مــشاهد من كــــــــــونــــان فــــامــــيــــلــــي

الخمـيائي

:: عضو مُشارك ::
إنضم
2 جانفي 2009
المشاركات
216
النقاط
6
مُشْكِلَة ْ ! حين تكتشف أنّ المكان الوحيد في العالم الذي تأخذ فيه راحتك و تخبّئ فيه اسرارك اضحى ورقة مكشوفة تتلاعب بها الايدي فوق طاولات السّمر .

هي فعلا مُشْكِلَة ْ
حين تكون جار لـ كونان فاميلي


-*- عائلة كونان , هي تلك العائلة التي يخبرك ابوهم بأنّ جهاز التلفاز الذي اشتريته البارحة غالي بزّاف و موش مليح بعد ,
مع انك ادخلته العمارة في منتصف الليل و كاتب في الكارتون بالخط العريض
" او ماشي تيليفزيون اي باطاطا برك " :crying:

إبنهم "كونان الصغير" هو ذلك الابن الذي يخبر باباك بانك حصلت على معدل 8.25 و تاخذ فيها طريحة مليحة مع انك انت شخصيا لا تعلم معدلك بالضبط ...
و تدهش عندما يأتي الفاكتور ليسلمك كشف النقاط فتجد ان معدلك فعلا 8.25

أُمهم "الحاجّة كونان" هي تلك الحاجّة التي تطرق باب منزلك فتفتح عليها ....
و هي واقفة امام الباب تكتشف ان امّك ما كثرتش الطمام في البُرمة الي فوق الغاز اللي في الكوزينة
و تكتشف باللي اختك خرجت من الدار بسبب رائحة العطر المنتشرة باجواء الباب ....
و ديجة بعد عندها اكثر من نص ساعة ملي خرجت خاطاك ريحة العطر ميش قاوية ....
"أممممم شتّوا شتّوا الطفلة خارجة من الدار عالصباح :sneaky2:"

بنتهم " مــيس كونانة" تشوفك لثانية او اقل فتكتشف بالي باباك ما عطاكش المصروف خاطاك الجال اللي في شعرك مخلط بالماء بزاف :angel_not:
تعرف مواقيت دخول وخروج كل ساكن بالعمارة و اذا تاخر عضو عن الالتحاق بالمجموعة تبعت امّها على طول لبيته حتى تجيب الرّســــمي .

يجيكم ضيف يبات عندكم ليلة ..
في اليوم التالي تتلاقى بـ ميس كونانة فتقول لك " واش ولد خالتك بات عندكم البارح"
تتفاجئ انت و تحتار "كيفاش عرفت باللي ولد خالتي :confused1:"
الامر بسيط لانها شاهدته يدخل العمارة و بواسطة سكانير للجسم و راديوا على الوجه اكتشفت انه مايشبهش لباباك و يشبه لامك و زيد صغير بزاف فبالتالي هو ابن خالتك حتما ..
حتى انها اكتشفت انه لابس القميص اللي شريتوا انت في العيد الماضي :sleep:

لديهم ســـونار "رادار" بالبيت ,
يعرفوا كل واحد طالع في الدروج "السلالم" دون النظر من خلال الثقب ,
في احد الايام و بينما هم جلوس على مائدة العشاء واحد من الجيران جاي طالع في الدروج بالشوية ..
سكت الاب ثم قال هذا جارنا سليمان طالع ..
قالت زوجته و معاه بنتوا تاني ....
و تنطق بنتهم " او هاز معاه ثلاث شكاير معمرين ":scared:

عندما ترى العمارة من الخارج تلاحظ ان البرسيان
persienne" الخاص بشقة كونان فاميلي تنقصه فقرة و لو تركز النظر جيدا ستجد عينين من خلف هذه الفقرة المنزوعة :confused1:
لو تلاحظ باب العائلة ستجد انه يحتوي على ثلاث ثقوب
الثقب الاول و هو الاعلى خاص بالاب خاطاك طويل و الثقب الثاني اقل منه قليلا خاص بالام أمّا الاخير فيخص البنت و الدراري تاع لافامي ... (هذه الحالة شفتها بعيني في احد المنازل)


الأم "الحاجّة" دبلوماسية مُحنّكة و سياسية بارعة ,
لديها في العمارة أحلاف اقوى من حلف وارسو و حلف النيتوا و طرق استراتيجية للتوغل بين البيوت احسن من طريق الحرير و مضيق هرمز ...
و عندما تقلق الحاجّة و تتنرفز تخلّط الاحلاف بالطرق فتنتهي العمارة كلّها بدويّ حرب القرم .

و على الصّعيد الخارجي , للحاجّة علاقات وطيدة مع عمارات الحي و لديها سفارة في كل عمارة ... و تقيم اجتماعات شهرية مع الدول المجاورة لتبادل الرابورات معهم ..
كما انهم يقيمون قمم و اجتماعات طارئة في الحوادث الكبرى كالاعراس و الجنائز و القباضات الكبار ...

أمّا الاب فهو محلل سياسي كبير و عالم اجتماع و طبيب نفساني و مختص في التغذية و مفتي ... باختصار الرجل ينتمي لفئة الرّاسخين في العلم
يستطيع ان يكتشف عدد البريزات "prise" المتواجدة بمنزلك بقراءته لفاتورة الكهرباء الخاصة بكم ..
يكتشف ان ابوك روّح للدار في تاكسي خاطاك شاف صبّاطوا نظيف :thumbdown:
كما انه يستطيع ان يعرف اي satellite راك تتفرج عليه فور سماعه لصوت الفيران (verins) و هو يدوّر في القصعة تاع البارابول :biggrin:
يعرف باللي خوك دخل يخدم بمعريفة عمّك و بلي خالك هو اللي جابلك لاكارت جون و بلي راك حاب تخطب بنت فلان و طلبلك باباها عشر ملاين شرط و يعرف بلي عندك حساسية و ما تحبش اللوبيا و الماقارون و بالي دير الحس بزاف كي تاكل :biggrin: و يعرف بلي ما ترقدش بكري و مازلت تتفرج على الكوميكات و يعرف و يعرف و يعرف ..........:cursing:


قديما كان اجدادنا يعيشون في مساكن جماعية (ديار عرب) كدار الصبيطار مثلا و كانت بيوتهم مفتوحة على الكل , حتى ان القلّة القليلة منهم كانت تركب ابواب كابوابنا اليوم , كانو يستعملون رداء من قماش او ما يسمّى بـ" الكلّة" و مع ذلك كان الواحد منهم مستور داخل بيته و يحس بشيئ اسمه الأمان

لكن اليوم مع عائلات مثل كونان فاميلي اصبح الواحد منا يعيش تحت المجهر , يسمع كلام عن اهله يتداوله الجيران ربما هو نفسه يجهله ..

و الخطر الاكبر يتمثل في المشاكل التي تسببها هذه العائلات للجيران حتى توصل الامر للتفريق بين ازواج و تهديم مسيرة زواج و مودة طالت سنوات و سنوات بسبب جلسة سمر بين فلانة و علاّنة .



الى هنا نهاية الموضوع

و الى غاية موضوع آخر أتمنى ان اراكم بخير و عافية

تــــــــــــــــــحيـــــــــــــــــــاتـــــــــــ الخميائي ــــــــــي

the end

 

youba115

:: عضو مُتميز ::
إنضم
25 جوان 2009
المشاركات
802
النقاط
37
شكر اعلى الموضوع القيم الدي يلخص الحيا ة الاجتماعية
نتمنى ان تزول العادات السلبية
 

programmeur

:: عضو شرفي ::
إنضم
20 جويلية 2008
المشاركات
2,808
النقاط
159
الجنس
ذكر
ههههههههههه والله غيل نيشان خووو
كاين وحد العباد نساو قاع رواحهم وقعدو غيل يتبعو في الناس هدا دار وهدا قال وهدا عمل وهي رايحة
ياراني نقولك مرة كنت انا وصاحبي حتى قالي بلي بوك شعال يخلص و واش كان يخدم وانا في حياتي ولا ذكرت امور تاع الدار لناس
راسي بلوكا وماصبت واش نقوله
الله يهديهم برك
 

الخمـيائي

:: عضو مُشارك ::
إنضم
2 جانفي 2009
المشاركات
216
النقاط
6
ههههههههههه والله غيل نيشان خووو
كاين وحد العباد نساو قاع رواحهم وقعدو غيل يتبعو في الناس هدا دار وهدا قال وهدا عمل وهي رايحة
ياراني نقولك مرة كنت انا وصاحبي حتى قالي بلي بوك شعال يخلص و واش كان يخدم وانا في حياتي ولا ذكرت امور تاع الدار لناس
راسي بلوكا وماصبت واش نقوله
الله يهديهم برك
نيشان نيشان :biggrin:
يا اخي يسؤلونك على امور شخصية انت نفسك تجهلها
يعني الصراحة انت ما علابلكش قداه يخلص بوك و تحشم تسقسيه بصح هذا العباد يسقسيوك نورمال
ربي يهديهم خويا و بارك الله فيك على المرور الطيب

مــــع فــــــــــائــــــــق احترامـــــــــــي

شكر اعلى الموضوع القيم الدي يلخص الحيا ة الاجتماعية
نتمنى ان تزول العادات السلبية

لك كل الشكر اختي الفاضلة على المرور العطر
تقبلي فائق احترامي و تقديري



لك كل الشكر اخي الفاضل على المرور العط
تقبل فائق احترامي
 
Top