لوكان غير جيت ..............

[killua0555]

سلامو ناس اللمة واش راكو

ايا اليوم كنت قاعدة كيما نيوتن كيما طاحت عليه تفاحة و دوبل كانو كيما طاح عليه الراب و منعرف ادا تفجرو:crying: مهم انا سكيvييت للموضوع الى جا يطيح عليا و رفدتو و دخلتو للراسى ( نخاف نهبل واش بيكم ههه) ...اه اسكتو دوك نجبد موضوع راه ميموار فى عقلى موضوع فيه للايماجيناسيون مالgرى حبسناها هاد زمان ملى نصحونى خخخخخخ ..لوكان جيت واش جيت جون بالعربية لوكان جيت بابيش

لوكان جيت بابيش يكون راسى معمر و نكون مشغول و نهارى مفيهش حتى دقيقة فيد نمشى بتانية
*نود على الصبح على 5 ( الله يبارك خمسة فى عينيكم راجل و نص ) باش واحد مايفوتنى للمراية و نبيش روحى هادى حطة هادا جال حتى 7 و انا مع المراية و نضارب على جالها معا خاوتى وخواتاتى :001_unsure:
* خطوة تانية علابالكم ليزاكسيسوار الى مع بابيش هوما الصح و اول اكسيسوات لازم يكون بابيش كيما انا هو البورطابل لازم يكون ديجيتال و يمشى بصباعتيا ماشى بقفالى باش كى نجبدو نشوف الساعة نزوخ بيه و اكسيوار تانى هو mp5 مام البورطابل فيه ميديا بصح هاد اكسيسوار مليح للزوخ مام يعاونى فى صوالحى احم احم بلا مننسا الساعة باش يعرفو جنس الاخر بلى انا نعرف الوقت مليح و نقدرو
* خطوة تالتة و مهمة مهمة نضرب طلة على روحى قبل مانخرج و ندقق مليح باش وحدة متعايبنى و نكون بابيش بابيشيين :001_wub:
* خطوة الرابعة نروح نجرى قريب يدخلو الى يقراو و نبقا نمد فى ليكارت دياولى والى باينة يدوهم البنات لخطر انا منتقاومش و هاد مسلسل نولى ليه ممبعد
* خطوة خامسة بعد ماشللت عينيبا بيان نروح ندبر فيها طموبيل شابة كيما انا :001_wub: و نصور قدامها و الداخلها و فوقها بلا مننسا نصور فيها نهدر بورطابلى و نسمع بmp5 و نجوز مرة اخيرة نشلل عويناتى على 12 و ندخل للدار نتغدى و نخرج نقصر مع ولاد حومتى علابالكم موح خرطى حكايتو ميخلاصوش و تانى علابالكم حنا ليجون ممبعد ندخل للدار و نشعل pc و ندخل ديراكت لاشات و روشارش بنات و نخير الفور و مخير و نشاتى و هادا تعارف و تبلعيط وخرطى حتى تحصل الشبكة ممبعد نبعتلهم ليفوتو تاع الزين الى ميتقاومش :001_wub::001_wub: وبالاك تطور الحكاية :angel_not::angel_not:
* خطوة سادسة نبدل حوايجى تاع الصبح ماشى مليح بنات يشوفونى دو فوا بلبسة وحدة و هاد مرة طريق عند :001_wub::001_wub::001_wub: ندى معايا مينى ديسك و لي سيدى تاع الشعر و علابالكم كيفاش متقدرش تقاوم الزين و اللسان الحلو وهادا اشهار ليا بلى انا داير بيا بنات كى الدود
* خطوة السابعة نستنى نتائج تاع رمية تاع نيميرو ديالى من 11 تاع اليل و طلع و هاكدا نجيب حكايات حتى للصبح
و نرقد شوية و غدوة كيفكيف :angel_not:

سلامو خاوة راسى وجعنى من تخيلات خخخخخ

 

[حسان]

بنات عام 2010 الدنيا راهي ليكم واحد ما ينافسكم هههههههههههههههه

أشكرك على هذا ربوتاج يومي

تقبل تحياتي الخاصة ​

 

[همسات الحنين]

عالم الاحلام السعيدة من ليجان التعيسة ........ بصح الله يبارك ختي عندك واحد التخيلات ماتقوليلش هادوا كامل طاحوا عليك

 

[BOUSS]

يايما يايما صار هاذي المعيشة الي راكي عايشتها حبيتي اطبعيني اعلي راسي ابلاروسات انتاعك راني انقصر برك يا حليلكم يا طلبة ربي ايكون امعاكم وان شاء الله تقدرو علي الهم و ردي بالك 2010 راه واعر بزاف \\بووووص\\\

 

[killua0555]

بنات عام 2010 الدنيا راهي ليكم واحد ما ينافسكم هههههههههههههههه

وين راك يا ميسى تسمع عمو حسان قال راهى لينا
أشكرك على هذا ربوتاج يومي

تقبل تحياتي الخاصة

بلا مزية عمو يعطيك الصحة نتا على المرور و الرد متشرفة بتواجدك
​

عالم الاحلام السعيدة من ليجان التعيسة ........ بصح الله يبارك ختي عندك واحد التخيلات ماتقوليلش هادوا كامل طاحوا عليك

احم احم احم هادى شكرة خخخخخ اييه واش نقولك عندى فى عقلى عالم خروطى واسع هههههه ....واش واش نوريلك وين راهم يطيحو مواضيع مى ادا تفجرتى دبرى راسك صحيتى على مرور راكى بروجيكتورة ( منورة )

 

[Jagwar]

هههههه فرى مهبولة تاع الصح

ياو الخطوة الثامنة : نروح للجامعة بالك نلقى لهيه الجديد و نطيش غمزة تاع هاك تسعة و اسعى معزة
و نطيش لامسون فالباب و نشبع من هاذى راحت و هاذى جات و نطيش الفيروس تاع الله يبارك كور و ديكو و لا الزين و لاتاي و يا الحاجة نحجو و لا نهجو .
ايه بصحتك ها جدك راكى مركبتها علينا ما عليش غدوا نتفاهمو
علابالى نقعد معاك نخرج من عقلى يا كيلوا آيا خلينا نرقدو ما تكتريش علينا الحس .














​

 

[4Akram]

~ .. الســــــــلام عليـــــــــــكم ..

.. مـــرحبــا ختي الباهيــة واشراكي ؟ ..
.. ان شاء الله بخيـــر ..

.. ههههههههههههههـ .. موضوع عجيب و الله ..
.. و الله يا ختي .. ماشي كل الشابا عايشة بهذي الطريقة ..
.. أنــا مثــلا حيــاتي كالتــالي : ..
.. نوض من الرقاد على الســاعة 11:00 تــاع الصبــاح ..
.. نغسل وجهي ثم ثم و بعدهــا طول نشعــل الـ Pc ..
.. و ندخــل طول للـ Youtube .. نشـوف كاش فيديو جديد ..
.. و نريح نحوس في المنتديات و مواقع الجرائد ..
.. نشــوف كـاش موضوع للمصرين نقعد نتهــاوش فيه ههههههههـ ..
.. نهــدر مــع اصحـتابي شويـة في الـ MSN ..
.. من بعد نخلي خاوتي يريحوا في الـ Pc شوية ^^ ..
نروح نخرج نقــرعج كاش مكاين الجديد ^^ ..
.. نضحكـ شويـة مــع ولاد الكــارتي ..
.. نروح العشيــة طول للـ Pc .. ندخــل للمـة الجزائريـة ..
.. شوف الأحداث .. نتعب من المنتديــات ..
.. نتــفرج على كاش مســلسل تــاع ضحكـ ..
.. و إذا خرجت حلقة جديدة من Naruto نشــوفهــا ^^ ..
.. تلحــق 00:00 نــروح نــرقد و هذي هــي ..

.. عنـدي مشكــل .. بسبب الـ Pc و الأنترنت ..
.. نتخــلف في بعض الأحيـان عن الصلاة في المسجـد ^^" ..
.. ربي يهــدينــا كــامل .. أمين يا رب العالمين ..

.. شكــرا ختي البــاهيــة على الموضوع الرائـع ..
.. ربي يعطيكـ مــا تتمنــاي حنونـة ..

~ .. دمـتي في أمــان الله ..

.. أخـوكـ أكــرمـ ..

​

 

[killua0555]

;1905663]يايما يايما صار هاذي المعيشة الي راكي عايشتها حبيتي اطبعيني اعلي راسي ابلاروسات انتاعك
كبرت الخط لخطر الخط الصغير منشوفوش مليح
هههههه هادى هى مفيدة تانى شوف تعيش بلامعنى و بلا حساب هههههه

راني انقصر برك يا حليلكم يا طلبة ربي ايكون امعاكم وان شاء الله تقدرو علي الهم

اييه فكرتنى بلى مزالنى طالب ماشى طالب رقاى طلاب هههه اميين ياربى اجمعيين
و ردي بالك 2010 راه واعر بزاف \\بووووص\\\[/SIZE]

اواه كى 2010 كى 2009 زاد رقم واحد برك حاجة متتبدل ادا غاشى متبدلوش

حاجة مليحة فى مواضيعك ولا ردودك تسينيى مع اللخر انا تانى نعاندك هههههههه
killua

 

[4Akram]

هههههه فرى مهبولة تاع الصح

ياو الخطوة الثامنة : نروح للجامعة بالك نلقى لهيه الجديد و نطيش غمزة تاع هاك تسعة و اسعى معزة
و نطيش لامسون فالباب و نشبع من هاذى راحت و هاذى جات و نطيش الفيروس تاع الله يبارك كور و ديكو و لا الزين و لاتاي و يا الحاجة نحجو و لا نهجو .
ايه بصحتك ها جدك راكى مركبتها علينا ما عليش غدوا نتفاهمو
علابالى نقعد معاك نخرج من عقلى يا كيلوا آيا خلينا نرقدو ما تكتريش علينا الحس .
​

.. يــا خويــا و الله راكـ هــايل عجبنـي بزاف كـلامكـ ..
.. و الله راكـ فنـان .. وين تــروح ديــر لومبيونس ^^ ..
.. ربي يخليكـ لينــا و للمنتــدي ..
​

 

[بيكهام]

مارسي عليك موضوع تحفة
تحياتي لك
بيكـــــــــــــــــــــــــــــــهام​

 

[killua0555]

هههههه فرى مهبولة تاع الصح

ياو الخطوة الثامنة : نروح للجامعة بالك نلقى لهيه الجديد و نطيش غمزة تاع هاك تسعة و اسعى معزة
و نطيش لامسون فالباب و نشبع من هاذى راحت و هاذى جات و نطيش الفيروس تاع الله يبارك كور و ديكو و لا الزين و لاتاي و يا الحاجة نحجو و لا نهجو .
ايه بصحتك ها جدك راكى مركبتها علينا ما عليش غدوا نتفاهمو
علابالى نقعد معاك نخرج من عقلى يا كيلوا آيا خلينا نرقدو ما تكتريش علينا الحس .





يتما انا محبيتش نقول هادى جاية فى اليوم التامن من الاسبوع و خفت تقول راهى تشر عليا جيت كشفت روحك ....اواه شفتك هاد السمانة جايبها مور البنات بصح تليفون واحد برك لكونان راهم ليدوسي كامل عندى








​

~ .. الســــــــلام عليـــــــــــكم ..

.. مـــرحبــا ختي الباهيــة واشراكي ؟ ..
.. ان شاء الله بخيـــر ..
وعليكم السلام مرحبا مرحبا بخويا ...رانى انتيك حمد الله
.. ههههههههههههههـ .. موضوع عجيب و الله ..

.. و الله يا ختي .. ماشي كل الشابا عايشة بهذي الطريقة ..
.. أنــا مثــلا حيــاتي كالتــالي : ..
.. نوض من الرقاد على الســاعة 11:00 تــاع الصبــاح ..
.. نغسل وجهي ثم ثم و بعدهــا طول نشعــل الـ Pc ..
.. و ندخــل طول للـ Youtube .. نشـوف كاش فيديو جديد ..
.. و نريح نحوس في المنتديات و مواقع الجرائد ..
.. نشــوف كـاش موضوع للمصرين نقعد نتهــاوش فيه ههههههههـ ..
.. نهــدر مــع اصحـتابي شويـة في الـ MSN ..
.. من بعد نخلي خاوتي يريحوا في الـ Pc شوية ^^ ..
نروح نخرج نقــرعج كاش مكاين الجديد ^^ ..
.. نضحكـ شويـة مــع ولاد الكــارتي ..
.. نروح العشيــة طول للـ Pc .. ندخــل للمـة الجزائريـة ..
.. شوف الأحداث .. نتعب من المنتديــات ..
.. نتــفرج على كاش مســلسل تــاع ضحكـ ..
.. و إذا خرجت حلقة جديدة من Naruto نشــوفهــا ^^ ..
.. تلحــق 00:00 نــروح نــرقد و هذي هــي ..

بيان سور ماشى كامل الشباب همدا كل واحد و اهتماماتو و على حسابها يتصنف عندك بروقرام هايل غير مع بى سى حالا عليك
.. عنـدي مشكــل .. بسبب الـ Pc و الأنترنت ..
.. نتخــلف في بعض الأحيـان عن الصلاة في المسجـد ^^" ..
.. ربي يهــدينــا كــامل .. أمين يا رب العالمين ..
ان شاء الله يتنحا هاد المشكل ...مكاش قد صلاة فى وقتها و ربى يهدينا كامل للطريق صح :angel_not:
.. شكــرا ختي البــاهيــة على الموضوع الرائـع ..
.. ربي يعطيكـ مــا تتمنــاي حنونـة ..

بلا مزية الشكر ليك على مرور رائع شرفتنى بتواجدك ..اميين لينا كامل ان شاء الله
~ .. دمـتي في أمــان الله ..

.. أخـوكـ أكــرمـ ..

دمت بود
​

 

[killua0555]

مارسي عليك موضوع تحفة
تحياتي لك
بيكـــــــــــــــــــــــــــــــهام​

مرورك هو الى تحفة صحيت

 

[SO GooD]

الجنس :

*نود على الصبح على 5 ( الله يبارك خمسة فى عينيكم راجل و نص )

مافهمتش ؟؟؟


​

 

[killua0555]

الجنس :

*نود على الصبح على 5 ( الله يبارك خمسة فى عينيكم راجل و نص )

مافهمتش ؟؟؟


​

هههههههه لالا ماشى مسروق موضوع غير انا وحد خطرة كنت قاعدة تحت شجرة الى قعد فيها نيوتن طاح عليا موضوع اتخيل لوكان جيت انا ولد واش ندير و جبتلكم يوم من يامات لوكان جيت ولد هادا مكان

 

[SO GooD]

هههههههه لالا ماشى مسروق موضوع غير انا وحد خطرة كنت قاعدة تحت شجرة الى قعد فيها نيوتن طاح عليا موضوع اتخيل لوكان جيت انا ولد واش ندير و جبتلكم يوم من يامات لوكان جيت ولد هادا مكان

امممممممممم وي

كون جيتي ولد تديري هذا كامل في نهار واحد ؟؟ :mellow:

اواااه اقعدى هكذا خير :glare:

شكرا لك على الموضوع الرائع و الخيال الواسع :closedeyes:
​

 

[MR-REDOUANE]

عندي شوية بريكولاج ماتجيش تعاوني شوية ......

 

[killua0555]

امممممممممم وي

كون جيتي ولد تديري هذا كامل في نهار واحد ؟؟ :mellow:
هههه بيان سور بالاك ندير كتر هههههههههه
اواااه اقعدى هكذا خير :glare:
حتى انا مخرجتش عليا
شكرا لك على الموضوع الرائع و الخيال الواسع :closedeyes:
​

بلا مزية شكر ليك على مرور و شكرة هههه

 

[الأستاذ مصطفى]

مادامك أنتي فاللمة علابالي بلي نهبل ويدوني لجوانفيل
راكي تمعني ولا واش هههههههههههههه​

 

[Jagwar]

.. يــا خويــا و الله راكـ هــايل عجبنـي بزاف كـلامكـ ..
.. و الله راكـ فنـان .. وين تــروح ديــر لومبيونس ^^ ..
.. ربي يخليكـ لينــا و للمنتــدي ..​

و هاي هاي هاي ... رانى وليت ستار
يحي العدل ، ظهر الحق و زهق الباطل
يا خويا من بكرى و انا نقوللهم رانى ستار رانى أرتيست
و هوما غايرين منى سيرتو هاديك كيلوا
و رانى قلتلهم أنا تاع أومبيونس قالولى ماكان والو
المهم راك قلتها انت و هذا يكفينى
بصح نقولك الصح خويا أكرم
بلا بيك أنت ما كانش أومبيونس
تحياتى شريكى​

مادامك أنتي فاللمة علابالي بلي نهبل ويدوني لجوانفيل


راكي تمعني ولا واش هههههههههههههه​

راك تشوف يا الكنارى
راهى بهدلت بينا تاع الصح
و الحل تاعها هاذى كيفاش نعملو ماعاها ؟​

 

[killua0555]

عندي شوية بريكولاج ماتجيش تعاوني شوية ......

اواه لالا اتكل على روحك ...

مادامك أنتي فاللمة علابالي بلي نهبل ويدوني لجوانفيل

شحال نعرضك متحبش جى مالا جى بسيف
راكي تمعني ولا واش هههههههههههههه​

جدو هاد موضوع بين خيال و حقيقة هههههههههه يتما رانى نمعنى بصح متقول للحتى واحد لالا مارانيش نمعنى رانى نتخيل لوكان جيت ولد واش ندير