سهير الليالي رشاني !

[** غزال الصحراء **]

السلام عليكم خواتاتي و خوتي واش راكم ؟

و الله ليوم راني جاي نشكي و الشكوة لربي .. ليا مدة كبيرة
ملي وليت نرقد مع 7 ولا 8 تاع الصباح و لي يسهر في اللمة
و لا ينوض بكري راه يشوفني .. صحتي رشات و عينيا راحو مي
و الله اخر خطرة كي جربت باش نرقد بكري هبلت بتقلاب
ما فهمتش وحدي نلقى روحي تايه مالgري ما عنديش مشاكل
كبار يعني ولا حاجة .. و ليت كي نطفي الميكرو..
ندير حاجة mp3في البورطابل و نتكا
في السرير نسمع , يعني الرقاد راني مودعو ما فهمتش خايف لا تفر فيا و نجيب
الليالي نايض في وقت ليكول ..كاش واحد عندو عفسة هاكا تاع رقاد مي ماشي تاع
حسيب الخرفان هاذيك ما صلحتش ههه , راني نتسنى في اراءكم و نصائحكم ...

دمتم بود أخوكم في الله غزال الصحراء .​

 

[Adel Adel1]

الدليل أنا تاني راني هنا وراي الخمسة تاع الصباح
ههههههههه
شوف أنا من لي كنت نقرى فالسابعة
بداتني الحالة تاع الأرق
بديت نطول و مايجينيش نعاس
كنت نرقد على 1 ولا 2 ولا و نوض بكري و نحس روحي مليح
دركة وليت فالأسبوع نرقد مرات 4 سوايع فقط على الأفل
و علىالأكثر نرقد يومين في الأسبوع
لأيام لي مانرقدش فيهم نحس روحي آلاز
و كي نرقد و نوض نلقا روحي مكسر مدقدق

حنا رانا كيف كيف
​

 

[farida91]

ياااااو يا خويا هشام قع رانا كيفكيف
قع نجيبو الصباح باش نرقدو
بالصح انا معنديش مشكل كما نتا
غير نحط راسي نرقد وفي اي وقت
السهر هذا غير في رمضان كي يفوت نحبسوه
والله ماينفع ضرنا بزاف
​

 

[Rohana]

هههههههههه

رانا كامل كيف كيف انا الرقاد ابوندينيتو ملي جات الانترنت بعدا في رمضان ايه نجيب الصباح هنا و اقطع دليل مازالني هنا او غدوا نقرا بكري .بصح خلاص والفت نقعد نايضة ليل كامل وما عندي حاجة لاباس دوكا لبروبلام كي نرقدوا اللي ما نقدرش النوض هههههههه واذا نوضت نوض عظامي مكسرين كامل الفايدة من هذاك نريح نايضة خير ههههه

 

[** غزال الصحراء **]

الدليل أنا تاني راني هنا وراي الخمسة تاع الصباح
ههههههههه
شوف أنا من لي كنت نقرى فالسابعة
بداتني الحالة تاع الأرق
بديت نطول و مايجينيش نعاس
كنت نرقد على 1 ولا 2 ولا و نوض بكري و نحس روحي مليح
دركة وليت فالأسبوع نرقد مرات 4 سوايع فقط على الأفل
و علىالأكثر نرقد يومين في الأسبوع
لأيام لي مانرقدش فيهم نحس روحي آلاز
و كي نرقد و نوض نلقا روحي مكسر مدقدق

حنا رانا كيف كيف
​

سبحان الله تحسب راك تحكي عليا hmy:رانا حالة منسوخة .
​

 

[** غزال الصحراء **]

ياااااو يا خويا هشام قع رانا كيفكيف
قع نجيبو الصباح باش نرقدو
بالصح انا معنديش مشكل كما نتا
غير نحط راسي نرقد وفي اي وقت
السهر هذا غير في رمضان كي يفوت نحبسوه
والله ماينفع ضرنا بزاف
​

ايه كاينة , مي هي الصح في هاذيك تاع كي نحط راصي نرقد و الله خويا كي يقولهالي نغير .
​

 

[** غزال الصحراء **]

هههههههههه

رانا كامل كيف كيف انا الرقاد ابوندينيتو ملي جات الانترنت بعدا في رمضان ايه نجيب الصباح هنا و اقطع دليل مازالني هنا او غدوا نقرا بكري .بصح خلاص والفت نقعد نايضة ليل كامل وما عندي حاجة لاباس دوكا لبروبلام كي نرقدوا اللي ما نقدرش النوض هههههههه واذا نوضت نوض عظامي مكسرين كامل الفايدة من هذاك نريح نايضة خير ههههه

ياو ضركا ردولي غير لمهابل قاع سهرانين , خلي نتسنى تاع اللي ينوضو الصباح هوما يداوني نتوم قاع راكم كي حالتي .
​

 

[Adel Adel1]

ياو ضركا ردولي غير لمهابل قاع سهرانين , خلي نتسنى تاع اللي ينوضو الصباح هوما يداوني نتوم قاع راكم كي حالتي .

وحد النهار قالي واحد الله يبارك عليه
قالي نتوما لي ماترقدوش
تخممو ضعف تخمام تاع لي يرقدو بزاف
معنتها تنضجو في عقولكم ثبلهم
قلتلو ايه
قلتلو بصح يشيبو ريصانا تاني قبلهم
​

 

[Adel Adel1]

أول عضو ماسي راح تكون نتا يا غزال
خويا هشام و الله مادراك

 

[** غزال الصحراء **]

أول عضو ماسي راح تكون نتا يا غزال
خويا هشام و الله مادراك

الله ينورك عزيزي الغالي عادل أنت ماسي في أخلاقك و شخصيتك , وي صح نشيبو قبلهم و نعماو قبلهم ثاني :crying:

 

[Madjid Farid]

 

[شذى الجنة]

انا نحب السهر في الصيف برك وكل ليلة نجيبها حتى للصباح ونحس روحي شوي تعبانة بصح واش نديرو الانترنت هي لي ديرلنا هكذا
لكن في الأيام الدراسية السهر غير موجود ونادر جداا والحمد لله ماكانش مشكل في النوم

ننصحك تزور طبيب ممكن يعطيلك كاش دوا يرقد يساعدك وتولي ترقد كي الناس​

 

[* تسنيم *]

السلام عليكم
واش بيكم هذا انا والله مانقدر نسهر زيكم نقلك حاجة والف روحك ترقد بكري لاشتة ما يجيكش الرقاد
بشوية بشوية توالف ...عندك توالف الدواء تاع الرقاد راهم كي المخدر

 

[** غزال الصحراء **]

انا نحب السهر في الصيف برك وكل ليلة نجيبها حتى للصباح ونحس روحي شوي تعبانة بصح واش نديرو الانترنت هي لي ديرلنا هكذا
لكن في الأيام الدراسية السهر غير موجود ونادر جداا والحمد لله ماكانش مشكل في النوم

ننصحك تزور طبيب ممكن يعطيلك كاش دوا يرقد يساعدك وتولي ترقد كي الناس​

شكرا على المرور , ان شاء الله نشوف حسك في السهرة تاع اليوم , ان شاء الله نشوف الطبيب يعطيني سيرو تاع رقاد لول .

 

[BellojojO]

الحكاية حكاية ولف برك
ولفتي ع الريتم ادا

حاول انك ماترقدش في النهار و ماتشربش القهوة و التاي
و في بلاصة هداك الغنااا
دير القرأن و الا اقراه انت برك
وشوف الفرق

​

الدكتورة جيجو
ههههه​

 

[** غزال الصحراء **]

مرسي على الصور .

 

[** غزال الصحراء **]

السلام عليكم
واش بيكم هذا انا والله مانقدر نسهر زيكم نقلك حاجة والف روحك ترقد بكري لاشتة ما يجيكش الرقاد
بشوية بشوية توالف ...عندك توالف الدواء تاع الرقاد راهم كي المخدر

يا تسنيم أمني هاذي هيا لي مخوفتني من الدواء , مرسي على النصيحة ربي يعيشك .
​

 

[** غزال الصحراء **]

أنتظر ردودكم بفارغ الصبر ( للرفع )
​

 

[BarBi3]

رانا كيف كيف انا من نهار بدا رمضان ما رقدت مليح نرقد بعد السحور وحد الرقاد معوج الله لا يشوفك
توحشت يامات الشتا لي كنت نرقد على تسعة و نوض على تسعة و الله غير عييت من السهرات
​

 

[** غزال الصحراء **]

رانا كيف كيف انا من نهار بدا رمضان ما رقدت مليح نرقد بعد السحور وحد الرقاد معوج الله لا يشوفك
توحشت يامات الشتا لي كنت نرقد على تسعة و نوض على تسعة و الله غير عييت من السهرات
​

و الله سلم لسانك , يليق يحلونا سبيطار تاع رقاد :biggrin: