ولذلك نلاحظ ان اعداد المشاهدات تفوق بكثير اعداد الردود . وهذا مايحبط صاحب الموضوع ويلقي اللوم على الاعضاء لعدم مشاركتهم في موضوعه متناسيا ان هو المسؤول على عدم رد الاعضاء لانه يضع مواضيع منقولة جل الاعضاء مطلعين عليها .
وان شاء الله يلتزم جميع الاعضاء بعملية البحث لكي يترك بصمته الحقيقة في مخيلة كل عضو من اللمة ولتشهد له اللمة على تميز قلمه و ابداعاته .
وشكرا
 
مشكور اخي محمد والله معك حق الكثير من المواضيع المكررة في المنتدى حتى انها تفقد الرد حلاوته فحين ترد على المواضيع لا تحس بطعمتها لانك مطلع عليها من قبل و ربما تكون حافظا لها.
لذا فانك تكتفي برد بشكرا اومشكووووووووور او الاختصارات التي توضع فقد لدلالة على انك زرت الموضوع
او يكتفي البعض بالقاء نظرة على الموضوع ليرى ان كان جديدا او قديما عليه ولذلك نلاحظ ان اعداد المشاهدات تفوق بكثير اعداد الردود . وهذا مايحبط صاحب الموضوع ويلقي اللوم على الاعضاء لعدم مشاركتهم في موضوعه متناسيا ان هو المسؤول على عدم رد الاعضاء لانه يضع مواضيع منقولة جل الاعضاء مطلعين عليها .
وان شاء الله يلتزم جميع الاعضاء بعملية البحث لكي يترك بصمته الحقيقة في مخيلة كل عضو من اللمة ولتشهد له اللمة على تميز قلمه و ابداعاته .
وشكرا

اهلا روهانا

الحلاوة الي تتحدثي عليها غابت بغياب المواضيع الشيقة و الجديدة وكل يوم نقراو في نفس المواضيع حتى كرهنا منهم .. اذا ما وقفناش امام هاذ الظاهرة فاكيد راح تمشي العدوى بين الاعضاء ..لازم يكون عندنا قرار نديروه حيال هته الافة

تحياتي لك والف شكر لك على مداخلتك الطيبة هذي
 
وعليكم السلام
والله ياخويا محمد باين كتبته من قلبك الموضوع
ظهرتلي تهدر وش تهدر مايسمعوش
عابالك راني غير نسركل في اللمة كاين مواضيع حافظهم من الحرف لول للخر من التكرار
و كي هدرتي على لي منقولين باللغة الخليجية و المصرية والله ندخل لهاد المواضيع نزعف ههه وبيناتنا نزعف حتى صاحب الموضوع يطيح من عيني
كرهت من عقلية كوبيي كولي
 

ما بقاش فيا عقل يا ولد خالتي راها هزتنا الحملة


ياو من 2006 وهي هكا :laugh:
وراها بارتو حتى في قسم البرامج ماراكش تشوف :angel_not:

 
المواضيع المتشابهه

يا من تسمعني ... كرهنا المواضيع المنقولة والمكررة Tarkan المنتدى العام



بخصوص المواضيع المنقولة ( فريق عمل القسم ) DAVID2008 منتدى البرامج الكاملة والكمبيوتر


كرهنا fufa22 منتدى الرياضة الجزائرية


كرهنا .........عيينا ............خلاص ميشا دلوعة اللمة منتدى أهنا فرغ واش كاين فى قلبك


في كل قسم كاين موضوع لكن لا حياة لمن تنادي
 
ياو من 2006 وهي هكا :laugh:
وراها بارتو حتى في قسم البرامج ماراكش تشوف :angel_not:



معندي ما نحكيلك على قسم البرامج و لا قسم الصيانة

تالمون ناس تكوبي في المواضيع بلا فهامة

دخلت ذيك نهار لقيت وحدة خلطتلهم بين كي يروحلك المودباس تاع البيوس و المودباس تاع لا سيسيون تاع الوينداوز ..و فوق هاذا لقيتها عرفتلهم الجامبر انه بطارية صغيرة :confused1:
والاعضاء غير لي يكتبلها مشكورة وطريقك رائعة و كان فيها حتى وحد العضو نورمالومن يعرف زعما و تكلح ..انا دخلت صصحتلهم و خرجت

علابالي راهم عقابها حط حطيت ... روح ناقش واحد في بروقرام ولا كشما عفسة .. غير لي يقلك يكما نقولو حنا في سطيف واش راهي امك .. يعني لاعلاقة

راه واجعني قلبي من هاذ الناس ..انا علابالي مش راح تخلاص ..بصح ندير لي عليا
 
وعليكم السلام
والله ياخويا محمد باين كتبته من قلبك الموضوع
ظهرتلي تهدر وش تهدر مايسمعوش
عابالك راني غير نسركل في اللمة كاين مواضيع حافظهم من الحرف لول للخر من التكرار
و كي هدرتي على لي منقولين باللغة الخليجية و المصرية والله ندخل لهاد المواضيع نزعف ههه وبيناتنا نزعف حتى صاحب الموضوع يطيح من عيني
كرهت من عقلية كوبيي كولي

صدقني خويا يوسف راني ندير لي عليا اوموان كشما تنقص الحالة

راني علابالي بيك راك ساكت وشايف المواضيع لي كرهناهنا كامل .. نصها تكي على الاعضاء ولا المنتدى ولى اصعب العبارات

كل ما يسجل واحد جديد نقول هذا باين فاهم ولا هاذي باينة عندها في الراس ..اليوم الثاني تلقى اول موضوع حطو هو هذاك تاع ربي يأخذ مدير المنتدى والاعضاء ..ولتحت يكتب الى الجنة ..

ولا هذيك كي تجي تكتب تديرلك موضوع : أسئلة اذا قراتها ترتاح ..

انا لي مش راني فاهمها ..يعني في بالهم رانا مش قادرين نجيبو برويطة ونشرجيو المواضيع هنا ؟

حاب ندخل في راسهم ونشوف وش كاين ..ارواح نتاوقلهم بلي رانا شايفينهم المواضيع هذوك ..

راسي راه حبس معاهم
 
يعطيك الصحة ...عندك الحق من قوة الى قولنا بركاو من النقل رايح يولى موضوع لا للنقل منقول تانى ومعاود ...و كيما قالت روحانا لا حياة لمن تنادى و حالة راهى تمشى بنقل ...كل اليوم تترهج بوضوع منقول .و حتى الى ينقل ينقل باش ينقل و دليل تدخل للموضوع منقول تاع نقاش تناقش يجى مول الموضوع مشكوريين على المرور ...رهجونا هههههه
 
.. الســــلام عليـــــكم ..
.. مــرحبــا خويــا محمــد .. واشــراكـ ؟ ..
.. يا رب تكــون بخيــر يالغالي ..

.. و الله غيــر هــذا هــو الكـــلام الي حبيــت نــقولــه من زمــان ..
.. و انت عــرفت كيفــاه توصل الرســالة خويا ..
.. عينــا من المواضيــع المنــقولــه و المشكــلة إنــه ..
.. النــاس تنــقل بـ قص & لصــق ..
.. يعنــي على الأقـــل ينقــلوا بطــريقتهم الخــاصة ..
.. يعنــي يأخــذوا فكــرة الموضوع و يعيدوا كتهبتــا بكيفيــة مختلفة تكون منســوبة ليــهم ..
.. فهمتنــي كيفــاه .. لكن هم حتى العنــوان و ينقــلوه ><" ..

.. بهــذي الطــريقــة مــا راح يكــون للمنتدى هــذا أي شيئ يمــيزه عن المنتديات الثانيـة ..
.. بالعكس راح تعـــوم فيه الفوضــى ..
.. أنــا خممت ننظم قســم الإبــداع لكن مــا لقيتش راسي من الفوضى الي فيــه ..

.. ربي يهــدينــا بإذنــه تعــالى ..

.. شكــرا خويــا محمــد على طرحكـ للمــوضوع المفيــد جدا ..
.. ان شاء الله يستفــيدوا من موضوعكـ و يحــاولوا يتــألقوا بإبدعــاتهم ..

.. دمـــت في أمــــــان الله ..

 
و عليكم السلام أخي في الله ..
...
ان شاء الله تمــام الصحــة و العافية ..
لا حول والا قوة الا بالله ..
تحية معطرة بالورد
images
 
عندك الحق محمد............لو كان غير نبهتم لحكاية انهم يقراو موضوع وما يحطوش رد وخاصة اذا استفادوا منو......راك عارف.:laugh:
 
ياو الله غالب يا موح حتى موضوعك مكرر
:laugh:
مافهمت والو
هدرنا معاهم
اندرناهم
واش حنزيدو؟؟؟



المواضيع المتشابهه

يا من تسمعني ... كرهنا المواضيع المنقولة والمكررة Tarkan المنتدى العام



بخصوص المواضيع المنقولة ( فريق عمل القسم ) DAVID2008 منتدى البرامج الكاملة والكمبيوتر


كرهنا fufa22 منتدى الرياضة الجزائرية


كرهنا .........عيينا ............خلاص ميشا دلوعة اللمة منتدى أهنا فرغ واش كاين فى قلبك


في كل قسم كاين موضوع لكن لا حياة لمن تنادي
 
لازم تتغير شوي الظاهرة هاذي

شكرا ليكم كامل
 
المواضيع المتشابهه

يا من تسمعني ... كرهنا المواضيع المنقولة والمكررة tarkan المنتدى العام



بخصوص المواضيع المنقولة ( فريق عمل القسم ) david2008 منتدى البرامج الكاملة والكمبيوتر


كرهنا fufa22 منتدى الرياضة الجزائرية


كرهنا .........عيينا ............خلاص ميشا دلوعة اللمة منتدى أهنا فرغ واش كاين فى قلبك


في كل قسم كاين موضوع لكن لا حياة لمن تنادي


معليش التغيير يجي بالشوي وكي نقصو من هاذ الظاهرة يسما رانا نجحنا
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top