كيفاه كنتو والان كيفاه راكم كي عدنا لدارنا

السلام عليكم
الحمد لله كي رجعتلنا لمتنا من جدبد
والله سماطة بلا اللمة
الحمد لله كي رجعت هادا مانقولو
مرسي اختي
 
السلام عليكم أحباب اللمة....والله اشتقت لتصفح الموقع....كل يوم كنت نضرب عليه طلة
سجلت في منتيات أخرى بصح ما علاباليش..ما لقيتش روحي...حسيت روحي ضيفة عليهم
الحمد لله على رجوعها و أن شاء الله
معا يدا بيد سنرتقي بها
تحياتي
​
 
السلام عليكم جميعا والحمد لله على كل حال لان الجميع بالف خير وبصحة جيدة
انا كنت مشوشة بعدمالقيت احبابي واهلي رجعت لقيت روحي وحدي والله عمبالي
الخلل من عندي بصح كي عرفة بلي نعاودو نرجعو ونتلاقاو والله فرحت والحمد لله
على كل شي وشكرا لكي اختي الغالية.....................................................
 
الحمد لله على العودة الميمونة​
 
سعدنا بعودة كل افراد الاسرة الكريمة الى بيتها الذي نتمنى ان يبقى بحول الله دائما سرحا للقاء والمعرفة ... هي العائلة والمحبة والاخوة
 
آخر تعديل:
باسم الله الرحمان الرحيم

الحمد لله والشكر لله على عودة المنتدى للظهور

فعلا رانا حاسين شغل واحد يتنفس مليح اومبعد ولا ازماتيك
مي دروك الحمد لله
 
السلام عليكم جميعا أخواتي وإخواني أعضاء هذه اللمة الطيبة
الحمد لله على هذه العودة الميمونة لدارنا
وكل الشكر والتقدير لأعضاء الإدارة على مساعيهم ومجهوداتهم لإرجاع هذا الصرح الجزائري الجميل.
وأتمنى كل التطور والرقي لهذا المنتدى الطيب بصحابو.
​
 
انا نقلكم الصح
انا اللمة نعتبرها داري
كي نكون تعبان من العمل نجي نريح فيها
نجي نتثقف فيها
و نتلاقا مع احبابي فيها
و كي غابت ضعت و مالقيت ما ندير
علابالي بلي الانترنت بحر و فيها كل شيء
مي كي كنت ندخل لل النترنت ما كونتش نعرف واش ندير بلا اللمة
ان شاء الله تبقى معانا الى الابد
و شكرا لك عفاف
و بارك الله فيك​
 
اليوم الاول قلنا بلاكـ السيرفر وجعو راصو و دركـ يرجع .. قعدت نسنى ( والو )

اليوم التاني كيف كيف قلت بلاكـ صيانة من قبل الإستضافة .. و قعد نسنى قلت بلاك يرجع مع لعشية ( والو )

الوم الثالث كيف كيف ... في هذي بديت نتقلق و خاصة انه لا املكـ نسخة حديثة لمحتويات مواقع الشبكة و انما احدث نسخة كانت عندي تعود لشهر نوفمبر 2009 ، بعدها بدئت الاتصالات مع الاخ محمد الشيخ (4algeria) صاحب الشبكة و تبين بعدها انه يملك نسخة بتاريخ 8 فيفري 2010 ، اطمأنت قليلا و لكن في قلبي حصرى لضياع مجهود و تعب لاكثر من اسبوعين .

و عد الاطمئنان عن النسخة فكرنا في حجز إستضافة و لكن امنياتنا جعلتنا نتريث في حجز إستضافة جديدة و نقل النسخة القديمة اليها و التي بحوزت محمد ( 4algeria ) فقلنا عسى و على ان ترجع اللمة كما فارقتنا دون نقصان ..

و لكن مرت الايام و تأزمت الاحوال و خاصة ان صاحب الشركة القديمة لم نجد منه اي رد او استجابة في محاولاتنا الفاشلة للاتصال به و الاستفسار عن الاسباب ..

و مع هذا بدئنا التفكير بإجاد استضافة تؤوينا و تستقبلنا و تكون ذات مصداقية و كفاءة .. بحثنا كثيرا وجدنا بعض الاستضافات و لكن ما اخرنا هو صعوبة الدفع ... لا من ناحية السيولة و إنما من ناحية طرق إصال المبلغ و التي كثيرها لا تتوفر في بلادنا هذا اذا ما اردنا حجز استضافة اروبة لانها تعتمد على visa card كطريقة سهلة و اسرع .. عموما في النهاية رسينا على شركة العنكبوت الليبي ( شركة ذات سجل تجاري و مستظيف للكثير من المواقع الحكومية الليبية ) ... ففتحنا استضافات خاصة بمواقع الشبكة ... و بدء بعدها العمل على تحميل الـ backup ... و هنا واجهتنا مشاكل في التحميل و خاصة ان حجم الملف المضغوط 1.6Go ... فضهرت هنا مشاكل في الاتصال بالانترنت الرديء و كأن شاءت الاقدار ان تنزل المشاكل و الصعاب فرادة و مرة واحدة ... و بعد عدت محاولات رفعت النسخة ... و بدأ العمل في تجهيز الشبكة ... و ها نحن البارحة نعاود فتح الابواب لكل عاشق مجنون لمنتدى اسمه اللمة الجزائرية


و انا عن نفسي .. تجدني تارة في الفايس بوك و تارة عند الاخ احمد اخوه لفريد مراقب المنتدى و تارة في ترايدنت العربية ... بالعربي متنقل على الدوام و لم اجد منتدى كاللمة الجزائرية رغم الغزو الرهيب من قبل المنتديات للشبكة العنكبوتية


فمرحبا بيكم من جديد
 
توقيع Fethi.dz
الحمد لله ربي شايفلنا فيها الخير وشايفنا متعلقين بيها بزاف واناعن نفسي ما قدرتش نفارقها الحمد لله ما خيبش ظننا في انها ترجع وهذا الفضل الاول لله سبحانه وتعالى والفضل الثاني يرجع ليكم انتم فعلا تستاهلو كل خير ربي يعطيكم ما تتمناو
​
 
بارك الله فيكي معك كل الحق ونتمنى ان تضل هده الصفات متأصلة بنا وبكل اعضاء اللمة الجزائرية
وبكل الجزائريين والعرب والمسلمين
 
واله غير كرهت وكرهت الميكروووووو كامل صح حسيت بلي انا مدمن على منتدى اللمة الغالي
ملول عمابلي النت عندي ناقصة ومبعد تحلبت بلي المنتدى مغلوووووق
كرهت النت كامل ومبعد سيت الموقع جاتني رسالة سوف نعود عما قريب فرحت بزااااف بزااااف
واليوم مفهمت والوااااااااا كي تفتح المنتدى
فالف مبروووووووووووووووووووووووووووووووك على اعادة فتح المنتدى
نشكر كل من ساهم في اعادة افتتاحه
 
الحمد لله كي رجعت اللمة الزينة
 
الحمد لله على عودة اللمة الغالية​
 
شكرا لكم جميعا على مروركم بموضوعنا هاذا شكرا اختي ايمانو اخي كمال اخي نبيل اختي وردة فواحة
​
 
والله صراحة ندخل نلقاه مكانش تجي واحد الكتيبة تقول معطل ومعارف ....المهم نكره حياتي
واليوم الحمد لله رجعنا مرة اخرى
​
 
توقيع عاشقة الكرة
كان شعور جميل، واصبح الان شعورا جميلا :biggrin:​
 
الحمد لله كي رجعتلنا المهم شكرا على مرورك اختي الكريمة عاشقة الكرة واخي هشام وليد بلادي
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

K
كيفاه راكم مستعدين معا رمضان
2
المشاركات
24
المشاهدات
2K
*ليديا*
ل
العودة
Top Bottom