:: ..لي جورني تاع وحد لي جون دزيرين !!!.. ::

[لحن السعادة]

هههههههههههه هم يضحك وهم يبكي
منعرف نضحكو عليهم ولا نبكيو على ليجون تع بلادنا نقلك الغلطة راه في المجتمع واحد يحل عينيه يلقى خوه ولا ولد عمو متخرج ونيفو في القراية ويخدم يقلع البطاطا راح يهبطلو المورال يولي يطيش هذيك القراية وكي يعرف بلي العلم ماشي غير للخدمة والصوارد يندم وكي يشوف الغاشي تتقلش عليه وتتكبر وتقلك مهوش قاري يحس بمركب النقص يولي يحب يبين روحو ويقلك منخدمش الي جات باش يثبت زعمة بلي راه حتى بلا قراية يقدر يولي مدير ويسير شركة
يعيطك الصحة الموضوع فوووووووووور وطرحك ليه ماشي برك فور راه فات

 

[aMiNa-K]

بارك الله فيك على الموضوع القيم

الغلطة عمرها ماجات من عند الوالدين شكون الي يقبل يمرمد وليدو
عندبالك صح الواحد مايقبلش يفرح بوليدو ويتباهى بيه
الغلطة فيه هة الي قبل بالزنقة و لصحاب (الصاحب ساحب)
و الله أعلم
اللهم أهدني و أهدي جميع شباب المسلمين​

الله يبارك فيك

بصح كاين والدين تالمو يحبو ولادهم يفسدوهم.. و كاين والدين مايعرفوش يربو

صحيت على المرور خويا​

 

[aMiNa-K]

و الله باين سوجي مليح مي راني خارج أمينة ​

اني نولي مبعد شويا و نديرو تقييم و طلة مليحة​

تحياتي .​

ايعيشك :angel_not:

براحتك خويا​

 

[aMiNa-K]

هههه سي فري اغلبية لي جان هاذا هو الجورني تاعهم ماكلة ورقاد وتكحال للبنات الراي الفاسد مديهم للهاويه يتقلشو عالخدمة منعرف وش يحبو يولو ويقلك

معنديش زهر
انا في رايي المربي مربي وهي في الحقيقة المجتمع يلعب دور بصح اذا كانو والديه مربينو وينهيوه من صغرو مش يخلوه حتى يكبر عالعوج ويبداو ينصحوه زعمة
امبوسيبل يسقم
مشكوره امونة مميزة كعادتك حبيبتي ​

اهلا مريومة
عندك الحق اختي.. بصح هاد لي جون وين رايحين بهاد العقلية؟
و يكدب عليك.. كاين والدين يعياو يربيو من الصغر بصح والو الولد يتعوج يتعوج :thumbdown:

ردك هو المميز اختي.. بارك الله فيك​

 

[boutarfaya_2]

واقع....و....مخجل

 

[aMiNa-K]

عدنا و العود أحمد أمينة ! ايه هاذي هي حالة معظم شبابنا ليوم و نسيتي خطوة في لخر كي ​

يلقى الحال فات يبدا يخمم في الحرgة لبلاد النور كيما هو حسبها !!! المهم السؤال تاع لخر ​

بغيت نقول بلي السبب الرئيسي هو المخالطة الشينة و الله أنا نعرف ناس فقراء و مام باباهم ​

يضربهم و مخلطة عليهم مي ولدهم جاي جونتي و يقرى مليح و فور 10/10 ,, و العكس ​

عندي جاري باباه حاجة هاربة و قاع.. دراهم ما تخصش يعني عايشين لاكلاص​

مي و الله صاريلو كيما لي جان لي حكيتي عليهم و كثر يعرف غير يحكي في التيليفون و بزيادة ​

مريض بالكاشيات رقاو عليه و ما تريقلش واش راح نقولك ربي يكون الخير و خلاص .​

اهلا خويا غزال
و مرحبا بيك مرة اخرى

المخالطة.. الوالدين.. المجتمع .. كامل يلعبو دور في تكوين شخصية الفرد.. و راك مديتنا 2 امثلة ملاح.. و يصراو بزاف
هاد الشباب يخموو يعيشو نهار اليوم برك ميخمموش على غدوا.. راقدين في كومة.. و كي يفيقو يفيقو روطار

الله يصلح احوالنا برك

بارك الله فيك خويا غزال.. و صحيت على المرور​

 

[aMiNa-K]

هههههههههههه هم يضحك وهم يبكي
منعرف نضحكو عليهم ولا نبكيو على ليجون تع بلادنا نقلك الغلطة راه في المجتمع واحد يحل عينيه يلقى خوه ولا ولد عمو متخرج ونيفو في القراية ويخدم يقلع البطاطا راح يهبطلو المورال يولي يطيش هذيك القراية وكي يعرف بلي العلم ماشي غير للخدمة والصوارد يندم وكي يشوف الغاشي تتقلش عليه وتتكبر وتقلك مهوش قاري يحس بمركب النقص يولي يحب يبين روحو ويقلك منخدمش الي جات باش يثبت زعمة بلي راه حتى بلا قراية يقدر يولي مدير ويسير شركة
يعيطك الصحة الموضوع فوووووووووور وطرحك ليه ماشي برك فور راه فات

اهلا اختي لحن السعادة
يا اختي انا هاد الهم بكاني هههههه

هاد النوعية ماعندهمش القلب و ماعندهمش ارادة.. اي حاجة تاثر فيهم
عايشين في تناقض

الله يصلح الاحوال

نورتي الموضوع اختي لحن السعادة.. صحيتي​

 

[لحظة أمل]

وش حتقولي في شباب درك؟
الكل يحبو يولو طبا ورجال أعمال
ماعلابالهمش كل واحد وقسمو
وكون جينا نتعلاو في كل المجالات
ومانتكبروش على الخدمة كون حلالنا
يتعدل والبلاد كاملة تتعدل عندك متلا
الزراعة راهي 0 عندنا كون جا العبد بلا
مايقعد يكالي الحيوط ويتشرط يروح يخدم
على روحو ويتبع رزقو حتى في خارج
الولايات والقرى الصغيرة كلش يتفرا
وهادا اشرف ليه مالسرقة والبطالة ب1000 خطرة
​

 

[sami19280]

اخدم تعيش خوياااااااااااا

مي الدولة 00000000000000000000000000000000000

 

[aMiNa-K]

وش حتقولي في شباب درك؟

الكل يحبو يولو طبا ورجال أعمال
ماعلابالهمش كل واحد وقسمو
وكون جينا نتعلاو في كل المجالات
ومانتكبروش على الخدمة كون حلالنا
يتعدل والبلاد كاملة تتعدل عندك متلا
الزراعة راهي 0 عندنا كون جا العبد بلا
مايقعد يكالي الحيوط ويتشرط يروح يخدم
على روحو ويتبع رزقو حتى في خارج
الولايات والقرى الصغيرة كلش يتفرا
وهادا اشرف ليه مالسرقة والبطالة ب1000 خطرة​

اهلا اختي لحظة امل

وش تحبي.. الله غالب هدا هو الواقع تاعنا
و عندك الحق كي تهدري على مجال الزراعة عندنا.. نشوفو بزاف اراضي زراعية هجروها ماليها
يقولو الدولة حقرتهم و يحبو يروحو للمدن الكبار

و بيانسور خديمة صغيرة في كاش بلاصة خيرمن الحيط و السرقة مليار

بارك الله فيك اختي لحظة امل
و مشكورة على المرور ​

 

[aMiNa-K]

اخدم تعيش خوياااااااااااا

مي الدولة 00000000000000000000000000000000000

اهلا خويا سامي

ايه هدي هي.. الواحد لازم ينافيقي على روحو.. و مايتكلش كامل على الدولة

صحيت خويا​