واش هذوا النسا يا لطيف ........ربي يستر

[Mr mino]

هههههههههههههههههه حاشا مش gاع
​

ههههههههههههه

حتى انت راضية لازم نفهمك

ها مرانيش على النسا كامل الموضوع راه باين على من نحكي

ههههههههه

تيقرتوني بهذي كلمة ماتعممش


​

 

[Mr mino]

هههههههههههه نستعرف بيهاااااااا هو علاه يسرق فيهااااااا بلاك مسرقتش وسيف باه نحمو انفسنااااا
نقولك حاجة انا شاركة في الموضوع باه نربح رحة بلااااااااااااااااااااااك...تقبل مروري​

ههههههههههههه

زيدي انت ستعرفي بيها هذيك هيا تولي ترفد الاربيجي 7 ماشي غير السيف

ههههههههههه

ايه للتشاد راكي من اللي راح يروحوا ان شاء الله

وتاني تروحي وماتوليش تبقاي ثم

هههههههه


​

 

[انتصار*]

وحكايةles papiers جازت على خير ولا حتى في البلدية جبدولك سيف
موضوع للتنبيه حملة ذات منفعة عامة .​

 

[سمسوم]

شا راه صاري لهنا شا راه صاري ؟؟؟

انعم ؟؟؟

عضوة جبدت السيف لمينو ؟؟؟؟

الا قلتلك يا مينو احرز مع روحك

قلتلك راهم يخيطوا عليك


​

 

[beautiful -soul]

بسم الله الرحمن الرحيم ​

sــــلام عليــcom

وعليكم السلام ورحمة الله تعالى وبركاته​

كيف حالكم وأحـوالكم وباغي نعرف لامـارك تـاع جالكم​

بـاش نـدير بـحالكم ونولي شبـاب وبوقوص كيمـا جاركم​

آ لا يكدب عليك جاري مش بوgوس
مي ماشي خسارة ادا حبيت نسقسيه ​

كي راكم دايرين ؟؟؟​

دايرين كالرهج حاشاك ههههههه​

هانيين ؟؟ مريحين ؟؟ مديــgـــوتين ؟؟ كارهين ؟؟​

خيروا وحدا من الربعة ​

انا ميلونج منهم gاع يعيشك ..
ونتا كيراك داير ؟؟​

المهم انا راح ندخل في الموضوع علبالي راني بديت نصماط ونولي كيما الرهج ​

لا ماشي كالرهج سكر مالح برك
ليوم راح نحكي في موضوعي هذا على واحد الحاجة صراتلي ليوم الصباح ​

ايا ليوم نضت الصباح على ربي عولت ان شاء الله نفري وحد les papiers ​

محتاجهم في دوسي تع حرقة .​

المهم ايا ستيكيت روحي بيان وخرجت رحت تقهويت ايا وممبعد ديماريت ديراكت نفري ​

صوالحي ايا وانا ماشي في طريقي عمبالك انا في طريقي كي نجي طالع لاميري لازم ​

نفوت على وحد الرود فيه الغاشي والكثرة اللي فيه نساء ( هو يعني كاين طريق اخرى ​

مي انا نبغي هذيك الطريق اكم عارفين علاه )

وي علابالنا كشما تصايد في الطريق
....هادي حاجة باينة !
المهم وانا نمشي ايا نشوف في الغاشي ​

بزاااااف ملمومين اووووو حرت انا قلت والله نروح نشوف شا كاين فضول برك اه ايا ​

لحقت للبلاصة اللي فيها الغاشي مافهمت والو نشوف في وحد السيد يعيط والغاشي يهدي​

فيه وهو مربب خلاص ومن جهة خلاف كاين وحد لمرا هيا ويشيرصغير مانعرف بنها ​

مانعرف واش يقربلها ايا انا مافهمت والو سقسيت وحد السيد واقف مساميا ​

قتله حمبوك قلي شا صرى ؟؟؟​

فاصل ونعود ​

وش نكره انا لي بيبليسيتي :cursing:​

**************************************​

​

​

**************************************​

عدنا ​

وين كنا ؟؟؟​

ايه ايا منين سقسيت السيد اللي مساميا​

قالي شت هذيك المرا اللي لهيتا ويقصدلي في المرا اللي قلتلكم عليها​

قتله واه​

قالي سرقت للسيد هذا صوالح من الحانوت تاعه​

قتلو هذا مكان السرقة برك راهي بارتو​

قالي استنى المشكل ماشي لهنا​

قتلو وين راه المشكل​

قالي المرا هذيك كي قلها السيد راكي سرقتيني جبدتلو سيف من الساك تاعها وقاتلو واش​

راك تسرق فيا​

اوووووووو​

علبالك هو قالي جبدتلو سيف وهو ضربني

ماس 380 فولط

والله تقول فيلم هندي انتاع الصح ...هههههه

قتلو هاذيك لمرا جبدتلو سيف ؟؟؟​

قالي واه ​

قتلو احي نندب وين لحقت بينا يا لطيف ​

مرا تجبدلك سيف هههههه وتشركك تشرحك تشراح ​

يا يمااااااااااااا​

عبالك احنا الراجل اللي يسرق ويقتل نقولوا عليه مجرم ​

والمرا واش نقولوا عليها ؟؟؟​

تقول مجرمة عيب امرا مجرمة ؟؟؟​

وانا نقول علاه كاين بنات عدهم ساكات كبااااااااااااار تقول كابة ​

وهوما راه فيهم السيوفة !!!
هههههه لا يا خويا انا مسالمة عندي ساك كبير تدخل فيه انتا
مي مافيهش الاسلحة البيضاء
...​

مليحة ولينا يثرب وسيف ابن الوهاج ​

انا اللي محيرني المرا هذي اللي جبدت السيف تشوفها ملاك ومعاها يشير صغير ​

ماتديهاش فيها الا هاذي كريمينالة ​

ولات الحالة تخوف اه قادر يغدرك راجل وقادر تغدرك مرا السيف ولا عندهم في زوج ​

كيما البارمي ​

يخي مجتمع كيفاه خسر يخي ​

ربي يجيب الخير برك
ان شاء الله ...
في وقتنا هادا
كيما يقولو لي خاف سلم ...​

الحافظ ربي سبحانو ​

سبحانو

المهم يا جماعة انا بغيت نفهم ​

" واش هذوا النسا يا لطيف ؟؟؟ "​

يسموهم الجنس اللطيف هههههههه

ايا مالا​

تهلوا في والديكم مليح مليح تربحوا منهم دعوة الخير​

ايييييييييييييييييييه يا خويا على الوالدين ...

وربي يهدينا ويصلحنا ان شاء الله .​

ويهديهم معانا ان شاء الله

هذا الموضوع برعاية ​

عرض خاص ​

شارك في الموضوع واحصل على رحلة للتشاد واستمتع بالمناظر الخلابة مجانا ​

عرض صالح لغاية ​

آخر رد ​

آبون ...امالا شوفلنا ربي يخليك رحلة ل10000000 شخص

ايا على خير اي ​

تربحوا ​

خلاصو الدراهم صايي ......
...
تحياتي ليك خويا
وشكرا على الموضوع
...تقبل مروري
سلام...

​

 

[Mr mino]

المرة الجاية اللعب بلكلاش
ههههههههه
​

هههههههههه

المرة الجاية تيري عليه نوووووووووووووووورمال


​

 

[oussama_ess1]

واش تحب خويا في هاذ الزمان تلقى كلشي
​

لي jamaisصرات تصرى

 

[beautiful -soul]

وانا شكيت في هذي سفاحة لا هي مرا ولا هي مافية ​

لا المافية ماتعملش هك خاطيها
...اكيد سفاحة انا نقولك ...
هههههه​

 

[Mr mino]

علابالك نتا كاش نهار تدي كاش دربة تاع طالون ايغوي على راسك.......
المرة الجاية كبر الكتبة شويا راني بسيف باش قريتها.....فاصل و نعود نجاوبك......

[/center]

ههههههههههههههه

ندي ضربة بالطالون ومانديش ضربة بالسيف

هههههههه

ها سندرين هذا الخط راه متفق عليه انترناسيونال مانجمش نبدلو

لازم انت تبدلي عينيك هذا هو الحل

ههههههههه

راني نقارع بعد الفاصل


​

 

[قمر الدنيا]

لاه صباع يدك كامل كفكيف ربي يسترنا

 

[بنـ MaPa ـت]

عدنا
واش نقولك عس غير روحك ياخويا و الله يهدي هاد لقوم للطريق الديراكتية ههههه.....يطيك الصحة اني نجي وندرب فيها لة شويا هاكدا.....سلآآام..​

 

[وردة رمال الصحرا]

وانا نقول علاه كاين بنات عدهم ساكات كبااااااااااااار تقول كابة

وهوما راه فيهم السيوفة !!!

هذي وحدها ا
نحكيلك حاكاية: هذو جماعة تع نسا كانو ف ورقلة يطبطبو على الديران ف الوقت لي يكونو فيه الاولاد يقراو والراجل يخدم...أيا و يجيبو معاهم الفشفاشات لي يدوخو....صرات غي العام الي فات و سرقو شحال من دار...المهم وصل الخبر لواحد المرة ...قالتهم مالا انا نشري فشفاشة ...غير هوما لي يفشفشو؟؟؟؟
يعني المرأة حبت تزاحم الررجال ف كلش حتى ف السرقة و السيف

 

[بنت الزيبان]

والله الدنيا ولات صعيبة وتبالي كامل نهزو سيوف بلاك ربي يحفضنا والله باش توصل مرا تهز السيف اكيد شعور رهيب بعدم الامان ولما توصل انها تسرق معناها راها قريب تموت بالشر خاطر وضعها مش طبيعي ياخاه راها مرا ومتعرف تدير فيها والو حتى لو هزت قنبلة نووية بويسك الخوف والضعف غريزة فينا المهم انا ياخويا صاحب الروح الخفيفة لازم تحير في وين وصل المجتمع نتاعنا الي خلى مرا تتجرد من انوثتها باش تحافظ على روحا سواء من الجوع او عدم الامان
اكيد رح تحرمني من رحلة تشاد وتبعثني للصومال بلاك نشوفلك مشاكل مجتمعهم

 

[Mr mino]

جبدلته سيف hmy: hmy: hmy: hmy: hmy: hmy:

ضربني وبكى وسبقني وشكى :confused1: :confused1:

هذيك هيا يا بعد


​

:crying: :crying: :crying: :crying: مابقى امان

مابقاش لمان في بحر .....خلي برك

​

انا تاني وحد المرة شفت مراة سرقت

والناس ملمومين

بصح ماجبدتلهمش سيف :confused1: :confused1:

مالا عاقلة على هذي اللي حكيت عليها
​

ربي يستر

آمين اجمعين
​

الواحد يمشي في ارض ربي وهو خايف hmy: hmy:

ويا مينو هادي مراة ودارت هاك

فما بالك بالرجل :glare: :glare:

ايييييييييييييي الراجل قدام هذي يولي يبان مسكين

هذي جن هذي
​

مشي تجيب جانب وتخبي الجانب الاخر

ههههههههه مام الرجال يرفدو السيوفة مي احنا ماشي بيزار

نرفدوهم هكا هوما الرجال

مي مرا !!!!!
​

موضوع معاش بالواقع

ههههههههه

لا لا من الاحلام

​

وكيما قلت

ربي يقدرنا على طاعته وطاعة رسوله عليه الصلاة والسلام

عليه الصلاة والسلام

هذيك هيا الصح
​

وعلى رضى الوالدين

ان شاء الله آمين
​

الله يهدينا

ان شاء الله يا رب

مارسي ليك ايمان على المرور ربي يخليك

وتحياتي ليك


​

 

[قَطٌر❀ الٌنَـدَى]

صح تكون كاينة مي صباع يديك ماشي كيفكيف

 

[هــــيلدا]

بسم الله الرحمن الرحيم

sــــلام عليــcom




كيف حالكم وأحـوالكم وباغي نعرف لامـارك تـاع جالكم

mega:angel_not:
بـاش نـدير بـحالكم ونولي شبـاب وبوقوص كيمـا جاركم

إذا راح تولي كيما جارنا ننسحب


كي راكم دايرين ؟؟؟




هانيين ؟؟ مريحين ؟؟ مديــgـــوتين ؟؟ كارهين ؟؟




خيروا وحدا من الربعة

مديــgـــوتين



المهم انا راح ندخل في الموضوع علبالي راني بديت نصماط ونولي كيما الرهج

:angel_not::angel_not:
ليوم راح نحكي في موضوعي هذا على واحد الحاجة صراتلي ليوم الصباح

ايا ليوم نضت الصباح على ربي علا قداش نضت سع عولت ان شاء الله نفري وحد les papiers

محتاجهم في دوسي تع حرقة .
خي قتلك كاشما كان وراقي كامل قولي نفريهملك
ياك علابالك بحكايتي والبلديات
المهم ايا ستيكيت روحي بيان :angel_not::angel_not: وخرجت رحت تقهويت ايا وممبعد ديماريت ديراكت نفري

صوالحي ايا وانا ماشي في طريقي عمبالك انا في طريقي كي نجي طالع لاميري لازم

نفوت على وحد الرود فيه الغاشي والكثرة اللي فيه نساء ( هو يعني كاين طريق اخرى

مي انا نبغي هذيك الطريق اكم عارفين علاه :confused1::confused1::confused1::confused1: علاه:confused1 المهم وانا نمشي ايا نشوف في الغاشي

بزاااااف ملمومين اووووو حرت انا قلت والله نروح نشوف شا كاين فضول برك اه ايا

لحقت للبلاصة اللي فيها الغاشي مافهمت والو نشوف في وحد السيد يعيط والغاشي يهدي

فيه وهو مربب خلاص ومن جهة خلاف كاين وحد لمرا هيا ويشيرصغير مانعرف بنها

مانعرف واش يقربلها ايا انا مافهمت والو سقسيت وحد السيد واقف مساميا

قتله حمبوك قلي شا صرى ؟؟؟


التقريع والتبرقاق:glare::glare::angel_not:

قالي شت هذيك المرا اللي لهيتا ويقصدلي في المرا اللي قلتلكم عليها

قتله واه

قالي سرقت للسيد هذا صوالح من الحانوت تاعه
:scared::scared::scared::scared: مرا سراقة يالطيف
قتلو هذا مكان السرقة برك راهي بارتو

قالي استنى المشكل ماشي لهنا

قتلو وين راه المشكل

قالي المرا هذيك كي قلها السيد راكي سرقتيني جبدتلو سيف من الساك تاعها وقاتلو واش

راك تسرق فيا

اوووووووو

علبالك هو قالي جبدتلو سيف وهو ضربني ماس 380 فولط

اوووو وشي هدا راها لحقتني لاماس حتا هنا

خلايا سرقت وزادت:scared::scared: ربي يهدينا والله
قتلو هاذيك لمرا جبدتلو سيف ؟؟؟

قالي واه

قتلو احي نندب وين لحقت بينا يا لطيف

مرا تجبدلك سيف هههههه وتشركك تشرحك تشراح

يا يمااااااااااااا

عبالك احنا الراجل اللي يسرق ويقتل نقولوا عليه مجرم

والمرا واش نقولوا عليها ؟؟؟

تقول مجرمة عيب امرا مجرمة ؟؟؟


عيب والله عيب
متحشمش بخصت بالنساء:sneaky2:
وانا نقول علاه كاين بنات عدهم ساكات كبااااااااااااار تقول كابة

وهوما راه فيهم السيوفة !!!
هههههه مينو اخطانا مشفتش سيكاني انا
قالو للكابة أقعدي هنا

بصح الحمد لله منهزش سيوفة نهز سبابط برك:angel_not:


انا اللي محيرني المرا هذي اللي جبدت السيف تشوفها ملاك ومعاها يشير صغير

ماتديهاش فيها الا هاذي كريمينالة

ومعاها بنها شوف كيفاش تعلم فيه السرقة من الصغر بخايص:sneaky2::glare:
ولات الحالة تخوف اه قادر يغدرك راجل وقادر تغدرك مرا السيف ولا عندهم في زوج


" واش هذوا النسا يا لطيف ؟؟؟ "




واش نقولك
ربي يهدينا ويبعدنا علا هاذ الطريق
ولاو النساء ضرك كيما الرجال
عيب والله مبقاتش حاجة اسمها انوثة
تخلط الحابل بالنابل ربي يستر وخلاص




عرض خاص

شارك في الموضوع واحصل على رحلة للتشاد واستمتع بالمناظر الخلابة مجانا


مبغيييييتش التشاد:sneaky2::sneaky2::sneaky2:

بغيت قرعة زيت:angel_not:



​

ايا على خير اي

 

[بنـ MaPa ـت]

هذي وحدها ا
نحكيلك حاكاية: هذو جماعة تع نسا كانو ف ورقلة يطبطبو على الديران ف الوقت لي يكونو فيه الاولاد يقراو والراجل يخدم...أيا و يجيبو معاهم الفشفاشات لي يدوخو....صرات غي العام الي فات و سرقو شحال من دار...المهم وصل الخبر لواحد المرة ...قالتهم مالا انا نشري فشفاشة ...غير هوما لي يفشفشو؟؟؟؟
يعني المرأة حبت تزاحم الررجال ف كلش حتى ف السرقة و السيف

والله غير مليحة هادي تاع الكليموجان كاش نهار نسييها تبانلي فكرة هايلة مي اللولة نسييها على مينو....صحيتي​

 

[جزائرية حتى الموت]

ايا على خير اي

هيلدا

انا كريتها عليه هاد العبارة

وراني خلصته فيها

اموال طائلة :glare: :glare:

جميع الحقوق محفوظة للي كراتها

 

[radia yoyo]

16 (11 عضو و 5 ضيف)
حتى الزوار ياخويا معرفة gادرة ههههههههه
​

 

[جزائرية حتى الموت]

16 (11 عضو و 5 ضيف)

حتى الزوار ياخويا معرفة gادرة ههههههههه ​

راني عارفة شكون هاد الزوار

هادي غير مريم البريكية :lol: :lol: