واش تتفكر من سنة اولى ابتدائي

[Parfum floral]

نتمنى تكونو ملاح
كيما العنوان واش تتفكر من السنة الاولى
اول نهار كيفاه كان
معامن رحت
بكيت ولا نووووورمال:crying:
ولا كيما انا ما تتفكر والو:001_wub:​

 

[chemssou007]

بسمـ الله الرحمن الرحيمــ

شكــرا على اثـــارة هذا الموضوع الذي أعادني زمنــا الى الوراء

سأسرد حكــايتي

(مــا تضحكوش عليــا بزاف)

قبل الدخول المدرسي بليلة، بدأت أمي في تحضيــر ألبستي الجديدة و جــاء جدي و عمتي و أفراد من عــائلتي ليشاهدوا هذا الحدث العظيــمـ ...(القراي تــاعهمـ راح يدخل يقرا)..

لقد ســافروا 700 كلمـ من سطيف الى حــاسي مسعود أين درست و عشت معظمــ أيــامي، فقط ليشهدوا ابنهمـ يدخل للمدرسة (هذا حب و لا خلي)...

أتذكر جيدا أنه كانت أجواء رائعة في البيت، (هذا يسلمـ عليا و لوخر يعطيني صوارد و هذاك يقولي ما تبكيش)...

و

أنا و الله ماني فــاهمـ فيهــا حاجة

المهمـ للغدوا نوضوني بكري...لبست قشي

دارتلي الريحة و شربت الحليب و عطــاتني ماء زمزمـ (دايما هكذا العجوز) في الامتحانات و لا في الدخول المدرسي تعطيني نشرب ماء زمزمـ ...

نقولها كون جا ماء زمزم هو لي ينجحني كون راني شربــت منو 50 ليـــترا


بعد ذلك أخذني ابي ضاحكــا ، محــاولا التخفيف عني و هو لا يعلمـ - المسكين - أنني لمـ لأفهمـ شيئا من الأمر و كنت أظن أنني سأذهب في جولــة معه لا غيـــر...

المهمـ وصلنــا الى المدرسة، تـوجهت رفقة والدي الى القسمـ المخصص لنــا، تركني هناك بعد توديعي...

لحد الآن كل شيء على مــا يرامـ..

بقيت صــامتــا ســاكنا بل فقط جــالس و انا مستغرب...كنت أظن أن أبي تركني لفترة و سيعود لاصطحــابي

بعدمــا طلب منا المعلــمـ "نخرجو زوج زوج" لتغييــر القسمــ، مررنا أمامـ باب المدرسة الذي وجدته مغلقـا...

فأيقنت فعــلا أن أبي تركني في هذا المكــان المشؤومـ...

"أرواح انت و سكتني" درتلهمـ حالة بالعيــاط

المعلــمـ كره حيـــاتو

المهمـ هذه هي القصة باختـــصار

(لاكان هذا اختصار خلات)


تحيـــــــــــاتي


~~~Change We Need~~~

​

 

[samra106]

اجمل حاجة نتفكرها كي دانا بابا الله يرحمو انا وخويا التوام وكان فرحان بينا غير يضحك وكي عطاونا قائمة الادوات فرحنا بيها ياسر هاداك النهار.

 

[Hinata_18]

ههههههههه
موضوع شباب والله
أنا نشفا على روحي مابكيتش خلاص​

 

[Hinata_18]

وعموما مازلت نشفا كي كنا نشدو شوية قبل ما يدق الجرس "هيا نلعب قبل المغرب" وخاصة ف العشية على 17:30 ف الشتا وحنا نكونو غير كيما لبسنا المعاطف والضو تاع القسم مشعولة والحالة مظلمة برا ومغيمة
والله جو مايتنساش واحد الحلاوة فيه رايعة هادي كانت قبل 11 سنة والله غير مكدبة
يا حصراااااااااااااااااااه​

 

[سماح4]

انا نتفكر سنة اولى ابتدائي كيما اليوم سجلني خويا لكبير الله يرحمو باقوة لأني كنت عندي 5سنوات دخلت هادية وفرحانة بالادوات والمعجون والطابلية الشابة ....كنت عاقلة بزاف ومانديرش فوضى وكان معلم *شلالي* الله يذكروا على خير يعزني بزاف ، كنت ما نشاركش بزاف بصح كنت من المخيرين وفي حصة القراءة يكون مذهول كي نعود نقرا ويروح يعيط للمعلمين باش يسمعوا كي نكون نقرا ...ههههههههه ذكرى رائعة نضن ما ننساهاش حتى للممات ...تصدقي بلي نسيت سنة3و4 بيا بدلت معلم واحداخر واعر ...ومن بعد رحلنا كامل من الحومة ...وتبدلت القراية ...والحمد لله ذركا تخرجت ...
شكرا ليك موضوع ممتع.على بالي طولت الهدرة ...

 

[AnGel_LoVe]

أنا ! سقسيني على الصباح واش درتي نقولك نسيت :001_huh:

مي بصح نتفكر هداك النهار

اللول غلت فالكلاسه تاعي :001_wub:,, رحت قريت شويا مع كلاسة وحدوخرا

اومبعدا جاو يحوسوا عليا وداوني لكلاستي و الحمد لله كنت نعرف لي كانوا يقراو معايا :glare:




و خلاصت الحكاية :music_whistling:​

 

[عيوني سبب غروري]

الموضوع بزاف هايل نتفكر النهار الاول فطنت بكري على غير العادة وكنت فرحانة بزاف لانو كانو اولاد الحومة ديالي كانو يهبلوني ويقولولي انت تقراي سنة0 وقلت مزيا راح نتهنا منهم نعاود نولي كنت لابسة بلوز حمره اداتني ماني انا و وليد خالي وكانو الدراري لوخرين يبكيو وانا قعدت نضحك عليهم هههههههه ياخاه كان نهار هايل ما يتنساش يعطيك الصحة على المضوع

 

[zagane]

السلام عليكم
معلمي و إسمو 3ayni

 

[CYRINE]

يعطيك الصحة على الموضوع فكرتينا بكري
انا نشفى هادك النهار داني papa كنت لابسة sabbat دومي تالو حمر شحال شباب وان تاني الحق كنت شااااابة منيش نزوخ وهادك الوقت مكاش sabbabat كيما هكداك لصغار psq دخلت 4 سنين ونشفا دخلت القسم مور الدراري نت روطارودخلت نقربع بالتالو وكنت حاسبة روحي ونشنف سكتو برك شد عليه ولا نطيح كيما يقولو الله غالب الصغر والشيخة زعما قعدتني في البيرو ودوكا كي نتفكر نموت بالضحك والله غير هادك النهار ميتنساش

 

[ملاكي]

انا نتفكر اليوم الاول رحت مع اختي
ما نتفكرش بلي بكيت

 

[نور الزمان]

أنا نتفكر أول يوم داني بابا و بكيت لاونو جارتنا تقرا معايا

و في هذاك اليوم كانت غائبة

 

[Parfum floral]

شكرا جميعاااااااااااا على مروركم الذي اسعدني و على استرجاعكم لذكرياتكم
بارك الله فيكم ​

 

[fahima m]

انا كنت شيطانة ما نخافش اصلا كنت صغيرة بصح عقلي كبير نفهم كلش وكنت علابالي بلي رايحة الي المدرسة في ذاك اليوم لبست لباس جديد كانت روبة بيضة ومنقطة بالاسود كانت في داك الوقت حسب الموضة ودك كي نتفكرها نضحك على روحي وش كنت نلبس المهم اخذتني اختي الاكبر مني
بصح الحاجة الي ما عجبتنيش اني كي رحت نقرى الصباح ندري خلاص للغدوة باه نزيد نروح
بصح قالتلي ماما العشية تاني تقراي ما عجبنيش الحال ياسيدي رحت ونشفى تاني كان يقرى معايا واحد وكنت ما نحبوش ماعلاباليش علاه
مسكين كل يوم نضربو قتلكم كنت شيطانة
ايام رائعة وبريئة

​

 

[minakapi]

كنت فرحانة باش ندخل لخاطرش كنت غايرة من خوتي ليقرو بصح اليوم التاني بدلت رايي قلتلهم مانروحش

 

[Parfum floral]

شكرا fahima m et minakapi على المشاركة في الموضوع راكم نورتوه​

 

[ISMA.dz]

انا نتفكر النهار اللول كنت فرحانة كنت نحب القراية:angel_not: داني بابا مي من النهار اللول كرهت جد القراية وليت نبكي يدوني نقرا يلقاوني سبقتهم ولحقت قبلهم لدار يحيرو ههههه يامات الصغر وحدهم والله:crying::crying:

 

[asmaa_h]

انا نتفكر بلي نهار الاول نتاعي في المدرسة جاني عادي ما بكيت ما والو صبيحة الدخول المدرسي لبست حوايجي و رحت نجري تقولشي نموت على القراية و من هداك النهار وانا نقرا حتى لضروك مازلت نقرا

 

[N@riM@N]

ممم والله نتفكر كنت بكايه بزاف وداتني ماما مي رجعت
معاها وقاعده لاصقه فيها ههههه
مرسي ليك حنونه​

 

[Parfum floral]

شكر خاص لكل من شارك في الموضوع و لكل من قرأ الموضوع ايضا
شكراا asmaa
nariman
mianmidem