- إنضم
- 19 جويلية 2007
- المشاركات
- 10,901
- نقاط التفاعل
- 164
- النقاط
- 319
- العمر
- 32
- محل الإقامة
- العدم
- الجنس
- ذكر
السلام عليكم , خوتي ليوم راني جاي نحكي على حاجة خفيف ضريف
و هي كلمة (( زبال )) لوقتاش نبقاو نستحقرو بالخدمة هاذي ؟
الواحد لي عندو باهباه يخدم زبال تسقسيه تقولو واش يخدم باباك ؟ يقولك شوماج
و ما نلوموش خطراش الناس مدية نضرة مش مليحة على الخدمة هاذي
مي ما نلوموش نلومو البلديات لي مرمدين عمالهم و مطيحيلهم قدرهم
تشوف الخدامين في نفس المجال في بلدان أخرى , و الله تلقاهم propre
خير من أساتذة تاعنا هنا
المهم خلينا من الهف هذا , الشي لي كتبت على جالو الموضوع
هو كلمة زبال في حد ذاتها ..
كي نجيو نشوفو نلقاو بلي حنا الزبالين و هو اللي ينظف زبلتنا
يعني لي راك تقرى في الموضوع أنت زبال و المتحدث زبال و قاع زبالين
و الوحيد لي منع هو عامل النظافة ,,
اييه هاذاك اللي تلقاه متعنقش في كاميو طول النهار من مدينة لمدينة
واش بغيت نوصل يا خوتي ما تستحقروش بالخدمة هاذي خطراش في البلاد لازم يكون
عامل النظافة كيما لازم يكون الماصو و كيما لازم يكون المدير ..
بزيادة اللي خدم الخدمة هاذي أعرفو بلي ضروفو قدها قد الحال
و كان قادر يدير كيما شي ناس قلوبهم باردة يبعث ولادو يلمو الخبز اليابس ويبيعو
و لا يخدم بمرتو و بناتو , ولا يقلبها سرقة و لا و لا ولا ...
مي لا هو خير يطيح دوروه بعرقو و يخدم المجتمع بأضعف حاجة يقدر
و الهدرة لي قلتها على عمال النظافة نقولها على قاع باقي الفروع تاع العمل
اللي مستحقرين بيهم و السلام عليكم .
