للرجل حلال عليه والمراة حرام عليها

[مسامعية]

لا يااختي ماشي الكل
كاين ولاد الفاميليا لي كي يعرف مرتوعاقر يبقى معاها وللابد تان
وانا عندي احسن دليل
عمي مرتو ماتولدش ونورمال مازال لحد الان معاها و فيدال وتكفلو بزوج ولاد ورباوهم و عادي

و قلتي النساء كي يعرفو ازواجهم العيب منهم يبقاو معاهم طبعا ماشي الكل اكيدددددددددددد وعلى العكس يطلبو الطلاق بدون اي شعور بالذنب
وفي هاد المسائل مانقدروش نعمو و نقولو هوما هكدا و حنا هكدا
لان الكل واخلقياتو وكل ومبادؤه

والناس ماشي كامل كيفكيف

 

[رانيا التلمسانية]

حاجة باينة.احنا ديما ننحgروووفالتالي يقولو حقوق المراة.

 

[souhila_95]

الرجال نكارين الجميل ومعندهمش الوفاء كيما المرا

 

[JSK 14 CH]

اييييييييييييييييييه الحياة واوامرها

 

[messikimo]

راكي غالطة في الأولاد
حتى هم فيهم الحنانة​

 

[SARA_BRAHIM]

والله موضوع هادف بارك الله فيك
يعطيك الصحة
وهذا شي نشوفوه ونسمعو بيه ونعيشوه بزاف والله كلامك 10/10
​

 

[مكسورة]

شكرا لكي.................
​

 

[مهدية 11]

ببساطة لان الرجال خداعين

 

[fahima m]

هذا دليل على ان المراة وفية اكثر من الرجل
شكرا على الموضوع القيم​

 

[The.Legend]

مش كل الرجال هكذا كاين الخاين وكاين الوفي وفحل لي يكون معاها مهما صرا ... كيما انا هههه
وكاين في الدنيا الخاينات والخاينين مش الرجال برك

والطيبون للطيبات ​

 

[Cow-boy]

حتى في ردود البنات لاحظت بلي الحنانة خارجة منهم عكس الذكور الي كلهم خشونة في تعاملهم وكلامهم

وعلاش ذكورا مالا ؟

 

[Cow-boy]

و عليكم السلام و رحمة الله

انا واحد من الناس موحال و ماتجينيش نزوج عليها كون نعرف روحي راح نعيش ميت
+
ربي حلل 4 كاين الي حاب يجيب ذراري من حقو يزوج
+
كل واحد و كيفاش تخمامو و حسب ما راني شايف 50 بلمية من الرجال سيرتو ليزالجيريان
ما يفرطوش في مداماتهم



السلام عليكم ​

 

[narmine]

انا في الحق اقول انمي عممتي فهنالك رجال يضلون معها الى الابد مع انها عاقر وايضا هنالك نساء يطلبو الطلاق ايضا على ما يعرفو انو عاقر في هذه الدنيا هنالك الجيد والسئ ووعلينا ان لا نحكم على الجماعة من واحد فقط​

 

[asma_10]

صراحه والله اجمل موضوع نحيك اختي امينه نقولك حاجة من الردود راكي شايفة غير البنات لى ردوا وينهم الشباب و لا الرجال المستقبل يعنى انا نقولك المراة كلها حنان و وفاء للرجل زيد ماشي برك تصبر تواسيه تقولوا نورمال هدا مكتوب ربي المراة كلها حنه و رقه اما الرجل نقولك والله من لى شفتوا كلو خشونه و قسوه و استغلال صراحه انا نقول انقرضوا الرجال تاع الرجوله الحقه لى يعرف قيمه المراة و هادو هم الرجاله ربي يهديهم و يهدينا تانى احنا ​

 

[asma_10]

مي تانى كاين و كاين صراحه اختي هدا مكان
​

 

[رضوان40]

موضوع في غاية الروعة شكرا لك

 

[وهج الصحراء]

المراة تعمل المستحيل باه نحافظ على زوجها ودرها بصح الرجل تمتم يخزن العشرة

 

[dana1993]

السلام عليكم
الصح الصح الرجل دائما أناني في تصرفاته خاصة مع المراه *ماشي كامل الاغلب*
الزوجة يكون عندها وفاء واخلاص و كي تسمع بخبر كيما هكا صح تكونلها صدمة مي تحاول توقف جنبو
مي هو يسمع يبعثها لباباها تلحقها ورقة الطلاق و صايي خلصت العشرة
يجيب غيرها وفرات
مرسي ختيتو على الطرح

 

[AWDIESL]

tout simplement المرا ما تحبش تتسمى مطلقة.........علابالها صعيب في وقتنا يقبلوا مرا مطلقة..................هادي هيا ...هو الراجل و هيا مرا..........ماشي كيفكيف

 

[chemssou007]

الأمور ليس بهذه الرومانسية،،،°
فربمـا قد كان هذا يحدثـ زمان وقت كانت الرجل تحترمـ الرجل و تخشى عليه لأنها تحبه سواء كان عاقر أمـ لا؟؟°°
صحيح الرجل له حق الزواج من أربع و الشرع يبيح له الزواج من أخرى ان كانت الأولى ما جيبش ذراري،،،°°
لكن حتى الزوجة عندها الحقـ تطلب الخلع و هذا أيضا مباح شرعا،،،°°
لذلك ساهلة الراجل أو المرا كي عود واحد فيهمـ ما يجيبش الذرية أي واحد منهم يقدر الانفصـالـــ،،،
و كما قلت هذه الأشياء كانت زمان الآن في عصر السي بوتفليقة أصبحت للمرأة كل الحقوق و أصبح الراجل في الجزائر°° °°في عهدة من يحوس على الرابعة "نشافة" تدوس عليه زوجته قبل أن تدخل منزلها،،،،
أصبح هناك أطباء مختصين في هذا المجال فلامجال للاتهام أن هذا و لا هذي لي السبة فيها يروحو للطبيب و يشوفو،،،،°°
°°و لكل واحدة عندها ضروفها علاه ما تخليهش ،،،
واحدا عندها الضيق و المشاكل في عائلتهم تقولك نقعد مع راجلي أرحم °°
°°و حدا فات عليها train تاع الزواج تقولك نقعد مستورة خير،،،،
و حدا تقولك نسترو و نبقا معاه بصح لازم يخليني ندير غرضي،،،°°
°°و وحدة تقولك أنا نحبو في المليحة و الحايرة و راجلي و يستاهل كل خير،،،
هذا كله واقع معاش مش من عندي انا°°​