لما تمشي في الشارع في دزاير 2010 تبقى توحد في ربي للحالة اللي وصلت ليها الشبيبة نتاعنا .
في شعرو راسم قلب وقي ذراعو قلب وفي التريكو قلب ولابس سلسلة فيها قلب وخلفية البورتابل قلب ودارني غنية اُه ياقلبي . . . .
ويدخل لمنتدى مثل اللمة تصيب الصورة الرمزية قلب والتوقيع قلب والمواضيع تشكي على القلب . ..
حتى يجيك مرض القلب اللهم احفظنا .
الشاب عاطفي ورومنسي
يحب عندو قلب رهيف واحساس خفيف وشعور هفيف حساس وكلمة صغيرة تجرحو ..
شوفو مستوى العاطفة والحب عندو .
ينوض الصباح عالعشرة يتكسل باباه المسكين ديجا راه خرج صرف المصروف وجابو فوق ضهرو والعرف يتصصب عليه ورجليه يصطرو عليه يمشي ويطيح .
صاحبنا حساس وقلبو رهيف بصح مع باباه
يلقى الوالدة ربي يحفظها في شغل الدار شقيانة موجدة الفطور يتكسل في صاحبنا في الكرسي ولا الفوتوي
يماااا اعطيني نفطر جيبيلي القهوة
اعطيني الما زيدي هاذيك حطي ارفعي يلقى القهوة بلا سكر يبدى يشنف ويعيط تقول هو اللي جابها
يخبط الطابلة وينوض يسب ويعيط ويكفر بالنعمة
صاحبنا حساس وقلبو رهيف بصح مع يماه
اختو مايصبح عليها تقول جان في الدار ميسقسيهاش واش تحتاجي واش يخصك اختي ميهدر معاها ميضحك معاها بورتو منين كان صغير كانت ديما هازاتو تلعب بيه وتضحك فيه
واذا كانت صغيرة في السن منحكوش هذاك معطاها سعدها الكفرانيات والضرب والعباط بلا سبة
خوها طول وعرض بصح دكتاتور وفرعون الهدرة معاه مستحيل . . .وبلا مانكمل لانو راح ندخلو في موضوع اخر .
صاحبنا حساس وقلبو رهيف بصح مع اختو
يفتح باب الدار وموراه يخبطو حتى تتزعزع يلقى جارو يخدم في حاجة وحاصل ومحتاج اللي يعاونو يشوفو من بعيد يحط الكيتمان في وذنيه لعراض
ويبقى ماشي صباح الخير ميقولهاش شغل عمى مشافوش .
صاحبنا حساس وقلبو رهيف بصح مع جارو
يفوت على فقير ولا متسول وهو عندو مصروف الجيب الصداقة متخرجش من جيبو عالعام مي الدخان والقهاوي والفليكسي وكل شيء يخرجو الصوارط بلا حساب
يشوف ولد صغير حفيان ولا شيخ يطلب في الخبزة ولا عجوز واقفة عند البولونجي ولا مسكين حاير في ماكلة ولا دواء لولادو بصح هو فايت نورمال
صاحبنا حساس وقلبو رهيف بصح مع الزوالي
مايعرف يهني اقارب مايعرف يعظم الاجر في ميت ما يعرف يوقف في الشدة ما يعرف وين صادة القبلة ميعرف قداش في المغرب من ركعة .مايعرف يذكر ربي ما يعرف يصلي على النبي .
ما يقادر كبير ما يعطف على صغير ما ينحي حجرة من طريق ما يبدع منكر ما يصلح ما يرحم ما يخلي رحمة ربي تنزل .ما يعاون جار ما يحمل حمل على عجوز ولا شيخ ما يرفق بزوالي ما يصدق على فقير ما يخفف على مسكين .
مايعاون باباه ما يداويه في مرضو ما يوقف معاه في عجزو ما يصبح على امو ما يحبها على راسها كي تلقالو يحسب الرعدة ضربت ولا الزلزلة رجت .
مايقضي ما يصرف ما يدخل للدار خبزة ما يخرج من الدار معروف .
يدحل للسيبار ويفتح منتدى اللمة
ويكتب اول موضوع
انا عاطفي
انا حساس انا نحب
وقلبي رهيف انا مجروح
وقلبي ميحملش
.
ويبدا يفستي ويزوخ علينا
وهو فوت نهارو كيما راني حكيتلكم .
اذا كان قلبك هاكذا ربي يجيبلو وقفة ونتهناو وتتهنى من العذاب اللي هلكتنا بيه .
ولما تتعلم تحب ربي والرسول و امك وابوك واختك وخوك وجارك
احكي على الحب وعلى العواطف
يقلك اللي ما ضاق الحب عمرو ولا يحب واللي ماضاق حب هاذو كامل اللي فاتو عمرو ولا يعرف الحب ولا معناه .
وتستاهل هاذي من عندي
في شعرو راسم قلب وقي ذراعو قلب وفي التريكو قلب ولابس سلسلة فيها قلب وخلفية البورتابل قلب ودارني غنية اُه ياقلبي . . . .
حتى يجيك مرض القلب اللهم احفظنا .
الشاب عاطفي ورومنسي
شوفو مستوى العاطفة والحب عندو .
صاحبنا حساس وقلبو رهيف بصح مع باباه
يماااا اعطيني نفطر جيبيلي القهوة
اعطيني الما زيدي هاذيك حطي ارفعي يلقى القهوة بلا سكر يبدى يشنف ويعيط تقول هو اللي جابها
يخبط الطابلة وينوض يسب ويعيط ويكفر بالنعمة
واذا كانت صغيرة في السن منحكوش هذاك معطاها سعدها الكفرانيات والضرب والعباط بلا سبة
خوها طول وعرض بصح دكتاتور وفرعون الهدرة معاه مستحيل . . .وبلا مانكمل لانو راح ندخلو في موضوع اخر .
يشوف ولد صغير حفيان ولا شيخ يطلب في الخبزة ولا عجوز واقفة عند البولونجي ولا مسكين حاير في ماكلة ولا دواء لولادو بصح هو فايت نورمال
مايعرف يهني اقارب مايعرف يعظم الاجر في ميت ما يعرف يوقف في الشدة ما يعرف وين صادة القبلة ميعرف قداش في المغرب من ركعة .مايعرف يذكر ربي ما يعرف يصلي على النبي .
ما يقادر كبير ما يعطف على صغير ما ينحي حجرة من طريق ما يبدع منكر ما يصلح ما يرحم ما يخلي رحمة ربي تنزل .ما يعاون جار ما يحمل حمل على عجوز ولا شيخ ما يرفق بزوالي ما يصدق على فقير ما يخفف على مسكين .
مايعاون باباه ما يداويه في مرضو ما يوقف معاه في عجزو ما يصبح على امو ما يحبها على راسها كي تلقالو يحسب الرعدة ضربت ولا الزلزلة رجت .
مايقضي ما يصرف ما يدخل للدار خبزة ما يخرج من الدار معروف .
يدحل للسيبار ويفتح منتدى اللمة
انا عاطفي
ويبدا يفستي ويزوخ علينا
اذا كان قلبك هاكذا ربي يجيبلو وقفة ونتهناو وتتهنى من العذاب اللي هلكتنا بيه .
ولما تتعلم تحب ربي والرسول و امك وابوك واختك وخوك وجارك
احكي على الحب وعلى العواطف
يقلك اللي ما ضاق الحب عمرو ولا يحب واللي ماضاق حب هاذو كامل اللي فاتو عمرو ولا يعرف الحب ولا معناه .
وتستاهل هاذي من عندي
